A A A A A
Facebook Instagram Twitter
Kurukh Bible 2014 Kurux

रोमियों 4



1
नाम एन्‍देर ब'ओत, नम्‍है यहूदीर ही पुरखा बंगस अब्राहमस पत्त'अना ही पत्त नू एन्‍द्रा सिख्रस?
2
अब्राहमस तंग्‍है नलख गुट्ठी ती उजगो मंजका होले, आस गे फुल‍ई नना गे अड्डा र'ई। लिकिन आस धर्मेस गुसन फुल‍ई नना गे अड्डा मलकी।
3
एन्‍देरगेका नेम्‍हा पुथी ब'ई, “अब्राहमस धर्मेसिन पत्ताचस, अरा धर्मेस ई पत्त'अना ती आसिन उजगो मनचस।”
4
बनी नलख ननुर गे आर ही बनी चि'अना दान मल्ली, लिकिन आसी बनी चि'अना दिम मनी।
5
लिकिन एका ओर्तस मलदौ आलारिन छमा ननू धर्मेसिन पत्त'ऊ र'अदस आस गे तंग्‍है नलख नू मला आसी पत्त'अना दिम उजगो गनतार'ई।
6
एन्नेम दाऊद बॆलस नेम्‍हा पुथी नू बाचस का नॆकन धर्मेस आर ही दौ नलख ती मला तंग्‍है मया ती उजगो कमदस, आर आसीस ख़क्ख'ऊ हिकनर। दाऊदस ब'अदस,
7
“नॆखा पाप छमा मंजा अरा नॆखा मलदौ नलख मॊद्रतारा, आर आसीस ख़क्ख'ऊ हिकनर।
8
नॆखा पापन तंग्‍है पुथी ती मेटदस, आर आसीस ख़क्ख'ऊ हिकनर।”
9
ई आसीस खतना मंजका आलर ही लेका का, महले बेगर खतना मंजका आलर गे हूँ र'ई का? नाम एन्ने ब'अदत का अब्राहमसिन धर्मेस आसी पत्त'अना ती उजगो मनचस।
10
होले आस इकला उजगो मनचस? आस खतना मंजका ती मुन्‍द का, खतना मंजका ती ख़ॊख़ा का? आस खतना मंजका ती ख़ॊख़ा मला खतना मंजका ती मुन्‍द उजगो मनचस।
11
अब्राहमस खतना मंजका ही मुन्‍द दिम तंग्‍है पत्त'अना ती ख़क्ख्रका उजगो आबोन ऎद'आ गे ख़ॊख़ा आस खतना आबोन ओन्‍टा चिन्‍हा लेक्‍खा ख़क्‍खियस। औंगे बिगर खतना ती हूँ ओर्मा पत्त'उर गे अब्राहमस बंग मनदस। ईर तम्‍है पत्त'अना ती उजगो आल मन्नर।
12
अरा अब्राहमस खतना मंजका आलर ही हूँ बंग र'अदस, एका ओर्तर खतना लेका मल मंजका र'अनर, लिकिन अब्राहमसी पत्त'अना लेक्‍खा ऎकनर एकासे आस खतना मंजका ती मुन्द पत्ताचस।
13
अब्राहमस अरा आसी बनस गोट्टा ख़ॆख़ेलन ख़क्‍ख'ओर एन्ने धर्मेस ती गच्‍छरका ख़क्‍खियर। ई गच्‍छरका पॆसकन पॆस्रना ती मला लिकिन पत्त'अना ती धर्मेसी ऎरना नू उजगो आल मन्ना ती ख़क्‍ख्रकी रहचा।
14
आलर पॆसकन पॆस्रना ती लेका धर्मेसी गच्‍छरकन ख़क्‍खा ओंगोर होले, पत्त'अना अनभनियाँ र'ई। अरा अब्राहमस नू धर्मेसी गच्‍छरका अनभनियाँ र'ई,
15
एन्‍देरगेका पॆसका धर्मेसी ख़ीसन लेका ओन्‍द्र'आ ऊंगी। एक्सन पॆसका मल्‍ला असन अदिन टांड़ना ही कत्‍था मल मनी।
16
औंगे धर्मेसी गच्‍छरना पत्त'अना ती ख़क्ख्र'ई। ई गच्‍छरका सिथिया ही मया ती अब्राहमसी जंईपुंई ओर्मर गे चितार'ई। ईद मूसासी पॆसका ही तबे नू र'उर गे लेका मला नाम ओर्मर ही बंग अब्राहमस एकासे पत्ताचस, अन्ने पत्त'ऊ आलर गे हूँ चितार'ई।
17
एकासे नेम्‍हा पुथी नू लिख्रकी र'ई, “ऎन निंगन अजम बग्‍गे जातियर ही बंग कमचकादन।” ई गच्‍छरका अब्राहमस गे आस धर्मेसी म‍इय्याँ नंजका पत्त'अना ती ख़क्‍खरा। धर्मेस दिम केचकारिन उज्‍जत'अदस अरा एन्‍द्रा हूँ मलकी अइय्या तिम पुना जिनिसन गढ़दस।
18
अब्राहमस हदियारना नू हूँ असरा उइय्यस ती पत्ताचस, अरा आस अजम बग्‍गे जातियर ही बंग मंजस केरस। एकासे का आसी गच्‍छरका रहचा, “निंग्‍है जंईपुंई गन'आ पोलना मनो क'ओ।”
19
अब्राहमस मलागूटी सौ बछर ही रहचस। अन्नु हूँ तंग्‍है पया मलका बेसे मॆद अरा सारा ही गरब ओत्‍थाऎख़ मना गे केचका बेसे रहचा अदिन अक्‍खस ती हूँ पत्त'अना नू पयहा मल मंजस।
20
अब्राहमस मल पत्त'ऊ मंजस ती धर्मेसी गच्‍छरकन मल दोखचस। लिकिन आस पत्त'अना नू पोकता मंजस ती धर्मेसी ओहमा नंजस।
21
अब्राहमस निचट अक्‍खस का एका कत्‍थन धर्मेस गच्‍छरकादस, आस अदिन पूरा नना गे सवंगिय र'अदस।
22
ई चड्डे तंग्‍है पत्त'अना ती अब्राहमस उजगो लेखरस।
23
“अब्राहमस उजगो लेखरस” इबड़ा कत्‍था अब्राहमसी फैदा गे लेका मला
24
नम्है फैदा गे हूँ लिख्रकी र'ई। नाम हूँ उजगो लेखर'ओत, एन्‍देरगेका नॆ नम्‍है उर्बस येसु मसीसिन केच्‍कर ती उज्‍जताचस आसिन असरा नन्‍दत।
25
येसुस नम्‍है अक्‍का-बलका गुट्ठी गे खे'आ गे चितारस, अरा नमन उजगो आल कम'आ गे केचका ती उज्‍जा चॊच्‍चस।











