| ೧ |
| ಇಂತೆಂದರು ಸರ್ವೇಶ್ವರ ತಾನು ಅಭಿಷೇಕಿಸಿದ ಕೋರೆಷನಿಗೆ “ರಾಷ್ಟ್ರಗಳನ್ನು ನೀ ಸದೆಬಡಿಯುವಂತೆ ರಾಜಮಹಾರಾಜರನು ನಿಶ್ಯಸ್ತ್ರರನ್ನಾಗಿ ಮಾಡುವಂತೆ ಮುಚ್ಚಲಾಗದ ಹಾಗೆ ಬಾಗಿಲು ಹೆಬ್ಬಾಗಿಲುಗಳನ್ನು ತೆರೆಯುವಂತೆ ನಾ ನಿನ್ನ ಕೈಹಿಡಿದು ನಡೆಸುವೆನು ಮುಂದೆ. |
| ೨ |
| ನಿನ್ನ ಮುಂದೆ ಸಾಗುವೆನು ನಾನು ಸಮಮಾಡುವೆನು ಬೆಟ್ಟಗುಡ್ಡಗಳನು ಒಡೆದುಹಾಕುವೆನು ಕಂಚಿನ ಕದಗಳನು ಮುರಿದುಬಿಡುವೆನು ಕಬ್ಬಿಣದ ಅಗುಳಿಗಳನು. |
| ೩ |
| ಹೆಸರು ಹಿಡಿದು ನಿನ್ನ ಕರೆಯುವ ಸರ್ವೇಶ್ವರ ನಾನು ಕೊಡುವೆ ನಾ ನಿನಗೆ ಕತ್ತಲಲಿ ಬಚ್ಚಿಟ್ಟ ಭಂಡಾರಗಳನು ಗುಪ್ತಸ್ಥಳಗಳಲ್ಲಿ ಮರೆಮಾಡಿರುವ ನಿಧಿನಿಕ್ಷೇಪಗಳನು. ಈ ಪರಿ ಅರಿತುಕೊಳ್ಳುವೆ ನೀನು ನಾನೇ ಇಸ್ರಯೇಲರ ದೇವರೆಂಬುದನು. |
| ೪ |
| ನನ್ನ ಸೇವಕನಾದ ಯಕೋಬನ ನಿಮಿತ್ತ ನಾನು ಆರಿಸಿಕೊಂಡ ಇಸ್ರಯೇಲಿನ ನಿಮಿತ್ತ ನನ್ನ ಅರಿವೇ ಇಲ್ಲದ ನಿನ್ನನು ಹೆಸರು ಹಿಡಿದು ಕರೆದಿರುವೆನು, ಬಿರುದಿತ್ತು ಸನ್ಮಾನಿಸಿರುವೆನು. |
| ೫ |
| ಸರ್ವೇಶ್ವರ ನಾನಲ್ಲದೆ ಬೇರಾರು ಅಲ್ಲ ನನ್ನ ಹೊರತು ಯಾವ ದೇವರು ಇಲ್ಲ. ನೀನು ನನ್ನನ್ನು ಅರಿಯದವನಾಗಿರುವೆ ಆದರೂ ನಿನ್ನನ್ನು ಶಸ್ತ್ರಧಾರಿಯಾಗಿಸುವೆ. |
| ೬ |
| ಇದ ಕಂಡು ತಿಳಿಯುವರೆಲ್ಲರು ಪೂರ್ವದಿಂದ ಪಶ್ಚಿಮದವರೆಗು: ನಿನ್ನ ವಿನಾ ದೇವರಾರು ಇಲ್ಲವೆಂದು ನಾನೇ ಸರ್ವೇಶ್ವರ ಮತ್ತಾರು ಅಲ್ಲವೆಂದು; |
| ೭ |
| ಬೆಳಕಿಗೂ ಕತ್ತಲಿಗೂ ನಾನೆ ಸೃಷ್ಟಿಕರ್ತನೆಂದು ಸುಖದುಃಖಗಳಿಗೆ ಕಾರಣಕರ್ತನೆಂದು ಸಕಲವನು ನಡೆಸುವ ಸರ್ವೇಶ್ವರ ನಾನೇ ಎಂದು. |
| ೮ |
| ವರ್ಷಿಸಲಿ ಸದ್ಧರ್ಮವನು ಆಕಾಶಮಂಡಲ ಸುರಿಸಲಿ ಮೇಲಿಂದ ಅದನ್ನು ಆ ಗಗನಮಂಡಲ; ಅಂಕುರಿಸಲಿ ಜೀವೋದ್ಧಾರವನು ಭೂಮಂಡಲ ಬೆಳೆಯಲಿ ಅದರೊಡನೆಯೇ ಸದ್ಧರ್ಮದ ಫಲ, ಸರ್ವೇಶ್ವರನಾದ ನಾನೇ ಕರ್ತ ಇದಕ್ಕೆಲ್ಲಾ.” |
