A A A A A
Facebook Instagram Twitter
Kurukh Bible 2014 Kurux

२ कुरिन्थियों 11



1
एंगा असरा का नीम एंग्‍है बयहन जोक्‍क सह'ओर दने। लिकिन मानिम नू नीम एंग्‍हैन सहदर दिम।
2
ऎन निमन ओर्त लेका मॆतस मसीस गे गच्छरकन का ऎन निमन नेम्‍हा डिंडा पेल्‍लो लेक्‍खा मसीस गे सोंप'ओन। इदिन ती दिम धर्मेस गे तंग्है आलर मइय्याँ र'अना क्याल एंगा गे हूँ निम्है मइय्याँ र'ई।
3
लिकिन ऎन एल्‍चदन का एकासे नेर्रद तंग्‍है चतरा ती हवा आबोन भुरियाचा, अन्नेम निम्‍है जिया नू मसीस गे र'अना मानिमन ती अरा मानिम भगती ती नीम बेहड़ार'ओर दने।
4
एन्देरगेका नीकईम निम्है गुसन बर'अरकी ऎम मल्‍ला तिंका एकअम नन्ना येसुसी पत्त नू तेंगदस, मलता नीम ख़क्ख्रका नेम्हा बॊलतासिन अम्बरकी एकअम नन्ना बॊलता ही पत्त नू ब'अदस, मलता नीम इंझ्रका दौ कत्था ती एकअम नन्ना दौ कत्‍थन ओन्द्रदस होले, नीम सेब्‍बा तिम अबड़न इंझ्रदर।
5
अबड़ा “कोहाँ तइरकर” ती ऎन एन्‍देर कत्‍था नू हूँ ती सन्नी मलदन एन्ने सोचदन।
6
ऎन भासन चि'अना नू सवंगिय मलदन, अन्नु हूँ लूर नू अन्ने मला। ऎम गा इदन उर्मी तरती उर्मी कत्‍था नू दहदर नंजकादम।
7
ऎन निमन कोहाँ कम'आ गे एंगन सन्नी नंजकन ती ऎन निमन धर्मेसी दौ कत्‍थन सिथियम तिंकन। ऎन एन्ने नंजकन ख़ने एन्‍देर इन्द्रिइम पाप नंजकन का?
8
ऎन निमा गे सुसर नना गे नन्ना कलीसिया गुट्ठी ती संगरा ख़क्खकादन। एन्ने ऎन निमा गे आरिन बच्चकन।
9
अरा ऎन निम्है गने र'अना बारी एंगा गे चाड़ मंजा ख़ने, ऎन अदगे नॆकन हूँ दुक्खे मल चिच्‍कन। एन्देरगेका एंगा एन्देर चाड़ रहचा, अबड़ा उर्मी गे मकेदोनिया ती बरचका भइय्योर दिम चि'अरकी संगरा नंजर। ऎन मुन्द एकासे रहचकन अन्ने बरना उल्ला नू हूँ एंग्है चाड़ गे एका तरती हूँ ऎन निमा गे ओत्था मल मनोन।
10
मसीसी मानिम एंग्है नू र'ई, ईद मानिम दिम हिके। अन्नेम अख़या चक नू र'ऊ नॆ हूँ एंगन ई फुलई मन्ना ती छेक'आ पोल्लोर, ईद हूँ मानिम हिके।
11
एन्‍देरगे ऎन इदन एन्ने ब'अदन? ऎन निमन चोन्‍हा मल नन्ना ती का? धर्मेस अख़दस ऎन निमन एका कोड़हे चोन्‍हा नन्दन।
12
ऎम एकासे सुसर नलख नन्दम, अन्नेम आर हूँ सुसर नलख नन्नर एन्ने आर फुलाई मन्नर। अन्ने आर नना पोल्ला गे ऎन ई लेक्खम नन्तेम र'ओन।
13
