| ೧ |
| ಸರ್ವೇಶ್ವರಸ್ವಾಮಿ ನನಗೆ ಅನುಗ್ರಹಿಸಿದ ಮತ್ತೊಂದು ವಾಣಿ: |
| ೨ |
| “ನರಪುತ್ರನೇ, ಟೈರ್‍ನಗರ ಕುರಿತ ಶೋಕಗೀತೆಯೊಂದನ್ನು ಹಾಡಿ, ಹೀಗೆಂದು ಹೇಳು: |
| ೩ |
| ಸಮುದ್ರದ್ವಾರದಲ್ಲಿ ವಾಸಿಸುವ ನಗರಿಯೇ, ರಾಷ್ಟ್ರಗಳಿಗೂ ಹಲವಾರು ದ್ವೀಪಗಳಿಗೂ ನಡುವೆ ವ್ಯಾಪಾರ ನಡೆಸುವವಳೇ, ಸರ್ವೇಶ್ವರನಾದ ದೇವರು ಹೇಳುವುದನ್ನು ಕೇಳು: “ಟೈರ್ ನಗರಿಯೇ, ‘ನಾನೋರ್ವ ನಾವೆ,’ ‘ಸರ್ವಾಂಗ ಸುಂದರಿ ನಾನಾಗಿರುವೆ,’ ಎಂದು ಕೊಚ್ಚಿಕೊಂಡೆಯಲ್ಲವೆ? |
| ೪ |
| ನಿನ್ನ ನೆಲೆಯಿರುವುದು ಸಮುದ್ರಗಳ ನಡುವೆ ನಿನ್ನ ನಿರ್ಮಿಸಿಹರು ಸರ್ವಾಂಗ ಸುಂದರಿಯಾಗಿಯೇ! |
| ೫ |
| ನಿನ್ನ ಪಕ್ಕಗಳ ಮಾಡಿಹರು ಸೆನೀರಿನ ತುರಾಯಿ ಹಲಗೆಗಳಿಂದ ನಿನ್ನ ಸ್ತಂಭ ರಚಿಸಿಹರು ಲೆಬನೋನಿನ ದೇವದಾರು ಮರಗಳಿಂದ. |
| ೬ |
| ನಿನ್ನ ಹುಟ್ಟುಗಳು ರೂಪಿಸಲಾಗಿವೆ ಬಾಷಾನಿನ ಅಲ್ಲೋನ್ ಮರದಿಂದ ನಿನ್ನ ಮೇಲ್ಮಾಳಿಗೆ ಕಟ್ಟಲಾಗಿದೆ ಕಿತ್ತೀಮ್ ದ್ವೀಪದ ತಿಲಕ ಹಲಗೆಯಿಂದ, ಕೆತ್ತಲಾಗಿದೆ ದಂತದಿಂದ. |
| ೭ |
| ನಿನ್ನ ಹಾಯಿ ನಿನಗೆ ಧ್ವಜವಾಗಲೆಂದೆ ಮಾಡಿಹರು ಈಜಿಪ್ಟಿನ ಕಸೂತಿಯ ನಾರುಮಡಿಯಿಂದ. ನಿನ್ನ ಮೇಲ್ಕಟ್ಟು ಚಿತ್ರಿತವಾಗಿದೆ ಎಲೀಷ ಕರಾವಳಿಯ ಊದಾ ಕಡುಗೆಂಪುಗಳಿಂದ. |
| ೮ |
| ನಿನಗೆ ಹುಟ್ಟುಹಾಕುವರು ಸಿದೋನಿನವರು, ಅರ್ವಾದಿನವರು. ಟೈರ್ ನಗರಿಯೇ, ನಿನ್ನಲ್ಲಿನ ವಿವೇಕಿಗಳೇ ನಿನ್ನ ನಾವಿಕರು. |
| ೯ |
| ನಿನ್ನ ಕಂಡಿಗಳ ಭದ್ರಪಡಿಸಿಹರು, ನಿನ್ನಲ್ಲಿ ಸೇರಿದ್ದ ಗೆಬಲಿನ ಜಾಣರು, ಹಿರಿಯರು. ನಿನಗೆ ಸರಕುಗಳ ತಂದೊಪ್ಪಿಸುತ್ತಿದ್ದರು ಸಕಲ ನಾವೆಗಳು, ಸಕಲ ನಾವಿಕರು. |
| ೧೦ |
