A A A A A
Facebook Instagram Twitter
Kurukh Bible 2014 Kurux

मत्ती 9



1
इदही ख़ॊखा येसुस डोंगा नू अर्गियस ती समुदर ही आ पक्‍खे तंग्‍है नगरे केरस।
2
आ बेड़ा नू जोक्‍क आलर ओर्त लकवा बेमरहासिन खटी नू बिड्रका रांगे येसुस गुसन ओन्‍द्रर। आर ही पत्त'अनन ईरयस ती येसुस लकवा बेमरहासिन बाचस, “अना ख़द्द, डिढ नना, निंग्‍है पाप गुट्ठी छमा नन्‍तार'ई।”
3
लिकिन जोक्‍क यहूदी नॆग सिखाब'उर ताम ताम नू कछनख्रर, “ई आलस गा धर्मेसी निंदा नन्‍दस।”
4
आर ही ई सोचनन अक्‍खस ती येसुस आरिन बाचस, “नीम एन्‍देरगे निम्‍है जिया नू मलदौ सुगुम सोचदर?
5
‘निंग्‍है पाप गुट्ठी छमा नन्‍तार'ई’ एन्ने ब'अना ‘चो'आ अरा कुद्दा ‍नुंगा’ एन्ने ब'अना ती सेब्‍बा हवे। एन्‍देरगेका आलर कोड़े मन्नन ऎरा ओंग्‍नर, लिकिन पाप छमा मन्नन ऎरा पोलनर।
6
लिकिन ऎन ई आलासिन कोड़े नन्ना ती निमन ऎद'ओन का मनवा ख़द्दन एंगा गे आलर ही पाप गुट्ठिन छमा नना गे हूँ ख़ॆख़ेल नू आकुस र'ई।” ख़ने आस लकवा बेमरहासिन आनियस, “ऎन निंगन ब'अदन, चो'आ, निंग्‍है खटिन चेड़'अरकी एड़पा कला।”
7
ख़ने आस चॊचस ती तंग्‍है एड़पा केरस।
8
इदिन ईरयर ती आलर इल्‍चियर केरर अरा धर्मेसी ओहमा नना हेलरर एकास आलर गे एन्ने आकुस चिच्कादस।
9
येसुस असले ती उरखस ख़ने, मत्तायोस नामे ओर्त आलासिन मालगुजारी ऊज'‍ऊ एड़पा नू उक्‍का ईरियस ती आसिन बाचस, “एंग्‍है गने गुचा।” ख़ने आस चॊचस ती आसी गने गुड़ियारस।
10
ख़ॊख़ा येसुस मत्तायोसी एड़पा नू मंडी ओना गे उक्‍कियस। बग्‍गे मालगुजारी ऊज‍'उर अरा पपहर बरचर अरा येसुस अरा आसी चेलर गने ओक्‍करकी ओना लगियर।
11
अरा फरिसीर इदिन ईरयर ती आसी चेलारिन मेंजर, “निम्‍है गुरुस मालगुजारी ऊज‍'उर अरा पपहर गने एन्‍देरगे ओन्‍दस?”
12
लिकिन येसुस इदिन मेंजस ती आरिन बाचस, “कोड़े दौ आलर गे बैधासी चाड़ मल्‍ला, लिकिन बेमरहर गे र'ई।
13
लिकिन कला ती सिख्र'आ का ‘ऎन सोग्‍गेन बेद्ददन दाँड़ेन मल्‍ला’ एन्ने ई ब'अना ही एन्‍देर माने मनी। ऎन नॆ तमन उजगो सोचनर आर गे म‍ला नॆ तमन पपहा बुझुरनर आरिन एड़'आ बरचका र'अदन।”
14
उन्‍दुल यॊहनसी चेलर येसुस गुसन बरचर ती मेंजर, “ऎम अरा फरिसीर उपास नन्‍दम, लिकिन निंग्‍है चेलर एन्‍देरगे उपास मल नन्‍नर?”
