A A A A A
Facebook Instagram Twitter
Kurukh Bible 2014 Kurux

याकूब 4



1
निम्‍है नू अरबानख्रना गुट्ठी अरा नग्‍गानख्रना गुट्ठी एन्देर चड्डे बर'ई? निम्है जिया नू र'ऊ निम्है नन्ना नन्ना चिबाख़ारना गुट्ठी तिम अरबानख्रना बर'ई।
2
नीम इन्द्रिइम ओन्टन ख़क्खा बेद्ददर, लिकिन अदन मल ख़क्खदर। नीम पिटा गे सपड़ारका र'अदर, अरा नन्नारिन इस्गहा नन्दर, अन्नु हूँ नीम एन्द्रन बेद्ददर अदिन ख़क्खा पोलदर। औंगे नीम नग्गानख्रदर अरा अरबानख्रदर। नीम धर्मेस ती मल ने'अदर, ई चड्डेम नीम मल ख़क्ख्रदर।
3
अरा नीम धर्मेसिन ने'अदर ख़ने हूँ मल ख़क्‍खदर, ईगेका नीम मलदौ मने गुट्ठी ती ने'अदर का नीम निम्है सुख-सौंरत आबोन पूरा नना गेम ने'अदर।
4
अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।
5
“नम्है नू ओक्कर'आ गे धर्मेस नमा गे चिच्का नेम्हा बॊलतस, नाम आसी आलर र'आ गे दिम कोड़हे पत्तारदस,” एन्ने नेम्हा पुथी नू अनभनियाँ ती लिख्रकी र'ई एन्ने नीम अमा सोच'आ।
6
लिकिन धर्मेस गा ख़ॆख़ेल ता मलदौ ती नाम तरकूटी र'आ गे कोड़हे मया चि'अदस। औंगेम नेम्हा पुथी एन्ने ब'ई का, “धर्मेस फुलई मनुर मइय्याँ बिड़दो मन्दस, अरा लुद'उर मइय्याँ मया नन्दस।”
7
औंगे नीम निमन सौंसे जिया ती धर्मेस गे सोंप'आ चि'आ, अरा नाद गने जुझ्र'आ, अरा आद निम्‍है गुसले उरखो बोग्‍गो।
8
नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।
9
अरा निम्हा नंजका मलदौ नलख गुट्ठी चड्डे कलपार'आ अरा अउवार'आ अरा चींख़ा। निम्‍है अलखना अउवारना नू अरा निम्‍है रिझ हेन्दवारना नू बदलारअन नेकअन।
10
नीम उर्बासी मुन्दहारे निमन लुदऊ कम'आ, होले आस निमन कोहाँ नन्त'ओस।
11
अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।
12
धर्मेस ओर्ते गुना पॆसकन चि'उस अरा नेंवई ननुस र'अदस। आसिम नमन बछाब'आ गे अरा पिटा गे सवंगिय र'अदस। लिकिन निंग्‍है अरबर-परबारिन नेंवई नना गे नीन एका ओर्तय?
13
“ऎम इन्ना महले नॆला एकअम नगरे नू क'ओम, अरा ओन बछर असन र'ओम ती ख़ॆन्दोम बीसोम ती ढिबा अर्ज'ओम” एन्ने ब'ऊ आलारो, मेना।
14
नीम इदन हूँ बलदर का नॆला निमा गे एन्‍देर मनो महले निम्है उज्जना नू एन्देर मनो। निम्है उज्जना गा पैरी ता कीबा लेक्खा र'ई, आद एगघड़ी ईथर'ई अरा ख़ॊख़ा आद उधियार'ई।
15
निमा एन्ने ब'अना र'ई का, “उर्बासी मने र'ई होले, ऎम उज्‍जोम अरा इदन महले अदन ननोम।”
16
लिकिन अक्‍कु नीम हकना नू फुलई मन्दर, अरा ई लेक्खा उर्मी फुलई मन्ना मलदौ हवे।
17
औंगे ओर्तस तंगा नन्ना र'ई आ दौ आबोन अख़दस ती हूँ अदन मल नन्‍दस होले, आस पाप नन्दस।











याकूब 4:1
याकूब 4:2
याकूब 4:3
याकूब 4:4
याकूब 4:5
याकूब 4:6
याकूब 4:7
याकूब 4:8
याकूब 4:9
याकूब 4:10
याकूब 4:11
याकूब 4:12
याकूब 4:13
याकूब 4:14
याकूब 4:15
याकूब 4:16
याकूब 4:17






याकूब 1 / याकूब 1
याकूब 2 / याकूब 2
याकूब 3 / याकूब 3
याकूब 4 / याकूब 4
याकूब 5 / याकूब 5