| ೧ |
| “ಸುಗಂಧದ್ರವ್ಯಗಳಿಂದ ಧೂಪ ಹಾಕುವುದಕ್ಕಾಗಿ ಜಾಲೀಮರದ ಒಂದು ವೇದಿಕೆಯನ್ನು ಮಾಡಿಸು. |
| ೨ |
| ಅದು ಒಂದು ಮೊಳ ಉದ್ದ ಹಾಗು ಒಂದು ಮೊಳ ಅಗಲವಾಗಿದ್ದು ಚಚ್ಚೌಕವಾಗಿರಲಿ. ಅದರ ಎತ್ತರ ಎರಡು ಮೊಳವಿರಲಿ. ಅದರ ಕೊಂಬುಗಳು ಅದರ ಅಂಗಾಂಗವಾಗಿರಲಿ. |
| ೩ |
| ಅದರ ಮೇಲ್ಭಾಗಕ್ಕೂ, ನಾಲ್ಕು ಪಕ್ಕಗಳಿಗೂ ಹಾಗು ಕೊಂಬುಗಳಿಗೂ ಚೊಕ್ಕಬಂಗಾರದ ತಗಡುಗಳನ್ನು ಹೊದಿಸಬೇಕು. ಸುತ್ತಲು ಚಿನ್ನದ ತೋರಣ ಕಟ್ಟಿಸಬೇಕು. |
| ೪ |
| ಅದರ ಕೆಳಗೆ ವೇದಿಕೆಯ ಎರಡು ಪಕ್ಕಗಳಲ್ಲಿ ಎರಡೆರಡು ಚಿನ್ನದ ಬಳೆಗಳನ್ನು ಮೂಲೆಗಳಲ್ಲಿಯೇ ಹಾಕಿಸಬೇಕು. ವೇದಿಕೆಯನ್ನು ಹೊರುವುದಕ್ಕೆ ಗುದಿಗೆಗಳನ್ನು ಅವುಗಳಲ್ಲಿ ಸೇರಿಸಬೇಕು. |
| ೫ |
| ಆ ಗುದಿಗೆಗಳನ್ನು ಜಾಲೀಮರದಿಂದ ಮಾಡಿಸಿ ಅವುಗಳಿಗೆ ಚಿನ್ನದ ತಗಡುಗಳನ್ನು ಹೊದಿಸಬೇಕು. |
| ೬ |
| ಆಜ್ಞಾಶಾಸನಗಳಿರುವ ಮಂಜೂಷದ ಮುಂದೆ ಇರುವ ತೆರೆಗೆ ಎದುರಾಗಿ ಅಂದರೆ ಆಜ್ಞಾಶಾಸನಗಳ ಮೇಲಿರುವಂಥ ಹಾಗು ನಾನು ನಿನಗೆ ದರ್ಶನ ಕೊಡುವಂಥ ಕೃಪಾಸನದ ಮುಂದೆ ಅದನ್ನು ಇರಿಸಬೇಕು. |
| ೭ |
| ಆರೋನನು ಪ್ರತಿನಿತ್ಯವು ಬೆಳಿಗ್ಗೆ ದೀಪಗಳನ್ನು ಸರಿಪಡಿಸುವಾಗ ಹಾಗು ಸಂಜೆದೀಪಗಳನ್ನು ಹೊತ್ತಿಸುವಾಗ ಆ ವೇದಿಕೆಯ ಮೇಲೆ ಸುಗಂಧದ್ರವ್ಯಗಳಿಂದ ಧೂಪವನ್ನು ಹಾಕಬೇಕು. |
| ೮ |
| ಹೀಗೆ ನಿಮ್ಮಿಂದ ಮತ್ತು ನಿಮ್ಮ ಸಂತತಿಯವರಿಂದ ಸರ್ವೇಶ್ವರನಾದ ನನ್ನ ಸನ್ನಿಧಿಯಲ್ಲಿ ಎಡೆಬಿಡದೆ ಧೂಪಾರ್ಪಣೆ ಇರಬೇಕು. |
| ೯ |
| ಆ ವೇದಿಕೆಯ ಮೇಲೆ ಬೇರೆ ಯಾವ ಅಪವಿತ್ರ ಧೂಪವನ್ನೂ ಹಾಕಕೂಡದು. ಅದರ ಮೇಲೆ ದಹನಬಲಿಯನ್ನಾಗಲಿ, ಅನ್ನಪಾನ ದ್ರವ್ಯಗಳನ್ನಾಗಲಿ ಅರ್ಪಿಸಕೂಡದು. |
| ೧೦ |
