A A A A A
Facebook Instagram Twitter
Kurukh Bible 2014 Kurux

मत्ती 7



1
नीम नन्नारिन नेंव‍ई अमा नना, होले नीम हूँ धर्मेस ती नेंव‍ई मल नन्‍तार'ओर।
2
एकासे नीम नन्नारिन नेंव‍ई नन्‍दर अन्नेम नीम हूँ नेंव‍ई नन्‍तार'ओर, अरा नीम एका जोखना ती जोख'ओर आ जोखना तिम निमा गे हूँ धर्मेस ती जोखतार'ओ।
3
नीन निंग्‍है ख़न्न ता च‍इलन मल थिथाब'अदय, लिकिन निंग्‍है भईसी ख़न्न ता कंटेन एन्‍देरगे ऎरदय?
4
नीन निंग्‍है ख़न्न ता च‍इलन मल थिथाब'अदय अरा निंग्‍है भईसिन ब'अदय, अना भ‍ई, ऎन निंग्‍है ख़न्न ता कंटेन ओथ्र'ओन चि'ओन, एन्ने एन्‍देरगे ब'अदय?
5
अना उतुरमाड़ू, मुन्‍द निंग्‍है ख़न्न ता च‍इलन ओथ्र'आ, होले नीन निंग्‍है भईसी ख़न्न ता कंटेन ओथ्र'आ गे फरीफरी ऎरा ओंगोय।
6
एन्‍द्रा नेम्‍हा र'ई अदिन नेम्‍हा मलकर गे अमके चि'आ, आर अदिन तिर्ख़ोर नाबोर अरा आर निंग्‍है गने लड़ाई ननोर।
7
धर्मेस ती ने'आ, होले निमा चीर'ओ, बेद्दा, होले निमा ख़क्ख्र'ओ, बलिन ठोकठोकमब'आ, होले धर्मेस ती निमा तिसगर'ओ।
8
ईगेका नॆ ने'अनर आर ख़क्‍खनर, अरा नॆ बेद्दनर आर गे ख़क्ख्र'ई, अरा नॆ ठोकठोकमब'अनर आर गे तिसगर'ई।
9
निंग्‍है नू एका ओर्तस एन्ने आल र‍'अदस का तंग्‍दस असमा ने'ओस होले आस गे पखनन चि'ओस?
10
महले इंजो ने'ओस होले आस गे नेर्रेन चि'ओस का?
11
अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे बॆस आलॊन नेम्‍हा बॊलतन चि'ओस दिम।
12
आलर एन्‍दरन निमन नना नीम बेद्ददर, अबड़न नीम आर गे नना। एन्‍देरगेका मूसासी पॆसका अरा धर्मेसी कत्‍था तिंगुर ही आनना ईदिम हवे।
13
सक्‍कुड़ बली ती मेर्ख़ा कोर'आ। चकड़ बली अरा चकड़ डहरे नरक गे कड़हाब'ई, अरा बग्‍गे आलर आ बली ती कोरनर।
14
लिकिन उज्‍जना नू कोरना बली सक्‍कुड़ अरा डहरे कठिन र'ई, अरा जुक्‍किम आलर दिम अदिन ख़क्‍खनर।
15
ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।
16
नीम आरिन आर ही ख़ंजपा गुट्ठी ती लख'ओर। एकासे का आलर अच्‍च-ख़ोप्‍पा गुट्ठी ती अंगुर महले नागफनी गुट्ठी ती डुम्‍बारी मल चोख़नर।
17
एन्ने बने मन्न ठोस ख़ंजपा ख़ंज'ई, अरा पयहा मन्न पयहा ख़ंजपा ख़ंज'ई।
18
अरा बने मन्‍न पयहा ख़ंजपा चि'आ पुल्‍ली, अरा पयहा मन्‍न ठोस ख़ंजपा चि'आ पुल्‍ली।
19
औंगे एका मन्न ठोस ख़ंजपा मल ख़ंज'ई आद तार्रर'ई ती चिच्‍च नू सज्र'ई।
20
एन्ने लेक्‍खा नीम ठकवा धर्मेसी कत्‍था तिंगुरिन आर ही नलख गुट्ठी ती चिन्‍ह'ओर।
21
नॆ एंगन अना उर्बायो! अना उर्बायो! ब'अनर लेका आर मेर्ख़ा राजी नू मल कोर'ओर। नॆ एंग्‍है मेर्ख़ा बंगस ही मने लेक्‍खा नन्नर आरिम मेर्ख़ा राजी नू कोर'ओर।
22
अउला अजम बग्‍गे आलर एंगन ब'ओर, ‘अना उर्बायो! अना उर्बायो! ऎम निंग्‍है नामे ती धर्मेसी कत्था तिंकम अरा निंग्‍है नामे ती नाद गुट्ठिन ओथ्रकम अरा निंग्‍है नामे ती बग्‍गे हैकट नलख नंजकम।’
23
होले ऎन आरिन फरीफरी तेंगोन ती आनोन, ‘ऎन निमन इकला हूँ बलकन, मलदौ ननू आलारो, एंग्‍है गुस्‍ते गुच्‍छर'आ।’
24
एका ओर्तर एंग्‍है इबड़ा कत्‍था कुट्ठिन मेन्नर ती अबड़न अन्नेम नन्नर, आर तंग्‍है एड़पन चचड़ी म‍इय्याँ कमचका लुरगर आलस लेक्‍खा र‍'अनर।
25
अरा चॆंप पोस्‍सा अरा बहड़ी गुट्ठी बरचा अरा घटा गुट्ठी बरचा अरा आ एड़पा नू लग्‍गिया, लिकिन आद मल खत्रा, एन्‍देरगेका आद चचड़ी नू नेव कमचका रहचा।
26
एका ओर्तर एंग्‍है इबड़ा कत्‍थन मेन्नर, लिकिन अबड़न अन्नेम मल नन्नर, आर तंग्‍है एड़पन चलकुर म‍इय्याँ कमचका बोयस लेक्‍खा र'अनर।
27
अरा चॆंप पोस्‍सा अरा बहड़ी गुट्ठी बरचा अरा घटा गुट्ठी बरचा अरा आ एड़पा नू लग्‍गिया, ख़ने आद बिड्रिया ती धंस्रा ख़च्‍चिया।”
28
येसुस इबड़ा कत्था गुट्ठिन तेंगा मुं‍जा ख़च्‍चियस ख़ने गोंहड़ा गुट्ठी आसी सिखाब'अनन मेंजा ती अन‍चकरा केरा।
29
आस गा आर ही नॆग सिखाब'उर लेक्‍खा मला, लिकिन ओन्टा अदिया उइय्युस लेक्‍खा सिखाब'आलियस।











