A A A A A
Facebook Instagram Twitter
Kurukh Bible 2014 Kurux

१ कुरिन्थियों 14



1
चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।
2
एन्‍देरगेका एकास कैनो मदहे बलना भखा गुट्ठिन कछनख्रदस, आस आलर ती मला लिकिन धर्मेस ती कछनख्रदस। नॆ हूँ अदिन मल बुझ्रनर, लिकिन आस बॊलतस ती नुंख़्रका मानिमन तेंगदस। लिकिन आद ओर्मर गे गम र'ई।
3
लिकिन धर्मेसी कत्‍थन मुन्‍द तेंगुस आलारिन बड़ियर नन्त'आ गे अरा रिझ्रत'आ गे अरा जिया सालनन चि'आ गे तेंगदस।
4
कैनो मदहे बलना भखा गुट्ठिन कछनख्र'उस तंगन बड़ियर नन्त'आ गे कछनख्रदस, लिकिन धर्मेसी कत्‍थन मुन्‍द तिंगुस कलीसियन बड़ियर नन्त'आ गे तेंग‍दस।
5
नीम ओर्मर कैनो मदहे बलना भखा गुट्ठिन कछनख्र'आ गे ऎन पत्तारदन। अन्नु हूँ कैनो मदहे बलना भखा गुट्ठिन कछनख्र'उस कलीसियन बड़ियर मन्‍त'आ गे अदही मनेन मल तेंगदस होले, धर्मेसी कत्‍थन मुन्‍द तिंगुस आस ती कोहँस र'अदस। औंगे नीम धर्मेसी कत्‍थन मुन्‍द तिंगुर मना गे ऎन कोड़हे पत्तारदन।
6
अना भईरो! ऎन निम्‍है गुसन बरदन ती कैनो मदहे बकना भखा गुट्ठिन कछनख्रदन होले, आद ती निमा गे इन्द्रिइम फैदा मनो का? लिकिन ऎन धर्मेस ती दहदर मन्‍ना कत्‍थन मलता लूरन मलता धर्मेसी कत्‍थन मुन्‍द तेंगनन मलता सिखाब'अनन निमा गे ओन्‍द्रदन होले, आद ती फैदा मनो।
7
अन्नेम ख़रख़ना बसरी अरा तमुर्रा लेक्‍खा बजा गुट्ठिन ऎरा। अत्रु ख़रख़ना राग ती अदही बक्‍क मल फुटुर'ई होले, बसरी ती महले तमुर्रा ती एन्‍देर अस्‍सतार'आली एन्ने नेक‍ईम अख़'आ ओंग्‍दर का?
8
अरा पेंड़हे ही ख़रख़ना फरी मल मेन्‍दर'ओ होले, नॆ लड़ई गे सपड़ार'ओर?
9
ई लेक्‍खम नीम हूँ आलर मल बुझुरनर, आ कत्‍थन आर गने कछनख़्रदर होले, नीम एन्‍देर ब'आलदर अदिन आर एकासे अख़'ओर? नीम गा ताका नू कछनख्र'उर लेक्खा मनोर।
10
मानिम नू सौंसार नू कैनो रकम ही भखा गुट्ठी र'ई, अबड़ा नू ओन्‍टा हूँ बिगर मने ही मल्‍ला।
11
लिकिन ओर्तस कछनख्रना भखा ही मनेन ऎन बल्‍दन होले, ऎन कछनख्र'उस गे नन्ना आलस र'ओन, अरा कछनख्र'उस हूँ एंगा गे नन्ना आलस र'ओस।
12
निमा गे हूँ अन्नेम हिके। नीम बॊलतासी इनाम गुट्ठिन ख़क्‍खा गे मने नन्‍दर ख़ने, अबड़ा ती कलीसियन बड़ियर नन्‍त'आ गे बेद्दा।
13
ई चड्डेम एकास कैनो मदहे बलना भखा गुट्ठिन कछनख्रदस, आस अदही मनेन तेंगना ही सवंग ख़क्‍खा गे गोहरारदस नेकअन।
14
एन्‍देरगेका ऎन कैनो मदहे बलना भखा गुट्ठिन कछनख्रना ती गोहरारदन होले, एंग्‍है बॊलता गा गोहरार'ई, लिकिन एंग्‍है मन अदही गने नलख मल ननी।
15
औंगे ऎन एन्‍देर नन्‍ना चाड़ र'ई? ऎन बॊलता ती गोहरार'ओन, अरा मन ती हूँ गोहरार'ओन। ऎन बॊलता ती पाड़ोन, अरा मन ती हूँ पाड़ोन।
16
मला होले नीम निम्‍है बॊलता ती धर्मेसिन ओहमा ननो बारी, नेम्‍हा बॊलतासी इनाम गुट्ठी ही पत्त नू बल्‍लू आलस निम्‍है मझी र'अदस होले, निम्‍है ओहमा नन्‍नन मेनोस ती आस एकासे “आमेन” ब'ओस। एन्‍देरगेका नीम एन्‍देर बाचकर अदिन आस गा बलदस।
17
नीम गा नगदे बॆस गने ओहमा नन्‍दर, लिकिन नॆ निम्‍हैन मेन्‍दस आसिन आद बड़ियर मल ननी।
18
नीम ओर्मर ती बग्‍गे ऎन बलना भखा गुट्ठिन कछनख्रदन, इदगे ऎन धर्मेस गे धन्‍यवाद चि'अदन।
19
अन्नु हूँ कलीसिया नू बलना भखा नू दस हजार कत्‍था कछनख्रना ती नन्‍नारिन सिखाब'आ गे बुझुरना बेसे पाँच गोटंग कत्‍था तेंगनन दिम ऎन कोड़हे पत्तार'ओन।
