A A A A A
हिंदी बाइबिल Mizo Bible

भजन संहिता 88

1

  Aw LALPA, mi chhandamtu Pathian, Achhun azanin i hmaah ka au thin a;

2

  Ka tawngtaina hi hmaah lut se la; Ka au thawmah hian i beng rawn dawh ang che:

3

  Ka nunna hi mangannatein a khat a, Ka nun hi Seol chu a rawn hnaih ta si a.

4

  Khuarkhuruma chhkte zinga chhiar tel ka ni a; Chakna reng reng nei lo mi ang ka ni:

5

  Ral thahho thlana mute anga Mitthi zinga paih thlak ka ni; Chungte chu i hriat tawh loh, I kut ata tihboral an ni.

6

  Khuarkhurum hnuaihnung berah mi muttir ta a, Hmun thm tak, thuk takahte chuan.

7

  I thinrimna chuan mi delh tlat a. Nangin i tuifawn zawng zawngin mi tihreawm ta a. (Selah)

8

  Ka hmelhriatte chu mi hlatah i awmtir a; An tana tenawm takah mi siam ta a: Kharkhipin ka awm a, ka chhuak thei lo a ni.

9

  Hrehawmna avangin ka mit a chhe telh telh a: Aw LALPA, ni tin, ka ko chia, I lamah ka kutte ka phar a.

10

  Mitthite tan chuan thilmak i ti dawn em ni? Thi tawhte chuan thoin an fak dawn che em ni? (Selah)

11

  I ngilneihzia chu thlanah hriattirin, I rinawmzia chu Boralna hmunah hriattirin a awm dawn em ni?

12

  I thilmak tihte chu thimah hriatin a awm dawn em ni? I felna chu theihnghilhna ramah hriatin a awm bawk dawn em ni?

13

  Aw LALPA, kei erawh chuan ka au chia, Ka tawngtaina chuan zingah a hmuak ang che.

14

  LALPA, engati nge ka nuna hi i thlauhthlak le? Engati nge ka lakah i hmai i thup ni?

15

  Ka naupan tet ata hrehawm tuar leh thi lek lekin ka awm thin a; I thil rapthlak takte ka tuarin ka thauvah mi man thin.

16

  I thinrim nasa tak chuan mi vur pil a; I thil rapthlak takte chuan mi tiboral ta a.

17

  Chung chuang nilengin tui angin mi vel a; Mi hual vel hlawm a.Mi hmangaihtu leh ka thian chu mi hlatah i awmtir ta a, Ka hmelhriatte ch thimah i awmtir ta bawk a.

18

  Mi hmangaihtu leh ka thian chu mi hlatah i awmtir ta a, Ka hmelhriatte ch thimah i awmtir ta bawk a.

Mizo Bible
Copyright: Mizo ?