| ೯ |
| ಧಿಕ್ಕಾರ! ತನ್ನನು ರೂಪಿಸಿದವನೊಡನೇ ವ್ಯಾಜ್ಯ ಮಾಡುವವನಿಗೆ; ಅವನು ಕೂಡ ಮಣ್ಣುಮಡಕೆಗಳಲ್ಲಿ ಒಂದು ಮಡಕೆ ಅಲ್ಲವೇ? “ಏನು ಮಾಡುತ್ತಿ” ಎಂದು ಮಣ್ಣು ಕುಂಬಾರನನು ಕೇಳುವುದುಂಟೆ? ‘ನಾನು ನಿನ್ನ ಕೈಯ ಕೃತಿ ಅಲ್ಲ’ ಎಂದು ಆ ಮಡಕೆ ಹೇಳುವುದುಂಟೆ? |
| ೧೦ |
| ‘ನೀನು ಹುಟ್ಟಿಸುವುದೇನು’ ಎಂದು ತಂದೆಯನು ಕೇಳುವವನಿಗೆ ಧಿಕ್ಕಾರ! ‘ನೀನು ಹೆರುವುದೇನು’ ಎಂದು ತಾಯಿಯನು ಕೇಳುವವನಿಗೆ ಧಿಕ್ಕಾರ! |
| ೧೧ |
| ಸರ್ವೇಶ್ವರ ಇಸ್ರಯೇಲಿನ ಪರಮಪಾವನ ಸ್ವಾಮಿ, ಅದರ ಸೃಷ್ಟಿಕರ್ತ. ಆ ಸರ್ವೇಶ್ವರನ ನುಡಿಯಿದು: “ನನ್ನ ಮಕ್ಕಳ ಬಗ್ಗೆ ನೀ ಕೇಳುವುದೆಂತು? ನನ್ನ ಕೈಯ ಕೃತಿಗಳ ಬಗ್ಗೆ ನೀ ವಿಧಿಸುವುದೆಂತು? |
| ೧೨ |
| ಜಗವನು, ಅದರಲ್ಲಿನ ಮನುಜರನು ಸೃಜಿಸಿದವನು ನಾನೇ, ಆಕಾಶಮಂಡಲವನು ವಿಶಾಲವಾಗಿ ಹರಡಿದ್ದು ನನ್ನ ಕೈಗಳೇ, ಸೂರ್ಯ, ಚಂದ್ರ, ನಕ್ಷತ್ರಗಳನು ನಿಯಂತ್ರಿಸುವವನು ನಾನೆ. |
| ೧೩ |
| ಧರ್ಮಸಾಧನೆಗಾಗಿ ಕೋರೆಷನನ್ನು ಉದಯಗೊಳಿಸಿರುವೆನು ಅವನ ಮಾರ್ಗಗಳನ್ನು ನಾನೇ ಸರಾಗಮಾಡುವೆನು ನನ್ನ ನಗರವನು ಪುನರ್ ನಿರ್ಮಾಣಮಾಡುವನು ಅವನು ಸೆರೆಯಾದ ನನ್ನ ಜನರನು ಬಿಡುಗಡೆ ಮಾಡುವನು ಸಂಬಳವನ್ನಾಗಲಿ ಸಂಭಾವನೆಯನ್ನಾಗಲಿ ಸ್ವೀಕರಿಸನು. ಇದ ನುಡಿದಿರುವೆನು ಸೇನಾಧೀಶ್ವರ ಸರ್ವೇಶ್ವರನಾದ ನಾನು.” |
| ೧೪ |
| ಕೇಳಿರಿ ಸರ್ವೇಶ್ವರನ ಈ ಮಾತನ್ನು: “ನಿಮ್ಮದಾಗುವುದು ಈಜಿಪ್ಟಿನ ಸಿರಿಯು, ಸುಡಾನಿನ ಸಂಪದವು. ನಿಮ್ಮನ್ನು ಸೇರಿ ನಿಮಗಧೀನರಾಗುವರು ಎತ್ತರದ ಸೆಬಾಯರು. ಬೇಡಿತೊಟ್ಟು ಅಡ್ಡಬೀಳುವರು ನಿಮ್ಮ ಮುಂದೆ ಅರಿಕೆಮಾಡಿಕೊಳ್ಳುವರು ಹೀಗೆಂದೆ: ‘ನಿಶ್ಚಯವಾಗಿ ನಿಮ್ಮಲ್ಲಿಹರು ದೇವರು ಅವರಲ್ಲದೆ ದೇವರಿಲ್ಲ ಬೇರೆಯಾರು.’ |
| ೧೫ |
| ಇಸ್ರಯೇಲರ ದೇವರೇ, ಉದ್ಧಾರಕನೇ, ನಿಶ್ಚಯವಾಗಿ ದೇವರಾದ ನೀನು ಮರೆಯಾಗಿರುವೆ. |
