A A A A A
Facebook Instagram Twitter
Kurukh Bible 2014 Kurux

इब्रानियों 4



1
धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।
2
एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।
3
लिकिन नाम गा पत्त'ऊ आलत मंजकत ख़ने नाम आ ख़न्न ऎख़्रना अड्डा नू कोरदत। अरा नॆ मल पत्ताचर आर ही पत्त नू धर्मेस एन्ने बाचस, “ऎन गोसा मंजकन ती किरया मोक्‍कन, ‘आर एंग्‍है ख़न्न ऎख़्रना अड्डा नू कहियों मल कोर'ओर।’” अन्नु हूँ धर्मेस सौंसेन गढ़ना ही बेड़ा नुम ई ख़न्न ऎख़्रना अड्डा सपड़ारत'अरकी उइरकी र'ई।
4
एकासे का हप्‍ता ही सातवां उल्‍ला ही पत्त नू नेम्‍हा पुथी एन्ने ब'ई, “धर्मेस तंग्‍है उर्मी नलखन मुंजियस ती सातवां उल्‍ला ख़न्न ईख़ियस।”
5
लिकिन धर्मेस नेम्‍हा पुथी नू नन्ना अड्डा नू एन्ने हूँ ब'अदस, “आर एंग्‍है ख़न्न ऎख़्रना अड्डा नू कहियों मल कोर'ओर।”
6
मुन्‍द ता बेड़ा नू मेन्‍तारका आ दौ कत्‍थन नॆ मेंजर आर तम्‍है मल पॆस्रना ती ख़न्न ऎख़्रना अड्डा नू मल कोरचर। अन्‍नु हूँ जोक्‍क आलर अइय्या कोर'आ गे ईद धर्मेस ती उइर ख़च्चरकी र'ई।
7
औंगे धर्मेस ईद गे ओन्‍टा नन्ना उल्‍लन ओक्‍ताचस, इदिन दिम “इन्ना” एन्ने ब'अदस। एन्‍देरगेका यहोसुस इस्राऎल आलारिन ख़न्न ऎख़्रना अड्डा नू मं‍खिकाचस होले, धर्मेस बग्‍गे बेड़ा ही ख़ॊख़ा नन्ना उल्‍ला ही पत्त नू मल तिंका र'ओस दने। औंगेम गा आस नगदे चान ख़ॊख़ा दाऊदस ती बाचस, एकासे मुन्‍द बारकी र'ई, “इन्ना नीम आसी कत्‍थन मेनोर होले, निम्‍है जियन बेड़हा अमके नना।”
8
***
9
औंगे ईद ईद'ई का धर्मेसी आलर गे ओन्‍टा मुद्ध ख़न्न ऎख़्रना बेड़ा धर्मेस ती उइर ख़च्चरकी र'ई।
10
एकास धर्मेसी ख़न्न ऎख़्रना अड्डा नू कोरदस आस धर्मेस एकासे ख़न्न ईख़ियस अन्ने तान हूँ तंग्‍है नलख ती ख़न्न ऎख़दस।
11
औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।
12
धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।
13
कम्रका ओर्मा धर्मेस ती एन्‍द्रा हूँ मल्‍ला नूख़्रका। अरा आसी ख़न्न ही मुन्‍दहारे उर्मी जिनिस फरीफरी अरा दहदर र'ई। आस गे नम्‍हा नंजका ओर्मा ही लेखा चि'अना र'ई।
14
नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।
15
नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।
16
औंगे नाम डिढ गने नम्‍है धर्मेसी मया ही बॆल-गदिया गुसन बरदत नेक‍अन का असन आस नम्‍है म‍इय्याँ सोग्‍गे ऎरोस, अरा नम्‍है चाड़ ही बेड़ा नू नम्‍है सहाड़ा ननोस ती मया ननोस।











इब्रानियों 4:1

इब्रानियों 4:2

इब्रानियों 4:3

इब्रानियों 4:4

इब्रानियों 4:5

इब्रानियों 4:6

इब्रानियों 4:7

इब्रानियों 4:8

इब्रानियों 4:9

इब्रानियों 4:10

इब्रानियों 4:11

इब्रानियों 4:12

इब्रानियों 4:13

इब्रानियों 4:14

इब्रानियों 4:15

इब्रानियों 4:16







इब्रानियों 1 / इब्रानि 1

इब्रानियों 2 / इब्रानि 2

इब्रानियों 3 / इब्रानि 3

इब्रानियों 4 / इब्रानि 4

इब्रानियों 5 / इब्रानि 5

इब्रानियों 6 / इब्रानि 6

इब्रानियों 7 / इब्रानि 7

इब्रानियों 8 / इब्रानि 8

इब्रानियों 9 / इब्रानि 9

इब्रानियों 10 / इब्रानि 10

इब्रानियों 11 / इब्रानि 11

इब्रानियों 12 / इब्रानि 12

इब्रानियों 13 / इब्रानि 13