| “ಪಾರಸಿಯರೂ ಲೂದ್ಯರೂ ಪೂಟ್ಯರೂ ನಿನ್ನ ಸೈನ್ಯದ ಭಟರಾಗಿದ್ದರು. ಖೇಡ್ಯ ಶಿರಸ್ತ್ರಾಣಗಳನ್ನು ನಿನ್ನಲ್ಲಿ ನೇತುಹಾಕಿ ನಿನ್ನನ್ನು ಭೂಷಿಸುತ್ತಿದ್ದರು. |
| ೧೧ |
| ಅರ್ವಾದಿನವರೂ ನಿನ್ನ ಸೈನಿಕರೂ ಸುತ್ತುಮುತ್ತಲು ನಿನ್ನ ತೆನೆಗೋಡೆಗಳಲ್ಲಿ ನಿಂತಿದ್ದರು; ಗಮ್ಮಾದ್ಯರು ನಿನ್ನ ಕೊತ್ತಲಗಳಲ್ಲಿ ಕಾವಲಾಗಿದ್ದರು; ಎಲ್ಲರು ತಮ್ಮ ಖೇಡ್ಯಗಳನ್ನು ಸುತ್ತಮುತ್ತಲು ನಿನ್ನ ಗೋಡೆಗಳಿಗೆ ನೇತುಹಾಕಿ ನಿನ್ನ ಸೌಂದರ್ಯವನ್ನು ಪರಿಪೂರ್ಣಗೊಳಿಸಿದ್ದರು. |
| ೧೨ |
| ಅಪಾರವಾದ ಬಗೆಬಗೆಯ ಆಸ್ತಿಯು ನಿನಗೆ ಬೇಕಾಗಿತ್ತು. ಆದುದರಿಂದ ತಾರ್ಷೀಷಿನವರು ನಿನ್ನ ಕಡೆಯ ವರ್ತಕರಾಗಿ ಬೆಳ್ಳಿ, ಕಬ್ಬಿಣ, ತವರ ಹಾಗೂ ಸೀಸಗಳನ್ನು ನಿನಗೆ ಒದಗಿಸುತ್ತಿದ್ದರು. |
| ೧೩ |
| ಯಾವಾನಿನವರು, ತೂಬಲಿನವರು ಮತ್ತು ಮೆಷೆಕಿನವರು ನಿನ್ನ ಪರವಾಗಿ ವ್ಯಾಪಾರಮಾಡಿ ನರಪ್ರಾಣಿಗಳನ್ನು ಹಾಗು ತಾಮ್ರದ ಪಾತ್ರೆಗಳನ್ನು ನಿನಗೆ ಸರಬರಾಜು ಮಾಡುತ್ತಿದ್ದರು; |
| ೧೪ |
| ತೋಗರ್ಮವಂಶದವರು ಕುದುರೆ, ಜಾತಿಯ ಕುದುರೆ, ಹೇಸರಗತ್ತೆ, ಇವುಗಳನ್ನು ನಿನಗಾಗಿ ತರುತ್ತಿದ್ದರು. |
| ೧೫ |
| ದೆದಾನಿನವರು ನಿನ್ನ ವರ್ತಕರಾಗಿದ್ದರು; ಬಹುದ್ವೀಪಗಳ ಉತ್ಪತ್ತಿ ನಿನ್ನ ಕೈಗೆ ಸೇರಿತ್ತು. ಗಜದಂತಗಳನ್ನೂ, ಕರೀಮರವನ್ನೂ ನಿನಗೆ ಕಪ್ಪವಾಗಿ ಸಲ್ಲಿಸುತ್ತಿದ್ದರು. |
| ೧೬ |
| ಕೈಕೆಲಸದ ವಸ್ತುಗಳು ನಿನಗೆ ಅಪಾರವಾಗಿದ್ದವು; ಆದುದರಿಂದ ಅರಾಮಿನವರೂ ನಿನ್ನವರಾಗಿ ವ್ಯಾಪಾರಮಾಡಿ ಕೆಂಪರಲು, ರಕ್ತಾಂಬರ, ಕಸೂತಿಯ ವಸ್ತ್ರ, ನಾರುಮಡಿ, ಹವಳ, ಮಾಣಿಕ್ಯ ಮೊದಲಾದ ಸರಕುಗಳನ್ನು ನಿನಗೆ ತಂದು ಸುರಿಯುತ್ತಿದ್ದರು. |
| ೧೭ |
| ಯೆಹೂದ್ಯರೂ, ಇಸ್ರಯೇಲ್ ನಾಡಿನವರೂ ನಿನ್ನ ಕಡೆಯ ವರ್ತಕರಾಗಿ ಮಿನ್ನೀಥಿನ, ಗೋಧಿ, ‘ಪನ್ನಗ್’, ಜೇನು, ಎಣ್ಣೆ, ಸುಗಂಧತೈಲ, ಈ ಸಾಮಗ್ರಿಗಳನ್ನು ನಿನಗೆ ಸೇರಿಸುತ್ತಿದ್ದರು. |