| ೧೬ |
| ಮೂರ್ತಿಗಳನು ಮಾಡುವವರೆಲ್ಲರು ಈಡಾಗುವರು ನಾಚಿಕೆಗೆ ಮಾನಭಂಗಪಟ್ಟು ಒಟ್ಟಿಗೆ ಮುಳುಗುವರವರು ಅವಮಾನದೊಳಗೆ. |
| ೧೭ |
| ಇಸ್ರಯೇಲಿಗಾದರೋ, ದೊರೆವುದು ಶಾಶ್ವತ ರಕ್ಷಣೆ ಸರ್ವೇಶ್ವರನಿಂದ; ಯುಗಯುಗಾಂತರಕ್ಕೂ ಅದಕ್ಕಾಗದು ಲಜ್ಜೆ, ಮಾನಭಂಗ.” |
| ೧೮ |
| ಕೇಳಿ, ಆಕಾಶಮಂಡಲವನ್ನು ಸೃಷ್ಟಿಸಿದ ಸರ್ವೇಶ್ವರನ ಮಾತನ್ನು: ಭೂಲೋಕವನ್ನು ನಿರ್ಮಿಸಿ, ರೂಪಿಸಿ, ಸ್ಥಾಪಿಸಿದ ದೇವರು ಆತನು. ಅದನ್ನು ಶೂನ್ಯಸ್ಥಾನವಾಗಿ ಸೃಷ್ಟಿಸದೆ, ಜನನಿವಾಸಕ್ಕಾಗಿಯೇ ರೂಪಿಸಿದವನು ಆತನು. ಅಂಥವನು ಇಂತೆನ್ನುತ್ತಾನೆ: “ಸರ್ವೇಶ್ವರ ನಾನೇ; ನಾನಲ್ಲದೆ ಇನ್ನಾರೂ ಇಲ್ಲ. |
| ೧೯ |
| ನಾನು ಗುಟ್ಟುಗುಟ್ಟಾಗಿ ಮಾತಾಡಿದವನಲ್ಲ ಕಗ್ಗತ್ತಲೆಯೊಳಗಿನಿಂದ ನುಡಿದವನಲ್ಲ ಶೂನ್ಯದಲ್ಲಿ ನನ್ನ ಹುಡುಕಿರಿ ಎಂದು ಯಕೋಬ ವಂಶಕ್ಕೆ ಹೇಳಿದವನಲ್ಲ. ಸರ್ವೇಶ್ವರನಾದ ನಾನು ಸತ್ಯಾನುಸಾರ ನುಡಿಯುವವನು, ನೆಟ್ಟನೆಯ ಮಾತುಗಳನ್ನೆ ಸ್ಪಷ್ಟವಾಗಿ ಹೇಳುವವನು.” |
| ೨೦ |
| “ಅಳಿದುಳಿದ ಅನ್ಯಜನರೇ, ನೆರೆದು ಬನ್ನಿ, ಒಟ್ಟಿಗೆ ನನ್ನ ಬಳಿಗೆ ಬನ್ನಿ. ತಮ್ಮ ಮರದ ಬೊಂಬೆಯನು ಹೊತ್ತು ತಿರುಗುವವರು ರಕ್ಷಿಸಲಾಗದ ದೇವತೆಗೆ ಮೊರೆಯಿಡುವ ಬುದ್ಧಿಹೀನರು. |
| ೨೧ |
| ಹೇಳಿ, ನ್ಯಾಯಸ್ಥಾನಕ್ಕೆ ಬಂದು ನಿಮ್ಮ ವಾದವನ್ನು ಮಂಡಿಸಿ; ನಿಮ್ಮ ದೇವರುಗಳು ತಮ್ಮತಮ್ಮೊಳಗೆ ಪರ್ಯಾಲೋಚಿಸಿ ನೋಡಲಿ. ಪ್ರಾರಂಭದಿಂದಲೂ ಈ ವಿಷಯವನ್ನು ಪ್ರಕಟಿಸಿದವರು ಯಾರು? ಅದು ನಡೆಯುವುದಕ್ಕೆ ಮುಂಚೆಯೇ ತಿಳಿಸಿದವನು ನಾನಲ್ಲದೆ ಇನ್ಯಾರು? ನನ್ನ ಹೊರತು ಇನ್ನು ಯಾವ ದೇವರೂ ಇಲ್ಲ; ನಾನಲ್ಲದೆ ಸತ್ಯಸ್ವರೂಪನು, ಉದ್ಧಾರಕನು ಆದ ದೇವನಿಲ್ಲವೇ ಇಲ್ಲ. |
| ೨೨ |
| “ಎಲ್ಲೆ ಎಲ್ಲೆಗಳಲ್ಲಿರುವ ಜನರೇ, ತಿರುಗಿಕೊಳ್ಳಿರಿ ನನ್ನ ಕಡೆಗೆ, ಆಗ ಉದ್ಧಾರವಾಗುವಿರಿ. ದೇವರು ಬೇರಾರೂ ಇಲ್ಲ, ನಾನೊಬ್ಬನೆ ಎಂಬುದನರಿಯಿರಿ. |
