| 1 |
| येसुस परता ती इत्तियस ख़ने कोहाँ गोंहड़ा गुट्ठी आसी गने गुड़ियारा। |
| 2 |
| आ बारी ओन्टा खसरा मंजका आलस आसी गुसन बरचस, अरा एन्ने बाचस ती ऒड़ लग्गियस, “उर्बायो, निंग्है मने र'ई होले नीन एंगन सफा नना ओंग्दय।” |
| 3 |
| ख़ने येसुस ख़ेक्खा ती आसिन ऎंसड़स ती बाचस, “एंग्है मने र'ई का नीन सफा मना कला।” आ बारिम आसी खसरा सफा मंजा केरा। |
| 4 |
| ख़ने येसुस आसिन बाचस, “निंग्है कोड़े मंजका ही पत्त नू नॆखा गुसन हूँ एन्द्रा हूँ अमके तेंगा। लिकिन कालरकी निंगन नैगासिन ऎद'आ। होले आस अख़'ओस का नीन सफा मंजकय। अरा खसरा रोगियर सफा मन्नर ख़ने एन्देर दाँड़े अरगना मनी अदिन मूसस आनियस, अदिन नीन सफा मना गे नैगस गुसन चि'आ। होले आस अदिन धर्मेस गे दाँड़े अरगोस, फिन आलारिन तेंगोस का नीन सफा मंजकय।” |
| 5 |
| फिन येसुस कफरनहूम नगरे नू कोरचस ख़ने, ओन्टा रोमी सौ सैनर ही मुद्धस आसी गुसन बरचस ती आसिन गोहरारस। |
| 6 |
| “उर्बायो, एंग्है जॊंख़स एड़पा नू बिड्रका र'अस, आसिन लकवा लौचकी र'ई अरा आस नगदे केलोली नू लिन्ड्रका र'अदस।” |
| 7 |
| अरा येसुस आसिन बाचस, “ऎन बर'ओन ती आसिन कोड़े ननोन।” |
| 8 |
| लिकिन रोमी सौ सैनर ही मुद्धस आनाकिर्ताचस, “उर्बायो, ऎन गा ई जॊगे मलकन का नीन एंग्है एड़पा भितरी बर'ओय। लिकिन ओन्टा कत्था लेका आना चि'आ होले एंग्है जॊंख़स उजगार'ओस। |
| 9 |
| ऎन हूँ गा आकुस ही किइय्या ता आलन हिकदन, अरा एंग्है आकुस किइय्या सैनर र'अनर। ऎन ओर्तोसिन ‘बरा’ ब'अदन होले आस बरदस अरा अउर नन्नासिन ‘कला’ ब'अदन होले आस कादस अरा एंग्है जॊंख़ासिन ‘नना’ ब'अदन होले आस नन्दस। ऎन पत्त'अदन का निंगा हूँ एन्ने आकुस र'ई।” |
| 10 |
| येसुस इदिन मेंजस ती आसी पत्त नू अकबकरस। अरा आस तंग्है ख़ॊख़ा चॊंख़्र'उरिन ऎर'अरकी बाचस, “मानिम नू ऎन निमन ब'अदन का इस्राऎल नू हूँ ऎन एन्ने पत्ताचका आलासिन मल ईरकन।” |
| 11 |
| अरा ऎन निमन ब'अदन, “बग्गे नन-यहूदी आलर पुरुब अरा पच्छिम तरती बर'ओर अरा मेर्ख़ा राजी नू अब्राहम अरा इसाक अरा याकॊबस गने मदी नू ओक्कोर। |
| 12 |
| लिकिन बग्गे इस्राऎल आलारिन नॆखा गे मेर्ख़ा राजिन धर्मेस सपड़ाचस, आरिन धर्मेस नरक नू हेबड़ोस चि'ओस। असन चींख़ना अरा पल्ल चबर्ना मनो।” |
| 13 |
