A A A A A
Facebook Instagram Twitter
Kurukh Bible 2014 Kurux

फिलिप्पियों 4



1
औंगे अना एंग्‍है चोन्हा भईरो, एंग्है संगेरो, नीम उर्बस नू बन्चका र'आ। ऎन निमन चोन्हा नन्दन अरा ऎरा गे पत्तारदन। नीमिम एंग्है रिझ अरा एंग्है नलख गे ख़क्ख्रका इनाम हिकदर।
2
उर्बस नू ओर्त ओर्त गने ओन्टे जिया ती र'आ गे ऎन बहिनर युओदिया अरा सुन्तुख़े गुसन गोहरारदन।
3
हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।
4
उर्बस नू सगरो रिझ्र'आ, ऎन अउरिम ब'अदन रिझ्र'आ!
5
निम्‍है कयास मन्नन ओर्मा आलर अख़नर नेक'आ। उर्बस चाँड़हेम बरदस।
6
एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।
7
होले उर्मी बुझुरना ती गेच्‍छा र'अना धर्मेसी सान्‍ति, निम्‍है जिया गुट्ठिन अरा निम्‍है सोचना गुट्ठिन नीम मसी येसुसी र'अना ती ख़ापो।
8
छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।
9
एका कत्‍थन नीम एंग्‍है ती सिख्रकर, अरा इंझ्रकर, अरा मेंजकर, अरा एंग्‍है नू ईरकर, अबड़न दिम पॆस्र'आ। होले सान्ति ही धर्मेस निम्‍है गने र'ओस।
10
ऎन उर्बस नू अकय रिरयारकन का, अक्‍कु ढ़ॆर उल्ला ही ख़ॊख़ा एंगा गा संगरा नना गे निमा गे घोख अउरिम बरचा। ऎन अख़दन का नीम सगरो एंग्है पत्त नू घोख नू गा र'अदर, लिकिन निमा एंगा गे संगरा नना गे मोका गा मल ख़क्ख्रा।
11
एन्ने मला का ऎन एंग्‍है मलका चड्डे एन्ने ब'अदन। एन्देरगेका ऎन एकअम दसा नू हूँ रिझी ती र'आ गे सिख्रकादन।
12
ऎन अख़दन का मलका नू एकासे उज्जना र'ई, अरा निंद्रका नू एकासे उज्जना र'ई। उड़चका र'आ गे अरा कीड़ा ती र'आ गे, अरा बिगर चाड़ ती उज्जा गे अरा चाड़ गने उज्जा गे, उर्मी बेड़ा नू उर्मी दसा नू रिझी ती र'अना ही गम आबोन सिख्रकादन।
13
एंगा पया चि'ऊ मसीस ती ऎन उर्मिन नना ओंग्दन।
14
अन्नु हूँ नीम दौ नंजकर का एंग्‍है कलपारना नू संगरा नंजकर।
15
अना फिलिप्‍पी नगरे ता पत्त'ऊ आलारो, नीम इदिन हूँ अख़दर का नीम मसीसी दौ कत्‍थन सिख्रका ऒर ता बारी नू, ऎन निम्है मकेदोनिया जिला ती उरखकन ख़ने, निमन अम्‍बरकी नन्ना एकअम कलीसिया हूँ एंगा गे इनाम गुट्ठी चि'अना पत्त नू एंग्‍है गने संगे मल चिच्चा।
16
अन्नेम ऎन थेस्‍सलोनिकॆ नगरे नू रहचकन ख़ने हूँ नीम एंग्‍है चाड़ गे ओंग्‍होल मला बग्गे हॆल तइय्कर।
17
ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।
18
ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।
19
अरा एंग्‍है धर्मेस तंग्‍है महबा ही खुर्जी ही लेक्‍खा निम्है उर्मी चाड़न मसी येसुस ती पूरा ननोस।
20
अक्कु नम्‍है धर्मे बंगस गे हुल्‍लो ती हुल्‍लो गूटी महबा मनन नेकअन। आमेन।
21
मसी येसुस नू र'ऊ उर्मी नेम्‍हा आलर गे एंग्है मोंजरन ब'अके। अरा एंग्है गने र'ऊ भईर निमा गे मोंजरा ब'अनर।
22
उर्मी नेम्‍हा आलर निमा गे मोंजरा ब'अनर, कोड़हे गा कैसरसी गढ़िया नू नलख ननुर निमा गे मोंजरा ब'अनर।
๒๓
उर्बस येसु मसीसी मया निम्‍है गने र'अन नेकअन।











फिलिप्पियों 4:1

फिलिप्पियों 4:2

फिलिप्पियों 4:3

फिलिप्पियों 4:4

फिलिप्पियों 4:5

फिलिप्पियों 4:6

फिलिप्पियों 4:7

फिलिप्पियों 4:8

फिलिप्पियों 4:9

फिलिप्पियों 4:10

फिलिप्पियों 4:11

फिलिप्पियों 4:12

फिलिप्पियों 4:13

फिलिप्पियों 4:14

फिलिप्पियों 4:15

फिलिप्पियों 4:16

फिलिप्पियों 4:17

फिलिप्पियों 4:18

फिलिप्पियों 4:19

फिलिप्पियों 4:20

फिलिप्पियों 4:21

फिलिप्पियों 4:22

फिलिप्पियों 4:23







फिलिप्पियों 1 / ฟีลิป 1

फिलिप्पियों 2 / ฟีลิป 2

फिलिप्पियों 3 / ฟีลิป 3

फिलिप्पियों 4 / ฟีลิป 4