| ೧೮ |
| ಕೈಕೆಲಸದ ವಸ್ತುಗಳು ನಿನ್ನಲ್ಲಿ ಅಪಾರವಾಗಿದ್ದುದರಿಂದಲೂ ಅಪರಿಮಿತವಾದ ಬಗೆಬಗೆಯ ಆಸ್ತಿಯೂ ನಿನಗೆ ಬೇಕಾಗಿದ್ದುದರಿಂದಲೂ ದಮಸ್ಕದವರೂ ನಿನ್ನ ಪರವಾಗಿ ವ್ಯಾಪಾರಮಾಡಿ, ಹೆಲ್ಬೋನಿನ ದ್ರಾಕ್ಷಾರಸವನ್ನು ಹಾಗೂ ಚಾಹರಿನ ಉಣ್ಣೆಯನ್ನು ನಿನ್ನಲ್ಲಿ ತುಂಬಿಸುತ್ತಿದ್ದರು. |
| ೧೯ |
| “ವೆದಾನಿನವರೂ, ಯಾವಾನಿನವರೂ ಉಜಾಲಿನಿಂದ ನಾನಾ ಸರಕುಗಳನ್ನು ತಂದು ನಿನಗೆ ಒಪ್ಪಿಸುತ್ತಿದ್ದರು. ಉಕ್ಕು, ಬಜೆ, ಲವಂಗ, ಚಕ್ಕೆಗಳು ನಿನಗೆ ಆಮದಾಗುತ್ತಿದ್ದವು. |
| ೨೦ |
| ದೆದಾನಿನವರು ಹಲ್ಲಣಕ್ಕೆ ಸರಿಯಾದ ಒಳ್ಳೆಯ ಜಮಖಾನೆಗಳನ್ನು ನಿನಗೆ ತರುತ್ತಿದ್ದ ವ್ಯಾಪಾರಿಗಳಾಗಿದ್ದರು. |
| ೨೧ |
| “ಅರಾಬ್ಯರೂ, ಕೇದಾರಿನ ಪ್ರಮುಖರೂ ನಿನ್ನ ಕೈಕೆಳಗಣ ವರ್ತಕರು: ಕುರಿ, ಟಗರು, ಹೋತಗಳನ್ನು ನಿನಗಾಗಿ ಸಾಗಿಸಿಕೊಂಡು ಬರುತ್ತಿದ್ದರು. |
| ೨೨ |
| ಶೆಬದವರೂ ರಗ್ಮದವರೂ ನಿನ್ನ ಕಡೆಯ ವರ್ತಕರಾಗಿ ಕನಕ, ಮುಖ್ಯ ಮುಖ್ಯ ಸುಗಂಧದ್ರವ್ಯ, ಸಮಸ್ತ ಅಮೂಲ್ಯರತ್ನ, ಈ ವಸ್ತುಗಳನ್ನು ನಿನಗಾಗಿ ತರುತ್ತಿದ್ದರು. |
| ೨೩ |
| ಹಾರಾನ್ ಕನ್ನೆ, ಏದೆನ್ ಸ್ಥಳಗಳವರು ಹಾಗೂ ಶೆಬ, ಅಸ್ಸೀರಿಯಾ, ಕಿಲ್ಮದ್ ಪ್ರಾಂತ್ಯಗಳ ವರ್ತಕರು, |
| ೨೪ |
| ನಿನ್ನ ವ್ಯಾಪಾರಿಗಳಾಗಿ ಉತ್ತಮಾಂಬರ ಕಸೂತಿಯ ಊದ ನಿಲುವಂಗಿ ಮೊದಲಾದ ಮಾಲುಗಳನ್ನೂ ಹಗ್ಗಗಳಿಂದ ಬಲವಾಗಿ ಬಿಗಿದ ಬಣ್ಣಬಣ್ಣದ ವಸ್ತ್ರಗಳ ಮೂಟೆಗಳನ್ನೂ ನಿನಗಾಗಿ ಕಳುಹಿಸುತ್ತಿದ್ದರು. |
| ೨೫ |
| ನಿನಗೆ ಬೇಕಾದ ದಿನಸುಗಳನು ತಂದವು ತಾರ್ಷೀಷಿನ ಹಡಗುಗಳು ಸಾಲುಸಾಲಾಗಿ ನೀನು ಭರ್ತಿಯಾಗಿ, ಸಮುದ್ರದ ಮಧ್ಯೆಯಿದ್ದೆ ಬಹು ಭಾರವಾಗಿ. |
| ೨೬ |
