A A A A A
Facebook Instagram Twitter
Kurukh Bible 2014 Kurux

गलातियों 5



1
नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।
2
ऎन पौलुस निमन आनदन, चिहुंक लगे मेना, नीम निमन खतना मन्‍तार'आ गे चि'अदर होले, निमा मसीस ती एन्‍देरा हूँ फैदा मल मनी।
3
अन्नु हूँ नॆ तमन खतना मना गे चि'अदर आरिन ऎन ब'अदन, अत्रु उर्मी यहूदी नॆगन पॆस्रना र'ई।
4
नीम नॆग ती उजगो मना गे चिहुट मन्‍दर होले, मसीस ती तरकूटी मन्‍दर अरा धर्मेसी मया आबोन एब्‍सका चिच्‍चकादर।
5
एन्‍देरगेका ऎम गा नेम्‍हा बॊलता ती पत्त'अना गने धर्मेस नमा गच्छरका उजगो ख़क्‍खा गे पाब ऎरदम।
6
एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।
7
नीम गा एका नगदे दौ बोंगनन बोंगा लिक्‍कर। अक्‍कु निमन नॆ छेंकचा का नीम मानिमन अमा पॆस्र'आ?
8
एन्ने सिखाब'अना निमन मॆख़दस आसी मल्‍ली।
9
“कटी गुना तिस्‍सा उर्मी लिंडका गुंडन तिस्‍सा कम'ई चि'ई।”
10
ऎन धर्मेस मइय्याँ निम्‍है पत्त नू असरा उइय्दन का नीम एकअम नन्‍ना सिखाब'अनन अम्‍बोर पत्त'आ। लिकिन नॆ निमन अकबकाब'अदस चि'अदस आस एकअम ओर्तस हूँ र'ओस दंडे ख़क्‍खोस।
11
लिकिन भईरो, अक्‍कु गूटी ऎन खतना ही पत्त नू तेंगालदन होले, ऎन मल सतार'ओन दने। अन्ने ऎन मानिम नू तेंगदन होले, येसु मसीसी क्रुस ही चड्डे बर'ई आ सतारना मल मनो दने।
12
ऎन मने नन्‍दन का नॆ निमन भेंवाँब'अनर आर तम्‍है तम्‍है लज्‍जेन खंडोर चि'ओर दने।
13
भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।
14
एन्‍देरगेका सौंसे नॆग ई ओन्‍टे पॆसका नू मंज ख़च्‍चिया, “नीन निंग्‍है अरबर-परबर गने निंग्‍है बेसे चोन्‍हा नना।”
15
नीम निम्‍है ती ओर्त ओर्तारिन पल्‍ल ती चब'अर, गिर्रो गोत्तो नना गे तिहा नन्‍दर, होले चिहुंक र'आ, मला होले नीम निम्‍है ओर्त ओर्तारिन नठाब'ओर।
16
औंगे ऎन ब'अदन नेम्‍हा बॊलतासी तिंका नू ऎका, होले नीम कया ही चिबाख़ार'आ गे नलख मल ननोर।
17
एन्‍देरगेका नम्‍है कया बॊलता ही बिड़दो नू चिबाख़ार'ई। अरा बॊलता नम्‍है कया ही बिड़दो नू चिबाख़ार'ई। इबड़ा ऎंड़ तम्है तम्है नू बैरी र'ई। औंगे नीम एन्‍देर दौ नना बेद्ददर अदिन नना पोलदर।
18
लिकिन नीम नेम्‍हा बॊलतासी कड़हाब'अना नू ऎकदर होले, नॆग ही तबे नू मल र'अदर।
19
कया ही नलख गुट्ठी गा दहदर र'ई, पेहरन ही सोतरा नलख, सोतबोड़'आ, पेहरन ही मलदौ ख़न्न,
20
मूर्तिन ओहमा नन्‍ना, नस'ऊ, कसरहा, नग्‍गानख्रना, इस्‍गहा, कैर, लोभिया, छिंडना, धरम नू छिंडना,
21
डाहना, उंखना, धधारना इबड़ा ही अउर हूँ नलख र'ई। इबड़ा ही पत्त नू ऎन निमन तिगा ब'अदन, एकासे ऎन मुन्‍द तिंका चिच्‍चकादन का इबड़ा नलख ननुर धर्मेसी राजी ही आसीस आबोन मल ख़क्‍खोर।
22
लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,
23
निभ्रना, अरा खतिर नन्‍ना रई। एन्ने एन्ने नलख ही बिड़दो नू एन्‍देर हूँ नॆग मल्‍ला।
24
अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्‍चि‍कानर।
25
नाम नेम्‍हा बॊलतस नू उज्‍जा लगदत होले आसी कड़हाब'अना नू उज्‍जोत हूँ।
26
नाम फुल‍ई अम्‍बोत मना, अरा ओर्त ओर्त नू अम्‍बोत अम्‍बर नख्र'आ, अरा ओर्त ओर्त नू कैर कुचर अम्‍बोत मंज नख्र'आ।











गलातियों 5:1
गलातियों 5:2
गलातियों 5:3
गलातियों 5:4
गलातियों 5:5
गलातियों 5:6
गलातियों 5:7
गलातियों 5:8
गलातियों 5:9
गलातियों 5:10
गलातियों 5:11
गलातियों 5:12
गलातियों 5:13
गलातियों 5:14
गलातियों 5:15
गलातियों 5:16
गलातियों 5:17
गलातियों 5:18
गलातियों 5:19
गलातियों 5:20
गलातियों 5:21
गलातियों 5:22
गलातियों 5:23
गलातियों 5:24
गलातियों 5:25
गलातियों 5:26






गलातियों 1 / गलाति 1
गलातियों 2 / गलाति 2
गलातियों 3 / गलाति 3
गलातियों 4 / गलाति 4
गलातियों 5 / गलाति 5
गलातियों 6 / गलाति 6