20
अना भईरो! नीम बुझुरना नू ख़द्दर लेक्‍खा अमा मना, मलदौ ही पत्त नू बॊलॊ ख़द्दर बेसेम र'आ, लिकिन बुझुरना नू पखड़ मन्‍नुम कला।
21
नेम्‍हा पुथी नू एन्ने लिख्रकी र'ई, “उर्बस ब'अदस का, ‘ऎन नन्‍ना भखा कछनख्र'उर ती नन-राजी ता आलर ही लेवटो ती एंग्‍है आलारिन ब'ओन, अन्नु हूँ आर एंगन मल मेनोर।’”
22
औंगे बलना भखा नू कछनख्रना पत्त'उर गे मला मल पत्त'उर गे धर्मेसी रायबड़ी ही चेताब'अना ही चिन्‍हा हवे। अरा धर्मेसी कत्‍थन मुन्‍द तेंगना मल पत्त'उर गे मला पत्त'उर गे र'ई।
23
औंगे सौंसे कलीसिया ता आलर ख़ॊंड़रर ती ओर्मर बलना भखा नू कछनख्रना बारी बहरी ता आलर मलता मल पत्त'उर भितरी कोर'ओर होले, आर निमन पूरू मल ब'ओर का?
24
लिकिन ओर्मर धर्मेसी कत्‍थन मुन्‍द तेंगनर, अरा मल पत्त'उस मलता बहरी ता आलस भितरी कोर'ओस होले, आस आर ही कत्‍था ती मोंहर'ओस ती तंगन पापी ब'ओस अरा तंग्‍है जियन जँच'ओस।
25
अरा आसी जिया ता नूख़्रका कत्‍था दहदर मनो क'ओ, अरा आस ख़ेडमूली खत्र'ओस ती धर्मेसिन ऒड़ लग्‍गोस, अरा ब'ओस का, “धर्मेस मानिम निम्‍है मझी नू र'अदस।”
26
तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।
27
नेक‍ईम बलना भखा नू कछनख्रदस होले, ऎंड़ झन मलता बग्‍गे ती बग्‍गे तीन झन ओर्तोसी ख़ॊख़ा ओर्तस कछनख्रदस नेकअन, अरा एकअम ओर्तस अदही मने तेंगना र'ई।
28
लिकिन कलीसिया नू नीकईम अदही मने तिंगू मल र'ओस होले, आस कलीसिया नू कलेकसे र'अना र'ई, अरा आस तंग्‍है जिया नू धर्मेसिन कछनख्रदस नेकअन।
29
धर्मेसी कत्‍थन मुन्‍द तिंगुर ऎंड़ झन मलता तीन झन तेंगनर नेकअन, अरा नन्‍नर गा बाचका कत्‍थन चिहुंक ती बिढ़नर नेकअन।
30
लिकिन ओर्तस धर्मेसी कत्‍थन मुन्‍द तेंगालदस ख़ने, नन्ना ओर्तस गे उर्बस ती इन्द्रिइम कत्‍था दहदर मनी होले, एका ओर्तस तेंगालदस आस कलेकसे मन्‍दस कादस नेकअन।
31
ई लेक्‍खम नीम ओर्मर ओर्तोसी ख़ॊख़ा ओर्तस धर्मेसी कत्‍थन मुन्‍द तेंगा ओंग्दर, औंगे ओर्मर सिख्र'आ अरा बड़ियर मना ओंगनर।
32
अरा धर्मेसी कत्‍थन मुन्‍द तिंगुर ही बॊलता धर्मेसी कत्‍थन मुन्‍द तिंगुर ही तबे नू र'ई, अरा आर तम्‍है बारी गे ख़ोख'आ ओंगनर।
33
एन्‍देरगेका धर्मेस बिगड़'अना ही मला लिकिन सान्‍ति ही धर्मेस हिकदस। नेम्‍हा आलर ही उर्मी कलीसिया गुट्ठी नू र'अना लेक्‍खा,
34
कलीसिया गुट्ठी नू मुक्‍कर कलेकसे र'अना र'ई। एन्‍देरगेका आर गे कछनख्र'आ गे मल चिरकी र'ई, लिकिन आर तबे नू र'अना र'ई। मूसासी नॆग हूँ एन्नेम ब'ई।
35
अरा आर इन्द्रिइम कत्‍था ही पत्त नू सिख्र'आ बेद्दनर होले, एड़पा नू तम्‍है मॆतर ती मेन्नर नेकअन। एन्‍देरगेका मुक्‍कर कलीसिया नू कछनख्रना लज्जे ही कत्था हवे।
36
धर्मेसी कत्‍था निम्‍है गुसते ऒर मल मंजका, महले निम्‍है गुसन लेका मल अंड़सकी र'ई।
37
औंगे एकअम आलस तंगन धर्मेसी कत्‍थन मुन्‍द तिंगुस मलता बॊलतासी इनाम ख़क्‍खका आलस एन्ने सोचदस होले, आस इदन इंझ्रना र'ई का एका कत्‍थन ऎन निमा लिखदन आद उर्बासी पॆसका गुट्ठी हवे।
38
लिकिन आस मल इंझ्रदस होले, आसिन नीम मल इंझ्रना र'ई।
39
औंगे अना भईरो! नीम धर्मेसी कत्‍थन मुन्‍द तेंगना ही पत्तारना नू र'आ, लिकिन बलना भखा गुट्ठिन ब'अनन अमा छेक'आ।
40
लिकिन उर्मी कत्‍था गुट्ठी दौले अरा बॆस लगे मनन नेक'आ।