| ಹುಟ್ಟುಹಾಕುವವರು ನಿನ್ನ ಸಿಕ್ಕಿಸಿಹರು ಮಹಾತರಂಗಗಳಿಗೆ ಸಾಗರಮಧ್ಯೆ ಒಡೆದು ಚೂರಾಗಿರುವೆ ಸಿಕ್ಕಿ ಮೂಡಣಗಾಳಿಗೆ. |
| ೨೭ |
| ವಿನಾಶದಿನದೊಳು ಮುಳುಗಿಹೋಗುವುವು ಸಮುದ್ರದೊಳು ನಿನ್ನ ಆಸ್ತಿ, ನಿನ್ನ ದಿನಸು, ನಿನ್ನ ಸರಕುಗಳು ನಿನ್ನ ನಾವಿಕರು, ಅಂಬಿಗರು, ಕಂಡಿ ಭದ್ರಪಡಿಸುವವರು, ನಿನ್ನ ವ್ಯಾಪಾರಿಗಳು, ಸೈನಿಕರೆಲ್ಲರು, ನಿನ್ನ ಸಿಬ್ಬಂದಿಯೆಲ್ಲವು. |
| ೨೮ |
| ನಡುಗುವುವು ಸಮೀಪದ ಪ್ರದೇಶಗಳು ಆ ನಾವಿಕರ ಕೂಗಾಟಕೆ. |
| ೨೯ |
| ದುಃಖದಿಂದರಚುವರು ಹುಟ್ಟುಹಾಕುವವರು, ಅಂಬಿಗರು, ನಾವಿಕರೆಲ್ಲರು; |
| ೩೦ |
| ತಮ್ಮ ತಮ್ಮ ಹಡಗುಗಳಿಂದಿಳಿದು, ನೆಲದ ಮೇಲೆ ನಿಂತು. ತಲೆಗೆ ದೂಳೆರಚಿಕೊಂಡು, ಬೂದಿಯಲ್ಲಿ ಹೊರಳಾಡಿಕೊಂಡು, |
| ೩೧ |
| ತಲೆ ಬೋಳಿಸಿಕೊಂಡು, ಗೋಣಿತಟ್ಟನು ಸುತ್ತಿಕೊಂಡು, ದುಃಖಿಸಿ ಗೋಳಾಡುವರು, ಅಳುವರು ನಿನಗಾಗಿ ನಿಟ್ಟುಸಿರಿಟ್ಟು; |
| ೩೨ |
| ರೋಧಿಸುವರು, ಪ್ರಲಾಪಿಸುವರು, ಹಾಡುವರು ಶೋಕಗೀತೆಯನ್ನು; ಕಡಲ ನಡುವೆ ಬಿಕೋ ಎನ್ನುವ ಟೈರನ್ನು ಏತಕೆ ಹೋಲಿಸೋಣ? ಎಂದು. |
| ೩೩ |
| ಅಪಾರ ಐಶ್ವರ್ಯದಿಂದ, ವಾಣಿಜ್ಯ ದಿನಸುಗಳಿಂದ ನೀನು ತುಂಬಿಸಿದೆ ಬಹುರಾಷ್ಟ್ರಗಳನು, ಸಮೃದ್ಧಿಗೊಳಿಸಿದೆ ಭೂರಾಜರನು. ಈಗಾಗಿವೆ ಸಮುದ್ರದ ಪಾಲು ಆ ಸರಕು ಸಾಮಗ್ರಿಗಳೆಲ್ಲವು. |
| ೩೪ |
| ಮುಳುಗಿಹೋದರು ಅಗಾಧ ಜಲದೊಳು ಸರಕುಸಮೇತ ನಿನ್ನ ಸೇರಿದ್ದ ಜನರು; ಹಾಳಾದೆ ನೀನು ಸಮುದ್ರ ಸಾಗರದೊಳು. |
| ೩೫ |
| ನಿನ್ನೀ ಗತಿಗೆ ಬೆರಗಾಗಿಹರು ಕರಾವಳಿಯ ಸರ್ವನಿವಾಸಿಗಳು, ರೋಮಾಂಚಿತರಾಗಿಹರು ಮೊಗಗೆಟ್ಟು ರಾಜರಾಜರುಗಳು; |
| ೩೬ |
| ನಿನ್ನ ನೋಡಿ ಸಿಳ್ಳುಹಾಕುವರು ರಾಷ್ಟ್ರಗಳ ವರ್ತಕರು. ನಾಶವಾದೆ ನೀನು ಪೂರ್ತಿಯಾಗಿ, ಇಲ್ಲವಾದೆ ಇನ್ನೆಂದಿಗು.” |
