A A A A A
Facebook Instagram Twitter
Kurukh Bible 2014 Kurux

१ कुरिन्थियों 6



1
निम्‍है मदहे नू ओर्तोस गे नन्‍नस गने नग्‍गानख्रना मनी होले, आस नेम्‍हा आलारिन अम्‍बदस ती फरिय'आ गे मल पत्त'ऊ नेंव‍ई ननू आलर गुसन एकासे काला ओंग्‍दस?
2
एन्‍देर नीम इदिन बलदर का नेम्‍हा आलर सौंसार ही नेंवई ननोर? नीमिम सौंसार ही नेंवई ननू र'अदर होले, नीम सन्नी ती सन्नी कत्‍था ही नेंवई नना गे पोलदर का?
3
एन्‍देर नीम बलदर का नाम मेर्ख़ा पैकारिन हूँ नेंवई ननोत? अन्ने होले नीम ई उज्‍जना ही कत्‍था गुट्ठिन मानिम नू फरिय'आ ओंग्‍दर।
4
औंगे ई उज्‍जना ही एन्ने लेक्‍खा कत्‍था गुट्ठी ही फरिय'अना मनो होले, कलीसिया ही सन्नी ती सन्नी आलारिन नेंव‍ई ननू ओक्‍त'ओय का?
5
ऎन निमन लज्‍जे मॊख़त'आ गेम इदन ब'अदन। भई भईसी मझी ता नग्‍गानख्रनन नेंवई नना गे निम्‍है मदहे नू ओर्त लूरगर आल हूँ मलकर का?
6
एन्ने मल ननरकी भई भईसी बिड़दो नू नेंव‍ई एड़पा कादस, आद हूँ मल पत्त'ऊ आलर ही मुन्‍दहारे एन्ने नन्‍दस।
7
मानिम नू निम्‍है नू कोहाँ बदी गा ईद र'ई का नीम नीम नू नालिस मंज नख्रदर। एन्ने मल नन्ना ती एन्‍देरगे नीम मलदौ आबोन मल सहदर, एन्‍देरगे घटा आबोन मल मॊख़दर?
8
लिकिन नीमिम गा मलदौ नन्‍दर अरा ठगदर, आद हूँ निम्‍है भइय्योरिन एन्ने नन्‍दर।
9
एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,
10
महले ख़लबर महले लोभिया महले उंखुर महले केबर'उर महले ठक'उर धर्मेसी राजी नू हिसा मल मनोर।
11
निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।
12
“जम्मन नना गे एंगा बधा मलकी” एन्ने नीम ब'आ ओंग्दर। लिकिन उर्मी गा दौ मलकी। जम्मन नना गे एंगा बधा मलकी, लिकिन ऎन एकअम जिनिस ही जॊंख़ मल मंज ख़च्‍चोन।
13
“ओन्ना-मॊख़ना कूल गे, अरा कूल ओन्ना-मॊख़ना गे हवे” एन्ने हूँ नीम ब'आ ओंग्दर। लिकिन धर्मेस एंड़ानिम उन्‍दुल नाठाब'ओस। लिकिन मॆद गा पेहरन ही सोतरा नलख गे मला, आद उर्बस गे दिम हवे। अरा उर्बस हूँ नम्‍है मॆद म‍इय्याँ तिहा ननू र'अदस।
14
अरा धर्मेस तंग्‍है सवंग ती उर्बासिन केच्‍कन ती उज्‍जताचस, अन्नेम आस नमन हूँ उज्‍जत'ओस।
15
एन्‍देर नीम बलदर का निम्‍है मॆद मसीसी अंग हवे? अन्ने होले ऎन मसीसी अंगन हो'ओन ती नन्ना आलस गुसन कालू आली ही अंग कम'ओन चि'ओन का? कहियों मला।
16
अरा नीम इदिन बलदर का नॆ नन्ना आलस गुसन कालू आली गने तंगन मेसदस, आस अदही गने ओन्‍टा मॆद मन्‍दस कादस? एन्‍देरगेका नेम्‍हा पुथी एन्ने ब'ई का, “आर इरबर ओन्‍टा मॆद मनोर।”
17
लिकिन नॆ उर्बस गने तंगन मेसदस, आस उर्बस गने ओन्‍टा बॊलता मन्‍दस कादस।
18
औंगे पेहरन ही सोतरा नलख ती बोंगा। अउर नन्ना पाप एकदा आलस नन्दस, अबड़ा जम्मा पाप गुट्ठी मॆद ती बहरी मनी। लिकिन पेहरन ही सोतरा नलखन ननू आलस तंग्‍है मॆद ही बिड़दो दिम पाप नन्‍दस।
19
नीम इदन बलदर का निम्‍है मॆद नेम्‍हा बॊलतासी मन्‍दिर हवे? अरा धर्मेस ती नीम ख़क्‍ख्रका नेम्‍हा बॊलतस निम्‍है नू ओक्रदस। नीम निम्‍है मलदर।
20
एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।











१ कुरिन्थियों 6:1
१ कुरिन्थियों 6:2
१ कुरिन्थियों 6:3
१ कुरिन्थियों 6:4
१ कुरिन्थियों 6:5
१ कुरिन्थियों 6:6
१ कुरिन्थियों 6:7
१ कुरिन्थियों 6:8
१ कुरिन्थियों 6:9
१ कुरिन्थियों 6:10
१ कुरिन्थियों 6:11
१ कुरिन्थियों 6:12
१ कुरिन्थियों 6:13
१ कुरिन्थियों 6:14
१ कुरिन्थियों 6:15
१ कुरिन्थियों 6:16
१ कुरिन्थियों 6:17
१ कुरिन्थियों 6:18
१ कुरिन्थियों 6:19
१ कुरिन्थियों 6:20






१ कुरिन्थियों 1 / १कुरि 1
१ कुरिन्थियों 2 / १कुरि 2
१ कुरिन्थियों 3 / १कुरि 3
१ कुरिन्थियों 4 / १कुरि 4
१ कुरिन्थियों 5 / १कुरि 5
१ कुरिन्थियों 6 / १कुरि 6
१ कुरिन्थियों 7 / १कुरि 7
१ कुरिन्थियों 8 / १कुरि 8
१ कुरिन्थियों 9 / १कुरि 9
१ कुरिन्थियों 10 / १कुरि 10
१ कुरिन्थियों 11 / १कुरि 11
१ कुरिन्थियों 12 / १कुरि 12
१ कुरिन्थियों 13 / १कुरि 13
१ कुरिन्थियों 14 / १कुरि 14
१ कुरिन्थियों 15 / १कुरि 15
१ कुरिन्थियों 16 / १कुरि 16