१ कुरिन्थियों 14:1

१ कुरिन्थियों 14:2

१ कुरिन्थियों 14:3

१ कुरिन्थियों 14:4

१ कुरिन्थियों 14:5

१ कुरिन्थियों 14:6

१ कुरिन्थियों 14:7

१ कुरिन्थियों 14:8

१ कुरिन्थियों 14:9

१ कुरिन्थियों 14:10

१ कुरिन्थियों 14:11

१ कुरिन्थियों 14:12

१ कुरिन्थियों 14:13

१ कुरिन्थियों 14:14

१ कुरिन्थियों 14:15

१ कुरिन्थियों 14:16

१ कुरिन्थियों 14:17

१ कुरिन्थियों 14:18

१ कुरिन्थियों 14:19

१ कुरिन्थियों 14:20

१ कुरिन्थियों 14:21

१ कुरिन्थियों 14:22

१ कुरिन्थियों 14:23

१ कुरिन्थियों 14:24

१ कुरिन्थियों 14:25

१ कुरिन्थियों 14:26

१ कुरिन्थियों 14:27

१ कुरिन्थियों 14:28

१ कुरिन्थियों 14:29

१ कुरिन्थियों 14:30

१ कुरिन्थियों 14:31

१ कुरिन्थियों 14:32

१ कुरिन्थियों 14:33

१ कुरिन्थियों 14:34

१ कुरिन्थियों 14:35

१ कुरिन्थियों 14:36

१ कुरिन्थियों 14:37

१ कुरिन्थियों 14:38

१ कुरिन्थियों 14:39

१ कुरिन्थियों 14:40







१ कुरिन्थियों 1 / १कुरि 1

१ कुरिन्थियों 2 / १कुरि 2

१ कुरिन्थियों 3 / १कुरि 3

१ कुरिन्थियों 4 / १कुरि 4

१ कुरिन्थियों 5 / १कुरि 5

१ कुरिन्थियों 6 / १कुरि 6

१ कुरिन्थियों 7 / १कुरि 7

१ कुरिन्थियों 8 / १कुरि 8

१ कुरिन्थियों 9 / १कुरि 9

१ कुरिन्थियों 10 / १कुरि 10

१ कुरिन्थियों 11 / १कुरि 11

१ कुरिन्थियों 12 / १कुरि 12

१ कुरिन्थियों 13 / १कुरि 13

१ कुरिन्थियों 14 / १कुरि 14

१ कुरिन्थियों 15 / १कुरि 15

१ कुरिन्थियों 16 / १कुरि 16