A A A A A
Facebook Instagram Twitter
Kurukh Bible 2014 Kurux

प्रेरितों के काम 21



1
एकाबारी ऎम आर ती छिन्‍ड्रकम ती कोहाँ डोंगा नू अरगकम ख़ने, उजगोम कोस नू बरचकम, अरा दोसर उल्‍ला रोदोस अरा असले पतारा नू बरचकम।
2
असते फोइनिकॆ चकभार काना ओन्‍टा कोहाँ डोंगा ख़क्‍खका ती ऎम अइय्या अरगकम ती उरखकम।
3
एकाबारी कुप्रोस टापू ऎथ्रा ख़ने, अदिन ऎम डेब्‍बा अम्‍बकम ती सीरिया राजी केरकम ती तुरोस नू इत्तकम, एन्‍देरगेका असन कोहाँ डोंगा ही माल एत्त'अना रहचा।
4
असन ऎम पत्त'ऊ आलारिन ख़क्‍खकम ती सात उल्‍ला गूटी आर गने रहचकम। आर नेम्‍हा बॊलतासी कड़हाब'अना ती पौलुसिन, “नीन येरुसलॆम अमके काला” एन्ने तिंगियर।
5
अबड़ा उल्‍ला मुंज्रा ख़ने, ऎम असले कोहाँ डोंगा तरा किर्रिम बिच्‍चकम। ओर्मा पत्त'ऊ आलर तम्‍है मुक्‍कर अरा ख़द्दर गने एमन नगरे ती बहरी अंड़सताचर। असन ऎम पिंडी नू मूकलिदरकम ती गोहरारकम।
6
तहाँ ऎम बिदा मंजकम ती कोहाँ डोंगा नू अरगकम अरा आर एड़पा किर्रियर।
7
तहाँ ऎम डहरे ऎकतेम ऎकतेम तुरोस ती उरखकम ती प्‍तोलेमयिस नू अंड़सकम। असन ऎम पत्त'उरिन मोंजरा नंजकम ती आर ही गने उन्‍दुल रहचकम।
8
दोसर उल्‍ला ऎम असले केरकम ती कैसरेया बरचकम, अरा सतियोर ती ओर्तोस दौ कत्‍था तिंगू फिलिप्‍पोसी एड़पा नू कोरचकम अरा आसी गने रहचकम।
9
आसी चार गोटंग डिंडा कुक्‍के ख़द्दर रहचर, आर धर्मेसी कत्‍थन मुन्‍द तिंगू रहचर।
10
असन ऎम ढ़ॆर उल्‍ला र'अना बेड़ा नू हगाबोस नामे ओन्‍टा धर्मेसी कत्‍था तिंगुस यूदेया ती बरचस।
11
आस एम्‍है गुसन बरचस ती पौलुसी कमरपटी आबोन होच्‍चस अरा तंग्‍है ख़ेड्डे ख़ेक्खा गुट्ठिन हॆंचस ती बाचस, “नेम्‍हा बॊलतस एन्ने ब'अदस का ई कमरपटी नॆख'आ हवे, आसिन येरुसलॆम नू यहूदी आलर एन्नेम हें'ओर ती नन-यहूदी आलर ही ख़ेक्खा नू सोंप'ओर।”
12
एकाबारी ऎम इदन मेंजकम ख़ने, ऎम अरा असता आलर पौलुस ती गोहरारकम का येरुसलॆम अमा काला।
13
लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”
14
ऎम आसी मनेन ताड़'आ पोलकम ख़ने, ऎम एन्ने बाचकम ती कलेकसे मंजकम का उर्बासी मने पूरा मनन नेक‍अन।
15
इबड़ा उल्‍ला ही ख़ॊख़ा ऎम एम्‍है जिनिसन सपड़ाचकम ती येरुसलॆम काला गे उरखकम।
16
अरा कैसरेया ती हूँ जोक्‍क पत्त'ऊ आलर एम्‍है गने केरर, अरा एमन कुप्रियोस टापू ता मनासॊन नामे ओन्‍टा पच्चा पत्त'ऊ आलस गुसन ओन्‍द्रर बरचर का ऎम आसी गुसन र'आ ओंगोम।
17
एकाबारी ऎम येरुसलॆम अंड़सकम ख़ने, अइय्या ता पत्त'ऊ भइय्योर एंगन कोड़हे रिझ गने परघाचर।
18
दोसर उल्‍ला पौलुस अरा ऎम याकॊबसिन भेंटार'आ गे केरकम, असन ओर्मा सेयान आलर रहचर।
19
ख़ने आस आरिन मोंजरा नंजस ती एन्‍देर एन्‍देर नलख धर्मेस आसी दौ कत्‍था तेंगना नलख ती नन-यहूदी आलर नू नंजका रहचस, ओन्‍टा ओन्‍टा उर्मिन तिंगियस।
20