एन्‍देरगेका एन्ने आलर ठकवा तइरकर र'अनर, अरा मसीसी तइरकर लेक्खा भॆंस ऎदना ती फसवार नलख ओथ्र'ऊ आलर हिकनर।
14
लिकिन ईद हैकट मन्ना ही कत्‍था मल्‍ली, एन्‍देरगेका सैतान हूँ गा बिल्‍चिना मेर्ख़ा पैकस लेक्खा भॆंस ननी।
15
औंगे अदही जॊंख़र हूँ उजगो ही जॊंख़र लेक्‍खा भॆंस नन्ना कोहाँ कत्था मल्ला। लिकिन एकासे आर ही नलख र'ई अन्नेम आर ही मुंज्रना र'ओ।
16
ऎन अउरिम ब'अदन नॆ हूँ एंगन बोया अमके सोच'आ। लिकिन अन्ने नीम सोचदर होले, एंगन बोया बेसेम इंझ्र'आ, ख़ने ऎन हूँ अउर कटिक फुलई मना ओंग्दन।
17
एन्ने फुलई मन्ना डिढ ती ब'अना ही पत्त नू गा ऎन उर्बासी मने लेक्खा मल ब'अदन। लिकिन ऎन ओन्टा बोया बेसेम ब'अदन।
18
बग्गे आलर सौंसार ही लेक्खा फुलई मन्नर, ऎन हूँ अन्नेम फुलई मनोन।
19
नीम गा एका कोड़हे लूरगर आलर र'अदर, बोयारिन रिझ गने सहदर।
20
एन्‍देरगेका नीकईम निमन बिट्ठी ननू जॊंख़ कम'आ बेद्ददस, अरा नीकईम निमन नुलख़दस, अरा नीकईम निम्है ओदहा ती अपन नफा हो'अदस, अरा नीकईम तंगन कोहाँ नन्दस, अरा नीकईम निमन चटक'अदस, होले हूँ नीम अबड़ारिन रिझ गने सहदर।
21
ऎन लज्‍जे मॊख़्रदन ती इदन ब'अदन का ऎम गा इबड़न नना गे सवंग मलका नू रहचकम। अन्नु हूँ नीकईम एका पत्त नू फुलई मना गे डिढ नन्नर होले, अन्नेम ऎन हूँ फुलई मना गे डिढ मनोन। ऎन ओन्टा बोया बेसे इदिन हूँ ब'अदन।
22
आर लेका इब्रानी आलर का? ऎन हूँ इब्रानी आलन हिकदन। आर लेका इस्राऎल आलर का? ऎन हूँ इस्राऎल आलन हिकदन। आर लेका अब्राहमसी बनस ता आलर हिकनर का? ऎन हूँ अब्राहमसी बनस ता हिकदन।
23
आर लेका मसीसी जॊंख़र का? (ऎन लूर मलका बेसे एन्ने ब'अदन।) ऎन आरहिन ती हूँ बड़ियर जॊंख़न हिकदन। ऎन ई सुसर नलख नू कोड़हे अर्जाचकन, अरा बग्गे हॆल जेहेल नू पहाबाचकन‍, अरा कोर्रा ती बग्‍गे लौर मोक्‍कन, ऎन बग्गे हॆल खे'अना ती बछ्रकन।
24
यहूदीर ती ऎन पाँच खेप ओन कोर्रा जुक्की चालीस कोर्रा लौर ख़क्खकन।
25
रोमीर ती ऎन तीन खेप बॆंत ती लौर ख़क्खकन। ओंग्‍होल पखना ती लोड़गतारकन। तीन खेप एंग्‍हा काना कोहाँ डोंगा एसरा ती धसरा केरा। ओंग्‍होल गोट्टा उल्‍ला माख़ा ऎन मझी समुदर ता अम्मु नू अत्रा इत्रा बोहार'आ लिक्कन।
26
