A A A A A
×

हिंदी बाइबिल Mizo Bible

2 Chronicles 8

1
Tin, heti hi a ni a, Solomonan LALPA in le ama in a sak chhung kum sawmnih a lo vei chuan,
2
Huraman Solomona khua a pekte chu Solomona chuan a din a, Israela thlahte a awmtir a.
3
Tin, Solomona chuan Hamath-zoba a bei a, a hneh a.
4
Tin, thlalera Tadmor a din a, Hamatha-a bungraw dahna khuate nen.
5
Tin, Beth-horon chhakta zawk leh thlangta zawk pawh, kulh te, kawngkhar te, a kalhnate neiin a din bawk a;
6
tin, Baalath khua te, a bungraw dahna khua zawng zawng te, a tawlailir dana khua te, a sakawr chung chuang mite awmna khua te, Jerusalem le Lebanon leh a ram chung zawng zawngah Solomona chuan a duh ang angin a din a.
7
,8 Tin, Israela thlahte ni ve lo, Hit-ho te, Jebus-ho te thlah, Israela thlahten an tiboral loh, chu rama la awmte chu Solomonan chiahlawh hnathawka rawih luih pawlah a siam a, tun thleng hian.
8
,7 Tin, Israela thlahte ni ve lo, Hit-ho te, Jebus-ho te thlah, Israela thlahten an tiboral loh, chu rama la awmte chu Solomonan chiahlawh hnathawka rawih luih pawlah a siam a, tun thleng hian.
9
Israela thlahte erawh chu Solomonan a hnathawktu chhiahlawh atan a siam ve lo a, indo mi te, a sipai hotu te, puipa te, a tawlailir leh a sakawr chung chuang mi hotute an ni zawk a.
10
Chungte chu mipuite ho thintu, Solomona puipa berte an ni a, zahnih leh sawmnga an ni.
11
Tin, Solomona chuan Pharaoa fanu chu Davida khawpui ata a puala in a saksakah huan a hruai chho a, "Ka nupui chu Israel lal Davida inah chuan a awm tur a ni lo, LALPA bawm lo thlenna hmun thianghlim a ni," a ti a ni.
12
Chutichuan Solomona chuan hulhliap hma lama a siam LALPA maichamah chuan Mosia thupek angin,
13
ni tin, atana bituk tawk ang zelin chawlhniah te, thla thar niah te, kut bi nei, kum khatah vawi thum chang dawidim telh loh kutah te, chawlhkar kutah te, bawkte kutah te halral thilhlante a hlan a.
14
Tin, a pa Davida lo ruat ang khan puithiam pawlte leh Levi-hote chu an chanpual theuhaha ni tina thawh tul ang zela fak tur te, puithiamte hmaa rawngbawl tur tein a ruat a;tin, kawngkhar tinah a pawl pawla vengtute a ruat bawk a; chutiang chuan Pathian mi Davida chuan a lo ruat a ni.
15
Lalin puithiam-ho te, Levi-ho te thu a pek chu eng kawnga mah, sum thu-ah te pawh an ngaihthah ngai hauh lo.
16
Tin, LALPA in an din tantirh atanga an peih thlengin Solomona lo buatsaih ang chiah a ni. Tichuan LALPA in chu puitlin a ni taa.
17
Chutichuan Solomona chu Edom rama tuifinriat kama Ezon-geber-ah leh Eloth-ah a kal a.Tin, Hurama chuan a chiahhlawh tuifinriata che thang mi, lawngte nen a kaltir a; Solomona chiahhlawhte nen Ophir-ah an kal a, chuta mi chu rangkachak talent zaali leh sawmnga an rawn hawn a, lal Solomona hnenah an rawn thlen a.
18
Tin, Hurama chuan a chiahhlawh tuifinriata che thang mi, lawngte nen a kaltir a; Solomona chiahhlawhte nen Ophir-ah an kal a, chuta mi chu rangkachak talent zaali leh sawmnga an rawn hawn a, lal Solomona hnenah an rawn thlen a.
2 Chronicles 8:1
2 Chronicles 8:2
2 Chronicles 8:3
2 Chronicles 8:4
2 Chronicles 8:5
2 Chronicles 8:6
2 Chronicles 8:7
2 Chronicles 8:8
2 Chronicles 8:9
2 Chronicles 8:10
2 Chronicles 8:11
2 Chronicles 8:12
2 Chronicles 8:13
2 Chronicles 8:14
2 Chronicles 8:15
2 Chronicles 8:16
2 Chronicles 8:17
2 Chronicles 8:18
2 Chronicles 1 / 2Chr 1
2 Chronicles 2 / 2Chr 2
2 Chronicles 3 / 2Chr 3
2 Chronicles 4 / 2Chr 4
2 Chronicles 5 / 2Chr 5
2 Chronicles 6 / 2Chr 6
2 Chronicles 7 / 2Chr 7
2 Chronicles 8 / 2Chr 8
2 Chronicles 9 / 2Chr 9
2 Chronicles 10 / 2Chr 10
2 Chronicles 11 / 2Chr 11
2 Chronicles 12 / 2Chr 12
2 Chronicles 13 / 2Chr 13
2 Chronicles 14 / 2Chr 14
2 Chronicles 15 / 2Chr 15
2 Chronicles 16 / 2Chr 16
2 Chronicles 17 / 2Chr 17
2 Chronicles 18 / 2Chr 18
2 Chronicles 19 / 2Chr 19
2 Chronicles 20 / 2Chr 20
2 Chronicles 21 / 2Chr 21
2 Chronicles 22 / 2Chr 22
2 Chronicles 23 / 2Chr 23
2 Chronicles 24 / 2Chr 24
2 Chronicles 25 / 2Chr 25
2 Chronicles 26 / 2Chr 26
2 Chronicles 27 / 2Chr 27
2 Chronicles 28 / 2Chr 28
2 Chronicles 29 / 2Chr 29
2 Chronicles 30 / 2Chr 30
2 Chronicles 31 / 2Chr 31
2 Chronicles 32 / 2Chr 32
2 Chronicles 33 / 2Chr 33
2 Chronicles 34 / 2Chr 34
2 Chronicles 35 / 2Chr 35
2 Chronicles 36 / 2Chr 36