A A A A A
Facebook Instagram Twitter
Kurukh Bible 2014 Kurux

रोमियों 2



1
औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।
2
नाम अख़दत का एन्ने मलदौ नलख ननुर म‍इय्याँ धर्मेस ठौका दंडे चि'ओस।
3
अना आलारो, नीम मलदौ नलख ननुर ही नेंवई नन्‍दर, लिकिन नीमिम एन्ने नलख नन्‍दर। धर्मेस निमन कोड़हे चोन्‍हा नन्‍दस अरा सह‍दस अरा निमन सोग्‍गे ऎरदस। ई चड्डे नीम एन्ने सोचदर का धर्मेसी नेंवई नन्ना ती बछर'ओर? नीम गा आसी चोन्‍हा ही पत्त नू मल सोचदर अरा आसी चोन्‍हन मल बुझ्रदर का नीम जियन किर्त'आ गे धर्मेस मोका गुट्ठी चि'आलदस।
4
***
5
लिकिन नीम निम्‍है ढ़िट्ठी अरा पाप नन्नन मल अम्‍बना चड्डे धर्मेसी ख़ीस ऎदना ही उल्‍ला नू अउर हूँ कोड़हे दंडे बेंददर। आ उल्‍ला नू ओर्मर धर्मेसी ठौका नेंवई नन्नन ऎरोर।
6
धर्मेस ओर्मर गे तम्है तम्‍है नलख लेक्‍खा भूती चि'ओस।
7
एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।
8
एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।
9
मलदौ ननू उर्मी आलर गे सस्ती अरा कल‍पारना मनो। मुन्‍द यहूदीर गे ख़ॊख़ा नन-यहूदीर गे मनो।
10
लिकिन दौ नलख ननुर गे महबा अरा म‍ईन अरा कोड़े मनो। मुन्‍द यहूदीर गे ख़ॊख़ा नन-यहूदीर गे मनो।
11
एन्‍देरगेका धर्मेस नॆख'आ तरा हूँ मल मन्‍दस।
12
एका ओर्तर धर्मेसी पॆसकन बलनर ती पाप नन्नर, होले हूँ आर नठार'ओर। अरा एका ओर्तर धर्मेसी पॆसकन अख़नर ती पाप ननतेम र'अनर, आर धर्मेसी पॆसका ती नेंव‍ई नन्तार'ओर।
13
एन्‍देरगेका धर्मेसी पॆसकन मिनू आलर उजगो मल मनोर, लिकिन धर्मेसी पॆसकन पॆस्र'ऊ आलर उजगो मनोर।
14
एका ओर्तर यहूदी मलनर आर गे धर्मेसी पॆसका मल ख़क्‍खरा। अन्नु हूँ आर आ पॆसकन पॆस्रनर होले, आर पॆसका मलका नू हूँ ताम तम्‍है नू पॆसका हिकनर।
15
ईर ऎदनर का एकासे धर्मेसी पॆसका र'ई अन्ने तम्‍है जिया नू अख़नर, एन्‍द्रा ठौका र'ई अरा बिड़दो र'ई। अरा आर इदन तम्‍है लखना ती ऎदनर, एका एका बारी आर ही सोच तिंगी का आर ठौका नंजर अरा बिड़दो नंजर।
16
ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।
17
अक्‍कुन नीन निंगन यहूदी ब'अदय अरा धर्मेसी पॆसका ही म‍इय्याँ भरसा उइय्‍दय अरा धर्मेसी अरा निंग्‍है मझी ता नता ही पत्त नू फुल‍ई मन्‍दय।
18
अरा नीन पॆसकन सिख्रकय ती नीन एन्‍देर नना गे धर्मेस बेद्ददस अदिन अख़दय। अरा एन्‍द्रा दौ अरा मलदौ र'ई अदिन हूँ नीन अख़दय।
19
नीन सोचदय का नीन अन्धहा आलर ही कड़हाब'उर अरा ऊख़ा नू र'उर ही बिल्‍ली।
20
अरा नीन सोचदय का नीन बोया आलर गे दौ आबोन ब'आ ओंग्दय, अरा लूर मलकर गे सिखाब'ऊ हिकदय। औंगे नीन सोचदय का धर्मेसी पॆसका निंगा उर्मी लूर अरा मानिम कत्‍थन चि'ई।
21
नीन नन्नारिन सिखाब'अदय लिकिन निंगन मल सिखाब'अदय। अरा नीन नन्नारिन अमके ख़ड़'आ ब'अदय लिकिन नीनिम ख़ड़दय।
22
नीन गा आनदय नन्ना आली गुसन अमके काला, लिकिन नीनिम नन्ना आली गुसन कादय। नीन मूर्ती गुट्ठिन ख़ाँड़दय, लिकिन नीन गा मन्दिर गुट्ठिन बच्‍दय।
23
नीन धर्मेसी पॆसकन अख़दन ब'अदय ती फुल‍ई मन्‍दय, लिकिन नीन पॆसकन टाड़दय ती धर्मेसी म‍ईन मल नन्‍दय।
24
एकासे का नेम्‍हा पुथी नू लिख्रकी र'ई, “निम्‍है चड्डे नन-यहूदीर नू धर्मेसी नामे ही निंदा मनी।”
25
नीम खतना मंजका चड्डे नीम पत्त'अदर का नीम धर्मेस ती चजरकादर। नीन धर्मेसी पॆसकन पॆस्रदय होले गा खतना ही नफा र'ई। लिकिन नीन पॆसकन मल पॆस्रदय होले, निंग्‍है खतना बिगर खतना ही लेक्‍खा मनी।
26
एन्नेम नन-यहूदीर खतना मल मंजका र'अनर। लिकिन आर पॆसका एन्‍देर ब'ई अदिन पॆस्रनर होले, ईद आर ही खतना मंजका बेसे र'ई।
27
निमा यहूदीर गे लिख्रका पॆसका र'ई अरा निम्‍है खतना मंजकी र'ई, लिकिन नीम पॆसकन टाड़दर। औंगे एका ओर्तर तम्‍है कया नू खतना मल्‍ला मंजका, लिकिन आर पॆसकन पॆस्रनर, आर निमन बदी ननोर।
28
एन्‍देरगेका यहूदी अयंग बंग ती कुन्‍द्रकादस महले कया ही मानिम खतना मंजका ती लेका आस मानिम यहूदी मलदस।
29
लिकिन एकास धर्मेसी पॆसकन पॆस्रदस आस मानिम यहूदी हिकदस। लिख्रका नॆग ती मला लिकिन नेम्‍हा बॊलतस जियन बदलदस आद दिम मानिम खतना हिके। एन्ने आलासी आलर तर‍ती मला धर्मेस तरती म‍ईन मनी।











