A A A A A
Facebook Instagram Twitter
Kurukh Bible 2014 Kurux

तीतुस 2



1
लिकिन नीन एन्ने एन्ने कत्‍था गुट्ठिन तेंगा का एकदा बड़ियर सिखाब'अना जॊगे र'ई।
2
पचगी आलारिन सिखाब'आ का आर गे चिहुंक अरा म‍ईन जॊगे अरा नॆत नॆग ती उज्‍जू मन्ना र'ई। अरा आर गे बॆस पत्त'अना अरा चोन्‍हा ती अरा सहेलहे ती निन्‍द्रका आलर र'अना र'ई।
3
ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।
4
होले पेल्‍लो मुक्‍कारिन आर तम्‍है मॆतर अरा ख़द्दर ती चोन्‍हा नना गे ‍अंगियाब'आ ओंगनर।
5
अरा नॆत नॆग अरा निमन ती र'आ गे ‍अंगियाब'आ ओंगनर। तम्‍है एड़पा नलख नू कमियाँ मना गे, अरा बॆस नलख नना गे ‍अंगियाब'आ ओंगनर। अरा मॆतारिन गदन‍'ऊ र'आ गे ‍अंगियाब'आ ओंगनर, होले आलर धर्मेसी कत्‍था ही बिड़दो नू मल ब'ओर।
6
एन्नेम जॊंख़ मॆतारिन हों नॆत नॆग ती उज्‍जा गे रिझाब'आ।
7
नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।
8
मानिम आबोन सिखाब'आ, होले निंग्‍है सिखाब'अनन बोया कत्‍था ब'अरकी मल अलखोर। तहाँ निंग्‍है बिड़दो नू र'उर लजर'ओर, एन्‍देरगेका नमन मलदौ ब'आ गे एन्‍द्रा हूँ मलकी।
9
बिट्ठी ननू जॊंख़ारिन ब'आ का आर गे सगरो तम्‍है उर्बर ही उर्मी कत्‍था नू गदन'ऊ मन्‍ना र'ई, अरा आरिन खुसमारत'अना र'ई। अरा आरिन अम्‍बोर किर्रा बिड़द'आ।
10
आर अम्‍बोर ख़ड़'आ नुड़'आ, लिकिन उर्मी कत्‍था नू असरा जॊगे अरा दौ ऎथ्रत'अना मनोर। होले आर नम्‍है बछाब'ऊ धर्मेसी पत्त ता सिखाब'अना बॆस कोड़े र'ई इदिन ऎद'ओर।
11
एन्‍देरगेका धर्मेसी मया उर्मी अड्डा ता ओर्मा आलर गे नाड़रनन ओन्‍द्रा।
12
अरा नमन तिगाब'ई का नमा बिगर महबा उज्‍जना अरा पाप नन्ना ही चिबाख़ारना गुट्ठी ती जियन किर्त'अना मनो। अरा नाम बगड़ारका ई परिया नू नॆत नॆग अरा मानिम नन्ना ती महबा नू उज्‍जना र'ई।
13
नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।
14
आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।
15
नीन इबड़ा कत्‍था गुट्ठिन पत्त'ऊ आलर गे सिखाब'अत र'आ। अरा इबड़न नना गे रिझाब'आ। अरा उर्मी आकुस गने तेंगा का आर ही उज्‍जना नू एन्‍देर मलदौ र'ई। निंग्‍है एन्‍ने ब'अना ती नॆ हूँ निंगन अम्‍बोर ख़ाँड़'आ नेक‍अन।











तीतुस 2:1
तीतुस 2:2
तीतुस 2:3
तीतुस 2:4
तीतुस 2:5
तीतुस 2:6
तीतुस 2:7
तीतुस 2:8
तीतुस 2:9
तीतुस 2:10
तीतुस 2:11
तीतुस 2:12
तीतुस 2:13
तीतुस 2:14
तीतुस 2:15






तीतुस 1 / तीतुस 1
तीतुस 2 / तीतुस 2
तीतुस 3 / तीतुस 3