| ೨೩ |
| ಪ್ರತಿಯೊಬ್ಬರು ಮೊಣಕಾಲೂರುವರು ನನಗೆ ಎಲ್ಲರು ನಾನೇ ದೇವರೆಂದು ಮಾಡುವರು ಪ್ರತಿಜ್ಞೆ. ಆ ನುಡಿ ಹೊರಟಿದೆ ನನ್ನ ಸತ್ಯದ ಬಾಯಿಂದ ಅದನ್ನು ಹಿಂತೆಗೆಯೆನು ನನ್ನ ಮೇಲಿಟ್ಟ ಆಣೆಯಿಂದ. |
| ೨೪ |
| “ಜೀವೋದ್ಧಾರವು, ಶಕ್ತಿಯು ಸರ್ವೇಶ್ವರನಲ್ಲಿ ಮಾತ್ರ ಉಂಟು ಆತನ ವಿರೋಧಿಗಳೆಲ್ಲರೂ ಆತನನ್ನೇ ಮರೆಹೋಗುವರು ನಾಚಿಕೆಪಟ್ಟು. |
| ೨೫ |
| ಪಡೆವರು ಇಸ್ರಯೇಲಿನ ವಂಶಜರೆಲ್ಲರು ಸರ್ವೇಶ್ವರನಲ್ಲೇ ಜೀವೋದ್ಧಾರವನು, ಆನಂದವನು.” |
| Kannada Bible (KNCL) 2016 |
| No Data |
| ಯೆಶಾಯನ ೪೫:1 |
| ಯೆಶಾಯನ ೪೫:2 |
| ಯೆಶಾಯನ ೪೫:3 |
| ಯೆಶಾಯನ ೪೫:4 |
| ಯೆಶಾಯನ ೪೫:5 |
| ಯೆಶಾಯನ ೪೫:6 |
| ಯೆಶಾಯನ ೪೫:7 |
| ಯೆಶಾಯನ ೪೫:8 |
| ಯೆಶಾಯನ ೪೫:9 |
| ಯೆಶಾಯನ ೪೫:10 |
| ಯೆಶಾಯನ ೪೫:11 |
| ಯೆಶಾಯನ ೪೫:12 |
| ಯೆಶಾಯನ ೪೫:13 |
| ಯೆಶಾಯನ ೪೫:14 |
| ಯೆಶಾಯನ ೪೫:15 |
| ಯೆಶಾಯನ ೪೫:16 |
| ಯೆಶಾಯನ ೪೫:17 |
| ಯೆಶಾಯನ ೪೫:18 |
| ಯೆಶಾಯನ ೪೫:19 |
| ಯೆಶಾಯನ ೪೫:20 |
| ಯೆಶಾಯನ ೪೫:21 |
| ಯೆಶಾಯನ ೪೫:22 |
| ಯೆಶಾಯನ ೪೫:23 |
| ಯೆಶಾಯನ ೪೫:24 |
| ಯೆಶಾಯನ ೪೫:25 |
| ಯೆಶಾಯನ 1 / ಯೆಶ 1 |
| ಯೆಶಾಯನ 2 / ಯೆಶ 2 |
| ಯೆಶಾಯನ 3 / ಯೆಶ 3 |
| ಯೆಶಾಯನ 4 / ಯೆಶ 4 |
| ಯೆಶಾಯನ 5 / ಯೆಶ 5 |
| ಯೆಶಾಯನ 6 / ಯೆಶ 6 |
| ಯೆಶಾಯನ 7 / ಯೆಶ 7 |
| ಯೆಶಾಯನ 8 / ಯೆಶ 8 |
| ಯೆಶಾಯನ 9 / ಯೆಶ 9 |
| ಯೆಶಾಯನ 10 / ಯೆಶ 10 |
| ಯೆಶಾಯನ 11 / ಯೆಶ 11 |
| ಯೆಶಾಯನ 12 / ಯೆಶ 12 |
| ಯೆಶಾಯನ 13 / ಯೆಶ 13 |
| ಯೆಶಾಯನ 14 / ಯೆಶ 14 |
| ಯೆಶಾಯನ 15 / ಯೆಶ 15 |
