A A A A A
हिंदी बाइबिल Mizo Bible

अय्यूब 29



1

  Tin, Joba chuan a thusawi cha chhunzawm a, heti hian a ti a:

2

  Aw, tun hma thla ral taahte khan awm ni i la, Pathianin mi ven lai niahte khan,

3

  A khawnvar ka lu chungah a eng thin a, Thimah pawh a eng ringin ka kal tlang a,

4

  Ka vanglai nite ka hman laia, Pathian pawlna ka puan ina a awm lai khan,

5

  Engkimtitheia ka hnena a awm thin laia, Ka fate ka vela an awm lai khan,

6

  Ka kalnate hnute khala chulh a nih laia, Lungpuiin ka tan hriak a luang chhuahtir dul dul lai khan!

7

  Khawpui kawngka pana ka kal a, Kawttlera thutna ka buatsaih laite khan`,

8

  tlangvalten mi hmu a, an biru a, Upate an tho a, an ding a;

9

  Hotute chu an tawng lai an chawl a, An kutin an ka an hup a;

10

  Mi liante aw a reh a, An dang chungah an lei a bet a.

11

  Benga hriaten nihlawh mi ti a, Mita hmuten mi hriatpui a;

12

  Mi rethei tap ka chhan chhuah thin avangin, Pa nei lo, puitu nei lote pawh.

13

  Boral dawn tepte malsawmna ka chungah athleng a, Hmeithai thinlung pawh hlimin ka zaitir a.

14

  Felna chu ka inbel a, mi tuam vel a, Ka tihdik thinzia hi kawrfual leh lukhum ang a ni.

15

  Mitdel tan mit ka ni a, Kebai tan ke ka ni a.

16

  Tlachham tan pa ka ni a, Ka hmel hriat lohte pawh an thu ka buapui a.

17

  Mi fel lo ngho chu ka titliak a, A haa a thil seh chu ka pawt chhuak a.

18

  "Tichuan, ka bu zawlah ka thi ang a, Ka nite tiauvut angin ka tipung ang a,

19

  Tui lamahte ka zung a zam darh ang a, Zankhuain ka zarah dai a cham reng ang a,

20

  Ka ropuina hi keimahah a thar reng ang a, Ka kutah ka thalngul pawh a thar reng," ka ti rilru a.

21

  Ka lamah mi'n beng an dawh a, an ngaithla a, Ka thu nghakin an ngawi thap thin.

22

  Ka sawi zawhah an tawng ve tawh ngai lo; Ka thusawi chu an chungah a tla.

23

  Ruahtui angin mi nghak reng thin, Ruah hnuhnung chak angin an ka an lo ang a.

24

  An inrinhlelh laiin ka nuihpui a, Ka hmel hlim chu an tihnual lo.An kawng ka thlang a, hotuah ka thu a, Sipai rual zingah lalber angin ka awm a, Lusunte thlamuantu angin.

25

  An kawng ka thlang a, hotuah ka thu a, Sipai rual zingah lalber angin ka awm a, Lusunte thlamuantu angin.

Mizo Bible
Copyright: Mizo ?