A A A A A
हिंदी बाइबिल Mizo Bible

भजन संहिता 66



1

  Leilung luah zawng zawngte u, Pathian chawimawiin hlim takin au u la;

2

  A hming ropuizia chu hlain sa chhuak u la: A fakna chu tiropui rawh u.

3

  Pathian hnenah, "I thiltihte chu a va rapthlak em! I thiltihtheihna nasatzia avangin nangmah dotute chu i hnenah an intulut ang.

4

  Leilung luah zawng zawng hian chibai an buk ang chia, Nangmah fakin an zai ang a; I hming fakin an zai ang," ti rawh u. (Selah)

5

  Hawh u, pathian thitihte hi en rawh u8; Mihring fate chunga a thiltihah hian ahlauhawm a ni.

6

  Ani chuan tuifinriat kha lei rovah a chantir a: Luipui kha kein an kal kai a: Chutah chuan anmahah kan hlim a.

7

  A thiltihtheihan chuan kumkhuain ro a rel a; A mitin hnam tin a en thin: Helhmangte chu inchawimawi suh se. (Selah)

8

  Aw, mi tinte u, kan Pathianchu fak u la, Amah fakna thawm chu hriattir rawh u.

9

  Ani chuan kan nunna hi a tinung reng a, Kan kete hi tihsawn aphal lo.

10

  Aw Pathian, nangin mi fiah a: Tangkaraw fiah angin min fiah a.

11

  Nangin lenah min hruia lut a; Kan kawngah hian hur rit tak i nghat a.

12

  Mihringte, tawlailir chunga chuangin, kan lu chungah i kaltir a; Mei leh tui kan kal tlang a; Nimahsela hmun chenghnawng taka lut turin min hruai chhuak a.

13

  halral thilhlante nen i inah ka lut ang a, Ka thutiamte hchu i lakah ka hlen ang,

14

  Ka hmuiin a sawi a, Manganga ka awm laia ka kain a sawite chu.

15

  Sa thau tak halral thilhlante i hnenah ka hlan ang a, berampa hal rimtui nen; bawngpa te, kelte nen ka hlan ang. (Selah)

16

  Hawh u, Pathian tih zawng zawngte u, ngaithla rawh u, Tichuan ka nunna tana a thiltih chu ka hriattir ang che u.

17

  Ani chu ka kain ka au a, Ka leia chawimawiin a awm a.

18

  Ka thinlunga sualna ka ngaihsak chuan LALPA'n mi ngaithla lo ang:

19

  Nimahsela, Pathianin mi ngaithla tak tak a; Ka tawngtaina thawm chu a bengkhawn a ni.Pathian, ka tawngtaina hlawhchhamtir lo a, ka laka a ngilneih bang hek loa chu, Fakin awm rawh se.

20

  Pathian, ka tawngtaina hlawhchhamtir lo a, ka laka a ngilneih bang hek loa chu, Fakin awm rawh se.

Mizo Bible
Copyright: Mizo ?