| ಯೆಶಾಯನ 16 / ಯೆಶ 16 |
| ಯೆಶಾಯನ 17 / ಯೆಶ 17 |
| ಯೆಶಾಯನ 18 / ಯೆಶ 18 |
| ಯೆಶಾಯನ 19 / ಯೆಶ 19 |
| ಯೆಶಾಯನ 20 / ಯೆಶ 20 |
| ಯೆಶಾಯನ 21 / ಯೆಶ 21 |
| ಯೆಶಾಯನ 22 / ಯೆಶ 22 |
| ಯೆಶಾಯನ 23 / ಯೆಶ 23 |
| ಯೆಶಾಯನ 24 / ಯೆಶ 24 |
| ಯೆಶಾಯನ 25 / ಯೆಶ 25 |
| ಯೆಶಾಯನ 26 / ಯೆಶ 26 |
| ಯೆಶಾಯನ 27 / ಯೆಶ 27 |
| ಯೆಶಾಯನ 28 / ಯೆಶ 28 |
| ಯೆಶಾಯನ 29 / ಯೆಶ 29 |
| ಯೆಶಾಯನ 30 / ಯೆಶ 30 |
| ಯೆಶಾಯನ 31 / ಯೆಶ 31 |
| ಯೆಶಾಯನ 32 / ಯೆಶ 32 |
| ಯೆಶಾಯನ 33 / ಯೆಶ 33 |
| ಯೆಶಾಯನ 34 / ಯೆಶ 34 |
| ಯೆಶಾಯನ 35 / ಯೆಶ 35 |
| ಯೆಶಾಯನ 36 / ಯೆಶ 36 |
| ಯೆಶಾಯನ 37 / ಯೆಶ 37 |
| ಯೆಶಾಯನ 38 / ಯೆಶ 38 |
| ಯೆಶಾಯನ 39 / ಯೆಶ 39 |
| ಯೆಶಾಯನ 40 / ಯೆಶ 40 |
| ಯೆಶಾಯನ 41 / ಯೆಶ 41 |
| ಯೆಶಾಯನ 42 / ಯೆಶ 42 |
| ಯೆಶಾಯನ 43 / ಯೆಶ 43 |
| ಯೆಶಾಯನ 44 / ಯೆಶ 44 |
| ಯೆಶಾಯನ 45 / ಯೆಶ 45 |
| ಯೆಶಾಯನ 46 / ಯೆಶ 46 |
| ಯೆಶಾಯನ 47 / ಯೆಶ 47 |
| ಯೆಶಾಯನ 48 / ಯೆಶ 48 |
| ಯೆಶಾಯನ 49 / ಯೆಶ 49 |
| ಯೆಶಾಯನ 50 / ಯೆಶ 50 |
| ಯೆಶಾಯನ 51 / ಯೆಶ 51 |
| ಯೆಶಾಯನ 52 / ಯೆಶ 52 |
| ಯೆಶಾಯನ 53 / ಯೆಶ 53 |
| ಯೆಶಾಯನ 54 / ಯೆಶ 54 |
| ಯೆಶಾಯನ 55 / ಯೆಶ 55 |
| ಯೆಶಾಯನ 56 / ಯೆಶ 56 |
| ಯೆಶಾಯನ 57 / ಯೆಶ 57 |
| ಯೆಶಾಯನ 58 / ಯೆಶ 58 |
| ಯೆಶಾಯನ 59 / ಯೆಶ 59 |
| ಯೆಶಾಯನ 60 / ಯೆಶ 60 |
| ಯೆಶಾಯನ 61 / ಯೆಶ 61 |
| ಯೆಶಾಯನ 62 / ಯೆಶ 62 |
| ಯೆಶಾಯನ 63 / ಯೆಶ 63 |
| ಯೆಶಾಯನ 64 / ಯೆಶ 64 |
| ಯೆಶಾಯನ 65 / ಯೆಶ 65 |
| ಯೆಶಾಯನ 66 / ಯೆಶ 66 |
|
|
|
|
|
|
|
|
|
|