A A A A A
Facebook Instagram Twitter
Kurukh Bible 2014 Kurux

तीतुस 1



1
ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।
2
ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।
3
अक्‍कु ठौका बेड़ा नू आस ई कत्‍थन दहदर नंजस, एकदन नाम नम्‍है बछाब'ऊ धर्मेसी पॆसका ती ओर्मर गे तेंगदत। इदिन एंगा गे सोंपतारा।
4
नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।
5
ई चड्‍डे ऎन निंगन क्रॆतॆ व्दीप नू अम्‍बकाचकन का बछ्रका नलख गुट्ठिन नीन सरि'ओय। अरा एंग्‍है आनका लेक्‍खा नगरे नगरे नू सेयान आलारिन उइय्योय।
6
सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।
7
कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।
8
आस गे पाही ईरू, दौ नलख बिद्दू, खतीर ननू, नियाँव ननू, नेम्‍हा अरा जियन जतन‍'ऊ र'अना र'ई।
9
अरा आस गे सिखाबाचका मानिम कत्‍था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही ब‍इय्यन उट'आ ओंगोस।
10
एन्‍देरगेका नगदे आलर मल गदन‍'ऊ अरा अन्‍भनियाँ कछनख्र‍'ऊ अरा ठक‍'ऊ र'अनर। कोड़हे गा नाड़र'आ गे खतना ही चाड़ र'ई ब'ऊ आलर एन्ने र'अनर।
11
ईरिन एन्ने ब'आ गे अमा चि'आ। ईर तम्‍है मलदौ सिखाब'अना ती एड़पा एड़पन बगड़'अनर चि'अनर। ईर इदन ढिबा गे लेका एन्ने नन्नर।
12
ईर ही तिम ओर्तो क्रॆस आलस एन्ने बाचस, “ई क्रॆस आलर सगरो ठकवा हिकनर, अरा दनवा मेक्‍खो गुट्ठी लेक्‍‍खा र'अनर अरा लंडी पेटहा र'अनर।” आसिन ईर तम्‍है धर्मेसी कत्‍था तिंगुस ब'आलियर।
13
ई गोवाह मानी दिम। औंगे आरिन चेताब'आ का आर पत्त'अना नू कोड़े मन्नर नेक‍अन।
14
आर गे यहूदीर ही ख़ीरी धंधा गुट्ठी अरा मानिम ती बेहड़ारका केरकर ही पॆसका गुट्ठिन मल मेन्ना र'ई।
15
अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।
16
आर ब'अनर का धर्मेसिन अख़दम। लिकिन आर ही नलख ईद'ई का आर मानिम नू धर्मेसिन बलनर एन्‍देरगेका आर ख़ाँड़'ऊ अरा कत्‍था मल पॆस्र'ऊ हिकनर, अरा एकअम दौ नलख नना गे जॊगे मलनर।











तीतुस 1:1
तीतुस 1:2
तीतुस 1:3
तीतुस 1:4
तीतुस 1:5
तीतुस 1:6
तीतुस 1:7
तीतुस 1:8
तीतुस 1:9
तीतुस 1:10
तीतुस 1:11
तीतुस 1:12
तीतुस 1:13
तीतुस 1:14
तीतुस 1:15
तीतुस 1:16






तीतुस 1 / तीतुस 1
तीतुस 2 / तीतुस 2
तीतुस 3 / तीतुस 3