| Kannada Bible (KNCL) 2016 |
| No Data |
| ಯೆಜೆಕಿಯೇಲನ ೨೭:1 |
| ಯೆಜೆಕಿಯೇಲನ ೨೭:2 |
| ಯೆಜೆಕಿಯೇಲನ ೨೭:3 |
| ಯೆಜೆಕಿಯೇಲನ ೨೭:4 |
| ಯೆಜೆಕಿಯೇಲನ ೨೭:5 |
| ಯೆಜೆಕಿಯೇಲನ ೨೭:6 |
| ಯೆಜೆಕಿಯೇಲನ ೨೭:7 |
| ಯೆಜೆಕಿಯೇಲನ ೨೭:8 |
| ಯೆಜೆಕಿಯೇಲನ ೨೭:9 |
| ಯೆಜೆಕಿಯೇಲನ ೨೭:10 |
| ಯೆಜೆಕಿಯೇಲನ ೨೭:11 |
| ಯೆಜೆಕಿಯೇಲನ ೨೭:12 |
| ಯೆಜೆಕಿಯೇಲನ ೨೭:13 |
| ಯೆಜೆಕಿಯೇಲನ ೨೭:14 |
| ಯೆಜೆಕಿಯೇಲನ ೨೭:15 |
| ಯೆಜೆಕಿಯೇಲನ ೨೭:16 |
| ಯೆಜೆಕಿಯೇಲನ ೨೭:17 |
| ಯೆಜೆಕಿಯೇಲನ ೨೭:18 |
| ಯೆಜೆಕಿಯೇಲನ ೨೭:19 |
| ಯೆಜೆಕಿಯೇಲನ ೨೭:20 |
| ಯೆಜೆಕಿಯೇಲನ ೨೭:21 |
| ಯೆಜೆಕಿಯೇಲನ ೨೭:22 |
| ಯೆಜೆಕಿಯೇಲನ ೨೭:23 |
| ಯೆಜೆಕಿಯೇಲನ ೨೭:24 |
| ಯೆಜೆಕಿಯೇಲನ ೨೭:25 |
| ಯೆಜೆಕಿಯೇಲನ ೨೭:26 |
| ಯೆಜೆಕಿಯೇಲನ ೨೭:27 |
| ಯೆಜೆಕಿಯೇಲನ ೨೭:28 |
| ಯೆಜೆಕಿಯೇಲನ ೨೭:29 |
| ಯೆಜೆಕಿಯೇಲನ ೨೭:30 |
| ಯೆಜೆಕಿಯೇಲನ ೨೭:31 |
| ಯೆಜೆಕಿಯೇಲನ ೨೭:32 |
| ಯೆಜೆಕಿಯೇಲನ ೨೭:33 |
| ಯೆಜೆಕಿಯೇಲನ ೨೭:34 |
| ಯೆಜೆಕಿಯೇಲನ ೨೭:35 |
| ಯೆಜೆಕಿಯೇಲನ ೨೭:36 |
| ಯೆಜೆಕಿಯೇಲನ 1 / ಯೆಜೆಕಿ 1 |
| ಯೆಜೆಕಿಯೇಲನ 2 / ಯೆಜೆಕಿ 2 |
| ಯೆಜೆಕಿಯೇಲನ 3 / ಯೆಜೆಕಿ 3 |
| ಯೆಜೆಕಿಯೇಲನ 4 / ಯೆಜೆಕಿ 4 |
| ಯೆಜೆಕಿಯೇಲನ 5 / ಯೆಜೆಕಿ 5 |
| ಯೆಜೆಕಿಯೇಲನ 6 / ಯೆಜೆಕಿ 6 |
| ಯೆಜೆಕಿಯೇಲನ 7 / ಯೆಜೆಕಿ 7 |
| ಯೆಜೆಕಿಯೇಲನ 8 / ಯೆಜೆಕಿ 8 |
| ಯೆಜೆಕಿಯೇಲನ 9 / ಯೆಜೆಕಿ 9 |
| ಯೆಜೆಕಿಯೇಲನ 10 / ಯೆಜೆಕಿ 10 |
| ಯೆಜೆಕಿಯೇಲನ 11 / ಯೆಜೆಕಿ 11 |
