| ೧ |
| ಸರ್ವೇಶ್ವರ ಸ್ವಾಮಿ, ಮೋಶೆಗೆ ಹೀಗೆಂದರು: |
| ೨ |
| “ನೀನು ಇಸ್ರಯೇಲರಿಗೆ ಆಜ್ಞಾಪಿಸಬೇಕಾದುದು ಇದು - ಯಾವ ಗಂಡಸೇ ಆಗಲಿ, ಹೆಂಗಸೇ ಆಗಲಿ ನಾಜೀರರ ವ್ರತವನ್ನು ಅಂದರೆ ಸರ್ವೇಶ್ವರನಿಗೆ ತನ್ನನ್ನೇ ಪ್ರತಿಷ್ಠಿಸಿಕೊಳ್ಳುವ ವಿಶೇಷ ವ್ರತವನ್ನು ಕೈಗೊಂಡಾಗ |
| ೩ |
| ದ್ರಾಕ್ಷಾರಸವನ್ನು ಹಾಗೂ ಮದ್ಯಪಾನವನ್ನು ಮುಟ್ಟಬಾರದು; ದ್ರಾಕ್ಷಾರಸದ ಹುಳಿಯನ್ನಾಗಲಿ ಬೇರೆ ಮದ್ಯದ ಹುಳಿಯನ್ನಾಗಲಿ ಕುಡಿಯಬಾರದು. ದ್ರಾಕ್ಷಿಹಣ್ಣಿನಿಂದ ಮಾಡಿದ ಯಾವ ಪಾನವನ್ನೂ ಕುಡಿಯಬಾರದು; ಹಸಿ ಅಥವಾ ಒಣಗಿದ ದ್ರಾಕ್ಷಿಹಣ್ಣನ್ನು ತಿನ್ನಬಾರದು. |
| ೪ |
| ಅಂಥವನು ವ್ರತ ಕೈಗೊಂಡು ತನ್ನನ್ನೇ ಪ್ರತಿಷ್ಠಿಸಿಕೊಂಡ ದಿನಗಳಲ್ಲೆಲ್ಲಾ ದ್ರಾಕ್ಷಾಬಳ್ಳಿಯಿಂದ ಉತ್ಪನ್ನವಾದ ಹೀಚನ್ನಾಗಲಿ, ಸಿಪ್ಪೆಯನ್ನಾಗಲಿ ತಿನ್ನಬಾರದು. |
| ೫ |
| ಅವನು ತನ್ನ ವ್ರತ ದಿನಗಳಲ್ಲೆಲ್ಲಾ ಕ್ಷೌರ ಮಾಡಿಸಿಕೊಳ್ಳಬಾರದು. ತನ್ನನ್ನೇ ಪ್ರತಿಷ್ಠಿಸಿಕೊಂಡ ದಿನಗಳು ಮುಗಿಯುವ ತನಕ ವ್ರತಬದ್ಧನಾಗಿದ್ದು ತನ್ನ ತಲೆಯ ಕೂದಲನ್ನು ಕತ್ತರಿಸದೆ ಬೆಳೆಯಬಿಡಬೇಕು. |
| ೬ |
| ತನ್ನನ್ನೇ ಪ್ರತಿಷ್ಠಿಸಿಕೊಂಡ ದಿನಗಳಲ್ಲೆಲ್ಲಾ ಯಾವ ಶವವನ್ನು ಮುಟ್ಟಬಾರದು. |
| ೭ |
| ತಾಯಿತಂದೆ, ಅಣ್ಣತಮ್ಮ, ಅಕ್ಕತಂಗಿ ಇವರಲ್ಲಿ ಯಾರು ಸತ್ತರೂ ಅವರ ನಿಮಿತ್ತ ಕೈಗೊಂಡ ವ್ರತ ಅವನ ತಲೆಯ ಮೇಲಿದೆ; |
| ೮ |
| ತಾನು ಪ್ರತಿಸ್ಠಿಸಿಕೊಂಡಿರುವ ದಿನಗಳಲ್ಲೆಲ್ಲಾ ಅವನು ಸರ್ವೇಶ್ವರನಿಗೆ ಮೀಸಲಾಗಿಯೇ ಇರಬೇಕು. |
| ೯ |
| ಆಕಸ್ಮಿಕವಾಗಿ ಯಾರಾದರೂ ಅವನ ಬಳಿಯಲ್ಲೇ ಸತ್ತು, ಅವನು ಪ್ರತಿಷ್ಠಿಸಿಕೊಂಡಿದ್ದ ತಲೆಕೂದಲು ಅಪವಿತ್ರವಾದರೆ ಏಳನೆಯ ದಿನದಂದು ಅಂದರೆ ಶುದ್ಧೀಕರಣ ದಿನದಂದು ತಲೆಯನ್ನು ಕ್ಷೌರಮಾಡಿಸಿಕೊಳ್ಳಬೇಕು. |
