A A A A A
Facebook Instagram Twitter
Kurukh Bible 2014 Kurux

१ कुरिन्थियों 10



1
अना भईरो! नीम इबड़ा कत्था ही पत्त नू बल्‍लुर लेक्‍खा र'आ गे ऎन मल बेद्ददन का, नम्‍है पूरखर ओर्मारिन धर्मेस टुंगरी नू बदाली ऎख़ नू कड़हाबाचस ती होच्‍चस, अरा आर ओर्मर ख़ॆंसो समुदरन कट्टियर।
2
अरा आर ओर्मर बदाली ही ऎख़ नू काना अरा समुदरन कट्टरकी काना मूसासी चॊख़र'उर मना गे नॊड़रत'अना लेक्खा रहचा।
3
अरा आर ओर्मर धर्मेस ती चिच्का ओन्‍टम ओन्ना-मॊख़नन मोक्‍खर।
4
अरा आर ओर्मर धर्मेस ती चिच्का ओन्‍टम अम्मानिम ओं‍डर। एकासे का आर तम्‍है गने इक्‍किया आ बॊलता ही चचड़ी ती ओं‍डर, आ चचड़ी मसीस रहचस।
5
अन्नु हूँ अबड़र ती बग्‍गे आलर गने धर्मेस मल रिझ्रस। औंगे आर टुंगरी नू नठारर केरर।
6
आर मलदौ म‍इय्याँ चिबाख़ारियर, अन्ने नाम हूँ अम्‍बोत नना, इदगे इबड़ा कत्‍था नमा गे चेताब'अना लेक्‍खा र'ई।
7
“आलर ओना मॊख़ा गे उक्‍कियर अरा लला तॊका गे चॊचर” एन्ने नेम्‍हा पुथी नू लिख्रकी रई। ई लेक्‍खा अबड़र ती जोक्‍कोर मूर्ती गुट्ठी गे ऒड़ नंजकाचर। आर ही लेक्‍खा नीम अमके मना नेकअन।
8
अरा अबड़र ती जोक्‍कोर पेहरन ही सोतरा नलख नंजर ती उन्‍दुल लेका तेइस हजार आलर केच्‍चर केरर। आर ही लेक्खा नाम हूँ पेहरन ही सोतरा नलख अम्‍बोत नना नेकअन।
9
अरा अबड़र ती जोक्‍कोर उर्बासिन बिढ़चर ती नेर्रे गुट्ठी ती पिटतारर। आर ही लेक्खा नाम हूँ मसीसिन अम्‍बोत बिढ़'आ नेकअन।
10
अरा अबड़र ती जोक्‍कोर कुनमुनरर ती पिटना मेर्ख़ा पैकस ती नठाबारर। अन्ने नीम हूँ अमा कुनमुनर'आ।
11
नमा गे चेताब'अना लेक्‍खा इबड़ा उर्मी कत्‍था गुट्ठी आर गे मंजा। अरा ख़ॆख़ेल ही मुंज्रना बेड़ा नू र'अदत, नमा गे इबड़ा कत्‍था तिगाब'आ गे लिख्रकी र'ई।
12
औंगे एका ओर्तस सोचदस का आस बड़ियर इज्‍जकादस, आस चिहुंक र'अन नेकअन का अम्‍बोस खत्र'आ।
13
आलर गे बर'ई आ बिढ़्रना ती नन्‍ना बिढ़्रना निमा गे मल बर'ई। धर्मेस पत्त'अना जॊगे र'अस। आस निमन चॊद'आ पोलना बिढ़्रना नू मल मना चि'ओस, अरा बिढ़्रना ही गने अइय्या ती उरखना ही डहरे हूँ ऎद'ओस, एकत्रु नीम अदिन सह'आ ओंगोर।
14
औंगे एंग्‍है चोन्‍हा आलारो! मूर्ती गुट्ठिन ऒड़ लग्‍गना ती तरकूटी र'आ।
15
ऎन निमन लूरगर सोच'अरकी ब'अदन। ऎन एन्‍देर ब'अदन, अदिन नीमिम पारिख नना।
16
आ आसीस ही डुभा, एकाद गे नाम धर्मेसिन धन्‍यवाद नन्‍दत, आद ती नाम मसीसी ख़ॆंसन ख़ट्टर'आलदत। अरा आ असमा, एकदन नाम किच्‍चदत, आद ती मसीसी मॆदन नाम ख़ट्टर'आलदत।
17
नाम ओर्मत आ ओन्‍टे असमन ख़ट्टरदत, ई चड्डे नाम बग्‍गेम र'अदत, अन्नु हूँ ओन्‍टे असमा ओन्‍टे मॆद हिकदत।
18
इस्राऎल आलर ही पत्त नू सोच'आ। एकार दाँड़े नंजका आबोन मॊख़नर, आर गोड़हा नू धर्मेसी सुसर नन्ना नू मेस्रनर।
19
अन्ने होले, मूर्ती एन्‍द्रिइम हिके, महले मूर्ती गे अरगका दाँड़े एन्‍द्रिइम हिके, एन्ने ऎन ब'अदन का?
20
मला। लिकिन एकाबड़न आर दाँड़े अरगनर, अबड़न धर्मेस गे मला नाद गुट्ठी गे दाँड़े अरगनर। अरा नीम नाद गुट्ठी गने मेस्र'आ गे ऎन मल बेद्ददन।
21
नीम उर्बासी डुभा अरा नाद ही डुभा दुनू ती ओना पोलदर। अरा नीम उर्बासी खुड़ती अरा नाद गुट्ठी ही खुड़ती दुनू नू मेस्र'आ पोलदर।
22
एन्ने नाम उर्बासिन कैर'अदत का? नाम आसी ती कोड़हे सवंगिय र'अदत का?
23
निम्है ती जोक्कोर ब'अनर, “उर्मिन एंगा नना गे अदिया र'ई।” लिकिन उर्मिन नन्‍ना नू फैदा मलकी, उर्मिन एंगा नना गे अदिया र'ई, लिकिन उर्मी गा परदा गे सहाड़ा मल चि'ई।
24
ओर्तोस तंग्‍है दौ आबोन लेका अमा ऎरा, नन्‍नर ही दौ आबोन हूँ ऎरा।
25
अहड़ा बजार नू बीस्रना एकअम अहड़न निम्है लखना अदही पत्त नू बिड़दो इन्द्रिइम मल ब'अना चड्डे इन्द्रिइम बिगर मेंजकम नीम ख़ेन्‍दा ती मॊख़ा ओंग्‍दर।
26
एन्‍देरगेका नेम्‍हा पुथी नू लिख्रकी र'ई, “ख़ॆख़ेल अरा अइय्या र'अना उर्मीदिम उर्बासी हवे।”
27
मल पत्त'ऊ आलर ती ओर्तोस निमन मदी गे ऎड़दस अरा नीम असन काला बेद्ददर होले, असन एन्‍द्रा ओना मॊख़ा गे चीर'ई, निम्है लखना अदही पत्त नू बिड़दो इन्द्रिइम मल ब'अना चड्डे इन्द्रिइम बिगर मेंजकम अदिन ओना मॊख़ा ओंग्‍दर।
28
लिकिन नीकईम निमन ईद मूर्ती गुट्ठी गे दाँड़े अरगका एन्ने तेंगदस होले, नीम अदिन अमके मॊख़ा। इदिन तिंका आलस चड्डे अरा आसी लखना अदही पत्त नू बिड़दो इन्द्रिइम ब'अना ही चड्डे अदिन अमके मॊख़ा।
29
एंग्‍है ब'अना निम्‍है लखना ही पत्त नू मला, लिकिन नन्‍नासी लखना ही पत्त नू र'ई। एन्‍देरगेका एंग्‍है छछिन्‍द नन्‍नासी लखना ती एन्‍देरगे पारिख नन्‍तार'ओ?
30
ऎन धर्मेसिन धन्‍यवाद नन्‍दन ती ओन्‍दन मॊख़दन होले, ऎन धन्‍यवाद नंजका ओन्ना-मॊख़ना ही पत्त नू एन्‍देरगे एंग्‍है बदी मनी?
31
औंगे नीम ओनोर महले मॊख़ोर महले इन्द्रिइम ननोर, उर्मिन धर्मेसी महबा गे नना।
32
नीम यहूदीर गे महले नन-यहूदीर गे महले धर्मेसी कलीसिया गे नेख'अम हूँ पाप नू खत्रना ही चड्डे अमा मना।
33
अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।











