A A A A A
Facebook Instagram Twitter
Kurukh Bible 2014 Kurux

१ कुरिन्थियों 11



1
नीम एंग्‍है ऎकना लेक्‍खा ऎका, एकासे ऎन मसीस लेक्‍खा ऎकदन।
2
ऎन निमन सवंर'अदन का नीम एंगन उर्मी कत्‍था नू सुरता नन्‍दर अरा ऎन एन्‍द्रा निमा गे सिखाबाचकन, अबड़न नीम नन्‍दर।
3
लिकिन नीम इदन अख़'आ ऎन बेद्ददन का, मसीस उर्मी आलर ही कुक्‍कु हिकदस, अरा मॆतस मुक्‍का ही कुक्‍कु हिकदस, अरा धर्मेस मसीसी कुक्‍कु हिकदस।
4
औंगे एका ओर्तस तंग्‍है कुक्‍कन कुलकुटुरदस ती गोहरारदस महले धर्मेसी कत्‍थन मुन्‍द तेंगदस, आस तंग्‍है कुक्‍कु मसीसिन हींड़दस।
5
अरा एका मुक्‍का तंग्‍है कुक्‍कन बिगर कुलकुटुरका गोहरार'ई महले धर्मेसी कत्‍थन मुन्‍द तिंगी, आद तंग्‍है कुक्‍कु मॆतासिन हींड़'ई। ईद तंग्‍है कुक्‍कन मुंडुरका लेक्‍खा र'ई।
6
एन्ने ओन्‍टा मुक्‍का तंग्‍है कुक्‍कन मल कुलकुटुर'ई होले, आद तंग्‍है कुक्‍कु ता चुट्टिन खंडना र'ई। लिकिन चुट्टी खंडरना महले मुंडुरना मुक्‍का गे लज्‍जे लग्‍गी होले, आद तंग्‍है कुक्‍कन कुलकुटुरना र'ई।
7
मॆतस गे कुलकुटुरना चाड़ मलकी, एन्‍देरगेका आस धर्मेसी रूपे अरा महबा हिकदस। लिकिन मुक्‍का मॆतासी महबा र'ई।
8
एन्‍देरगेका मॆतस मुक्‍का ती मल्‍ला गढ़्रका, लिकिन मुक्‍का मॆतस ती गढ़्रकी र'ई।
9
अरा मॆतस मुक्‍का गे मल्‍ला गढ़्रका, लिकिन मुक्‍का मॆतस गे गढ़्रकी र'ई।
10
ई चड्डे, अरा मेर्ख़ा पैकर अदही मइय्याँ ऎरना ही चड्डे, मुक्‍का गे तंग्है मॆतासी अदिया ही किय्या र'अना ही ओन्टा चिन्‍हा आबोन तंग्‍है कुक्‍कु नू उइय्ना र'ई।
11
अन्नु हूँ उर्बस नू मुक्‍का बिगर मॆतस मलकस, अरा बिगर मॆतस ती मुक्‍का मलकी।
12
एन्‍देरगेका एकासे मॆतस ती मुक्‍का गढ़्रकी र'ई, अन्नेम मॆतासी कुन्‍द्रना मुक्‍का ती र'ई। लिकिन उर्मी ही बरना धर्मेस ती मनी।
13
मुक्‍का बिगर कुलकुटर'अम धर्मेसिन गोहरारना बॆस ईथ्र'ई का? नीम अपन तिम सोच'आ।
14
आल सुबहा दिम निमन सिखाब'ई का मॆतस दिगहा चुट्टी उइय्दस होले, आद आस गे लज्‍जे मॊख़्रना कत्‍था हवे।
15
लिकिन मुक्‍का दिगहा चुट्टी उइय्यी होले, आद अदगे महबा हवे, एन्‍देरगेका चुट्टी अदगे कुलकुटर'आ गेम चीरकी र'ई।
16
लिकिन नेकइम ई पत्त नू आनानख्र'आ बेद्ददस होले, इदन अख़'आ हो'आ का एमा गे महले धर्मेसी कलीसिया गुट्ठी गे अउर नन्ना नेगचार मल्‍ला।
17
ऎन ख़ॊख़ा ता तिगाब'अना गुट्ठी नू निमन मल सवंर'अदन, एन्‍देरगेका निम्‍है ख़ॊंड़रना दौ ती कोड़हे मलदौ आबोन ओन्‍द्र'ई।
18
मुन्‍द गा ऎन एन्ने मेन्‍दन का नीम कलीसिया बेसे ख़ॊंड़रदर ख़ने, निम्‍है नू ख़ाड़रना गुट्ठी र'ई। अदन ऎन कटिक कटिक पत्त'अदन।
19
नॆ निम्‍है नू बड़ियर उरखकानर आरिन अख़तार'आ गे, ख़ाड़रना निम्‍है मझी नू मन्ना ही चाड़ र'ई दिम हिके।
20
नीम ओन अड्डा ख़ॊंड़रदर ख़ने, नीम मानिम नू उर्बासी खुड़तिन मल ओन्‍दर।
21
एन्‍देरगेका ओनो बारी ओर्त ओर्तस तंग्‍है खुड़तिन नन्‍नारिन बिगर ख़ोख'अम ओन्‍दस। औंगे ओर्तस कीड़म र'अदस, अरा नन्नस उंखदस कादस।
22
ओना मॊख़ा गे निम्‍है एड़पा मलकी का? नीम धर्मेसी कलीसियन हींड़दर ती कीड़ारिन लज्‍जे मॊख़त'अदर का? ऎन निम्‍है ती एन्‍देर ब'ओन? इदही पत्त नू ऎन निमन सवंर'ओन का? ऎन मानिम नू मल सवंर'ओन।
23
एन्‍देरगेका ऎन ई कत्‍थन उर्बस ती ख़क्‍खन, अरा ऎन इदन निमा गे हूँ अंड़सताचकन। उर्बा येसुस एका माख़ा पिटर'आ गे धरतारस, आस असमन होच्‍चस,
24
अरा धन्‍यवाद नंजस ती अदिन किच्‍चियस अरा बाचस, “ईद एंग्‍है मॆद हवे, ईद निमा गे हवे, एंगन सुरता नना गे इदन ननके।”
25
ई लेक्‍खम खुड़तिन ओंडका ख़ॊख़ा, आस डुभा नू अंगुर रासिन होच्‍चस ती बाचस, “ई डुभा एंग्‍है ख़ॆंस ती मंजका पुना गच्‍छरना हवे। नीम एका एका बारी इदन ओन्‍दर, आ बारी एंगन सुरता नना गे इदन ननके।”
26
एन्‍देरगेका एका एका बारी नीम ई असमन मॊख़दर अरा ई डुभा ती ओन्‍दर, आ बारी उर्बासी बरना गूटी आसी खे'अनन मेन्‍त'अदर।
27
औंगे नॆकइम उर्बासिन मईन मल नन्ना ही तरीका ती उर्बासी ई असमन मॊख़दस महले उर्बासी ई डुभा ती ओन्दस होले, आस उर्बासी मॆद अरा ख़ॆंस ही बिड़दो नू पाप नन्ना ही बदी नू र'ओस।
28
औंगे ओर्तस तंग्‍है जिया ही अन्‍थन बिढ़चका ही ख़ॊख़ा ई असमन मॊख़दस अरा ई डुभा ती ओन्‍दस नेक'आ।
29
एन्‍देरगेका एका ओर्तस उर्बासी मॆद एन्ने बिगर चिन्हचका इदन ओन्‍दस अरा मॊख़दस होले, आस तंग्‍है दिम दंडे गे ओन्‍दस अरा मॊख़दस।
30
ई चड्डेम निम्‍है ती कोड़हे आलर पयहा अरा रोगे र'अनर, अरा जोक्‍कोर केच्‍चर हूँ केरर।
31
लिकिन नाम नम्‍है जिया ही अन्‍थन ठौका ठौका बिढ़चकत होले, नाम धर्मेस ती एन्ने नेंव‍ई मल नन्‍तार'ओत।
32
अन्नु हूँ नाम नेंव‍ई मन्‍तारना बारी सौंसार गने दंडे अम्‍बोत मना गे उर्बस नमन कॊड़दस।
33
औंगे अना भईरो, नीम ओना मॊख़ा गे ख़ॊंड़रदर होले, ओर्त इरिबारिन ख़ोखोच नख्र'आ।
34
नॆका कीड़ा लग्‍गी होले, आस तंग्‍है एड़पा नू ओन्दस नेकअन। औंगे नीम ख़ॊंड़रना बारी दंडे ही जॊगे अम्‍बोर मनोर। अरा नन्ना कत्‍था ही पत्त ता तिगाब'अनन ऎन बरना बारी चि'ओन।











