A A A A A
Facebook Instagram Twitter
Kurukh Bible 2014 Kurux

प्रकाशित वाक्य 7



1
इदही ख़ॊख़ा ऎन चार गोटा मेर्ख़ा पैकारिन ख़ॆख़ेल ही चरियो कोंड़ा नू इज्‍जका ईरकन। अबड़र ख़ॆख़ेल ता चरियो ताकन उर्दका रहचर का ख़ॆख़ेल नू महले समुदर नू महले इन्द्रिइम मन्न नू ताका अम्‍बो तागर'आ।
2
फेन अउर ओन्टा मेर्ख़ा पैकासिन उज्‍जना धर्मेसी मरकन उइय्का ती पुरुब तरती मइय्याँ बरना ईरकन। अरा आस अबड़ा चरियो मेर्ख़ा पैकारिन नॆका ख़ॆख़ेल अरा मेर्ख़न नठाब'आ गे अदिया चीरकी रहचा आरिन जॊरसरिया चिच्चियारस ती बाचस,
3
“एका गूटी ऎम नम्‍है धर्मेसी जॊंख़र ही कपड़े नू मरका मल नंज ख़च्‍चोम, आ गूटी ख़ॆख़ेल महले समुदर महले मन्न गुट्ठिन अमके नठाब'आ।”
4
फेन ऎन छपा नंजका आलर ही गनती आबोन ब'अना मेंजकन। इस्राऎल आलर ही उर्मी गोतोर नू ओन लाख चवालीस हजार आलर मइय्याँ छपा नन्तारा।
5
यहूदासी गोतोर ती बारा हजार आलर नू छपा नन्तारा। रूबॆनसी गोतोर ती बारा हजार आलर नू, गादसी गोतोर ती बारा हजार आलर नू,
6
आसॆरसी गोतोर ती बारा हजार आलर नू, नेफतलिमसी गोतोर ती बारा हजार आलर नू, मनास्‍सॆसी गोतोर ती बारा हजार आलर नू,
7
सुमेयॊनसी गोतोर ती बारा हजार आलर नू, लेवीसी गोतोर ती बारा हजार आलर नू, इस्‍सख़ारसी गोतोर ती बारा हजार आलर नू,
8
जबुलॊनसी गोतोर ती बारा हजार आलर नू, यॊसॆफसी गोतोर ती बारा हजार आलर नू, बेनियमिनसी गोतोर ती बारा हजार आलर नू छपा नन्तारा।
9
इबड़ा कत्था ही ख़ॊख़ा ऎन ईरकन ख़ने, ऎरा, उर्मी राजी अरा गोतोर अरा आल खोंड़हा अरा भखा ती बरचका नॆ हूँ गन'आ पोलना ओन्टा कोहाँ आल गोंहड़न ईरकन। अबड़र पंडरु किचरी गुट्ठी अत्तका ती तम्है ख़ेक्खा नू कींदा डहुड़ा गुट्ठी धरचका बॆल-गदिया ही मुन्दहारे अरा भेंडो ख़द्द मसीसी मुन्दहारे इज्‍जका रहचर।
10
अरा आर जॊरसरिया चिच्चियारर ती ब'आलियर, “नाड़रना नम्‍है धर्मेस नॆ बॆल-गदिया नू उक्‍कादस आसी ती, अरा भेंडो ख़द्द मसीस ती बर'ई।”
11
अरा उर्मी मेर्ख़ा पैकर बॆल-गदिया अरा सेयान आलर अरा चरियो उज्‍जना आलॊ ही ओनबेंड़र'आ इज्‍जर ती बॆल-गदिया ही मुन्दहारे मुंही पाब खत्रर ती धर्मेसी महबा नंजर।
12
अरा अबड़र बाचर, “आमेन! नम्‍है धर्मेस गे ओहमा, अरा महबा, अरा लूर, अरा धन्यवाद, अरा मईन, अरा सवंग, अरा पया हुल्‍लो ती हुल्‍लो गूटी मनन नेकअन, आमेन।”
13
फेन सेयान आलर ती ओर्तोस एंगन एन्ने मेंजस, “पंडरु किचरी गुट्ठी अत्तका र'अनर इबड़र नॆ तंग्‍है? अरा ईर एसलेक ती बरचका र'अनर?”
14
ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।
15
ई चड्डेम ईर धर्मेसी बॆल-गदिया ही मुन्दहारे र'अनर ती आसी मन्दिर नू उल्‍ला माख़ा आसी तेतर-सुसर नन्नर। अरा नॆ बॆल-गदिया नू उक्‍कादस, आस आर ही गने ओक्र'ओस अरा आरिन ख़ापोस।
16
आर अक्कु इकला हूँ कूल कीड़ा महले ओनक'आ मल सार'ओर, अरा आर गे बिड़ना ती महले ओरना ती इन्द्रिइम खिलपत मल मनो।
17
एन्‍देरगेका भेंडो ख़द्द मसीस नॆ बॆल-गदिया ही मझी नू इज्जदस, आस आर ही महरस हिकदस। अरा आस आरिन उज्जना अम्मु ही पझरा गुट्ठी गुसन कड़हाब'ओस। अरा धर्मेस आर ही ख़न्न ती उर्मी ख़ंजलख़ोन चींचोस।”











प्रकाशित वाक्य 7:1
प्रकाशित वाक्य 7:2
प्रकाशित वाक्य 7:3
प्रकाशित वाक्य 7:4
प्रकाशित वाक्य 7:5
प्रकाशित वाक्य 7:6
प्रकाशित वाक्य 7:7
प्रकाशित वाक्य 7:8
प्रकाशित वाक्य 7:9
प्रकाशित वाक्य 7:10
प्रकाशित वाक्य 7:11
प्रकाशित वाक्य 7:12
प्रकाशित वाक्य 7:13
प्रकाशित वाक्य 7:14
प्रकाशित वाक्य 7:15
प्रकाशित वाक्य 7:16
प्रकाशित वाक्य 7:17






प्रकाशित वाक्य 1 / प्रकवा 1
प्रकाशित वाक्य 2 / प्रकवा 2
प्रकाशित वाक्य 3 / प्रकवा 3
प्रकाशित वाक्य 4 / प्रकवा 4
प्रकाशित वाक्य 5 / प्रकवा 5
प्रकाशित वाक्य 6 / प्रकवा 6
प्रकाशित वाक्य 7 / प्रकवा 7
प्रकाशित वाक्य 8 / प्रकवा 8
प्रकाशित वाक्य 9 / प्रकवा 9
प्रकाशित वाक्य 10 / प्रकवा 10
प्रकाशित वाक्य 11 / प्रकवा 11
प्रकाशित वाक्य 12 / प्रकवा 12
प्रकाशित वाक्य 13 / प्रकवा 13
प्रकाशित वाक्य 14 / प्रकवा 14
प्रकाशित वाक्य 15 / प्रकवा 15
प्रकाशित वाक्य 16 / प्रकवा 16
प्रकाशित वाक्य 17 / प्रकवा 17
प्रकाशित वाक्य 18 / प्रकवा 18
प्रकाशित वाक्य 19 / प्रकवा 19
प्रकाशित वाक्य 20 / प्रकवा 20
प्रकाशित वाक्य 21 / प्रकवा 21
प्रकाशित वाक्य 22 / प्रकवा 22