A A A A A
Facebook Instagram Twitter
Kurukh Bible 2014 Kurux

रोमियों 9



1
ऎन मसी नू मानिम ब'आलदन, ऎन ठकना कत्‍था मल ब'अदन, एंग्‍है लखना हूँ नेम्‍हा बॊलतस नू एंगा इदिन बड़ियर ननी,
2
का एंग्‍है जिया कोड़हे दुक्‍खे र'ई अरा सगर घड़ी ऊली।
3
ऎन एंग्‍है भ‍ईर बहिनर एंग्‍है जातियर गे संगरा नना गे बेद्ददन। आरिन नाड़ा गे ऎन तानिम सरपारना अरा मसीस ती ओथ्रतारना काना मनो होले हूँ अदिन सह'आ गे सपड़ारकादन।
4
आर इस्राऎल आलर हिकनर, अरा धर्मेसी गोद उइय्‍का ख़द्दर हिकनर। अरा आर धर्मेसी महबा आबोन ईरका र'अनर। अरा आर गे धर्मेसी अरा तम्‍है गने ता धर्मेसी गच्‍छरना र'ई। अरा धर्मेस आर गे चिच्का मूसासी पॆसका अरा महबा नन्ना ही नॆग अरा गच्‍छरना गुट्ठी र'ई।
5
आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।
6
इदही मने ईद मल्‍ली का धर्मेस तंग्‍है गच्‍छरनन पूरा मल नंजस। इदगेका इस्राऎल ही बनस ती बरचका ओर्मर मानिम इस्राऎल आलर मलनर।
7
अन्नेम अब्राहमसी बनस नू कुन्‍द्रना ती आर जम्मर आसी मानिम ख़द्दर मल मन्नर। एन्‍देरगेका धर्मेस अब्राहमसिन तिंगयस, “इसाक ती कुन्‍द्रकर दिम निंग्‍है जंईपुंई लेखर'ओर।”
8
इदही माने ईद हवे का अब्राहमस गे मॆद सुबहा ती कुन्‍द्रका ख़द्दर धर्मेसी ख़द्दर मलनर, लिकिन धर्मेसी गच्‍छरका ती कुन्‍द्रनर आर लेका अब्राहमसी जंईपुंई लेखरनर।
9
एन्‍देरगेका अब्राहमस गे गच्‍छरका ईद रहचा, “ठौका बेड़ा नू ऎन किर्रोन अरा सारा ही ओन्टा ख़द्दस र'ओ।”
10
अरा ईद लेका मला, रेबेक्‍का ही ओदर नू ओर्त आलस नम्‍है पुरखस इसाक ती जवा ख़द्दर मंजर।
11
दुयो ख़द्दर अक्‍कु गूटी कुन्‍द्र'आ हूँ मल कुन्‍द्रका रहचर। धर्मेस रेबेक्‍का ती बाचस, “जेट्ठा ख़द्दस सन्नी ख़द्दासी जॊंख़ मनोस।” ईद गा ख़द्दर इन्द्रिइम दौ महले मलदौ मल नंजका रहचर अदही मुन्‍द बातारा। धर्मेस इदिन इदगे बाचस का एकास चज्‍जरदस आस धर्मेसी चितापूता गे चज्‍जरदस। एकदा आलर ही दौ नलख ती मला लिकिन मीख़ुसी मने ती मनी।
12
***
13
औंगे नेम्‍हा पुथी नू लिख्रकी र'ई, “ऎन याकॊबसिन चोन्‍हा नंजकन लिकिन एसावसिन दुस्‍सकन।”
14
तहाँ नाम एन्‍देर ब'ओत? एन्‍देर धर्मेस भितरी बहरी मनदस का? कहियों मला।
15
एन्‍देरगेका आस मूसासिन ब'अदस, “ऎन नॆख'आ म‍इय्याँ चोन्‍हा नना बेद्ददन आसिन चोन्‍हा ननोन। अरा नॆख'आ म‍इय्याँ सोग्‍गे ऎरा बेद्ददन आरिन सोग्‍गे ऎरोन।”
16
औंगे ईद आलर ही मने ती मला महले आलर ही तिहा ती मला। धर्मेस नॆख'आ म‍इय्याँ सोग्‍गे ऎरा गे मने नन्‍दस आरिन आस चाज्‍जदस।
17
एन्‍देरगेका नेम्‍हा पुथी नू लिख्रकी र'ई का धर्मेस मिसर राजी ही बॆलस फारऒसिन ब'अदस, “ऎन निंगन इदगे बॆल कमचकन का निंग्‍है म‍इय्याँ एंग्‍है सवंगन ऎद'ओन ती एंग्‍है नामेन गोट्टा ख़ॆख़ेल नू बीड़'ओन।”
18
औंगे धर्मेस नॆकन सोग्‍गे ऎरा गे मने नन्‍दस आसिन सोग्‍गे ऎर‍दस, अरा नॆकन बेड़हा नना ही मने नन्‍दस आसिन बेड़हा नन्दस।
19
औंगे निम्‍है ती ओर्तोस एंगन ब'ओर, “तहाँ धर्मेस एन्‍देरगे एमन गुन्‍हा ठेका ब'अदस? नॆ आसी मने ही बिड़दो नना उंगी?”
20
अना आलायो! नीन एका ओर्तय? नीन आल लेका र'अदय, नीन धर्मेसिन आनाकिर्त'ओय का? ओन्‍टा गढ़चका आलॊ गढ़'उसिन ब'आ उंगी का नीन एंगन एन्ने एन्‍देरगे गढ़चकय?
21
एन्‍देर कुंमहरस गे अपन आकुस मल्‍ला का आस उनिम लोन्‍दा ख़ज्‍जो ती ओन्‍टा संजगी म‍ईन गे अरा ओन्टा बिगर महबा गे कम'ओस?
22
ई लेक्‍खम धर्मेस हूँ तंग्‍है ख़ीस ऎद'आ गे अरा तंग्‍है सवंगन दहदर नन्‍ना ही मने र'ई। लिकिन आस आलर ही म‍इय्याँ तंग्‍है कोड़हे कयास नंजस एकार आसी ख़ीस ही संजगी रहचर एकाबड़ा नठाब'आ गे सपड़ाचका रहचा।
23
आस एन्ने कोड़हे कयास नंजस का नॆ आसी सोग्‍गेन इंझ्रकर आर आसी कोड़हे महबा आबोन ऎरा ओंगोर। आस आरिन मुन्‍द तिम आ महबा गे सपड़ाचस।
24
ऎम हूँ एन्ने मॆख़रका आलम र'अदम। यहूदीर ती लेका मला नन-यहूदीर गुट्ठी ती हूँ एमन आस मीख़का र'अदस।
25
अन्नेम धर्मेसी कत्‍था तिंगू हॊसॆसी पुथी नू धर्मेस ब'अदस, “एका ओर्तर एंग्‍है आल मल रहचर आरिन एंग्‍है आल ब'ओन, अरा एका ओर्तारिन ऎन चोन्‍हा मल नना लिक्‍कन आरिन ऎन चोन्‍हा ननोन।”
26
“नीम एका अड्डा नू एंग्‍है आल मलनर बातारकर, आ अड्डा नुम नीम उज्‍जना धर्मेसी ख़द्दर बातार'ओर।”
27
धर्मेसी कत्‍था तिंगू यसायास इस्राऎल आलर ही पत्त नू चिच्चियारनुम आनदस, “इस्राऎल आलर समुदर ता चलकुर लेक्‍खा बग्‍गे र'अनर, अन्नु हूँ अइय्या ती जुक्‍किम आलर नाड़र'ओर।
28
एन्‍देरगेका धर्मेस बड़ियर लगे अरा लॆम ख़ॆख़ेल नू तंग्‍है नेंव‍ई ननोस।”
29
धर्मेसी कत्‍था तिंगू यसायास अउरिम बाचस, “फउदर ही उर्बस नमा गे जोक्‍क बनसन उज्‍जना मल अम्‍बका होले, नाम सोदोम अरा गोमोरा नगरे बेसे नठार ख़च्चिका र'ओत दने।”
30
होले नाम एन्‍देर ब'ओत? नन-यहूदीर उजगो मन्नन मल बेद्दा कुद्दालियर, लिकिन आर तम्‍है पत्त'अना ही चड्डे उजगो मंजर।
31
इस्राऎल आलर गा उजगो मना गे नॆगन पॆस्रर ती पूरा नना गे बेद्दा कुद्दालियर, लिकिन अदिन आर मल ख़क्‍खियर।
32
एन्‍देरगे मल ख़क्‍खियर? एन्‍देरगेका आर पत्त'अना ती मला लिकिन तम्‍है नलख गुट्ठी ती अदिन ख़क्‍खा बेद्दालियर। अरा आलारिन मूड़ना ही पखना नू मुड्डियर।
33
एकासे नेम्‍हा पुथी नू लिख्रकी र'ई, “ऎरा, ऎन येरुसलॆम नू ओन्‍टा पखना उइय्‍कन आद आलारिन मूड़त'ओ, ईद आरिन टिड़ना ही चचड़ी हवे। लिकिन नॆ आसी म‍इय्याँ पत्त'ओर आर लज्‍जे मल मॊख़र'ओर।”