| ೧೦ |
| ಎಂಟನೆಯ ದಿನದಲ್ಲಿ ಅವನು ಎರಡು ಬೆಳವಕ್ಕಿಗಳನ್ನಾಗಲಿ, ಎರಡು ಪಾರಿವಾಳದ ಮರಿಗಳನ್ನಾಗಲಿ ದೇವದರ್ಶನದ ಗುಡಾರದ ಬಾಗಿಲಿಗೆ ತಂದು ಯಾಜಕನಿಗೆ ಕೊಡಬೇಕು. |
| ೧೧ |
| ಯಾಜಕನು ದೋಷಪರಿಹಾರ ಬಲಿಯನ್ನಾಗಿ ಒಂದನ್ನೂ ಸಂಪೂರ್ಣ ದಹನ ಬಲಿಯನ್ನಾಗಿ ಇನ್ನೊಂದನ್ನೂ ಸಮರ್ಪಿಸಲಿ. ಹೀಗೆ ಶವಸೋಂಕಿದವನಿಗಾಗಿ ದೋಷಪರಿಹಾರಮಾಡಿ ಅವನ ತಲೆಗೂದಲು ಅಂದಿನಿಂದ ಪವಿತ್ರವೆಂದು ನಿರ್ಣಯಿಸಲಿ. |
| ೧೨ |
| ಅವನು ಎಷ್ಠು ದಿನಗಳವರೆಗೆ ತನ್ನನ್ನು ಪ್ರತಿಷ್ಠಿಸಿಕೊಂಡಿದ್ದನೋ ಅಷ್ಟು ದಿನಗಳವರೆಗೆ ಹೊಸದಾಗಿ ತನ್ನನ್ನು ಸರ್ವೇಶ್ವರನಿಗೆ ಪ್ರತಿಷ್ಠಿಸಿಕೊಳ್ಳಬೇಕು. ಅದಲ್ಲದೆ ಪ್ರಾಯಶ್ಚಿತ್ತ ಬಲಿಯಾಗಿ ಒಂದು ವರ್ಷದ ಕುರಿಯನ್ನು ಸಮರ್ಪಿಸಬೇಕು. ಮೊದಲು ಮಾಡಿದ್ದ ವ್ರತಕ್ಕೆ ವಿಘ್ನಪ್ರಾಪ್ತವಾದ್ದರಿಂದ ಕಳೆದುಹೋದ ದಿನಗಳು ವ್ಯರ್ಥವಾದುವೆಂದು ಪರಿಗಣಿಸಬೇಕು. |
| ೧೩ |
| ನಾಜೀರ ವ್ರತಸ್ಥನು ತನ್ನ ವ್ರತಾವಧಿ ಮುಗಿದಾಗ ಈ ಕ್ರಮವನ್ನು ಅನುಸರಿಸಬೇಕು. ಅವನು ದೇವದರ್ಶನದ ಗುಡಾರದ ಬಾಗಿಲಿಗೆ ಬಂದು ಸರ್ವೇಶ್ವರನಿಗೆ ಈ ಕಾಣಿಕೆಗಳನ್ನು ಸಲ್ಲಿಸಬೇಕು; |
| ೧೪ |
| ದಹನಬಲಿಗಾಗಿ ಕಳಂಕರಹಿತವಾದ ಒಂದು ವರ್ಷದ ಟಗರು, ಪಾಪಪರಿಹಾರ ಬಲಿಗಾಗಿ ಕಳಂಕರಹಿತವಾದ ಒಂದು ವರ್ಷದ ಕುರಿ, ಸಮಾಧಾನ ಬಲಿಗಾಗಿ ಕಳಂಕರಹಿತವಾದ ಒಂದು ಟಗರು. |
| ೧೫ |
| ಇದಲ್ಲದೆ ಒಂದು ಬುಟ್ಟಿ ತುಂಬ ಎಣ್ಣೆಬೆರಸಿದ ಗೋದಿಹಿಟ್ಟಿನ ಹುಳಿಯಿಲ್ಲದ ರೊಟ್ಟಿಗಳು, ಎಣ್ಣೆಹಾಕಿದ ಹುಳಿಯಿಲ್ಲದ ಕಡಬುಗಳು ಮತ್ತು ಮೇಲೆ ಹೇಳಿದ ಬಲಿಗಳ ಸಮೇತ ಕೊಡಬೇಕಾದ ಧಾನ್ಯದ್ರವ್ಯ-ಪಾನದ್ರವ್ಯಗಳು, ಇವುಗಳನ್ನೆಲ್ಲಾ ಸಮರ್ಪಿಸಬೇಕು. |