अबड़र इदिन मेंजर ती धर्मेसी महबा नंजर। फेन आस ती बाचर, “अना भ‍ई, नीन ऎरदय का यहूदी आलर ती कैयो हजार आलर पत्ताचका र'अनर। आर ओर्मर मूसासी नॆग नू मूलख़का र'अनर।
21
आर निंग्‍है पत्त नू मेंजकानर का नीन नन-यहूदी आलर नू र'ऊ यहूदी आलारिन मूसासी नॆग ती किर्रा काला गे सिखाब'अदय, अरा ब'अदय का निम्‍है ख़द्दर ही खतना नन्‍त'आ मला अरा चाल गुट्ठी ही लेक्‍खा अमा ऎका।
22
होले नाम एन्‍देर नन्ना र'ई? आर मेनोर दिम का नीन इसन बरचका र'अदय।
23
औंगे ऎम निंगन एन्‍देर ब'अदम अदिन नना। एम्‍है गुसन चार झन आलर र'अनर, आर किरया मोक्‍का र'अनर।
24
आरिन हो'आ ती आर ही गने निंगन नॆत ही लेक्‍खा सुध नना अरा आर कुक्‍कू मुंडर'आ गे नीन ढिबा चि'आ लघ'आ। होले ओर्मर अख़'ओर का एका कत्‍था निंग्‍है पत्त नू बारकी र'ई, आद मानिम मल्‍ली, अरा नीन हूँ गा मूसासी नॆगन मनदय ती अदही लेक्‍खा ऎकदय।
25
लिकिन अबड़ा नन-यहूदी पत्त'ऊ आलर ही पत्त नू ऎम एन्ने चिताबुता नंजकम ती लिखचकम त‍इय्कम का मूर्ती गुट्ठी ही दाँड़े अरगका ओना-मॊख़ना ती अरा ख़ॆंस ती अरा घोघन पॆदख़का मेक्‍खो गुट्ठी ही अहड़ा ती अरा पेहरन ही सोतरा नलख ती तरकूटी र'ओर।”
26
तहाँ पौलुस अबड़ा आलारिन होच्‍चस ती दोसर उल्‍ला आर ही गने चाल ही लेक्‍खा सुध मंजस। अरा सुध मन्ना ही उल्‍ला इकला पूर'ओ अरा अबड़ा ओर्मर गे दान अरगना इकला पूर'ओ एन्ने तेंगा गे आस धर्मेसी मन्दिर नू केरस।
27
इकला सात उल्‍ला पूरना रहचा ख़ने, आसिया ता जोक्‍क यहूदी आलर पौलुसिन धर्मेसी मन्दिर नू ईरियर ती उर्मी गोंहड़न ततकाचर ती आसिन धरचर।
28
अरा चिच्चियारर, “अना इस्राऎल आलारो, एमा सहाड़ा नना! ईस आ आलस दिम, एकास नम्‍है आलारिन अरा मूसासी नॆग ही अरा ई अड्डा ही बिड़दो नू उर्मी आलारिन अरा उर्मी अड्डा नू सिखाब'अदस, अरा नन-यहूदी आलारिन हूँ आस धर्मेसी मन्दिर नू ओन्‍द्रस ती ई नेम्‍हा अड्डन सोतबोड़'आ नंजका र'अदस।”
29
(एन्‍देरगेका अबड़र इदिन ती मुन्‍द इफेसुस ता त्रुफिमोसिन आसी गने नगरे नू ईरका रहचर। औंगे एन्ने बुझ्र'आ लगियर का पौलुस आसिन धर्मेसी मन्दिर नू ओन्‍द्रका र'अदस।)
30
तहाँ गोट्टा नगरे नू चॊच-उक्‍कना मंजा केरा, अरा आलर बोंग जुमरर अरा पौलुसिन धरचर ती धर्मेसी मन्दिर ही बहरी घिडराचर ओन्‍द्रर‍। अरा लॆम मन्‍दिर ही बली मुच्‍चतारा।
31
आर आसिन ल'आ पिटा बेद्दा लगियर ख़ने, रोमी फउद उर्बस गे अरो ख़क्‍खरा का गोट्टा येरुसलॆम नू चो'आ-ओक्‍का लगी।
32
ख़ने आस लॆम जोक्‍क सैनारिन अरा सैनर ही मुद्धारिन होच्‍चस ती आर ही गुसन बोंगस ती बरचस। अरा आर फउद उर्बासिन अरा सैनारिन ईरियर ख़ने, पौलुसिन ल'अनन अम्‍बियर चिच्‍चर।
33
ख़ने फउद उर्बस हेद्दे बरचस ती पौलुसिन हॆंचस, अरा दुई गोटा सिकड़ी ती हें'आ गे आनियस ती मेंजस, “ईस एका ओर्तस अरा ईस एन्‍देर नंजका र'अदस?”
