English
A A A A A
×

हिंदी बाइबिल Mizo Bible

Proverbs 27

1
A tuk lama thil lo awm tur chhuang suh, chumi ni chuan eng nge a rawn chhuahpui dawn i hre si lo.
2
Nangma kaa infak loin mi dangin fak zawk che se la; nangma hmui ni lo, hmelhriat loh mi hmuiin.
3
Lung hi a rit hle a, tiau vaivut pawh hi a khin hle a; nimahsela mi ain mi an tihbuaina chu, chu mi pahnih ai pawh chuan a rit zawk.
4
Thinurna chu a rawng a, thinrimna chu a so a; mahse itsikna chu tu nge tuar zo awm?
5
Hmangaihna inthup ai chuan a langa zilhhauna a tha zawk.
6
Thian min hliamna chu a tak a, hmelma min fawhna erawh chu a der a ni.
7
Mi puar tan chuan khawithlar pawh a tenawm a, mi riltam tan erawh chuan thil kha zawng zawng pawh a tui a ni.
8
Mi a hmun vah bosan chu, sava a bu a thlawh bosan ang a ni.
9
Hriak leh rimtuiin rilru a tihlim thin angin, thinlung taka tanga lo chuak thian remhriatpuina chuan a tihlim thin a ni.
10
Nangmah ngeia thian leh i pa thian chu thlauhthla suh; i vanduai niin i unaupa inah kal suh; lam hla taka unau aiin lamhnaia thenawmte chu an tha zawk.
11
Ka fapa, fing la, ka thinlung tilawm rawh; mi sawi chhetute ka chhan theihna'n.
12
Mi fing chuan thil tha lo a hmu a, a biru thin a, mi mawl erawh chuan a tawn thin a, a tuar phah thin.
13
Hnam dang tan mawhphur tura inpe silhfen chu la la, ram dang hmeichhe tana mawhphurtua inpe chu hrengah hmang rawh.
14
Zing taka tho a, ring taka a thian malsawmtu chu, a tan anchhiaa ngaih a ni ang.
15
Khawcheng leh hmeichhe an hmang chu angkhat an ni;
16
Chutiang nu chu in khap bet thei dawn em ni? Thli huh beh leh hriak hum beh tum ang a ni.
17
Thirin thir a tihriam a, chutiang bawkin miin a thian hmel a tihriam.
18
Tupawh theipui kung nei chuan a rah a ei ang a, tupawh a pu rawng bawl chu chawimawi a ni ang.
19
Tuia hmel ngai ngai a lang angin mihring thinlung chu mihringah a lang.
20
Seol leh Abadan-in tawk tih lem a nei lo angin mihring mitin tawk tih reng a nei lo.
21
Tihthianghlimna bel chu tangkaraw tan a ni a, rawhtuina mei chu rangkachak tan a ni a, mihring chu a thil fak zawngah fiah a ni.
22
Mi a chu buh nen sumah sukin deng mah u la, a atna chuan a thlah lo ang.
23
I beram rualte awm dan chu hriat tumin taihmak chhuah la, i ran rualte chu veng tha rawh.
24
Sum leh paite chu chatuana tan a ni lo a; lallukhum chuan chhuan zawng zawng a daih em ni?
25
Hlobet chu an at a, hlobet no dep a lo lang a; tlanga hlobet an la khawm a.
26
Beramte chu i silhfena tan a ni a, kelte chu lo mana tan;Khawpkham tur kel hnute chu a awm ang a, in chhungkuaa eia tan, in nulate chawmnate nen.
27
Khawpkham tur kel hnute chu a awm ang a, in chhungkuaa eia tan, in nulate chawmnate nen.
Proverbs 27:1
Proverbs 27:2
Proverbs 27:3
Proverbs 27:4
Proverbs 27:5
Proverbs 27:6
Proverbs 27:7
Proverbs 27:8
Proverbs 27:9
Proverbs 27:10
Proverbs 27:11
Proverbs 27:12
Proverbs 27:13
Proverbs 27:14
Proverbs 27:15
Proverbs 27:16
Proverbs 27:17
Proverbs 27:18
Proverbs 27:19
Proverbs 27:20
Proverbs 27:21
Proverbs 27:22
Proverbs 27:23
Proverbs 27:24
Proverbs 27:25
Proverbs 27:26
Proverbs 27:27
Proverbs 1 / Pro 1
Proverbs 2 / Pro 2
Proverbs 3 / Pro 3
Proverbs 4 / Pro 4
Proverbs 5 / Pro 5
Proverbs 6 / Pro 6
Proverbs 7 / Pro 7
Proverbs 8 / Pro 8
Proverbs 9 / Pro 9
Proverbs 10 / Pro 10
Proverbs 11 / Pro 11
Proverbs 12 / Pro 12
Proverbs 13 / Pro 13
Proverbs 14 / Pro 14
Proverbs 15 / Pro 15
Proverbs 16 / Pro 16
Proverbs 17 / Pro 17
Proverbs 18 / Pro 18
Proverbs 19 / Pro 19
Proverbs 20 / Pro 20
Proverbs 21 / Pro 21
Proverbs 22 / Pro 22
Proverbs 23 / Pro 23
Proverbs 24 / Pro 24
Proverbs 25 / Pro 25
Proverbs 26 / Pro 26
Proverbs 27 / Pro 27
Proverbs 28 / Pro 28
Proverbs 29 / Pro 29
Proverbs 30 / Pro 30
Proverbs 31 / Pro 31