A A A A A
Facebook Instagram Twitter
Kurukh Bible 2014 Kurux

मरकुस 3



1
अउर ओन ख़न्न ऎख़ना उल्‍ला नू येसुस गोड़हा एड़पा नू केरस। असन ओन्‍टा ख़ैका ख़ेक्खा आलस रहचस।
2
अरा जोक्को फरिसीर येसुसिन बदी ठेकाब'आ गे जोह'आलियर, औंगे आर आसिन चिहुंक ती ऎरालियर, का ईस ख़ैका ख़ेक्खा आलासिन ख़न्न ऎख़ना उल्‍ला नू कोड़े नन्‍दस का म‍ला।
3
येसुस ख़ैका ख़ेक्खा आलासिन बाचस, “बरा, अरा ओर्मर ही मुन्‍दहारे इज'आ।”
4
तहाँ येसुस अबड़ा फरिसीरिन बाचस, “ख़न्न ऎख़ना उल्‍ला नू मूसासी पॆसका लेक्‍खा एन्‍देर नन्ना बॆस र'ई, दौ नन्ना का मलदौ नन्ना, आलर ही उज्‍जनन बछाब'अना का मद‍इत मल नन्ना ती आलारिन खे'आ चि'अना?” लिकिन आर एन्देर हूँ मल बाचर।
5
आस आरिन कैर ती ईरियस। आर ही जिया ही बेड़हा चड्डे आसी जिया उल्‍लिया। ख़ने आस आ आलासिन बाचस, “निंग्‍है ख़ेक्खन लमाब'आ।” आस तंग्‍है ख़ेक्खन लमाबाचस, अरा आसी ख़ेक्खा कोड़े मंज ख़च्चिया।
6
ख़ने फरिसीर बहरी कालरकी लॆम हॆरॊदॆर गने येसुसिन पिटा गे चिता बूता नना हेलरर।
7
येसुस गोड़हा एड़पा ती उरखरकी तंग्‍है चेलर गने गलिलेया समुदर तरा केरस। ओन्‍टा कोहाँ गोंहड़ा आसी ख़ॊख़ा केरा। ई गोंहड़ा नू गलिलेया जिला ता,
8
अरा येरुसलॆम नगरे ता, अरा यूदेया जिला ही नन्ना नगरे ता, अरा इदुमिया जिला ता, अरा यरदन ख़ाड़ ही पुरुब चक ता, अरा तुरोस अरा सीदॊन नगरे ही चरियो चक ता आलर रहचर। आर आसी नंजका नलखन मेनरकी आस गुसन बरचर।
9
येसुस तंग्‍है चेलारिन बाचस, “एंगा गे ओन्‍टा डोंगन सपड़'आ, एन्‍देरगेका बग्‍गे गोंहड़ा ख़ोपरका ही चड्डे आलर एंगन चिप'आ पोल्‍लोर, होले ऎन डोंगा नू ओक्‍का ओंगोन, अरा नॆ पिंडी नू र'अनर अबड़ा आलारिन सिखाब'आ ओंगोन।”
10
बग्‍गेरिन आस कोड़े नंजका रहचस, ख़ने उर्मी रोगियर आसिन ऎसड़'आ गे चिपर'अरकी मुन्‍द बरचर, एन्‍देरगेका आर कोड़े मना ओंगोर।
11
एकाबारी मलदौ बॊलता गुट्ठी ईरिया ख़ने धरचका आलारिन आसी मुन्‍दहारे टिड्डा ती चिच्चि‍यारनुम बाचा, “नीन धर्मेसी ख़द्दय हिकदय।”
12
लिकिन आस अबड़न चेताब'अरकी आनियस, का तान नॆ हिकदस अदिन अम्‍बो तेंगा।
13
फिन आस ओन्‍टा परता म‍इय्‍याँ अरगियस, अरा आस नॆकन तंग्‍है गने चॊंख़्र'आ गे मने नंजस, आरिन तंग्‍है गुसन मीख़ियस, आर हूँ आस गुसन बरचर।
14
ख़ने आस आर ती बारा गोटंग आलारिन चज्‍जियस, अरा आर गे त‍इरकर नामे चिच्‍चस। आरिन तंग्‍है गने र'आ गे, अरा धर्मेसी कत्‍था मेन्‍त'आ गे आरिन त‍इय्‍या गे,
15
अरा आर गे नादन आलर ती ओथ्र'आ गे आकुस चि'आ गे चज्‍जियस।
16
आसी चज्जिका बारा गोटंग आलर ईर हिकनर, सिमॊन नॆखय आस पतरस नामे पिंजियस,
17
अरा जेबदयुसी तंग्‍दस याकॊब अरा याकॊबसी भइय्योस यॊहन, ईर इरबर गे आस बोअनॆरगेस नामे उइय्‍यस, इदही माने “मुर्रुसी ख़द्दर” हवे।
18
अरा अन्‍द्रेयस अरा फिलिप्‍पोस अरा बरतोलोमैस अरा मत्तायोस अरा तॊमस अरा हल‍फैसी तंग्‍दस याकॊब अरा तद्दैस अरा यहूदीर ही छछिन्‍द सैना ता सिमॊन
19
अरा यूदस इसकारियॊत एकास ख़ॊख़ा येसुसिन धरताचस।
20
ख़ॊख़ा येसुस ओन्‍टा एड़पा नू कोरचस, ख़ने गोंहड़ा अउरिम ख़ॊंड़र'आ हेलरा। औंगेम आस अरा आसी चेलर गे मंडी ओना गे हूँ बेड़ा मल ख़क्‍खरा।
21
आसी एड़पान्‍तर इदन मेंजर, ख़ने आर आसिन तम्है आकुस नू उइय्‍या गे उरखर, एन्‍देरगेका आलर ब'आ लगियर, का आसी बुधि बेड़ारकी र'ई।
22
येरुसलॆम नगरे ती बरचका जोक्को नॆग सिखाब'उर आलारिन बाचर, “ईस मलदौ बॊलता गुट्ठी ही मुद्धस बॆलजेबूल ती धर्रकादस। ईस अत्रु ती ख़क्ख्रका सवंग ती नाद गुट्ठिन ओथ्रदस।”
23
ख़ने आस अबड़ारिन मीख़ियस ती जोक्‍खा ख़ीरी नू आर ती बाचस, “सैतान सैतानन मलम बोंगत'ओ,
24
ओन्‍टा राजी तंग्‍है नू लड़ाई ननी होले, आ राजी बड़ियर र'आ पुल्ली।
25
ओन्‍टा एड़पा ता आलर तम्‍है नू लड़ाई नन्नर होले, आ एड़पा ता आलर बड़ियर र'आ पोलनर।
26
अन्नेम सैतान ही राजी तम्है नू ख़ाड़र'अरकी तम्है बिड़दो नू लड़ाई ननी होले, अदही राजी बड़ियर र'आ पुल्ली, अरा अदही मुंज्रना बेड़ा बर'ओ।
27
लिकिन एकअम आलस सैतान लेक्‍खा ओन्‍टा बहंगर आलासिन मुन्द मल हें'ओस ती आसी एड़पा नू कोर'अरकी आसी जिनिसन बच्‍चा पोलदस। आस आसिन हें'ओस होलेम आसी एड़पन बच्‍चा ओंगोस।
28
ऎन निमन मानिम ब'अदन, ‘धर्मेसी बिड़दो नू आलर ही उर्मी पाप, अरा आर ही उर्मी हींड़ना कछनख्रना गुट्ठिन धर्मेस छमा ननोस।
29
लिकिन नेम्‍हा बॊलतासी बिड़दो नू नीक‍ईम ब'ओस होले, धर्मेस आसिन इकला हूँ छमा मल ननोस, आस मुंजामलका पापन कुम्मदस।’” आर नेम्‍हा बॊलतासी बिड़दो नू हींड़नर, अदिन ऎद'आ गे आस इदन बाचस।
30
आस आरिन एन्ने बाचस, एन्‍देरगेका आर बाचकाचर, “ईस मलदौ बॊलता ती धर्रकस।”
31
ख़ने येसुसी तंग्यो अरा भइय्योर आसिन ऎरा गे बरचर। आर बहरी इज्‍जर ती आसिन बहरी मॆख़ा गे ओर्तोसिन त‍इय्‍यर।
32
गोंहड़ा येसुसी चरियो तरा उक्‍की रहचा। गोंहड़ा ती ओर्तोस आसिन बाचस, “निंग्यो अरा निंग्है भइय्योर बहरी इज्‍जका र'अनर, अरा निंगन बेद्दालनर।”
33
ख़ने आस किर्त'अर बाचस, “नॆ एंग्‍है अयंग अरा एंग्‍है भइय्योर हिकनर?”
34
अरा असन उक्‍का आलारिन ऎररकी बाचस, “ईर एंग्‍है अयंग अरा एंग्‍है भइय्योर हिकनर।
35
एका ओर्तर धर्मेसी मने लेक्‍खा ऎकनर, आरिम एंग्‍है भ‍ई अरा एंग्‍है बहिन अरा एंग्‍है अयंग हिकनर।”











