| 1 |
| Israel ne en mzabibu malandore; ne onyago olembene owuon. Ka olembene ne medore, nomedo gero kende mag misango; kendo ka pinye ne medo mewo, to nomedo loso kido milamo. |
| 2 |
| Chunygi opongʼ gi miriambo kendo koro nyaka gitingʼ mana kum marom kodgi. Jehova Nyasaye nomuk kendegi mag misango kendo kitegi ma gilamo bende nokethi. |
| 3 |
| Eka giniwachi, “Waonge ruoth nikech watamore miyo Jehova Nyasaye luor. To kata kane wan gi ruoth, to dotimonwa angʼo?” |
| 4 |
| Githoro wacho weche manono ka gikwongʼore gi miriambo, kendo giloso winjruok ma ok nyal konyogi; emomiyo buche mag larruok medore mana ka buya malandore e puothe mosepur. |
| 5 |
| Ji modak Samaria luoro osemako nikech nyaroya molos gi dhahabu mar Beth Aven. Joge noywage, kamano bende e kaka jodologe malamo nyiseche manono noywage, mago mosebedo gi mor kuom berne nikech osegole kuomgi kitere e twech. |
| 6 |
| Enotingʼe kitere Asuria kaka mich ne ruoth maduongʼ. Efraim noma duongʼne to Israel nokuod wiye nikech nyisechene molos gi bao. |
| 7 |
| Samaria kod ruodhige nolew gi malo mana ka bad yien malewo gi malo ewi pi. |
| 8 |
| Kuonde motingʼore malo mag anjawo nokethi, en emomiyo jo-Israel timo richo. Kuthe kod buya ema biro dongo maim kendegi mag misango. Eka giniwach ne gode madongo niya, “Umwauru!” Kendo ne gode matindo niya, “Rwombreuru kuomwa!” |
| 9 |
| “Nyaka aa ndalo mar Gibea, isebedo ka itimo richo, yaye Israel, to kanyo ema isesike. Donge lweny notieko jotim richo man Gibea? |
| 10 |
| Ka ahero to abiro kumogi; ogendini nonywaknegi, maketgi e twech kuom richogi duto. |
| 11 |
| Efraim en nyaroya mobo mohero dino cham; omiyo anatwe jok e ngʼute maberno. Anariemb Efraim, to Juda nyaka pur, kendo Jakobo biro baro lowo. |
| 12 |
| Chwouru adiera ne un uwegi, kaa-uru olemo mar hera ma ok rum, kendo baruru lopu mapok opur, nimar en kinde mar manyo Jehova Nyasaye, nyaka chop ool tim makare kuomu. |
| 13 |
| To nikech usechwoyo anjawo, usekayo timbe maricho, kendo usechamo olemb miriambo. Nikech usegeno kuom tekou uwegi kendo kuom jolwenju mangʼeny, |
| 14 |
| kuom mano koko mar lweny biro monjo jou, ma mi kuondeu mochiel motegno nomuki, mana kaka Shalman nomuko Beth Arbel e odiechieng lweny, kama mine kod nyithindgi nodhir mopodho. |
| 15 |
Ma e kaka notimre ne un bende, yaye Bethel, nikech anjawo maru duongʼ. Ka odiechiengno ochopo, ruodh Israel notiek chuth.”
|
| Luo Bible 2020 |
| Copyright © 1980, 2002, 2003, 2020 by Biblica, Inc |
|
|
|
|
|
|
|
|
|
|
| Hosea 10:1 |
| Hosea 10:2 |
| Hosea 10:3 |
| Hosea 10:4 |
| Hosea 10:5 |
| Hosea 10:6 |
| Hosea 10:7 |
| Hosea 10:8 |
| Hosea 10:9 |
| Hosea 10:10 |
| Hosea 10:11 |
| Hosea 10:12 |
| Hosea 10:13 |
| Hosea 10:14 |
| Hosea 10:15 |
|
|
|
|
|
|
| Hosea 1 / Hos 1 |
| Hosea 2 / Hos 2 |
| Hosea 3 / Hos 3 |
| Hosea 4 / Hos 4 |
| Hosea 5 / Hos 5 |
| Hosea 6 / Hos 6 |
| Hosea 7 / Hos 7 |
| Hosea 8 / Hos 8 |
| Hosea 9 / Hos 9 |
| Hosea 10 / Hos 10 |
| Hosea 11 / Hos 11 |
| Hosea 12 / Hos 12 |
| Hosea 13 / Hos 13 |
| Hosea 14 / Hos 14 |