A A A A A
Facebook Instagram Twitter
Kurukh Bible 2014 Kurux

२ तीमुथियुस 4



1
ऎन इदन धर्मेसी अरा मसी येसुसी मुन्‍दहारे पॆसदन। एकास केचका अरा उज्‍जना आलर ही रायबड़ी नना गे तंग्‍है राजी नू बर'ओस।
2
नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।
3
एन्‍देरगेका एन्ने बेड़ा बर'ओ का आलर सुपट सिखाब'अनन मेना गे मने मल ननोर। अरा तम्‍है मने लेक्‍खा तम्‍है ख़ेबदा गुट्ठी गे दौ लगना कत्‍था मेनत'ऊ कैनो गोटंग बिड़दो सिखाब'उरिन ख़ोजोर।
4
अरा आर मानिम कत्‍थन मेना मल बेद्दनर अरा ख़ीरी धंधा आबोन मेन्नर।
5
लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।
6
एन्‍देरगेका अक्‍कु एंग्‍है उज्‍जना नैगासी दाँड़े अरगना नू इसुंग तुन्‍दना बेसे तुन्‍दर'अली। एंग्‍है काना ही बेड़ा अंड़सा ख़च्‍चकी र'ई।
7
ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।
8
अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।
9
एंग्‍है गुसन बर'आ गे नीन लॆम तिहा नना।
10
एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।
11
लूकस लेका एंग्‍है गने र'अदस। नीन बर'ओ बारी मरकुसिन निंग्‍है गने ओन्‍द्र‍'आ, एन्‍देरगेका आस एंग्‍है इसला नलख नू संगरा नना ओंगोस।
12
तुख़िखोसिन ऎन इफेसुस नगरे त‍इय्‍का र'अदन।
13
एका कोट आबोन ऎन त्रोआस नगरे नू कारपोस गारिया अम्‍बका बरचकादन, बर'ओ बारी अदन ओन्‍द्रके। अरा एंग्‍है पुथी गुट्ठिन कोड़हे गा चपटा पत्रा गुट्ठिन हों ओन्‍द्रके बरके।
14
अलेक्‍सन्द्रस ठठेरवस एं‍गा गे कोड़हे मलदौ नंजस। उर्बस आसिन एंग्‍है म‍इय्याँ नंजका नलख गे दंडे चि'ओस।
15
नीन हूँ आसी पत्त नू चिहुंक र'आ, एन्‍देरगेका आस एम्‍है कत्‍था गुट्ठी ही नगदे बिड़दो नंजकादस।
16
एंगन बदी टिड्‍डर ती पहिल खेप कछारी नू नेंवई ननुसी मुन्‍दहारे इजताचका बेड़ा नू नॆ हों एंग्‍है संगे मल चिच्‍चर। ओर्मर एंगन अम्‍बका चिच्काचर। आर गे छमा ख़क्ख्र'ई नेक‍अन।
17
लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।
18
उर्बस एंगन उर्मी रकम ही मलदौ नलख ही बिड़दो ती नाड़ोस अरा तंग्‍है मेर्ख़ा राजी नू कोड़ेम अंड़सत'ओस। आसी दिम महबा हुल्‍लो ती हुल्‍लो गूटी मन्‍ते र'ओ। आमेन।
19
प्रिसका अरा अकुलास गे अरा ओनेसिफोरुसी एड़पातर गे एंग्‍है मोंजरा।
20
एरस्‍तुस कोरिन्‍थ नगरे नू र'आ ख़च्‍चियस अरा त्रुफिमोसिन ऎन मिलेतोस नगरे नू बेमार अम्‍बका बरचकादन।
21
कीरना उल्‍ला ती मुन्‍द बरना ही तिहा नना। युबुलोस, पूदॆस, लीनुस, बहिन क्‍लौदिया अरा उर्मी भइय्योर निंगन मोंजरा नन्नर।
22
उर्बस निंग्‍है गने र'अदस नेक‍अन। निम्‍है ओर्मर म‍इय्याँ आसी मया मनन नेक‍अन।











२ तीमुथियुस 4:1
२ तीमुथियुस 4:2
२ तीमुथियुस 4:3
२ तीमुथियुस 4:4
२ तीमुथियुस 4:5
२ तीमुथियुस 4:6
२ तीमुथियुस 4:7
२ तीमुथियुस 4:8
२ तीमुथियुस 4:9
२ तीमुथियुस 4:10
२ तीमुथियुस 4:11
२ तीमुथियुस 4:12
२ तीमुथियुस 4:13
२ तीमुथियुस 4:14
२ तीमुथियुस 4:15
२ तीमुथियुस 4:16
२ तीमुथियुस 4:17
२ तीमुथियुस 4:18
२ तीमुथियुस 4:19
२ तीमुथियुस 4:20
२ तीमुथियुस 4:21
२ तीमुथियुस 4:22






२ तीमुथियुस 1 / २तीमुथ 1
२ तीमुथियुस 2 / २तीमुथ 2
२ तीमुथियुस 3 / २तीमुथ 3
२ तीमुथियुस 4 / २तीमुथ 4