A A A A A
Facebook Instagram Twitter
Kurukh Bible 2014 Kurux

याकूब 5



1
अना उरुब आलारो, मेना। निम्है मइय्याँ बर'ऊ र'ई आ भयभयान खिलपत गुट्ठी ही चड्डे नीम चींख़ा अरा रेक'आ।
2
निम्‍है खुर्जी गुट्ठी नठारा केरा, अरा निम्‍है किचरी गुट्ठिन पोचगो मोक्खा चिच्चा।
3
निम्‍है सोना अरा चांदी मुरछारा केरा। अरा इदही मुरछा निम्है बिड़दो नू गोवाह चि'ओ, अरा ई मुरछा चिच्ची लेक्खा निम्है मॆदन मॊख़ो चि'ओ, एन्देरगेका नीम निम्है खुर्जिन दौ गे मल बउराचकर। ईद ई जुग ही मुंजुरना उल्ला एन्ने अख़ना ती हूँ नीम खुर्जी बॆन्दका र'अदर।
4
ऎरा, बनिहार आलर निम्है ख़ल्लन ख़ोस्सर, नीम आर ही बनिन मल चिच्चकर, अक्कु आर गे मल चिच्का बनी निम्है बिड़दो नू गोहरार'आ लगी। अरा आ बनिहार ही गोहरारना उर्मी ती सवंगिय धर्मे उर्बस गुसन अंड़सकी र'ई।
5
नीम ख़ॆख़ेल नू सुख-सौंरत भोगचकर अरा निम्है उर्मी मनेन पूरा नन्ना ती सुक्खे उज्जकर। अरा नीम निम्है जियन पलचकादर, लिकिन एन्देर नीम बलदर का नठारना ही उल्ला हेद्देम अंड़सकी र'ई?
6
निम्है बिड़दो मल मंजका उजगो आलारिन हूँ नीम बदी टिड्डकर ती पिटकादर।
7
औंगे अना एंग्है भईरो, उर्बासी किर्रना गूटी खतिर नना। ऎरा, एकासे ख़ल्ल उर्बस तंग्‍है कोड़हे दामे ही खिती मना गे पहिल बरखा ती छेद्दे बरखा गूटी खतिर नन्दस।
8
नीम हूँ ख़तिर नना डिढ अमके अम्बा, एन्‍देरगेका उर्बासी किर्रना उल्ला हेद्दे अंड़सकी र'ई।
9
अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।
10
अना भईरो, उर्बासी नामे नू कछनख्रका धर्मेसी कत्था तिंगुर ही पत्त नू सोच'आ। आर ख़तिर गने सस्‍ती चॊद'आलियर। इदन नीम ओन्टा नमुना अख़'आ।
11
ऎरा, खतिर ननू आलर आसीस ख़क्खोर। नीम यॊबसी खतिर नन्ना ही पत्त नू गा मेंजकादर। अरा नीम ऎरा ओंग्दर का उर्बस आसी छेद्दे बेड़ा नू एकासे दया नंजकाचस। उर्बस कोड़हे सोग्गे ईरू अरा मया ननू र'अदस।
12
अना एंग्‍है भईरो, उर्मी ती कोड़हे गा, नीम किरया अमके मॊख़ा। ख़ॆख़ेल ही महले मेर्ख़ा ही महले एकअम नन्ना आलॊ ही मइय्याँ अमके किरया मॊख़ा। लिकिन निम्‍है कत्‍था गा हाँ होले हाँ अरा मला होले मला र'अन नेकअन। होले धर्मेस निमन बदी मल टिड़'ओस।
13
निम्‍है नू एकअम ओर्तस सस्ती सारदस होले, आस गोहरारदस नेकअन। अरा निम्है नू एकअम ओर्तस रिझ्रदस होले, आस ओहमा पाड़दस नेकअन।
14
अरा निम्‍है नू एकअम ओर्तस बेमार नू र'अदस होले, आस कलीसिया ही सेयान आलारिन मॆख़दस नेकअन। अरा आर आसी मइय्याँ उर्बासी नामे नू इसुंग टूड़रकी आस गे गोहरारनर नेकअन।
15
पत्त'अना गने नन्ना गोहरारना बेमरहा आलासिन कोड़े ननी चि'ई। अरा उर्बस आसिन कोड़े ननोस। अरा आस पाप गुट्ठी नंजकादस होले, अबड़ा आस गे अम्बतार'ओ कालो।
16
औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।
17
धर्मेसी कत्‍था तिंगू एलियस नम्‍है लेक्‍खा आलस रहचस। लिकिन आस सौंसे जिया ती गोहरारस का साढ़े तीन बच्‍छर अम्बो पुंइय्याँ, अरा आ राजी नू साढ़े तीन बच्‍छर चॆप मल पुंइय्याँ।
18
अरा आस अउरिम गोहरारस ख़ने, चॆप पुंइय्याँ अरा ख़ॆख़ेल नू ख़ंज'आ हेलरा।
19
अना एंग्है भईरो, निम्है नू एकअम ओर्तस धर्मेसी मानी डहरे ती बिलटारका केरकादस ख़ने, ओर्तस आसिन किर्रत'अदस ओन्‍द्रस होले,
20
आस इदन अख़'आ हो'आ का, आस ओर्त पपहा आलासिन आसी मलदौ डहरे ती किर्त'अदस, अरा आस आसिन जनमजुग खे'अना ती बछाब'अदस, अरा आस आ पपहा आलासी कैनो गोटंग पाप गुट्ठिन अम्बत'अना गे चड्डे मन्दस।











याकूब 5:1
याकूब 5:2
याकूब 5:3
याकूब 5:4
याकूब 5:5
याकूब 5:6
याकूब 5:7
याकूब 5:8
याकूब 5:9
याकूब 5:10
याकूब 5:11
याकूब 5:12
याकूब 5:13
याकूब 5:14
याकूब 5:15
याकूब 5:16
याकूब 5:17
याकूब 5:18
याकूब 5:19
याकूब 5:20






याकूब 1 / याकूब 1
याकूब 2 / याकूब 2
याकूब 3 / याकूब 3
याकूब 4 / याकूब 4
याकूब 5 / याकूब 5