खनिम खनिम ऎन डहरे इक्‍कन। ऎन ख़ाड़ गुट्ठी ही अपलोक नू रहचकन। एंगा गे बच्चुर ती हूँ अपलोक बरचा, अरा यहूदीर ती हूँ अपलोक बरचा, अरा नन-यहूदीर ती हूँ अपलोक बरचा, अरा नगरे नू हूँ अपलोक बरचा, अरा टोड़ंग नू हूँ अपलोक बरचा, अरा समुदर नू हूँ अपलोक बरचा, अरा कसरहा भईर ती हूँ अपलोक बरचा।
27
ऎन कोड़हे अर्जाचकन अरा तिहा नंजकन, अरा कैनो माख़ा मल ख़न्‍द्रकन, अरा कीड़ा नू अरा ओनक'आ नू रहचकन, अरा खनिम खनिम बिगर ओन्ना-मॊख़ना नू रहचकन, अरा पइय्याँ नू अरा किचरी मलका नू रहचकन।
28
अरा इबड़ा उर्मी ती कोड़हे गा, उर्मी कलीसिया ही पत्त ता एंगा घोख एंगन उर्मी बेड़ा बयाबाचकी र'ई।
29
नन्नर पयहा र'अनर ख़ने, ऎन हूँ पयहा र'अदन। नन्नर पाप नू मूड़नर ख़ने, एंग्‍हा जिया कैर ती ऊली।
30
एंगा एकअम कत्‍था नू फुलई मन्ना र'ई होले, एंग्‍है पयहा आबोन ईद'ऊ आलॊ मइय्याँ ऎन फुलई मनोन।
31
हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।
32
ऎन दमसकोस नगरे नू रहचकन ख़ने, हरेतास बॆलासी राजीख़ापुस एंगन हॆंर'आ गे नगरे नू पहरा ओकताचस।
33
लिकिन जोक्क आलर एंगन ओन्टा ढक्‍की नू उइय्यर ती नगरे ही भीत ही भंवारी ती एंगन किय्या एत्ताचर। ई लेक्‍खा ऎन बुचड़ारकन।











२ कुरिन्थियों 11:1
२ कुरिन्थियों 11:2
२ कुरिन्थियों 11:3
२ कुरिन्थियों 11:4
२ कुरिन्थियों 11:5
२ कुरिन्थियों 11:6
२ कुरिन्थियों 11:7
२ कुरिन्थियों 11:8
२ कुरिन्थियों 11:9
२ कुरिन्थियों 11:10
२ कुरिन्थियों 11:11
२ कुरिन्थियों 11:12
२ कुरिन्थियों 11:13
२ कुरिन्थियों 11:14
२ कुरिन्थियों 11:15
२ कुरिन्थियों 11:16
२ कुरिन्थियों 11:17
२ कुरिन्थियों 11:18
२ कुरिन्थियों 11:19
२ कुरिन्थियों 11:20
२ कुरिन्थियों 11:21
२ कुरिन्थियों 11:22
२ कुरिन्थियों 11:23
२ कुरिन्थियों 11:24
२ कुरिन्थियों 11:25
२ कुरिन्थियों 11:26
२ कुरिन्थियों 11:27
२ कुरिन्थियों 11:28
२ कुरिन्थियों 11:29
२ कुरिन्थियों 11:30
२ कुरिन्थियों 11:31
२ कुरिन्थियों 11:32
२ कुरिन्थियों 11:33






२ कुरिन्थियों 1 / २कुरि 1
२ कुरिन्थियों 2 / २कुरि 2
२ कुरिन्थियों 3 / २कुरि 3
२ कुरिन्थियों 4 / २कुरि 4
२ कुरिन्थियों 5 / २कुरि 5
२ कुरिन्थियों 6 / २कुरि 6
२ कुरिन्थियों 7 / २कुरि 7
२ कुरिन्थियों 8 / २कुरि 8
२ कुरिन्थियों 9 / २कुरि 9
२ कुरिन्थियों 10 / २कुरि 10
२ कुरिन्थियों 11 / २कुरि 11
२ कुरिन्थियों 12 / २कुरि 12
२ कुरिन्थियों 13 / २कुरि 13