A A A A A
Facebook Instagram Twitter
Kurukh Bible 2014 Kurux

१ कुरिन्थियों 4



1
आलर एमन मसीसी जॊंख़ अरा धर्मेसी गम ही कत्‍था गुट्ठिन बुझ्रत'अना ही नलखन ख़क्ख्रका आलर अख़नर नेकअन।
2
अरा एन्ने नलख ख़क्ख्रका ओर्तस मुन्‍द तंगन पत्त'अना जॊगे आलस एन्ने ऎदना मनी।
3
लिकिन एंग्‍है ऎरना नू ईद सन्नी कत्‍था हवे का ऎन नीम मलता आलर ही एकअम नेंवई ननुस ती नेंवई नन्तार'ओन। ऎन हूँ गा एंगन नेंव‍ई मल नन्‍‍दन।
4
एन्‍देरगेका एंग्‍है जिया एंगन एकअम कत्‍था गुट्ठी नू बदी मल ठेकाब'ई, अन्नु हूँ इत्रु ऎन उजगो मल मन्‍दन। एंगन नेंव‍ई ननुस उर्बस दिम हिकदस।
5
औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।
6
अक्कु अना भईरो, ऎन इबड़ा कत्‍थन निमा गे एंग्‍है अरा अप्‍पोल्लॊसी पत्त नू जोक्‍खा लेक्‍खा तिंकन, इदगेका नीम एम्‍है ती सिख्र'आ ओंग्‍दर का नेम्‍हा पुथी नू लिखचका ही पत्त ती बग्‍गे अमा ऎका। तहाँ नीम निम्‍है ओर्तो मुद्धासी पत्त नू फुल‍ई मनरकी नन्नासिन मल हींड़'ओर।
7
एन्‍देरगेका नॆ हूँ निंगन नन्ना पत्त'उर ती कोड़हे मुध आलस एन्ने मल्‍ला कमचका। धर्मेसी नलख नना गे इन्द्रिइम निंग्‍है गुसन र'ई, आद धर्मेस ती बर'ई। औंगे अबड़ा आकुस धर्मेस निंगा गे चिच्‍चस एन्ने नीन मन्‍दय होले, अबड़न ओन्‍टा इनाम रूपे नू ख़क्‍खकय एन्ने मल सोच'अरकी एन्‍देरगे फुलई मन्‍दय?
8
नीम सोचदर का नीम उड़च ख़च्चिकादर, अरा नीम उर्ब मंज ख़च्चिकादर, अरा नीम एम्‍है बिगर राजी ननू हूँ मंजकादर। अन्नेम नीम मानिम नू राजी ननू र'आ गे दिम ऎन बेद्ददन। औंगे ऎम हूँ निम्‍है गने राजी ननोम दने।
9
लिकिन एंगा एन्ने लग्‍गी का, आलर नॆ खे'अना ही पेसेर ख़च्चिकानर आर लेक्‍खा धर्मेस ऎम तइरकारिन ओर्मर ती ख़ॊख़ा र'आ गे नंजकादस। ऎम ख़ॆख़ेल राजी गे अरा मेर्ख़ा पैकर गे अरा आलर गे बॆचना लेक्‍खा मंजकादम।
10
ऎम मसीसी चड्डे बोया हिकदम, लिकिन नीम गा मसीस नू लुरगर सोचदर। ऎम लेड़पोंयहा हिकदम, लिकिन नीम गा सवंगिय सोचदर। नीम मईन ख़क्‍खू सोचदर, लिकिन ऎम गा हींड़तारदम।
11
ऎम अक्‍कुन गूटी हूँ कीड़ा अरा ओनक'आ नू र'अदम, अरा ठेठंगे र'अदम, अरा कुंहड़ारदम, अरा असन इसन ठुडुरदम जोबोरदम।
12
अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।
13
आर एमन निंदा नन्नर ख़ने, ऎम बॆस कत्‍था ती किर्त'अर ब'अदम। ऎम इन्ना गूटी हूँ ख़ॆख़ेल ता चिंदी अरा कस्‍सा लेक्‍खा मंजकादम।
14
ऎन निमन लज्‍जे मॊख़त'आ गे इदन मल लिखदन। लिकिन निमन एंग्‍है चोन्‍हा ख़द्द ब'अरकी निमन तिगाब'अदन।
15
एन्‍देरगेका मसी नू निमा गे दस हजार सिखाब'ऊ र'ओर, लिकिन निमा गे कैनो गोटंग बंगर मला। ऎन मसी येसुस नू दौ कत्‍था ती निम्है बंग मंजकन।
16
औंगे ऎन निमन आनदन का एंग्‍है बेसे उज्‍जा ऎका।
17
ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।
18
ऎन निम्‍है गुसन अउर मल बर'ओन एन्ने सोच'अरकी निमा नू जोक्‍कोर इतरारर केरर।
19
लिकिन उर्बासी मने र'ओ होले, ऎन चाँड़हेम निम्‍है गुसन बर'ओन। अरा ऎन आ इतरार'उर ही कत्‍था गुट्ठिन लेका मला, आर ही नलख गुट्ठिन हूँ बिढ़'ओन।
20
एन्‍देरगेका धर्मेसी रा‍जी कत्‍था गुट्ठी नू मला, लिकिन धर्मेसी सवंग ती उज्‍जना नू र'ई।
21
नीम एन्‍देर बेद्ददर? ऎन टेम्पा धर'ओन ती बर'ओन का, महले चोन्‍हा अरा लुदऊ जिया ही बॊलता गने बर'ओन का?











१ कुरिन्थियों 4:1
१ कुरिन्थियों 4:2
१ कुरिन्थियों 4:3
१ कुरिन्थियों 4:4
१ कुरिन्थियों 4:5
१ कुरिन्थियों 4:6
१ कुरिन्थियों 4:7
१ कुरिन्थियों 4:8
१ कुरिन्थियों 4:9
१ कुरिन्थियों 4:10
१ कुरिन्थियों 4:11
१ कुरिन्थियों 4:12
१ कुरिन्थियों 4:13
१ कुरिन्थियों 4:14
१ कुरिन्थियों 4:15
१ कुरिन्थियों 4:16
१ कुरिन्थियों 4:17
१ कुरिन्थियों 4:18
१ कुरिन्थियों 4:19
१ कुरिन्थियों 4:20
१ कुरिन्थियों 4:21






१ कुरिन्थियों 1 / १कुरि 1
१ कुरिन्थियों 2 / १कुरि 2
१ कुरिन्थियों 3 / १कुरि 3
१ कुरिन्थियों 4 / १कुरि 4
१ कुरिन्थियों 5 / १कुरि 5
१ कुरिन्थियों 6 / १कुरि 6
१ कुरिन्थियों 7 / १कुरि 7
१ कुरिन्थियों 8 / १कुरि 8
१ कुरिन्थियों 9 / १कुरि 9
१ कुरिन्थियों 10 / १कुरि 10
१ कुरिन्थियों 11 / १कुरि 11
१ कुरिन्थियों 12 / १कुरि 12
१ कुरिन्थियों 13 / १कुरि 13
१ कुरिन्थियों 14 / १कुरि 14
१ कुरिन्थियों 15 / १कुरि 15
१ कुरिन्थियों 16 / १कुरि 16