A A A A A
Facebook Instagram Twitter
Kurukh Bible 2014 Kurux

इफिसियों 5



1
नीम धर्मेसी चोन्हा ख़द्दर र'अना ती आसी लेक्‍खा नना अरा ऎका।
2
एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।
3
अरा निम्‍है मझी नू पेहरन ही सोतरा नलख अरा एकअम रकम ही सोतरा नलख महले लोभिया मल र'अना र'ई। धर्मेसी नेम्हा आलर गे इबड़ा जॊगे मल र'अना ती इबड़ा ही पत्त नू कछनख्रना हूँ मल मन्ना र'ई।
4
अन्नेम लज्‍जे मलका कछनख्रना, अरा बोका कत्‍था कछनख्रना, महले भेंसड़'अना हूँ निम्है मझी नू मल र'अना र'ई, इबड़ा निमा गे जॊगे मल्ली। लिकिन नीम धर्मेसिन धन्‍यवाद नना, ईदिम निमा गे जॊगे र'ई।
5
नीम इदिन अख़ना दिम र'ई का पेहरन ही सोतरा नलख ननुस महले एकअम रकम ही सोतरा नलख ननुस महले मूर्तिन ऒड़ लग्गुसी जोक्खा लोभिया मसीसी अरा धर्मेसी राजी नू काना ही आसीस आबोन मल ख़क्खोस।
6
नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।
7
औंगे नीम आर ही गने अमके मेस्र'आ।
8
एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।
9
एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।
10
औंगे उर्बासिन एन्देर रिझ्रत'ई अदिन नीम अख़'आ हो'आ।
11
अरा ऊख़ा ही ख़ंजपा मलका नलख गुट्ठी नू अमा मेस्र'आ, लिकिन आलर गे ऎद'आ का अबड़ा नलख गुट्ठी मलदौ हवे।
12
एन्‍देरगेका आर नूख़्रका नू ननू नलख गुट्ठिन तेंगना हूँ लज्‍जे ही कत्‍था हवे।
13
लिकिन बिल्‍ली आर ही मइय्याँ बिलची ख़ने, आर ही उर्मी मलदौ नलख गुट्ठी दहदर मनी।
14
एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”
15
औंगे नीम एकासे उज्जदर अदही पत्त नू चिहुंक र'आ। लूर मलका आलर बेसे अमा उज्जा, लिकिन लूरगर बेसे उज्जा।
16
उल्‍ला गुट्ठी डउल मल्का ती उर्मी मोका आबोन दौ नना गे बउर'आ।
17
औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।
18
अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।
19
नीम ख़ॊंड़रना बारी अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा। अरा नीम तम्है तम्है जिया नू उर्बासिन डंडी पाड़रकी ओहमा नना।
20
अरा सगर घड़ी उर्मी कत्‍था गे नम्‍है उर्बस येसु मसीसी नामे ती धर्मे बंगासिन धन्यवाद नना।
21
अरा मसीसी मइय्याँ ता निम्है मईन ती नीम ओर्त ओर्तोसी तबे नू र'आ।
22
अना मुक्‍कारो, नीम एकासे निमन उर्बासी तबे नू चिच्का र'अदर, अन्नेम नीम निमन तम्है तम्है मॆतासी तबे नू चि'आ।
23
एन्‍देरगरका एकासे मसीस तंग्है मॆद कलीसिया ही कुक्‍कु हिकदस, अन्नेम मॆतस तंग्है मुक्‍का ही कुक्‍कु हिकदस। अरा मसीस तानिम तंग्है मॆद कलीसिया ही नाड़ुस हिकदस।
24
अरा कलीसिया एकासे तंगन मसीसी तबे नू चिच्की र'ई, अन्नेम मुक्‍कर हूँ उर्मी कत्‍था नू तमन तम्है तम्है मॆतासी तबे नू चि'अना र'ई।
25
अना मॆतारो, एकासे मसीस कलीसियन चोन्‍हा नंजस ती तंग्है जियन अदगे चिच्चस, अन्नेम नीम हूँ तम्है तम्है मुक्‍कन चोन्‍हा नना।
26
मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,
27
अरा कलीसियन एकअम कस्सा महले दगहा महले ई लेक्खा अउर इन्द्रिइम जिनिस मल र'अरकी अदिन नेम्हा अरा बिगर बदी ती महबा गने तंग्है मुन्दहारे इजत'ओस।
28
ई लेक्खम मॆतर हूँ तम्है तम्है मुक्‍कन तम्है मॆद लेक्‍खा चोन्‍हा नन्ना र'ई। नॆ तंग्‍है मुक्‍कन चोन्‍हा नन्दस आस तंगानिम चोन्‍हा नन्दस।
29
एन्‍देरगेका नॆ हूँ तंग्है मॆदन मल हींड़दस, लिकिन अदिन पलदस पॊसदस एकासे मसीस कलीसियन ख़ापदस,
30
इदगेका नाम आसी मॆद ही अंग गुट्ठी हिकदत।
31
नेम्हा पुथी ब'अना लेक्खा, “ई चड्डे आलस तंग्‍है अयंग बंगन अम्‍बदस ती तंग आली गने मेस्र'ओस ती र'ओस अरा आर इरबारिम ओन्टे मॆद मनोर।”
32
ईद ओन्टा कोहाँ गम हवे। लिकिन ऎन गा मसीस अरा कलीसिया ही पत्त नू ब'आलदन।
33
अन्नु हूँ नीम ओर्त ओर्त तंग्है तंग्है नू चोन्हा नन्ना बेसे तंग्है तंग्है मुक्कन चोन्हा नन्ना र'ई। अरा मुक्का तंग्है मॆतासिन मईन नन्ना र'ई।











इफिसियों 5:1
इफिसियों 5:2
इफिसियों 5:3
इफिसियों 5:4
इफिसियों 5:5
इफिसियों 5:6
इफिसियों 5:7
इफिसियों 5:8
इफिसियों 5:9
इफिसियों 5:10
इफिसियों 5:11
इफिसियों 5:12
इफिसियों 5:13
इफिसियों 5:14
इफिसियों 5:15
इफिसियों 5:16
इफिसियों 5:17
इफिसियों 5:18
इफिसियों 5:19
इफिसियों 5:20
इफिसियों 5:21
इफिसियों 5:22
इफिसियों 5:23
इफिसियों 5:24
इफिसियों 5:25
इफिसियों 5:26
इफिसियों 5:27
इफिसियों 5:28
इफिसियों 5:29
इफिसियों 5:30
इफिसियों 5:31
इफिसियों 5:32
इफिसियों 5:33






इफिसियों 1 / इफिसि 1
इफिसियों 2 / इफिसि 2
इफिसियों 3 / इफिसि 3
इफिसियों 4 / इफिसि 4
इफिसियों 5 / इफिसि 5
इफिसियों 6 / इफिसि 6