मत्ती 7:1
मत्ती 7:2
मत्ती 7:3
मत्ती 7:4
मत्ती 7:5
मत्ती 7:6
मत्ती 7:7
मत्ती 7:8
मत्ती 7:9
मत्ती 7:10
मत्ती 7:11
मत्ती 7:12
मत्ती 7:13
मत्ती 7:14
मत्ती 7:15
मत्ती 7:16
मत्ती 7:17
मत्ती 7:18
मत्ती 7:19
मत्ती 7:20
मत्ती 7:21
मत्ती 7:22
मत्ती 7:23
मत्ती 7:24
मत्ती 7:25
मत्ती 7:26
मत्ती 7:27
मत्ती 7:28
मत्ती 7:29






मत्ती 1 / मत्ती 1
मत्ती 2 / मत्ती 2
मत्ती 3 / मत्ती 3
मत्ती 4 / मत्ती 4
मत्ती 5 / मत्ती 5
मत्ती 6 / मत्ती 6
मत्ती 7 / मत्ती 7
मत्ती 8 / मत्ती 8
मत्ती 9 / मत्ती 9
मत्ती 10 / मत्ती 10
मत्ती 11 / मत्ती 11
मत्ती 12 / मत्ती 12
मत्ती 13 / मत्ती 13
मत्ती 14 / मत्ती 14
मत्ती 15 / मत्ती 15
मत्ती 16 / मत्ती 16
मत्ती 17 / मत्ती 17
मत्ती 18 / मत्ती 18
मत्ती 19 / मत्ती 19
मत्ती 20 / मत्ती 20
मत्ती 21 / मत्ती 21
मत्ती 22 / मत्ती 22
मत्ती 23 / मत्ती 23
मत्ती 24 / मत्ती 24
मत्ती 25 / मत्ती 25
मत्ती 26 / मत्ती 26
मत्ती 27 / मत्ती 27
मत्ती 28 / मत्ती 28