| ೧೬ |
| ಯಾಜಕನು ಇವುಗಳನ್ನು ಸರ್ವೇಶ್ವರನ ಸನ್ನಿಧಿಗೆ ತಂದು ನಾಜೀರ ವ್ರತ ಪಾಪಪರಿಹಾರಕ ಬಲಿಯನ್ನೂ ದಹನಬಲಿಯನ್ನೂ ಸಮರ್ಪಿಸಬೇಕು. |
| ೧೭ |
| ಅನಂತರ ಟಗರನ್ನೂ ಬುಟ್ಟಿ ತುಂಬಿರುವ ಹುಳಿಯಿಲ್ಲದ ರೊಟ್ಟಿಗಳನ್ನೂ ಸರ್ವೇಶ್ವರನಿಗೆ ಸಮಾಧಾನ ಯಜ್ಞವಾಗಿ ಸಮರ್ಪಿಸಬೇಕು. ತಂದ ಧಾನ್ಯದ್ರವ್ಯ - ಪಾನದ್ರವ್ಯಗಳನ್ನು ಯಾಜಕನು ನೈವೇದ್ಯ ಮಾಡಬೇಕು. |
| ೧೮ |
| ಬಳಿಕ ನಾಜೀರ ವ್ರತಸ್ಥನು ತನ್ನ ದೀಕ್ಷೆಯನ್ನು ಸೂಚಿಸುವ ತಲೆಯ ಕೂದಲನ್ನು ದೇವದರ್ಶನದ ಗುಡಾರದ ಬಾಗಿಲಿನ ಬಳಿಯಲ್ಲಿ ಕ್ಷೌರಮಾಡಿಸಿಕೊಳ್ಳಬೇಕು. ಆ ಕೂದಲನ್ನು ಸಮಾಧಾನ ಬಲಿಯ ದ್ರವ್ಯಗಳ ಕೆಳಗಿರುವ ಬೆಂಕಿಯಲ್ಲಿ ಹಾಕಬೇಕು. |
| ೧೯ |
| ತರುವಾಯ ಯಾಜಕನು ಆ ಟಗರಿನ ಬೆಂದ ಮುಂದೊಡೆಯನ್ನು ಬುಟ್ಟಿಯಲ್ಲಿನ ಹುಳಿಯಿಲ್ಲದ ಒಂದು ರೊಟ್ಟಿಯನ್ನು ಹಾಗೂ ಹುಳಿಯಿಲ್ಲದ ಒಂದು ಕಡುಬನ್ನು ತೆಗೆದುಕೊಂಡು ನಾಜೀರ ವ್ರತಸ್ಥನು ಕ್ಷೌರಮಾಡಿಸಿಕೊಂಡ ನಂತರ ಅವನ ಕೈಯಲ್ಲಿ ಇಡಬೇಕು; ನೈವೇದ್ಯವಾಗಿ ಸರ್ವೇಶ್ವರನ ಸನ್ನಿಧಿಯಲ್ಲಿ ಆರತಿ ಎತ್ತಬೇಕು. |
| ೨೦ |
| ಇದು ನೈವೇದ್ಯವಾಗಿ ಆರತಿಯೆತ್ತುವ ಎದೆಯ ಭಾಗದಂತೆ ಹಾಗೂ ಯಾಜಕರಿಗಾಗಿ ಪ್ರತ್ಯೇಕಿಸುವ ತೊಡೆಯಂತೆ ಯಾಜಕನಿಗೆ ಸಲ್ಲಬೇಕು. ಇದಾದ ನಂತರ ನಾಜೀರ ವ್ರತಸ್ಥನು ದ್ರಾಕ್ಷಾರಸವನ್ನು ಪಾನಮಾಡಬಹುದು. |
| ೨೧ |
| ಇದುವೇ ನಾಜೀರ ವ್ರತಸ್ಥರು ಅನುಸರಿಸಬೇಕಾದ ವಿಧಿ. ತಮ್ಮ ವ್ರತಪೂರ್ತಿಗಾಗಿ ಸರ್ವೇಶ್ವರನಿಗೆ ಅವರು ಸಮರ್ಪಿಸಬೇಕಾದ ಕಾಣಿಕೆ. ಅವರು ತಮ್ಮ ಶಕ್ತಿಗನುಸಾರ ಹೆಚ್ಚಾಗಿಯೂ ಕೊಡಬಹುದು. ಆದರೆ ತಾವು ಕೊಡುತ್ತೇವೆಂದು ಹರಕೆ ಮಾಡಿದಷ್ಟನ್ನು ವ್ರತ ವಿಧಿಗನುಸಾರ ಕೊಡಲೇಬೇಕು. |
