A A A A A
हिंदी बाइबिल Mizo Bible

भजन संहिता 98



1

  Aw, LALPA chawimawiin hla thar sa rawh u; Thil mak takte a ti ta si a: A kut ding lam leh a ban thianghlim chuan amah atan chhandamna a siamsak ta a.

2

  LALPA chuan a chhandamna chu ahriattir a: A felna chu hnam tin mithmuhah chuan fiah takin alantir ta a.

3

  Israel chhungte chunga a ngilneihzia leh a rinawmzia chu a hre reng a: Kawlkila mi zawng zawng pawhin kan Pathian chhandamna chu an hmu ta a.

4

  Leilung luah zawng zawngte u, LALPA chawimawiin hlim takin au u la: Au chhuak u la hlimin zai rawh u, a ni, fakna hla sa rawh u.

5

  tingtang nen LALPA fakin zai rawh u; tingtang leh fakna hla thawm nen.

6

  Tawtawrawtte leh tawtawrawt bi nei ri nen, Lalber, LALPA hmaah chuan, hlim takin au rawh u.

7

  Tuifinriat leh a chhunga thil awm zawng zawng hi ri hum hum rawh se; Khawvel leh a chhunga chengte nen hian;

8

  Luipuite chuan an kut beng se la; Tlangte chu hlimin zaiho rawh se,LALPA hmaah chuan; lei rorel turin a lo kal dawn si a: Khawvel hi fel takin ro a relsak ang a, Thlei bik nei loin mi tin, ro chu a rel ang.

9

  LALPA hmaah chuan; lei rorel turin a lo kal dawn si a: Khawvel hi fel takin ro a relsak ang a, Thlei bik nei loin mi tin, ro chu a rel ang.

Mizo Bible
Copyright: Mizo ?