A A A A A
Facebook Instagram Twitter
Kurukh Bible 2014 Kurux

इब्रानियों 7



1
ई मेलख़िसेदेक सालॆम नगरे ता बॆलस अरा उर्मी ती कोहाँ धर्मेसी नैगस हूँ रहचस। अब्राहमस बॆलारिन जितचस ती किर्रा लगियस ख़ने ईसिम आसिन भेंटारस ती आस गे आसीस चिच्‍चस।
2
तहाँ अब्राहमस तान जितचका ती ओन्‍द्रका उर्मी जिनिस ही दसमांस मेलख़िसेदेकस गे चिच्‍चस। मेलख़िसेदेक नामे ही माने “उजगो ही बॆलस”, अरा सालॆम ही बॆलस ही माने “कोड़े ही बॆलस” हवे।
3
ईसी बंगस महले ईसी अयंग महले ईसी खूंटी महले ईसी उज्‍जना ही ऒर महले ईसी उज्‍जना ही मुंज्रना ही पत्त नू नॆ हूँ बलनर। ईस धर्मेसी ख़द्दस लेक्‍खा उर्मी उल्‍ला गे नैगस कम्रका र'अदस।
4
नीम सोच'आ का मेलख़िसेदेकस एका कोड़हे कोहाँ आलस रहचस। नम्‍है कोहाँ पूरखस अब्राहमस हूँ तान बॆलारिन जितचका ती ओन्‍द्रका उर्मी जिनिस ही दसमांस आस गे चिच्‍चस।
5
मूसासी नॆग ब'ई का लेवी गोतर ती नॆ नैगर मंजकानर आर गे ईस्राऎल आलर ती दसमांस ख़ॊजना र'ई। इबड़ा नैगर अरा इस्राऎल आलर इबड़ा इरबारिम अब्राहमसी जंईपुंईर दिम हिकनर।
6
लिकिन मेलख़िसेदेक गा लेवी गोतर ता मल रहचस। अन्नु हूँ अब्राहमस ती आस दसमांस ख़ूजियस। अरा धर्मेस ती गच्‍छरका गुट्ठिन ख़क्‍खका अब्राहमसिन आस आसीस नंजस।
7
इय्या दोभिदी मल्‍ला का सन्निस कोहँस ती आसीस ख़क्‍खदस।
8
इसन नैगर गा खे'अना काना आलर हिकनर, आर दसमांस गुट्ठी ख़ॊजनर। लिकिन मेलख़िसेदेकस गा नॆ अब्राहमस ती दसमांस ख़क्‍खियस, आसी पत्त नू नेम्‍हा पुथी ब'ई का आस उज्‍जा लगदस।
9
नाम एन्ने हूँ ब'आ ओंग्दत का दसमांस ख़ॊजू लेवीस हूँ अब्राहमस ती दसमांस मेलख़िसेदेकस गे चिच्‍चस।
10
एन्‍देरगेका इकला मेलख़िसेदेकस अब्राहमस गने भेंट मंजस आ बारी लेवीस तंग्‍है पूरखस अब्राहमसी मॆद नू रहचस।
11
लेवी गोतर ती बरचका नैगर ही नैग नलख धर्मेस ती इस्राऎल आलर गे ख़क्‍ख्रका नॆग ती र'ई। ई लेवी गोतर ता नैगर ही नलख ती धर्मेसी बेद्दना बड़ियर मन्ना मल मंजा, ख़ने आरॊनसी बनसन अम्‍बियस ती मेलख़िसेदेक नैगासी लेक्‍खा नन्ना नैगस बरना चाड़ रहचा।
12
अरा नैगासी अड्डा बदलतार'ई ख़ने, नॆग ही हूँ बदलारना चाड़ मनी।
13
ऎम मसीसी पत्त नू इबड़ा कत्‍थन ब'अदम। आस नन्ना गोतर ता हिकदस अरा आ गोतर ती नॆ हूँ गोड़हा नू नैग लेक्‍खा नलख मल्‍ला नंजका।
14
ईद फरीफरी र'ई का नम्‍है उर्बस यहूदा गोतोर ती बरचस, अरा ई गोतोर ती नैगर बरना ही पत्त नू मूसस एन्‍देर हूँ मल बाचस।
15
नैगासी अड्डा बदलारना पत्त ता ई कत्‍था अउरिम कोड़हे फरीफरी मनी का इकला मेलख़िसेदेक लेक्‍खा अउर नन्ना नैगस दहदर मंजकादस।
16
लेवी गोतर ती बरना एन्ने ब'ऊ आलर ही नॆग चाल ही लेक्‍खा मल्‍ला, लिकिन मल नठारना उज्‍जना ही सवंग ती येसुस नैग मंजस।
17
एन्‍देरगेका आसी पत्त नू नेम्‍हा पुथी ब'ई, “नीन मेलख़िसेदेक लेक्‍खा उर्मी उल्‍ला नैग र'अदय।”
18
तहाँ नैग नलख ही पत्त ता पच्चा नॆग तेभरा केरा, एन्‍देरगेका ईद पयहा दरा अनभनियाँ रहचा।
19
मूसासी नॆग एन्‍द्रन हूँ बड़ियर नना पोल्‍ला। लिकिन अक्‍कुन नमा गे ओन्‍टा कोड़हे असरा चितारकी र'ई, आद ती नाम धर्मेस गुसन अंड़सदत।
20
ई पुना तरिका धर्मेसी किरया मॊख़ना ती असरा जॊगे मंजा। आरॊनसी बनस ता आलर गा बिगर किरया मोक्‍का ती नैग मंजर,
21
लिकिन मसीस धर्मेसी किरया मोक्‍का ती नैग मंजस। धर्मेस आसी पत्त नू एन्ने बाचस, “उर्बस किरया मोक्‍का र'अदस अरा आस अत्रु तंग्‍है मनेन मल बदल'ओस का ‘नीन जनमजुग ही नैग हिकदय।’”
22
ई किरया ती येसुस ओन्‍टा बॆस गच्‍छरना ही जमानत मंजस।
23
अबड़ा नैगर गा बग्‍गे रहचर, एन्‍देरगेका आर तम्‍है नलखन नन्‍तेम र'आ गे खे'अना आरिन मल चि'आलिया।
24
लिकिन येसुस गा जनमजुग गूटी उज्‍जदस, ई चड्डे आसी नैग नलख जनमजुग गे मल गुछर'ई।
25
औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।
26
एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।
27
आस अबड़ा कोहाँ नैगर लेक्‍खा मल्‍दस, एकार उर्मी उल्‍ला मुन्‍द तम्‍है पाप गुट्ठी गे अरा फिन आलर ही पाप गुट्ठी गे दाँड़े गुट्ठी अरगना र'ई। लिकिन आर लेक्‍खा आस गे दाँड़े अरगना ही चाड़ मल्‍ला। एन्‍देरगेका येसुस गा तंगन दिम आलर ही पाप गे दाँड़े अरगस ती अदिन ओंग्‍होन लेका नू पूरा नंज ख़च्‍चियस।
28
मूसासी नॆग गा पपहर लेक्‍खा पयहा आलारिन कोहाँ नैग उकत'ई। लिकिन ई नॆग ही ख़ॊख़ा बरचका धर्मेसी किरया ही कत्‍था गा जनमजुग गे पखड़ नन्‍तारका धर्मेसी ख़द्दासिन कोहाँ नैग उकत'ई।