१ कुरिन्थियों 11:1

१ कुरिन्थियों 11:2

१ कुरिन्थियों 11:3

१ कुरिन्थियों 11:4

१ कुरिन्थियों 11:5

१ कुरिन्थियों 11:6

१ कुरिन्थियों 11:7

१ कुरिन्थियों 11:8

१ कुरिन्थियों 11:9

१ कुरिन्थियों 11:10

१ कुरिन्थियों 11:11

१ कुरिन्थियों 11:12

१ कुरिन्थियों 11:13

१ कुरिन्थियों 11:14

१ कुरिन्थियों 11:15

१ कुरिन्थियों 11:16

१ कुरिन्थियों 11:17

१ कुरिन्थियों 11:18

१ कुरिन्थियों 11:19

१ कुरिन्थियों 11:20

१ कुरिन्थियों 11:21

१ कुरिन्थियों 11:22

१ कुरिन्थियों 11:23

१ कुरिन्थियों 11:24

१ कुरिन्थियों 11:25

१ कुरिन्थियों 11:26

१ कुरिन्थियों 11:27

१ कुरिन्थियों 11:28

१ कुरिन्थियों 11:29

१ कुरिन्थियों 11:30

१ कुरिन्थियों 11:31

१ कुरिन्थियों 11:32

१ कुरिन्थियों 11:33

१ कुरिन्थियों 11:34







१ कुरिन्थियों 1 / १कुरि 1

१ कुरिन्थियों 2 / १कुरि 2

१ कुरिन्थियों 3 / १कुरि 3

१ कुरिन्थियों 4 / १कुरि 4

१ कुरिन्थियों 5 / १कुरि 5

१ कुरिन्थियों 6 / १कुरि 6

१ कुरिन्थियों 7 / १कुरि 7

१ कुरिन्थियों 8 / १कुरि 8

१ कुरिन्थियों 9 / १कुरि 9

१ कुरिन्थियों 10 / १कुरि 10

१ कुरिन्थियों 11 / १कुरि 11

१ कुरिन्थियों 12 / १कुरि 12

१ कुरिन्थियों 13 / १कुरि 13

१ कुरिन्थियों 14 / १कुरि 14

१ कुरिन्थियों 15 / १कुरि 15

१ कुरिन्थियों 16 / १कुरि 16