| तहाँ येसुस रोमी सौ सैनर ही मुद्धासिन बाचस, “कला, नीन एकासे पत्ताचकादय अन्नेम निंग्हा जॊंख़स गे मनो।” अरा आ बारिम आसी जॊंख़स कोड़े मंजस केरस। |
| 14 |
| एकाबारी येसुस पतरसी एड़पा बरचस, आ बारी पतरसी तंग्सासन नाड़ी ती बिड्रका ईरयस। |
| 15 |
| लिकिन येसुस अदही ख़ेक्खन ऎवंसरस ख़ने अदही नाड़ी तम्मिया केरा। तहाँ आद चॊचा ती आसी तेतर-सुसर नना हेलरा। |
| 16 |
| बीड़ी पुत्तिया ख़ने कोड़हे आलर नाद लक्का आलारिन आसी गुसन ओन्द्रर ती बरचर। येसुस कत्था लेका तिम अबड़ा बॊलता गुट्ठिन ओथ्रस अरा ओर्मा रोगियारिन कोड़े नंजस। |
| 17 |
| येसुसी इबड़ा नलख ती धर्मेसी कत्था तिंगू यसायास ती बाचका कत्था पुरचा। एकासे का, “आस नम्है पयहा गुट्ठिन तान भोगचस अरा नम्है रोगे गुट्ठिन चॊदस।” |
| 18 |
| येसुस उर्मी तरती तंगन गोंहड़ा बेंढ्रका ईरियस ख़ाने, आस तंग्है चेलारिन समुदर ही आ पक्खे कट्टा गे आनियस। |
| 19 |
| आ बारी ओन्टा यहूदी नॆग सिखाब'उस बरचस ती येसुसिन बाचस, “गुरु, नीन एसन एसन क'ओय ऎन निंग्है गने चॊंख़्र'ओन।” |
| 20 |
| येसुस आसिन बाचस, “सिकटा गुट्ठी ही लाता र'ई, अरा ऒड़ा गुट्ठी ही खोता र'ई, लिकिन मनवा ख़द्दन एंगा गे कुक्कन हूँ बेड़त'आ ती ख़न्न ऎख़ा गे अड्डा मलकी।” |
| 21 |
| ओर्तस चेला मधेर ती आसिन एन्ने बाचस, “उर्बायो! एंगन मुन्द एम्बासिन माड़ा गे काला चि'आ।” |
| 22 |
| लिकिन येसुस आसिन बाचस, “अक्कु एंग्है गने चॊंख़्र'आ, केचकारिन तम्है बॊलता नू केचका आलर माड़नर नेकअन।” |
| 23 |
| तहाँ येसुस डोंगा नू अरगियस, अरा आसी चेलर आसी गने केरर। |
| 24 |
| आचका समुदर नू एन्ने कोड़हे घटा चॊचा का बग्गे लहरा ती डोंगा मुलख़ा बेद्दा लगिया। लिकिन आ बारी येसुस ख़न्द्र'आलियस। |
| 25 |
| ख़ने चेलर हेद्दे केरर ती येसुसिन एज्जर ती बाचर, “उर्बायो, एमन बछाब'आ, नाम मूलख़ालदत।” |
| 26 |
| येसुस आरिन बाचस, “अना पत्त'अना नू पयहा आलारो, एन्देरगे एल्चदर?” फिन येसुस चॊचस ती घटन दरा समुदर आबोन केप्पस, ख़ने ठकरा अरा छछिन्द मंजा केरा। |
| 27 |
| इदिन ईरियर ती चेलर अनचकरर केरर अरा बाचर, “ईस एकासे आलस ताका दरा समुदर हूँ ईसी पॆसकन मिनी।” |
| 28 |
| इदही ख़ॊख़ा येसुस अरा आसी चेलर समुदर ही आ पक्खे गेरासॆनोस चक नू अंड़सियर ख़ने, इरिब नाद रस्सका आलर मसड़ा गुट्ठी ती उरखर ती आसी गुसन बरचर। आर ही नगदे टिहकर चड्डे डहरे नू नॆ हूँ ऎका पोल्ला लगियर। |