१ कुरिन्थियों 10:1
१ कुरिन्थियों 10:2
१ कुरिन्थियों 10:3
१ कुरिन्थियों 10:4
१ कुरिन्थियों 10:5
१ कुरिन्थियों 10:6
१ कुरिन्थियों 10:7
१ कुरिन्थियों 10:8
१ कुरिन्थियों 10:9
१ कुरिन्थियों 10:10
१ कुरिन्थियों 10:11
१ कुरिन्थियों 10:12
१ कुरिन्थियों 10:13
१ कुरिन्थियों 10:14
१ कुरिन्थियों 10:15
१ कुरिन्थियों 10:16
१ कुरिन्थियों 10:17
१ कुरिन्थियों 10:18
१ कुरिन्थियों 10:19
१ कुरिन्थियों 10:20
१ कुरिन्थियों 10:21
१ कुरिन्थियों 10:22
१ कुरिन्थियों 10:23
१ कुरिन्थियों 10:24
१ कुरिन्थियों 10:25
१ कुरिन्थियों 10:26
१ कुरिन्थियों 10:27
१ कुरिन्थियों 10:28
१ कुरिन्थियों 10:29
१ कुरिन्थियों 10:30
१ कुरिन्थियों 10:31
१ कुरिन्थियों 10:32
१ कुरिन्थियों 10:33






१ कुरिन्थियों 1 / १कुरि 1
१ कुरिन्थियों 2 / १कुरि 2
१ कुरिन्थियों 3 / १कुरि 3
१ कुरिन्थियों 4 / १कुरि 4
१ कुरिन्थियों 5 / १कुरि 5
१ कुरिन्थियों 6 / १कुरि 6
१ कुरिन्थियों 7 / १कुरि 7
१ कुरिन्थियों 8 / १कुरि 8
१ कुरिन्थियों 9 / १कुरि 9
१ कुरिन्थियों 10 / १कुरि 10
१ कुरिन्थियों 11 / १कुरि 11
१ कुरिन्थियों 12 / १कुरि 12
१ कुरिन्थियों 13 / १कुरि 13
१ कुरिन्थियों 14 / १कुरि 14
१ कुरिन्थियों 15 / १कुरि 15
१ कुरिन्थियों 16 / १कुरि 16