A A A A A
हिंदी बाइबिल Mizo Bible

१ इतिहास 5



1

  Israela fa tir Reubena fapate chu, (ani chu fa tir zawng a ni a; amaherawhchu a pa khum a tihbawlhlawh avangin a fa tir nihna chu Israela fapa Josefa fapate pek a ni a; tichuan thlahtute chhuina chu fa tir nihnaa chhui tur a ni ta lo.

2

  Juda chuan a unaute a khum ta si a, amahah chuan mi lian chu a lo chhuak a; fa tir nihna erawh chu Josefa chan a ni)

3

  Israela fa tir Reubena fapate chu Hanoka te, Palua te, Hezrona te, Karmia te an ni.

4

  Joela fapa chu Semaia a ni a, chu mi fapa chu Goga a ni a, chu mi fapa chu Simeia a ni a,

5

  chu mi fapa chu Mika ni a, chu mi fapa chu Reaia a ni a, chu mi fapa chu Baala a ni,

6

  chu mi fapa chu Beera, Assuria lal Tilgathpileseran sala a hruai chu a ni: ani chu Reuben-ho mi lian a ni.

7

  ,8 An thlahtute hnam chhui dana unaute hnam hotute chu Nebo leh Baalmeon thlenga awm Jeiela te, Zekaria te, Bela te an ni; chu mi pa chu Azaza a ni a, chu mi pa chu Sema ani a, chu mi pa chu Aroera a ni a:

8

  ,7 An thlahtute hnam chhui dana unaute hnam hotute chu Nebo leh Baalmeon thlenga awm Jeiela te, Zekaria te, Bela te an ni; chu mi pa chu Azaza a ni a, chu mi pa chu Sema ani a, chu mi pa chu Aroera a ni a:

9

  ani chuan chhak laman Euphrates lui atanga thlaler luhna thlengin a luah a ni: Gilead ramah chuan an ran a lo pun tak avangin

10

  Tin, Saula dam lai chuan Hagarho an run a, chungho chu an kutah an lo tlawm ta a: tichuan Gilead chhak lam ram tluanin an puan inte an zar a.

11

  Tin, Gada fapate chu an ep Basan raman Saleka thlengin an awm a:

12

  hotu Joela te, a dawttu Saphama te, Janaia te, Basan-a mi Saphata te,

13

  an chhung te, an unau Mikaila te, Mesulama te, Seba te, Joraia te, Jakana te, Zia te, Ebera te nen pasarih an ni.

14

  Hengte hi Huria fapa Abihaila fapate an ni, chu mi chu Jaroa fapa a ni a, chu mi chu Gileada fapa ani a, chu mi chu Mikaila fapa a ni a, chu mi chu Jesisaia fapa a ni a, chu mi chu Jadoa fapa a ni a, chu mi chu Buza fapa a ni a;

15

  Ahia chu Abdiela fapa a ni a, chu mi chu Gunia fapa a ni a, an chhung hotu a ni.

16

  Tichuan Gilead rama Basan-ah leh a khawpuiahte leh Saron daivel zawng zawng an ram chin thlengin an luah a.

17

  Chung zawng zawngte chu Judai ram lal Jothama lal lai leh Israel ram lal Jeroboama lal laia thlahtute chhuinaah ziak an ni.

18

  Reuben-ho te, Gad-ho te, Manase hnam zatvete zinga huaisen tha thiau, phaw leh kawlhnam keng thei, thal kah thiam, indo thiamte chu 44,760 an ni.

19

  Tin, Hagar-hote, Jetur-hote, Nephis-ho te, Nodab-hote chu an do a.

20

  Tin, tanpuiin an awm a, tichuan Hagar-ho leh an hnena awm zawng zawngte chu an kutah pek an ni ta a: indo lai chuan Pathian an au a, anni chu a lo chhang a; amahah chuan rinna an nghah avangin.

21

  Tin, an rante an mansak a; an sanghawngsei singnga leh beram nuaihnih leh singnga leh sabengtung sanghnih leh mihring nuaikhat nen.

22

  Chu indo chu Pathian remtihpui a nih avangin mi tam tak an that a ni. Sal tan thlengin an awmna ram chu an luahsak ta reng a.

23

  Tin, Manasea thlah hnam zatvete chu, chu mi ramah chuan an awm a: Basan atana Baal-hermon te, Senir te, Hermon tlang thlengin an sawn zau zel a.

24

  Tin, hengte hi an chhungkaw puipate chu an ni; Hephera te, Isia te, Eliela te, Azriela te, Jeremia te, Hodavia te, Jadiela te, mi chak huaisen, mi hmingthang, an pute chhungkaw puipate chu.

25

  Tin, an pi leh pute Pathian chungah thil an tisual a, an hmaa Pathianin a lo tihboral tak, chu rama mi pathian te lakah chuan an uire ta a.Tin, Israelte Pathian chuan Assuria lal Pula rilru leh Assuria lal Tilgath-pilnesera rilru chu a chawk tho a, ani chuan Reuben-ho te, Gad-ho te, Manase hnam zatvete chu a man a, Hala-ah te, Habor-ah te, Haraah te, Gozan luiah te a hruai a, tun thleng hian an la awm.

26

  Tin, Israelte Pathian chuan Assuria lal Pula rilru leh Assuria lal Tilgath-pilnesera rilru chu a chawk tho a, ani chuan Reuben-ho te, Gad-ho te, Manase hnam zatvete chu a man a, Hala-ah te, Habor-ah te, Haraah te, Gozan luiah te a hruai a, tun thleng hian an la awm.

Mizo Bible
Copyright: Mizo ?