34
लिकिन गोंहड़ा नू आलर बारो-बरनिया ब'आ ब'आ चिच्चि‍यार'आ हेलरर। चॊच-उक्‍कना मन्ना चड्डे आस ड‍उल लगे मानी आबोन अख़'आ पोल्‍लस। औंगे पौलुसिन फउद गढ़िया नू हो'आ गे आनियस।
35
एकाबारी आस सिड़ही गुसन अंड़सियस ख़ने, एन्ने मंजा का गोंहड़ा ही तुकना-बेकना ही मारे सैनर गे आसिन चॊद'अरकी हो'अना मंजा।
36
एन्‍देरगेका आलर ही गोंहड़ा आसिन पिटा ख़च्‍चा ब'अरकी चिच्चि‍यारनुम आसी ख़ॊख़ा नू रहचा।
37
सैनर पौलुसिन फउद गढ़िया नू हू'ऊ रहचर ख़ने, पौलुस फउद उर्बासिन बाचस, “ऎन निंगन इन्द्रिइम ब'आ ओंग्दन का?” ख़ने आस बाचस, “एन्‍देर नीन युनानी भखा अख़दय का?
38
नीन आ मिसर आलय मलदय का, एकास जोक्‍क उल्‍ला मुन्‍द हुलहुली नंजस ती चार हजार बलवा ननुरिन टोड़ंग तरा डगराचस होच्‍चस?”
39
पौलुस बाचस, “मला, ऎन गा किलिकिया देस ही तरसोस नगरे ता यहूदी आलन हिकदन। अरा ऎन आ मुद्ध नगरे तरसोस ता र'ऊ आलन। ऎन निंगन गोहरारदन का नीन एंगन ई आलर गने कछनख्र'आ चि'आ।”
40
फउद उर्बस कछनख्र'आ चिच्‍चस। ख़ने पौलुस सिड़ही नू इज्‍जस ती आलारिन ख़ेक्खन नुकचस ती कलेकसे र'आ गे बाचस। आर कलेकसे मंजर ख़ने, आस इब्रानी भखा ती ब'आ हेलरस।











प्रेरितों के काम 21:1
प्रेरितों के काम 21:2
प्रेरितों के काम 21:3
प्रेरितों के काम 21:4
प्रेरितों के काम 21:5
प्रेरितों के काम 21:6
प्रेरितों के काम 21:7
प्रेरितों के काम 21:8
प्रेरितों के काम 21:9
प्रेरितों के काम 21:10
प्रेरितों के काम 21:11
प्रेरितों के काम 21:12
प्रेरितों के काम 21:13
प्रेरितों के काम 21:14
प्रेरितों के काम 21:15
प्रेरितों के काम 21:16
प्रेरितों के काम 21:17
प्रेरितों के काम 21:18
प्रेरितों के काम 21:19
प्रेरितों के काम 21:20
प्रेरितों के काम 21:21
प्रेरितों के काम 21:22
प्रेरितों के काम 21:23
प्रेरितों के काम 21:24
प्रेरितों के काम 21:25
प्रेरितों के काम 21:26
प्रेरितों के काम 21:27
प्रेरितों के काम 21:28
प्रेरितों के काम 21:29
प्रेरितों के काम 21:30
प्रेरितों के काम 21:31
प्रेरितों के काम 21:32
प्रेरितों के काम 21:33
प्रेरितों के काम 21:34
प्रेरितों के काम 21:35
प्रेरितों के काम 21:36
प्रेरितों के काम 21:37
प्रेरितों के काम 21:38
प्रेरितों के काम 21:39
प्रेरितों के काम 21:40






प्रेरितों के काम 1 / प्रेरिक 1
प्रेरितों के काम 2 / प्रेरिक 2
प्रेरितों के काम 3 / प्रेरिक 3
प्रेरितों के काम 4 / प्रेरिक 4
प्रेरितों के काम 5 / प्रेरिक 5
प्रेरितों के काम 6 / प्रेरिक 6
प्रेरितों के काम 7 / प्रेरिक 7
प्रेरितों के काम 8 / प्रेरिक 8
प्रेरितों के काम 9 / प्रेरिक 9
प्रेरितों के काम 10 / प्रेरिक 10
प्रेरितों के काम 11 / प्रेरिक 11
प्रेरितों के काम 12 / प्रेरिक 12
प्रेरितों के काम 13 / प्रेरिक 13
प्रेरितों के काम 14 / प्रेरिक 14
प्रेरितों के काम 15 / प्रेरिक 15
प्रेरितों के काम 16 / प्रेरिक 16
प्रेरितों के काम 17 / प्रेरिक 17
प्रेरितों के काम 18 / प्रेरिक 18
प्रेरितों के काम 19 / प्रेरिक 19
प्रेरितों के काम 20 / प्रेरिक 20
प्रेरितों के काम 21 / प्रेरिक 21
प्रेरितों के काम 22 / प्रेरिक 22
प्रेरितों के काम 23 / प्रेरिक 23
प्रेरितों के काम 24 / प्रेरिक 24
प्रेरितों के काम 25 / प्रेरिक 25
प्रेरितों के काम 26 / प्रेरिक 26
प्रेरितों के काम 27 / प्रेरिक 27
प्रेरितों के काम 28 / प्रेरिक 28