English
A A A A A
×
हिंदी बाइबिल Mizo Bible
Proverbs 4
1
Ka fapate u, pa zirtirna chu ngaithla u la, hriatthiamna chu hre turin ngaithla rawh u;
2
Zirtirna tha tak ka fah si che u a; ka zirtirna hi hawisan suh u.
3
Ka pa fapa ka ni a, ka nu fa, fapa mal duata duat ka ni a.
4
Min zirtir a, ka hnenah, "I thinlung chuan ka thute hi vawng reng se la; Ka thupekte hi zawm la, nung rawh," a ti a.
5
Finna nei la, hriat thiamna nei rawh; theihnghilh suh la, ka kaa thu chhuakte hi chhiat lam pansan suh.
6
Hawisan suh la, a humhim ang che; hmangaih la, a veng ang che.
7
Finna hi thupui ber a ni a; chuvangin fina hi nei rawh; a ni, i thil neih zawng zawng chan pawhin finna hi nei rawh.
8
Chawimawi la, anin a chawi sang ang che; i lawm chuan zahawmah a siam ang che.
9
Khawngaihna lukhum i lu a khumtir ang a, mawina lallukhum a pe ang che.
10
Aw ka fapa, ka thu ngaithla la, pawm rawh; tichuan i dam chhung kum a lo tam ang.
11
Finna kawngin ka zirtir chia, thatna kawngah ka hruai chia.
12
I kal laiin i pheichheh a zang ang a; i tlan pawhin i petek lo ang.
13
Zirtirna chu vuan tlat la, chhuah suh; vawng tlat rawh, i nunna a ni si a.
14
Mi suaksual kawngah chuan lut suh la, mi sual kawngah chuan kal suh.
15
Pumpelh la, a kiangah kal suh; hawisan la, kal zel rawh.
16
Pawi an khawih phawt loh chuan an mu ngai lo a, tute emaw tal chhiatna an thlensak loh chan an mut a chhuak thei lo.
17
Suahsualna chhang an ei a, nunrawnna uain an in thin.
18
Mi felte kawng erawh chu chhun en la tak pawha eng zual deuh deuh, eng fim tak ang a ni.
19
Mi suaksualte kawng chu a thim a, eng nge an chhuih an hre lo.
20
Ka fapa, ka thu ngaithla la, ka thu sawiah i beng dawh rawh.
21
I mithmuh ata chhuahtir suh; i thinlung lai takah pai rawh.
22
A hmutute tan nunna ani a, an tisa zawng zawng tan hriselna a ni si a.
23
Thil dang bera aiin i thinlung veng tha rawh, nunna lo chhuahna a ni si a.
24
Tawng chaltlai bansan la, mi bum ching suh.
25
I mitin hma lam en la, ngil takin hma lam thlir rawh.
26
I ke tan kawng tirualrem la, i kawng zawng zawng tihngheh ni rawh se.Ding lam emaw, vei lamah emaw peng suh; sual ata i ke sawn rawh.
27
Ding lam emaw, vei lamah emaw peng suh; sual ata i ke sawn rawh.
Proverbs 4:1
Proverbs 4:2
Proverbs 4:3
Proverbs 4:4
Proverbs 4:5
Proverbs 4:6
Proverbs 4:7
Proverbs 4:8
Proverbs 4:9
Proverbs 4:10
Proverbs 4:11
Proverbs 4:12
Proverbs 4:13
Proverbs 4:14
Proverbs 4:15
Proverbs 4:16
Proverbs 4:17
Proverbs 4:18
Proverbs 4:19
Proverbs 4:20
Proverbs 4:21
Proverbs 4:22
Proverbs 4:23
Proverbs 4:24
Proverbs 4:25
Proverbs 4:26
Proverbs 4:27
Proverbs 1 / Pro 1
Proverbs 2 / Pro 2
Proverbs 3 / Pro 3
Proverbs 4 / Pro 4
Proverbs 5 / Pro 5
Proverbs 6 / Pro 6
Proverbs 7 / Pro 7
Proverbs 8 / Pro 8
Proverbs 9 / Pro 9
Proverbs 10 / Pro 10
Proverbs 11 / Pro 11
Proverbs 12 / Pro 12
Proverbs 13 / Pro 13
Proverbs 14 / Pro 14
Proverbs 15 / Pro 15
Proverbs 16 / Pro 16
Proverbs 17 / Pro 17
Proverbs 18 / Pro 18
Proverbs 19 / Pro 19
Proverbs 20 / Pro 20
Proverbs 21 / Pro 21
Proverbs 22 / Pro 22
Proverbs 23 / Pro 23
Proverbs 24 / Pro 24
Proverbs 25 / Pro 25
Proverbs 26 / Pro 26
Proverbs 27 / Pro 27
Proverbs 28 / Pro 28
Proverbs 29 / Pro 29
Proverbs 30 / Pro 30
Proverbs 31 / Pro 31