A A A A A

हिंदी बाइबिल Mizo Bible

Psalms 35

Aw LALPA, mi beitute chu nangin bei la: Mi dotute chu nangin do ang che.

Phawte leh phaw lian chelh la, Mi tanpui turin ding ang che:

Fei pawh phawi la, mi umtute kawng lo dang la: Ka nunna hnenah hian, "I chhandamtu ka ni e," ti ang che.

Ka nunna tihbo tuma zawngtute chu, tihmualphova tihzahin awm se la: Mi tihchhiatna tur suangtuahtute chu, tlanchhiattirin hrilhhai takin awm rawh se. LALPA vantirhkohina khalh zel siin, Buh si thli len angin awm rawh se.

LALPA vantirhkohina um zel siin, An kawng hchu thim tak leh nal tak ni rawh se.

A vang awm loin min awhna'n an len chu khuarkhurumah an phah ru a, A vang awm loin an nunna tlakna'n khuarkhurum an lai si a.

A inrin loh hlanin chhiatna achungah thleng se la; A len phah rukah khan amah ngei awk bawk se la; Chu miah chuan tla chhe rawh se.

Tichuan ka nunna hi lalpaah chuan a hlim ang a: A chhandamnaah chuan a lawm ang.

Ka ruh zawng zawng hian, "LALPA mi rethei, a khin zawh rual loh laka chhanhimtu, A ni, rethei leh pachhia, a ram thintu laka chhanhimtu, Nang ang reng reng tu nge awm?" a ti ang.

Hretu fel lo takte anlo tho a; Ka thil hriat hauh loh thu-ahte mi chhal a.

Ka nunnain thil chan khawpin thil tha thil sualin mi rul a.

Kei erawh chuan ka dam lohin saiip ka sin a: Chaw ka nghei a, kun tlawk tlawkinka tawngtai a.

Unau tan emaw thian tan emaw ni awm takin: Lusun ang maia kunin ka vei ka vei a, Mahni nu sun ang maiin.

Nimahsela kei ka bai chuan anni chu an lawm zawk a, an inkhawm hial a: Mi sual mai maite chu mi bei turin an inkhawm a, chu chu ka lo hre si lo a; Bang duh loin mi sawisa nek a:

Ruaithehnatea nuihza fiamthu sawitute mai mai angin An ha mi thial khum a.

LALPA, nangin eng chen nge i en dawn le? Ka nunna hi tihchiat an tumna lakahte chuan chhan chhuak la, Ka neih chhun tak hi sakeibaknei lakahte chuan chhan chhuak ang che.

Inkhawmna ropui takah chuan lawm thu ka hrilh ang chia: Mi tam tak zingah ka fak ang che.

Ka hmelmate chuan dik o takah mi diriam suh se: Enga khawlawi loa mi hawtute chu an mitin inbe hek suh se.

Remna thu reng an sawi si lo va: He rama awm hle hlete bumna thute an suangtuah zawk a ni.

A ni, an kain mi an khum huau a; "Chei! Chei! Kan mitin kan hmu ta," an ti a.

Aw, LALPA, nangin i hmu e, ngawihsan suh ang che: Aw, Lalpa, mi hlat lul suh ang che.

"Ka Pathian leh ka Lalpa, ka rorel turin, A ni, ka thua mi tan turin, intiharh la, meng ang che.

Aw LALPA ka Pathian, i felna avangin ro mi rel la; Anni chuan mi diriam suh se.

An rilru chuan, "Chei! Chutiang chu alawm kan duh ni," ti suh se: "Ani chu kan lem zo ta," ti hek suh se.

Ka chhiatna chunga lawmtte chu mualpho tak leh hrilhhai takin awm hlawm se la; Ka chunga intiliante chu mualphona leh zahna sintirin awm rawh se.

Ka felna chunga lawmte chu hlima auin lawm takin awm se la: A ni, "A chhiahhlawh vanneihna chunga lawm thin LALPA chu Chawimawiin awm rawh se.Tichuan, ka lei hian felna thu a sawi ang a, I fakna thu pawh nilengin a sawi bawk ang.