15
येसुस आरिन बाचस, “एका गूटी बेंजा जॊंख़स बरतियर गने र'अदस, आर एकासे खोबरार'ओर? लिकिन बेंजा जॊंख़स आर ती होतारना बेड़ा बर'ओ, आ उल्‍ला आर उपास ननोर।
16
अरा नॆ हूँ पुना किचरी ही खंडन एटेरका पच्चा किचरी नू मल सट'ई तुन'ई। अन्ने आस नन्‍दस होले, टस्‍का पच्चा किचरिन चर्रो चि'ओ, अरा एटेरकन कोहाँ ननो चि'ओ।
17
नॆ हूँ पुना अंगुर रासी आबोन चपटा ही पच्चा कुड़वा नू मल निन्‍ददस उइय्‍दस। अन्ने नन्‍दस होले, बिचका अंगुर रासी चपटा ही कुड़वन पलको चि'ओ। अंगुर रासी अरा चपटा ही कुड़वा दुयो नठार'ओ कालो। औंगे पुना अंगुर रासी आबोन चपटा ही पुना कुड़वा नू निन्‍ददस उइय्‍दस। एन्ने ननोस होले अंगुर रासी अरा चपटा ही कुड़वा दुयो मल नठार'ओ।”
18
येसुस आर गने इबड़ा कत्‍थन कच्‍छनख्रना बारिम रहचस ख़ने ओर्त गोड़हा एड़पा ही मुद्धस बरचस ती येसुसिन ऒड़ लग्‍गियस ती बाचस, “एंग्‍दा अक्‍कुनिम किच्‍चकी र'ई। नीन बरा ती अदही म‍इय्‍याँ ख़ेक्खा उइय्या, होले आद उज्‍जो।”
19
तहाँ येसुस चॊचस ती तंग्‍है चेलर गने आसी गने केरस।
20
आ बारी बारा बछर ती ख़ॆंस काना रोगे ती लिंड़िरका ओन्‍टा आली येसुसी ख़ॊख़ा तरती बरचा ती आसी किचरी अंचरन ऎंवसड़ा।
21
एन्‍देरगेका आद तंग्‍है जिया ती बाचकी रहचा, “ऎन आसी किचरी गंडन लेका ऎंवसड़'ओन, अन्नु हूँ कोड़े मनोन।”
22
येसुस ख़ॊख़ा तरा बिड़द्रस ती अदिन ईरयस ती बाचस, “अनय ख़द्द जिया नू डिढ ननय, नीन एंगन पत्ताचकी, औंगे नीन उजगारदी।” आ बारिम आद कोड़े मंज ख़च्‍चिया।
23
फिन येसुस आ मुद्धासी एड़पा अंड़सियस। आ बारी बंसरी ऊर'ऊ आलारिन अरा बग्‍गे आलर ही अउवारनन ईरयस
24
अरा आरिन बाचस, “गुच्‍छर'आ, कुकोय मल्‍ला केचका, ख़न्‍द्र'आली।” ख़ने आर आसिन अलखा हेलरर।
25
आलारिन बहरी ओथ्रका ख़ॊख़ा येसुस भितरी कोरचस ती कुकोय ही ख़ेक्खन धरचस ती चॊदस, ख़ने आद चॊचा ती इज्‍जा।
26
ई कत्‍था ही हला आ हल्‍का ही कोंड़ा कोंड़ा बींड़रा केरा।
27
येसुस असलेक ती केरस ख़ने, ईरिब अन्धहा आलर एन्ने गोहरारनुम आसी ख़ॊख़ा बर'आलियर, “अना दाऊदसी ख़द्दायो! एमन सोग्‍गे ऎरा।”
28
आस एड़पा अंड़सियस ख़ने, अबड़ा अन्धहा आलर आसी गुसन बरचर। ख़ने येसुस आरिन मेंजस, “एन्‍देर? नीम पत्त'अदर का ऎन इदिन नना ओंग्‍दन?” आर बाचर, “हाँ उर्बायो।”
29
ख़ने येसुस आर ही ख़न्नन ऎंवसड़स ती बाचस, “निम्‍है पत्त'अना लेक्‍खा निमा गे मनन नेक‍अन।”