| ಯೆಜೆಕಿಯೇಲನ 12 / ಯೆಜೆಕಿ 12 |
| ಯೆಜೆಕಿಯೇಲನ 13 / ಯೆಜೆಕಿ 13 |
| ಯೆಜೆಕಿಯೇಲನ 14 / ಯೆಜೆಕಿ 14 |
| ಯೆಜೆಕಿಯೇಲನ 15 / ಯೆಜೆಕಿ 15 |
| ಯೆಜೆಕಿಯೇಲನ 16 / ಯೆಜೆಕಿ 16 |
| ಯೆಜೆಕಿಯೇಲನ 17 / ಯೆಜೆಕಿ 17 |
| ಯೆಜೆಕಿಯೇಲನ 18 / ಯೆಜೆಕಿ 18 |
| ಯೆಜೆಕಿಯೇಲನ 19 / ಯೆಜೆಕಿ 19 |
| ಯೆಜೆಕಿಯೇಲನ 20 / ಯೆಜೆಕಿ 20 |
| ಯೆಜೆಕಿಯೇಲನ 21 / ಯೆಜೆಕಿ 21 |
| ಯೆಜೆಕಿಯೇಲನ 22 / ಯೆಜೆಕಿ 22 |
| ಯೆಜೆಕಿಯೇಲನ 23 / ಯೆಜೆಕಿ 23 |
| ಯೆಜೆಕಿಯೇಲನ 24 / ಯೆಜೆಕಿ 24 |
| ಯೆಜೆಕಿಯೇಲನ 25 / ಯೆಜೆಕಿ 25 |
| ಯೆಜೆಕಿಯೇಲನ 26 / ಯೆಜೆಕಿ 26 |
| ಯೆಜೆಕಿಯೇಲನ 27 / ಯೆಜೆಕಿ 27 |
| ಯೆಜೆಕಿಯೇಲನ 28 / ಯೆಜೆಕಿ 28 |
| ಯೆಜೆಕಿಯೇಲನ 29 / ಯೆಜೆಕಿ 29 |
| ಯೆಜೆಕಿಯೇಲನ 30 / ಯೆಜೆಕಿ 30 |
| ಯೆಜೆಕಿಯೇಲನ 31 / ಯೆಜೆಕಿ 31 |
| ಯೆಜೆಕಿಯೇಲನ 32 / ಯೆಜೆಕಿ 32 |
| ಯೆಜೆಕಿಯೇಲನ 33 / ಯೆಜೆಕಿ 33 |
| ಯೆಜೆಕಿಯೇಲನ 34 / ಯೆಜೆಕಿ 34 |
| ಯೆಜೆಕಿಯೇಲನ 35 / ಯೆಜೆಕಿ 35 |
| ಯೆಜೆಕಿಯೇಲನ 36 / ಯೆಜೆಕಿ 36 |
| ಯೆಜೆಕಿಯೇಲನ 37 / ಯೆಜೆಕಿ 37 |
| ಯೆಜೆಕಿಯೇಲನ 38 / ಯೆಜೆಕಿ 38 |
| ಯೆಜೆಕಿಯೇಲನ 39 / ಯೆಜೆಕಿ 39 |
| ಯೆಜೆಕಿಯೇಲನ 40 / ಯೆಜೆಕಿ 40 |
| ಯೆಜೆಕಿಯೇಲನ 41 / ಯೆಜೆಕಿ 41 |
| ಯೆಜೆಕಿಯೇಲನ 42 / ಯೆಜೆಕಿ 42 |
| ಯೆಜೆಕಿಯೇಲನ 43 / ಯೆಜೆಕಿ 43 |
| ಯೆಜೆಕಿಯೇಲನ 44 / ಯೆಜೆಕಿ 44 |
| ಯೆಜೆಕಿಯೇಲನ 45 / ಯೆಜೆಕಿ 45 |
| ಯೆಜೆಕಿಯೇಲನ 46 / ಯೆಜೆಕಿ 46 |
| ಯೆಜೆಕಿಯೇಲನ 47 / ಯೆಜೆಕಿ 47 |
| ಯೆಜೆಕಿಯೇಲನ 48 / ಯೆಜೆಕಿ 48 |
|
|
|
|
|
|
|
|
|
|