रोमियों 9:1
रोमियों 9:2
रोमियों 9:3
रोमियों 9:4
रोमियों 9:5
रोमियों 9:6
रोमियों 9:7
रोमियों 9:8
रोमियों 9:9
रोमियों 9:10
रोमियों 9:11
रोमियों 9:12
रोमियों 9:13
रोमियों 9:14
रोमियों 9:15
रोमियों 9:16
रोमियों 9:17
रोमियों 9:18
रोमियों 9:19
रोमियों 9:20
रोमियों 9:21
रोमियों 9:22
रोमियों 9:23
रोमियों 9:24
रोमियों 9:25
रोमियों 9:26
रोमियों 9:27
रोमियों 9:28
रोमियों 9:29
रोमियों 9:30
रोमियों 9:31
रोमियों 9:32
रोमियों 9:33






रोमियों 1 / रोमियों 1
रोमियों 2 / रोमियों 2
रोमियों 3 / रोमियों 3
रोमियों 4 / रोमियों 4
रोमियों 5 / रोमियों 5
रोमियों 6 / रोमियों 6
रोमियों 7 / रोमियों 7
रोमियों 8 / रोमियों 8
रोमियों 9 / रोमियों 9
रोमियों 10 / रोमियों 10
रोमियों 11 / रोमियों 11
रोमियों 12 / रोमियों 12
रोमियों 13 / रोमियों 13
रोमियों 14 / रोमियों 14
रोमियों 15 / रोमियों 15
रोमियों 16 / रोमियों 16