A A A A A
हिंदी बाइबिल Mizo Bible

श्रेष्ठगीत 6



1

  I duhtak chu khawiah nge a kal tak: aw hmeichhia a laia mawi ber, khawi lamah nge i duhtak lam ang a let, keini'n kan zawnpui theihna'n che?

2

  Ka duhtak chu a chhuk ta, a huan hlo rimtui hmunah chuan, huanah a ran rual tlattir leh a lili par lawr turin.

3

  Ka duhtak ta chu ka ni a, ka duh tak chu ka ta a ni: a ran rual tlattir thin kha, lili par zingah.

4

  I mawi mang e, aw ka duhtak, Tirza iangin, i duhawm e, Jerusalem khawpui ang; puanzar khai pheisen rual ang, ka zuam lo che.

5

  I mit la tawh la, ka lakan hian, min hmin tawh em mai si hi. I bahsamin a iang kel chal hmul, i sam chu kel rual, Gilead tlang panga bawk ang a ni.

6

  I hate chu berampui rual bual zawh hlim ang chu a ni; an zaa kawppui nei theuhin, nei lo reng an awm lo, an zingah.

7

  I biangte'n theibuhfai phel an iang e, i hmai khuhna phenah chuan.

8

  Lalnu sawmruk leh hmei sawmriat an awm a, nula chhiar sen lohte nen.

9

  Ka thuro zawng pakhat a ni, ka sawiselbovi chu, a nu fanu neih chhun te, a hringtu en phal loh chu. Hmeichhiate'n amah an hmu a, nihlawh an ti; A ni, lalnu leh hmeite pawhin an fak thin.

10

  Tu a ni nge zing eng mawi ang lo lang kha, chhawrthlapui ianga mawi leh turni ianga chianga, puanzar khai pheisen rual ang, ka zuam loh chu?

11

  Thei pil sak hmunah ka zuk kal a, ruama thil chawrno en tur leh grep a kuhmum emaw, theibuhfai a par emaw en turin.

12

  Ammi-nadib tawlailirahte ka hriat loh hlanin mi lo dah, ka chakna chuan.

13

  Kir rawh, kir rawh, aw nang Sulam mi, kir rawh, kir rawh, ka thlir theihna'n che.Engah nge Sulam mi i thlir le, Mahanaim lama lam ang emin?

14

  Engah nge Sulam mi i thlir le, Mahanaim lama lam ang emin?

Mizo Bible
Copyright: Mizo ?