| ೨೨ |
| ಸರ್ವೇಶ್ವರ ಮೋಶೆಗೆ ಹೀಗೆಂದರು: |
| ೨೩ |
| ”ನೀನು ಆರೋನನಿಗೂ ಅವನ ಮಕ್ಕಳಿಗೂ ಹೀಗೆ ಆಜ್ಞಾಪಿಸು: ‘ನೀವು ಇಸ್ರಯೇಲರನ್ನು ಆಶೀರ್ವದಿಸುವಾಗ ಈ ಪ್ರಕಾರ ಹೇಳಬೇಕು - |
| ೨೪ |
| ಸರ್ವೇಶ್ವರ ನಿಮ್ಮನ್ನು ಆಶೀರ್ವದಿಸಿ ಕಾಪಾಡಲಿ! |
| ೨೫ |
| ಸರ್ವೇಶ್ವರ ಪ್ರಸನ್ನ ಮುಖದಿಂದ ನಿಮ್ಮನ್ನು ನೋಡಿ ನಿಮಗೆ ದಯೆ ತೋರಲಿ! |
| ೨೬ |
| ಸರ್ವೇಶ್ವರ ನಿಮ್ಮ ಮೇಲೆ ಕೃಪಾಕಟಾಕ್ಷವಿಟ್ಟು ಶಾಂತಿಯನ್ನು ಅನುಗ್ರಹಿಸಲಿ! |
| ೨೭ |
| ಹೀಗೆ ಅವರು ಇಸ್ರಯೇಲರ ಮೇಲೆ ನನ್ನ ಹೆಸರನ್ನು ಉಚ್ಛರಿಸುವಾಗ ನಾನು ಅವರನ್ನು ಆಶೀರ್ವದಿಸುವೆನು.” |
| Kannada Bible (KNCL) 2016 |
| No Data |
| ಸಂಖ್ಯಾಕಾಂಡ ೬:1 |
| ಸಂಖ್ಯಾಕಾಂಡ ೬:2 |
| ಸಂಖ್ಯಾಕಾಂಡ ೬:3 |
| ಸಂಖ್ಯಾಕಾಂಡ ೬:4 |
| ಸಂಖ್ಯಾಕಾಂಡ ೬:5 |
| ಸಂಖ್ಯಾಕಾಂಡ ೬:6 |
| ಸಂಖ್ಯಾಕಾಂಡ ೬:7 |
| ಸಂಖ್ಯಾಕಾಂಡ ೬:8 |
| ಸಂಖ್ಯಾಕಾಂಡ ೬:9 |
| ಸಂಖ್ಯಾಕಾಂಡ ೬:10 |
| ಸಂಖ್ಯಾಕಾಂಡ ೬:11 |
| ಸಂಖ್ಯಾಕಾಂಡ ೬:12 |
| ಸಂಖ್ಯಾಕಾಂಡ ೬:13 |
| ಸಂಖ್ಯಾಕಾಂಡ ೬:14 |
| ಸಂಖ್ಯಾಕಾಂಡ ೬:15 |
| ಸಂಖ್ಯಾಕಾಂಡ ೬:16 |
| ಸಂಖ್ಯಾಕಾಂಡ ೬:17 |
| ಸಂಖ್ಯಾಕಾಂಡ ೬:18 |
| ಸಂಖ್ಯಾಕಾಂಡ ೬:19 |
| ಸಂಖ್ಯಾಕಾಂಡ ೬:20 |
| ಸಂಖ್ಯಾಕಾಂಡ ೬:21 |
| ಸಂಖ್ಯಾಕಾಂಡ ೬:22 |
| ಸಂಖ್ಯಾಕಾಂಡ ೬:23 |
| ಸಂಖ್ಯಾಕಾಂಡ ೬:24 |
| ಸಂಖ್ಯಾಕಾಂಡ ೬:25 |
| ಸಂಖ್ಯಾಕಾಂಡ ೬:26 |
| ಸಂಖ್ಯಾಕಾಂಡ ೬:27 |
