A A A A A
Facebook Instagram Twitter
हिंदी बाइबिल Mizo Bible

Ezra 6



1
Chutichuan lal Daria chuan thu ape a, Babulon-a an ro dah khawmna, lehkhabu dahna in chu an zawng ta a.
2
Tichuan Medai rama Akametha khuaa lal inah lehkhabu zial an hmu a, chutah chuan vawn that atan hetianga ziak hi a awm a:
3
"Jerusalema Pathian in chungchangah Lal Kura chuan a lal tantirh kumin hetiang hian thu a pe a: An inthawina thilhlanna in chu sak that leh ni se; a lungphum pawh nghet taka rem ni rawh se.
4
A san lam tawng sawmruk, a zau lam tawng sawmruk, lung lian pui pui tlar thuma rem hnuah thingphek tlar khat siam tur ani a, a sakna hi lal sum atanga pek tur a ni.
5
Tin, Pathian ina rangkachak leh tangkaraw bungbel Nebukadnezaran Jerusalem biak in ata a lak chhuah a Babulon-a a lakte pawh pek kir ni se la, Jerusalema-a biak ina a hmun ngai te veka la kirin, Pathian inah dah tur a ni," tiin.
6
"Chuvangin lui ral ram awptu Tatenaia leh Sethar-bozenaia leh lui rala awm an thian Apharsak-hote u, intifihlim rawh u khai:
7
he Pathian biak in an sa leh hi engmah tih suh u; Judate awptu leh Juda upate chuan he Pathian in hi a hmun ngaiah sa rawh se.
8
Chu mi sak lehna tanpui tur chuan thu ka pe a che u. Hna a bahlah lohna'n a sakna tur pawh Euphrates lui khawthlang bial chhiah, lal sum tur atanga pek thuai tur a ni.
9
Tin, van Pathian tan halral thilhlan tur an mamawh apiang, bawngpa tuai te, berampa te, beram no te, buh chi te, uain te, hriak te, Jerusalem-a puithiamte thu ang zelin ni tinin pek ngei ngei tur a ni:
10
chutichuan van Pathian chu rimtuia inthawinate an hlan thei ang a, lal leh a fapate chu an dam reina'n an tawngtaisak thei bawk ang.
11
Tupawh he thu tidanglam apiang, chu mi avang chuan a khanchhuak phawisak a, amah chu chutah chuan khaikana, a in chu ek dura siam tur a ni ang tih thu ka pe bawk a ni;
12
tin, chuta a hming awmtirtu Pathian chuan Jerusalem-a Pathian in tihchhiat tuma he thu tidanglam tura kut lek apiang, lal zawng zawng leh hnam zawng zawngte chu tiboral vek rawh se. Kei, Darian thu ka pe a ni; zawm nghal chiah tur a ni,"
13
Chutichuan lui ral ram awptu Tatenaia leh Sethar-bozenaia leh a thiante chuan lal Daria lehkhathawn avangin chutiang chuan an ti ta nghal a.
14
Tin, zawlnei Hagaia leh Idova fapa Zekaria thu sawi avangin Juda upate chuan tlaung takin an sa a. Israelte Pathian thupek ang leh Persia lal Kura leh Daria leh Artazerzia te thupek ang chuan an sa a, an zo ta a.
15
Tin, in chu lal Daria kum ruk a lal kum, Adar thla, ni thum niin an zo a.
16
Tin, Israela thlah, puithiam te, Levi chite leh sal chhuakho dangte chuan chu mi Pathian in hlanna chu lawm takin an hmang a.
17
Tin, chu mi Pathian in hlannaah chuan bawngpa za, berampa zahnih, beram no zali an hlan a; tin, Israel zawng zawng tan sual thawina'n Israel hnam zatin kelpa sawm leh pahnih.
18
Mosia lehkhabua chuang angin Jerusalem-a Pathian rawngbawl tur chuan puithiamte leh Levi chite chu an pawl theuhvah an awmtir a.
19
Tin, sal chhuakhote chuan thla khatna, ni sawm leh ni li ni chu kalhlen kut ni atan an hmang a.
20
Puithiamte leh Levi chite chu an inthianho a, an za chuan an lo thianghlim ta a: chutichuan kalhlen kutna tur chu sal chhuak ho zawng zawng tan leh an unau puithiamte leh anmahni tan an talh a.
21
Tin, Israela thlah, sal ata lo chhuak lehte leh LALPA, Israelte Pathian zawng tura chu rama Pathian thu awih lo bawlhhlawhna ata inthiarfihlima, anniho zawm zawng zawng tate chuan an ei a,chhang dawidim telh loh kut chu lawm takin ni sarih an hmang a: LALPA chuan anni chu a tihlim a, Pathian, Israelte Pathian in saknaa an kutte tihchaksak turin Assuria lal rilru chu an lamah a thlektir a ni.
22
chhang dawidim telh loh kut chu lawm takin ni sarih an hmang a: LALPA chuan anni chu a tihlim a, Pathian, Israelte Pathian in saknaa an kutte tihchaksak turin Assuria lal rilru chu an lamah a thlektir a ni.











Ezra 6:1

Ezra 6:2

Ezra 6:3

Ezra 6:4

Ezra 6:5

Ezra 6:6

Ezra 6:7

Ezra 6:8

Ezra 6:9

Ezra 6:10

Ezra 6:11

Ezra 6:12

Ezra 6:13

Ezra 6:14

Ezra 6:15

Ezra 6:16

Ezra 6:17

Ezra 6:18

Ezra 6:19

Ezra 6:20

Ezra 6:21

Ezra 6:22







Ezra 1 / Ezra 1

Ezra 2 / Ezra 2

Ezra 3 / Ezra 3

Ezra 4 / Ezra 4

Ezra 5 / Ezra 5

Ezra 6 / Ezra 6

Ezra 7 / Ezra 7

Ezra 8 / Ezra 8

Ezra 9 / Ezra 9

Ezra 10 / Ezra 10