A A A A A
हिंदी बाइबिल Mizo Bible

सभोपदेशक 4



1

  Tin, ka han thlir leh a, ni hnuaia inhnehchhiahna zawng zawngte chu ka hmu a; tin, en teh, hnechhiaha awmte mittuite chu, thlamuantu an nei lo ve; anmahni hnehchhiahtute chuan thltihtheihna an nei a, anni zawngin thlamuantu reng an nei lo.

2

  Chuvangin mi nung la damte aiin mitthi thi tawhte chu awhawm ka ti zawk.

3

  Tin, anmahni ve ve ai pawhin lo la piang lo, ni hnuaia thiltih tha lo la hmu lo nih chu a tha zawk.

4

  Tin, thawhrimna zawng zawng leh themthiamna tinrengte hi thenawm elrelna vanga lo awm a ni tih ka hre ta. Hei pawh hi engmah lo leh thil lo thlawn mai a ni.

5

  Mi a chuan a kut a kuangkuah a, a intam hlum thin tih a ni a.

6

  A dik thei e, hahdama veikhat neih pawh hi buai philia thawka veihnih neih ai chuan a tha.

7

  Tin, ka han thlir leh a, ni hnuaiah chuan engmah lo a ni ka hmuh ni.

8

  Mi pakhat, mi mal tak a awm a, fapa emaw unaupa emaw pawh a nei hek lo; mahse, tawpintai awm loin a thawkrim a, a hausaknate pawh a mit tlaina khawp a ni hek lo; mahni nawmsakna chan khawpa tu tana thawkrim ka ni nge pawh a inti ngai hek lo. Hei pawh hi engmah lo mai a lo ni a, thil hrehawm tak a ni bawk.

9

  Pahnih chu pakhat ai chuan an tha zawk, an thawh chhuah that vangin.

10

  An tluk pawhin pakhat chuan a thian chu a khaiding dawn si a; mahni chauha awm kha erawh chu a chung a pik e, a tluk chuan khaidingtu tur a nei si lo.

11

  Chu lo pawh, pahnih chu an mut dun chuan an inngheng lum thei a, pakhat erawh chu mah maiin engtin nge a lum theih ang?

12

  Tin, amah maia awm kha chu miin hneh theih mah se la, pahnih chuan an lo dodal zo dawn ani hrui thum hrual chu a chat lawk lawk ngai lo e.

13

  Lal putar a tawh, thurawn dawngsawng duh lo ai chuan tleirawl rethei leh fing chu a tha zawk.

14

  Tan in ata chu lal turin a lo chhuak ani si a; a ni, ama ram meuhah pawh retheia piang ni mah se la.

15

  Ni hnuaia leng mi nung zawng zawngte chu lal aiawh tur tleirawl lampangah vek ka hmu a,Lalin chhiar sen loh chungah ro a rel thei e, mahse a hnuah chuan tumah a chungah an lawm lo. Hei pawh hi engmah lo leh thil lothlawn a lo ni ngei mai!

16

  Lalin chhiar sen loh chungah ro a rel thei e, mahse a hnuah chuan tumah a chungah an lawm lo. Hei pawh hi engmah lo leh thil lothlawn a lo ni ngei mai!

Mizo Bible
Copyright: Mizo ?