| ಸಂಖ್ಯಾಕಾಂಡ 1 / ಸಂಖ್ಯಾ 1 |
| ಸಂಖ್ಯಾಕಾಂಡ 2 / ಸಂಖ್ಯಾ 2 |
| ಸಂಖ್ಯಾಕಾಂಡ 3 / ಸಂಖ್ಯಾ 3 |
| ಸಂಖ್ಯಾಕಾಂಡ 4 / ಸಂಖ್ಯಾ 4 |
| ಸಂಖ್ಯಾಕಾಂಡ 5 / ಸಂಖ್ಯಾ 5 |
| ಸಂಖ್ಯಾಕಾಂಡ 6 / ಸಂಖ್ಯಾ 6 |
| ಸಂಖ್ಯಾಕಾಂಡ 7 / ಸಂಖ್ಯಾ 7 |
| ಸಂಖ್ಯಾಕಾಂಡ 8 / ಸಂಖ್ಯಾ 8 |
| ಸಂಖ್ಯಾಕಾಂಡ 9 / ಸಂಖ್ಯಾ 9 |
| ಸಂಖ್ಯಾಕಾಂಡ 10 / ಸಂಖ್ಯಾ 10 |
| ಸಂಖ್ಯಾಕಾಂಡ 11 / ಸಂಖ್ಯಾ 11 |
| ಸಂಖ್ಯಾಕಾಂಡ 12 / ಸಂಖ್ಯಾ 12 |
| ಸಂಖ್ಯಾಕಾಂಡ 13 / ಸಂಖ್ಯಾ 13 |
| ಸಂಖ್ಯಾಕಾಂಡ 14 / ಸಂಖ್ಯಾ 14 |
| ಸಂಖ್ಯಾಕಾಂಡ 15 / ಸಂಖ್ಯಾ 15 |
| ಸಂಖ್ಯಾಕಾಂಡ 16 / ಸಂಖ್ಯಾ 16 |
| ಸಂಖ್ಯಾಕಾಂಡ 17 / ಸಂಖ್ಯಾ 17 |
| ಸಂಖ್ಯಾಕಾಂಡ 18 / ಸಂಖ್ಯಾ 18 |
| ಸಂಖ್ಯಾಕಾಂಡ 19 / ಸಂಖ್ಯಾ 19 |
| ಸಂಖ್ಯಾಕಾಂಡ 20 / ಸಂಖ್ಯಾ 20 |
| ಸಂಖ್ಯಾಕಾಂಡ 21 / ಸಂಖ್ಯಾ 21 |
| ಸಂಖ್ಯಾಕಾಂಡ 22 / ಸಂಖ್ಯಾ 22 |
| ಸಂಖ್ಯಾಕಾಂಡ 23 / ಸಂಖ್ಯಾ 23 |
| ಸಂಖ್ಯಾಕಾಂಡ 24 / ಸಂಖ್ಯಾ 24 |
| ಸಂಖ್ಯಾಕಾಂಡ 25 / ಸಂಖ್ಯಾ 25 |
| ಸಂಖ್ಯಾಕಾಂಡ 26 / ಸಂಖ್ಯಾ 26 |
| ಸಂಖ್ಯಾಕಾಂಡ 27 / ಸಂಖ್ಯಾ 27 |
| ಸಂಖ್ಯಾಕಾಂಡ 28 / ಸಂಖ್ಯಾ 28 |
| ಸಂಖ್ಯಾಕಾಂಡ 29 / ಸಂಖ್ಯಾ 29 |
| ಸಂಖ್ಯಾಕಾಂಡ 30 / ಸಂಖ್ಯಾ 30 |
| ಸಂಖ್ಯಾಕಾಂಡ 31 / ಸಂಖ್ಯಾ 31 |
| ಸಂಖ್ಯಾಕಾಂಡ 32 / ಸಂಖ್ಯಾ 32 |
| ಸಂಖ್ಯಾಕಾಂಡ 33 / ಸಂಖ್ಯಾ 33 |
| ಸಂಖ್ಯಾಕಾಂಡ 34 / ಸಂಖ್ಯಾ 34 |
| ಸಂಖ್ಯಾಕಾಂಡ 35 / ಸಂಖ್ಯಾ 35 |
| ಸಂಖ್ಯಾಕಾಂಡ 36 / ಸಂಖ್ಯಾ 36 |
|
|
|
|
|
|
|
|
|
|