रोमियों 2:1
रोमियों 2:2
रोमियों 2:3
रोमियों 2:4
रोमियों 2:5
रोमियों 2:6
रोमियों 2:7
रोमियों 2:8
रोमियों 2:9
रोमियों 2:10
रोमियों 2:11
रोमियों 2:12
रोमियों 2:13
रोमियों 2:14
रोमियों 2:15
रोमियों 2:16
रोमियों 2:17
रोमियों 2:18
रोमियों 2:19
रोमियों 2:20
रोमियों 2:21
रोमियों 2:22
रोमियों 2:23
रोमियों 2:24
रोमियों 2:25
रोमियों 2:26
रोमियों 2:27
रोमियों 2:28
रोमियों 2:29






रोमियों 1 / रोमियों 1
रोमियों 2 / रोमियों 2
रोमियों 3 / रोमियों 3
रोमियों 4 / रोमियों 4
रोमियों 5 / रोमियों 5
रोमियों 6 / रोमियों 6
रोमियों 7 / रोमियों 7
रोमियों 8 / रोमियों 8
रोमियों 9 / रोमियों 9
रोमियों 10 / रोमियों 10
रोमियों 11 / रोमियों 11
रोमियों 12 / रोमियों 12
रोमियों 13 / रोमियों 13
रोमियों 14 / रोमियों 14
रोमियों 15 / रोमियों 15
रोमियों 16 / रोमियों 16