| 1 |
| औंगे पत्त'अना नू बड़ियर र'अदत नाम नम्है नू लेका रिझ्ररना मलकी। लिकिन एका ओर्तर ई लेक्खा पयहा र'अनर आर ही पयहा नू नमा सहना र'ई। |
| 2 |
| नमा ओर्मत गे तम्है अरबर-परबारिन दौ गे आरिन पत्त'अना नू बड़ियर मना ओंगोर अदगे सहाड़ा नन्ना र'ई। |
| 3 |
| मसीस हूँ तान तंगानिम रिझ्रनुम मल उज्जियस, एकासे का नेम्हा पुथी नू लिख्रकी र'ई, “निंग्है निंदा ननुर ही निंदा एंग्है मइय्याँ बरचिम बिच्चिया।” |
| 4 |
| ऎ बग्गे कत्था मुन्द लिख्रकी र'ई अबड़ा नमा सिख्र'आ गेम लिख्रकी र'ई। नेम्हा पुथी नमा गे कयास दरा रिझ्रनन चि'ई। होले नाम असरा नना ओंग्दत। |
| 5 |
| कयास दरा रिझ्रनन चि'ऊ धर्मेस, मसी येसुस एकन्ने बेद्ददस अन्ने निमा अपन ती नन्नर नू मेसर'आ ती उज्जा गे सहाड़ा नन्दस नेकअन। |
| 6 |
| तहाँ नीम ओन जिया अरा ओन सड़ा ती नम्है उर्बस येसु मसीसी बंगस धर्मेसी ओहमा ननोर। |
| 7 |
| औंगे एकासे मसीस निमन इंझ्रकादस अन्नेम नीम अपन ती नन्नारिन इंझ्र'आ। इत्रु ती धर्मेसी मईन मनो। |
| 8 |
| ऎन ब'अदन का एका गच्छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस। |
| 9 |
| अरा आस इदगे हूँ इदिन नंजस का नन-यहूदीर तम्है ख़क्ख्रका सोग्गे ही चड्डे धर्मेसी ओहमा नना ओंगोर। एकासे नेम्हा पुथी नू लिख्रकी र'ई, “औंगे ऎन नन-यहूदीर नू निंग्है ओहमा ननोन। अरा निंग्है नामे ही ओहमा पाड़ोन।” |
| 10 |
| अरा ईद बारकी र'ई, “अना नन-यहूदी आलारो, आसी आलर गने रिझ्र'आ।” |
| 11 |
| अउरिम ब'ई, “उर्मी नन-यहूदी आलारो, उर्बासिन ओहमा नना। अना ख़ॆख़ेल ता उर्मी आलारो, आसिन ओहमा नना।” |
| 12 |
| अरा फिन धर्मेसी कत्था तिंगू यसायास ब'अदस, “येसैसी बनस ती ओन्टा पुना बॆलस बर'ओस। आस नन-यहूदीर नू राजी ननोस, अरा नन-यहूदीर आसी चड्डे असरा ननोर।” |
| 13 |
| धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्द'ओस, एन्देरगेका नीम आसिन पत्त'अदर। होले नेम्हा बॊलतासी सवंग ती निम्है असरा नीन्दनुम क'ओ। |
| 14 |
| अना भईरो! ऎन एंग्है तिम निम्है पत्त नू दौ अख़दन का नीम दौ ती निन्ददर अरा उर्मी रकम ही लूर ती बड़ियर मनरकी अपन ती नन्नारिन चेता ब'आ ओंग्दर। |
| 15 |
| अन्नु हूँ ऎन एसन एसन सुरता नन्त'आ गे निमा एकदन डिढ नंजकन ती लिखचकन, एन्देरगेका धर्मेस एंगा चिच्का ई मया ती |
| 16 |
| नन-यहूदीर गे मसी येसुसी जॊंख़ मंजकन। ऎन आसी दौ कत्थन सिखाब'अना ती नैगस लेक्खा धर्मेसी तेतर-सुसर नंजकन। होले नन-यहूदीर नेम्हा बॊलतस ती नेम्हा मंजका ती धर्मेस गे इंझ्रना दाँड़े बेसे मना ओंगोर। |
| 17 |
| औंगे मसी येसुस नू धर्मेस गे ऎन एन्देर नलख नंजकन अदगे फुलई नन्दन। |
| 18 |
| एन्देर ऎन बाचकन अरा एन्देर ऎन नंजकन, इत्रु ती नन-यहूदीर धर्मेसिन मन'आ गे मसीस एंग्है ती नंजका कत्थन अम्बरकी एंगा एकअम कत्था ही पत्त नू ब'अना ही डिढ मल मनो। |
| 19 |
| अबड़ा चिन्हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्खा ऎन येरुसलॆम ती इल्लुरिकोन ही ओनबेंड़र'आ मसीसी दौ कत्थन तेंगा कुद्दकन। |
| 20 |
| एसन एसन मसीसी पत्त नू मल्ला मेन्तारका असानिम ऎन दौ कत्थन मेन्त'आ बेद्ददन। नन्नर कलीसिया ऒर नंजका अड्डा नू ऎन दौ कत्था मेन्त'आ मल बेद्ददन। |
| 21 |