30
तहाँ आर ही ख़न्न चलख़रा केरा अरा आर ऎरा उंग्‍गियर। अरा येसुस आरिन बर्जाचस ती बाचस, “चिहुंक र'अके, इदिन नॆकन हूँ अमके तेंगा।”
31
लिकिन आर केरर ती आ गोट्टा चक नू येसुसी दौ नलखन तेंगा कुद्दियर।
32
आर बहरी उरखम लगियर ख़ने, जोक्‍क आलर नाद रस्‍सका ओर्त कोन्‍दा आलासिन येसुसी गुसन ओन्‍द्रर।
33
औंगे येसुस नादन ओथ्रस। ख़ने आ कोन्‍दस कच्‍छनख्र'आ हेलरस। ख़ने गोंहड़ा अनचकरा केरा अरा बाचा, “इस्राऎल नू इकला हूँ एन्ने अकबक नलख मल्‍ला मंजका।”
34
लिकिन फरिसीर बाचर “ईस गा नाद ही मुद्धासी सहाड़ा ती नाद गुट्ठिन ओथ्रदस।”
35
इदही ख़ॊख़ा येसुस आ चक ता उर्मी नगरे नगरे अरा पद्दा पद्दा कुद्दनुम आर ही गोड़हा एड़पा नू सिखाब'अनुम धर्मेसी राजी ही दौ कत्‍था मेन्‍त'आनुम कुद्दा लगियस। अरा जम्मा रकम ही पयहा अरा रोगेन कोड़े नंजस।
36
येसुस गोंहड़न ईरयस ख़ने आस गे आर ही मइय्याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा भिड़कारका अरा बींड्रका रहचर।
37
येसुस तंग्‍है चेलारिन बाचस, “ख़ोयना गा बग्‍गे र'ई, लिकिन बनीहार जुक्‍किम र'अनर,
38
इदगे तंग्‍है ख़ोयना गे बनीहार आलारिन त‍इय्या गे ख़ोयत'ऊ उर्बासिन गोहरार'आ।”











मत्ती 9:1
मत्ती 9:2
मत्ती 9:3
मत्ती 9:4
मत्ती 9:5
मत्ती 9:6
मत्ती 9:7
मत्ती 9:8
मत्ती 9:9
मत्ती 9:10
मत्ती 9:11
मत्ती 9:12
मत्ती 9:13
मत्ती 9:14
मत्ती 9:15
मत्ती 9:16
मत्ती 9:17
मत्ती 9:18
मत्ती 9:19
मत्ती 9:20
मत्ती 9:21
मत्ती 9:22
मत्ती 9:23
मत्ती 9:24
मत्ती 9:25
मत्ती 9:26
मत्ती 9:27
मत्ती 9:28
मत्ती 9:29
मत्ती 9:30
मत्ती 9:31
मत्ती 9:32
मत्ती 9:33
मत्ती 9:34
मत्ती 9:35
मत्ती 9:36
मत्ती 9:37
मत्ती 9:38






मत्ती 1 / मत्ती 1
मत्ती 2 / मत्ती 2
मत्ती 3 / मत्ती 3
मत्ती 4 / मत्ती 4
मत्ती 5 / मत्ती 5
मत्ती 6 / मत्ती 6
मत्ती 7 / मत्ती 7
मत्ती 8 / मत्ती 8
मत्ती 9 / मत्ती 9
मत्ती 10 / मत्ती 10
मत्ती 11 / मत्ती 11
मत्ती 12 / मत्ती 12
मत्ती 13 / मत्ती 13
मत्ती 14 / मत्ती 14
मत्ती 15 / मत्ती 15
मत्ती 16 / मत्ती 16
मत्ती 17 / मत्ती 17
मत्ती 18 / मत्ती 18
मत्ती 19 / मत्ती 19
मत्ती 20 / मत्ती 20
मत्ती 21 / मत्ती 21
मत्ती 22 / मत्ती 22
मत्ती 23 / मत्ती 23
मत्ती 24 / मत्ती 24
मत्ती 25 / मत्ती 25
मत्ती 26 / मत्ती 26
मत्ती 27 / मत्ती 27
मत्ती 28 / मत्ती 28