मरकुस 3:1
मरकुस 3:2
मरकुस 3:3
मरकुस 3:4
मरकुस 3:5
मरकुस 3:6
मरकुस 3:7
मरकुस 3:8
मरकुस 3:9
मरकुस 3:10
मरकुस 3:11
मरकुस 3:12
मरकुस 3:13
मरकुस 3:14
मरकुस 3:15
मरकुस 3:16
मरकुस 3:17
मरकुस 3:18
मरकुस 3:19
मरकुस 3:20
मरकुस 3:21
मरकुस 3:22
मरकुस 3:23
मरकुस 3:24
मरकुस 3:25
मरकुस 3:26
मरकुस 3:27
मरकुस 3:28
मरकुस 3:29
मरकुस 3:30
मरकुस 3:31
मरकुस 3:32
मरकुस 3:33
मरकुस 3:34
मरकुस 3:35






मरकुस 1 / मरकुस 1
मरकुस 2 / मरकुस 2
मरकुस 3 / मरकुस 3
मरकुस 4 / मरकुस 4
मरकुस 5 / मरकुस 5
मरकुस 6 / मरकुस 6
मरकुस 7 / मरकुस 7
मरकुस 8 / मरकुस 8
मरकुस 9 / मरकुस 9
मरकुस 10 / मरकुस 10
मरकुस 11 / मरकुस 11
मरकुस 12 / मरकुस 12
मरकुस 13 / मरकुस 13
मरकुस 14 / मरकुस 14
मरकुस 15 / मरकुस 15
मरकुस 16 / मरकुस 16