A A A A A
हिंदी बाइबिल Mizo Bible

नीतिवचन 15



1

  Chhanna nemin thinur a tikiang thin a, tawng huatthlala erawh chuan thinur a chawk tho thin.

2

  Mi fing lei chuan fina thu dik a chhakchhuak thin a, mi a ka erawh chuan thu atthlak a chhakchhuak thin.

3

  LALPA mit chu hmun tinah a awm a, thil tha lo leh tha a enthla reng thin.

4

  Lei dik tak chu nunna thing a ni a, luhlulna awmna erawh chu thinlung lungchhiatna a ni.

5

  Mi a chuan a pa thununa a ngainep thin a, zilhhauna ngaisang chuan hmang hre takin a ti thin.

6

  Mi fel inah chuan sum tam tak a awm a, mi suaksual hlawkna erawh chu buaina a ni.

7

  Mi fing hmui chuan hriatna a tidarh a, mi a thinlung erawh chuan chutiang chu a ti lo.

8

  Mi suaksual inthawina chu LALPA tana tenawm a ni; mi tha tawngtaina erawh chu a lawmzawng a ni.

9

  Mi suaksual kawng chu LALPA tnaa tenawm ani a, felna kawng zawhtu erawh chu a hmangaih thin.

10

  Kawng pensantu thununa chu a na, zilhhau hawtu chu a boral ang.

11

  Seol leh Abadon LALPA a hmu tlang a, mihring thinlung chu a va hmu chiang dawn em!

12

  Hmusit ching mi chuan zilhhauva awm a ngaina lo a, mi fing hnenah chuan a kal duh lo ang.

13

  Thinlung hlimin hmel hlim a siam a, thinlung lungngaihna erawh chuan rilru a tilungchhe thin.

14

  Hriathiamna thinlung neitu chuan hriatna a zawng a, mi a ka erawh chu dawtin a inhrai thin.

15

  Hrehawm tuartu tan ni zawng zawng mai hi a tha lo vek a, thinlung hlim mite rawh chuan ruai a theh reng mai a ni.

16

  LALPA hlauhna nen tlemte neih chu tam tak neiha buaina neih ai chuan a tha zawk.

17

  Hmangaihna awmnaa an hnah chawa rin chu huatna awmnaa bawngpa chawm thau ei aiin a tha zawk.

18

  Mi thinchhia chuan inhauna a chawk tho a,,mi thluak nem erawh chuan inhauna a tireh.

19

  Mi thatchhe kawng chu hlingpal ang a ni a, mi tluang kawng chu lamliana siam a ni.

20

  Fapa fing chuan pa hlim a siam a, mi a erawh chuan a nu a ngainep thin.

21

  Finna nei lote chuan atna hi an hlimna a ni a, mi thil hre thiam mi erawh chuan a kawng a tingil thin.

22

  Remruat lawk loa thil tih a hlawhtling duh lo. Remhria an tam chuan a hlawhtling thin;

23

  A hun taka chhanna dik hirat hi a va lawmawm em!

24

  Mi fing tan chuan nunna kawng hi a chung lamah a kal a, nnuai lama Seol chu a kalsan theihna'n.

25

  LALPA'n mi chapo in chu a kar phawng ang a, hmeithai hmun erawh chu a tinghet ang.

26

  Remruatna tha lo chu LALPA tana thil tenawm ani a, mi thianghlim thu erawh chu benglut a ni.

27

  Mi duham chuan ama chhungkua a tibuai thin a, tham hawtu erawh chu a hmuingil ang.

28

  Mi fel thinlung chau ngun takin a chahng a, mi suaksual ka erawh chuan thil tha lo a chhak chhuak thin.

29

  LALPA chu mi suaksual lakah chuan a hla a, mi fel tawngtai erawh chu a ngaithla thin.

30

  Hlim hmelin mi a tilawm a, chanchin lawmawmin mi a tiharh.

31

  Nunna zilhhauna pawm thin chu mi fing zingah a tel ang.

32

  Thununna duh lo chuan a thlarau a ngainep a ni, zilhhauna pawm erawh chuan hriat thiamna a chang ang.LALPA tihna chu fina zirtirtu ani a; inngaihtlawmna chu chawimawia awmna a ni.

33

  LALPA tihna chu fina zirtirtu ani a; inngaihtlawmna chu chawimawia awmna a ni.

Mizo Bible
Copyright: Mizo ?