इब्रानियों 7:1
इब्रानियों 7:2
इब्रानियों 7:3
इब्रानियों 7:4
इब्रानियों 7:5
इब्रानियों 7:6
इब्रानियों 7:7
इब्रानियों 7:8
इब्रानियों 7:9
इब्रानियों 7:10
इब्रानियों 7:11
इब्रानियों 7:12
इब्रानियों 7:13
इब्रानियों 7:14
इब्रानियों 7:15
इब्रानियों 7:16
इब्रानियों 7:17
इब्रानियों 7:18
इब्रानियों 7:19
इब्रानियों 7:20
इब्रानियों 7:21
इब्रानियों 7:22
इब्रानियों 7:23
इब्रानियों 7:24
इब्रानियों 7:25
इब्रानियों 7:26
इब्रानियों 7:27
इब्रानियों 7:28






इब्रानियों 1 / इब्रानि 1
इब्रानियों 2 / इब्रानि 2
इब्रानियों 3 / इब्रानि 3
इब्रानियों 4 / इब्रानि 4
इब्रानियों 5 / इब्रानि 5
इब्रानियों 6 / इब्रानि 6
इब्रानियों 7 / इब्रानि 7
इब्रानियों 8 / इब्रानि 8
इब्रानियों 9 / इब्रानि 9
इब्रानियों 10 / इब्रानि 10
इब्रानियों 11 / इब्रानि 11
इब्रानियों 12 / इब्रानि 12
इब्रानियों 13 / इब्रानि 13