| 29 |
| आर चिच्चियारर ती बाचर, “धर्मेसी ख़द्दायो, एम्है गने निंग्है एन्देर नलख? एन्देर नीन एमन बेड़ा ती मुन्द दुक्खे चि'आ बरचकादय।” |
| 30 |
| असन जोर गेच्छा नू किस्सी ही ओन्टा कोहाँ खरखा मेना लगिया। |
| 31 |
| अबड़ा नाद गुट्ठी येसुसिन गोहरार'आ “एमन ओथ्र'अम लगदय होले, एमन आ किस्सी खरखा नू तइय्या।” |
| 32 |
| येसुस अबड़न बाचस, “कला।” ख़ने नाद अबड़ा आलर ती उरखा ती किस्सी गुट्ठी नू समसारा केरा। तहाँ गोट्टा खरखा दलखा ती अम्म नू बोंग डिघया अरा मुलख़िया केच्चा। |
| 33 |
| ख़ने किस्सी ख़ापुर बोंगर ती नगरे नू केरर अरा उर्मी हलन तिंगियर। अबड़र नॆ नाद ती रस्सरका रहचर आ इरबर ही पत्त नू हूँ तिंगियर। |
| 34 |
तहाँ गोट्टा पद्दा येसुसिन भेंटार'आ गे उरखा अरा आसिन ईरयर ती आर ही सिवान ती किर्रिमबि'आ गे गोहरारर।
|
| Kurukh Bible 2014 Kurux |
| No Data |
|
|
|
|
|
|
|
|
|
|
| मत्ती 8:1 |
| मत्ती 8:2 |
| मत्ती 8:3 |
| मत्ती 8:4 |
| मत्ती 8:5 |
| मत्ती 8:6 |
| मत्ती 8:7 |
| मत्ती 8:8 |
| मत्ती 8:9 |
| मत्ती 8:10 |
| मत्ती 8:11 |
| मत्ती 8:12 |
| मत्ती 8:13 |
| मत्ती 8:14 |
| मत्ती 8:15 |
| मत्ती 8:16 |
| मत्ती 8:17 |
| मत्ती 8:18 |
| मत्ती 8:19 |
| मत्ती 8:20 |
| मत्ती 8:21 |
| मत्ती 8:22 |
| मत्ती 8:23 |
| मत्ती 8:24 |
| मत्ती 8:25 |
| मत्ती 8:26 |
| मत्ती 8:27 |
| मत्ती 8:28 |
| मत्ती 8:29 |
| मत्ती 8:30 |
| मत्ती 8:31 |
| मत्ती 8:32 |
| मत्ती 8:33 |
| मत्ती 8:34 |
|
|
|
|
|
|
| मत्ती 1 / मत्ती 1 |
| मत्ती 2 / मत्ती 2 |
| मत्ती 3 / मत्ती 3 |
| मत्ती 4 / मत्ती 4 |
| मत्ती 5 / मत्ती 5 |
| मत्ती 6 / मत्ती 6 |
| मत्ती 7 / मत्ती 7 |
| मत्ती 8 / मत्ती 8 |
| मत्ती 9 / मत्ती 9 |
| मत्ती 10 / मत्ती 10 |
| मत्ती 11 / मत्ती 11 |
| मत्ती 12 / मत्ती 12 |
| मत्ती 13 / मत्ती 13 |
| मत्ती 14 / मत्ती 14 |
| मत्ती 15 / मत्ती 15 |
| मत्ती 16 / मत्ती 16 |
| मत्ती 17 / मत्ती 17 |
| मत्ती 18 / मत्ती 18 |
| मत्ती 19 / मत्ती 19 |
| मत्ती 20 / मत्ती 20 |
| मत्ती 21 / मत्ती 21 |
| मत्ती 22 / मत्ती 22 |
| मत्ती 23 / मत्ती 23 |
| मत्ती 24 / मत्ती 24 |
| मत्ती 25 / मत्ती 25 |
| मत्ती 26 / मत्ती 26 |
| मत्ती 27 / मत्ती 27 |
| मत्ती 28 / मत्ती 28 |