रोमियों 4:1
रोमियों 4:2
रोमियों 4:3
रोमियों 4:4
रोमियों 4:5
रोमियों 4:6
रोमियों 4:7
रोमियों 4:8
रोमियों 4:9
रोमियों 4:10
रोमियों 4:11
रोमियों 4:12
रोमियों 4:13
रोमियों 4:14
रोमियों 4:15
रोमियों 4:16
रोमियों 4:17
रोमियों 4:18
रोमियों 4:19
रोमियों 4:20
रोमियों 4:21
रोमियों 4:22
रोमियों 4:23
रोमियों 4:24
रोमियों 4:25






रोमियों 1 / रोमियों 1
रोमियों 2 / रोमियों 2
रोमियों 3 / रोमियों 3
रोमियों 4 / रोमियों 4
रोमियों 5 / रोमियों 5
रोमियों 6 / रोमियों 6
रोमियों 7 / रोमियों 7
रोमियों 8 / रोमियों 8
रोमियों 9 / रोमियों 9
रोमियों 10 / रोमियों 10
रोमियों 11 / रोमियों 11
रोमियों 12 / रोमियों 12
रोमियों 13 / रोमियों 13
रोमियों 14 / रोमियों 14
रोमियों 15 / रोमियों 15
रोमियों 16 / रोमियों 16