| लिकिन एकन्ने नेम्हा पुथी नू लिख्रकी र'ई अन्नेम मनन, “नॆका आसी पत्त नू मल्ला तेंगरका आर ऎरोर, अरा नॆ आसी पत्त नू मल्ला मेंजका आर बुझ्र'ओर।” |
| 22 |
| ई चड्डे घड़ी घड़ी ऎन निम्है गुसन बर'आ गे छेकरका रहचकन। |
| 23 |
| लिकिन अक्कु ई राजी नू एंग्है नलख गे अड्डा मल्ला बछ्रका। अरा नगदे चाँन ती निम्है गुसन बर'आ गे बेद्दा लिक्कन। |
| 24 |
| औंगे ऎन स्पानिया गे कालो बारी निम्है गुसन कुरनुम काला गे असरा र'ई। अरा निम्है गने भेंट मनोन ती जोक्क बेड़ा र'अना ती रिझ्र'ओन। फिन एंगा असरा र'ई का एंग्है डहरे ऎकना नू नीम सहाड़ा ननोर। |
| 25 |
| लिकिन अक्कुन गा ऎन धर्मेसी आलर ही तेतर-सुसर नना गे येरुसलॆम कालदन। |
| 26 |
| एन्देरगेका मकेदोनिया अरा अख़ाया जिला गुट्ठी ता आलर येरुसलॆम ता धर्मेसी आलर ती कीड़र गे सहाड़ा नना गे रिझ ती तम्है बरार चिच्का र'अनर। |
| 27 |
| आर इदिन नना गे रिझ्रर, अरा आर इदिन नना गे मानिम नू आर ही नहड़ा हूँ र'अनर। एन्देरगेका नन-यहूदीर यहूदीर ही बॊलता बरकत गुट्ठिन खटरर, होले आर गे तम्है ढिबा खुरजी गुट्ठी ती यहूदीर गे सहाड़ा नन्ना र'ई। |
| 28 |
| औंगे ऎन ई नलखन नंज ख़च्चोन ती आर गे इबड़ा बरार आबोन सोंप'ओन ती निम्है गुसन कुरनुम स्पानिया क'ओन। |
| 29 |
| अरा ऎन अख़दन का इकला ऎन निम्है गुसन बर'ओन, आ बारी मसीसी अजगुत बरकत गने बर'ओन। |
| 30 |
| अना एंग्है भईरो! नम्है उर्बस येसु मसीस ती अरा नेम्हा बॊलतासी चोन्हा ती ऎन निम्है गुसले ने'अदन का, एंगा गे एंग्है गने धर्मेसिन गोहरारना नू बोथ्रका र'आ, |
| 31 |
| ख़ने ऎन यूदेया ता मल पत्त'उर ती बछ्रका र'ओन, अरा एकदन ऎन येरुसलॆम ता पत्त'ऊ आलर गे बरार आबोन ओन्द्रदन अदिन आर रिझ गने इंझर'ओर। |
| 32 |
| होले ऎन धर्मेसी मने ती निम्है हेद्दे रिझ ती बर'ओन। अरा निम्है गने भेंट मनोन ती ख़न्न ऎख़ोन। |
| 33 |
कोड़े ही धर्मेस निम्है ओर्मर गने र'अदस नेकअन। आमेन।
|
| Kurukh Bible 2014 Kurux |
| No Data |
|
|
|
|
|
|
|
|
|
|
| रोमियों 15:1 |
| रोमियों 15:2 |
| रोमियों 15:3 |
| रोमियों 15:4 |
| रोमियों 15:5 |
| रोमियों 15:6 |
| रोमियों 15:7 |
| रोमियों 15:8 |
| रोमियों 15:9 |
| रोमियों 15:10 |
| रोमियों 15:11 |
| रोमियों 15:12 |
| रोमियों 15:13 |
| रोमियों 15:14 |
| रोमियों 15:15 |
| रोमियों 15:16 |
| रोमियों 15:17 |
| रोमियों 15:18 |
| रोमियों 15:19 |
| रोमियों 15:20 |
| रोमियों 15:21 |
| रोमियों 15:22 |
| रोमियों 15:23 |
| रोमियों 15:24 |
| रोमियों 15:25 |
| रोमियों 15:26 |
| रोमियों 15:27 |
| रोमियों 15:28 |
| रोमियों 15:29 |
| रोमियों 15:30 |
| रोमियों 15:31 |
| रोमियों 15:32 |
| रोमियों 15:33 |
|
|
|
|
|
|
| रोमियों 1 / रोमियों 1 |
| रोमियों 2 / रोमियों 2 |
| रोमियों 3 / रोमियों 3 |
| रोमियों 4 / रोमियों 4 |
| रोमियों 5 / रोमियों 5 |
| रोमियों 6 / रोमियों 6 |
| रोमियों 7 / रोमियों 7 |
| रोमियों 8 / रोमियों 8 |
| रोमियों 9 / रोमियों 9 |
| रोमियों 10 / रोमियों 10 |
| रोमियों 11 / रोमियों 11 |
| रोमियों 12 / रोमियों 12 |
| रोमियों 13 / रोमियों 13 |
| रोमियों 14 / रोमियों 14 |
| रोमियों 15 / रोमियों 15 |
| रोमियों 16 / रोमियों 16 |