| ಆರೋನನು ಮತ್ತು ಅವನ ಸಂತತಿಯವರು ವರ್ಷಕ್ಕೊಮ್ಮೆ ಪಾಪಪರಿಹಾರಕ ಯಜ್ಞಪಶುವಿನ ರಕ್ತವನ್ನು ಆ ವೇದಿಕೆಯ ಕೊಂಬುಗಳಿಗೆ ಹಚ್ಚಿ ಅದರ ವಿಷಯವಾಗಿ ದೋಷಪರಿಹಾರವನ್ನು ಮಾಡಬೇಕು. ಅದು ಸರ್ವೇಶ್ವರನಾದ ನನಗೆ ಪರಮ ಪವಿತ್ರವಾದುದು. |
| ೧೧ |
| ಸರ್ವೇಶ್ವರ ಸ್ವಾಮಿ ಮೋಶೆಗೆ ಹೀಗೆಂದು ಹೇಳಿದರು: |
| ೧೨ |
| “ನೀನು ಇಸ್ರಯೇಲರ ಜನಗಣತಿ ಮಾಡುವಾಗ ಲೆಕ್ಕಿಸಬೇಕಾದ ಪ್ರತಿಯೊಬ್ಬನು ತನ್ನ ತನ್ನ ಪ್ರಾಣಕ್ಕೆ ಈಡಾಗಿ ಸರ್ವೇಶ್ವರನಾದ ನನಗೆ ತೆರಿಗೆಯನ್ನು ಕೊಡಬೇಕು. ಆಗ ಅವರಿಗೆ ಯಾವ ವಿಪತ್ತು ಸಂಭವಿಸದು. |
| ೧೩ |
| ಲೆಕ್ಕಿತರಾದವರಲ್ಲಿ ಪ್ರತಿಯೊಬ್ಬನು ನನಗೆ ಅರ್ಧ ಶೆಕೆಲ್‍ ನಾಣ್ಯದ ಮೇರೆಗೆ ತೆರಿಗೆ ಕಟ್ಟಬೇಕು. ದೇವರ ಸೇವೆಗೆ ನೇಮಕವಾದ ಇಪ್ಪತ್ತು ‘ಗೇರಾ’ ತೂಕದ ನಾಣ್ಯದ ಮೇರೆಗೆ ಅರ್ಧರ್ಧ ನಾಣ್ಯವನ್ನು ತೆರಿಗೆಯಾಗಿ ಕೊಡಬೇಕು. |
| ೧೪ |
| ಜನಗಣತಿಯಲ್ಲಿ ಸೇರಿಸಲಾದ ಇಪ್ಪತ್ತು ವರ್ಷದ ಹಾಗು ಅದಕ್ಕೂ ಹೆಚ್ಚು ವಯಸ್ಸಿನವರು ಈ ತೆರಿಗೆಯನ್ನು ನನಗೆ ಕಟ್ಟಬೇಕು. |
| ೧೫ |
| ಪ್ರಾಣರಕ್ಷಣೆಯ ಈ ತೆರಿಗೆಯನ್ನು ನನಗೆ ಕೊಡುವವರಲ್ಲಿ ಐಶ್ವರ್ಯವಂತರು ಅರ್ಧನಾಣ್ಯಕ್ಕಿಂತ ಹೆಚ್ಚು ಕೊಡಬಾರದು; ಬಡವರು ಕಮ್ಮಿ ಕೊಡಬಾರದು. |
| ೧೬ |
| ಪ್ರಾಣರಕ್ಷಣೆಯ ಈ ಹಣವನ್ನು ನೀನು ಇಸ್ರಯೇಲರಿಂದ ಶೇಖರಿಸಿ ದೇವದರ್ಶನದ ಗುಡಾರದ ಸೇವೆಗೆ ಉಪಯೋಗಿಸು. ಇಸ್ರಯೇಲರ ಪ್ರಾಣವನ್ನು ಉಳಿಸಬೇಕೆಂಬುದಾಗಿ ಈ ತೆರಿಗೆ ಸರ್ವೇಶ್ವರನಾದ ನನ್ನ ಸನ್ನಿಧಿಯಲ್ಲಿ ಜ್ಞಾಪಕಪಡಿಸುವುದು.” |
| ೧೭ |
| ಸರ್ವೇಶ್ವರ ಮೋಶೆಗೆ ಮತ್ತೆ ಹೀಗೆಂದರು: |
| ೧೮ |
| “ಸ್ನಾನಕ್ಕಾಗಿ ಒಂದು ತಾಮ್ರದ ತೊಟ್ಟಿಯನ್ನು ಕಟ್ಟಿಸು. ಅದನ್ನು ಇಡಲು ಒಂದು ತಾಮ್ರದ ಪೀಠವನ್ನು ಮಾಡಿಸು. ದೇವದರ್ಶನದ ಗುಡಾರಕ್ಕೂ ಬಲಿಪೀಠಕ್ಕೂ ನಡುವೆ ಅದನ್ನಿಟ್ಟು ಅದರಲ್ಲಿ ನೀರನ್ನು ತುಂಬಿಸಿಡಬೇಕು. |
| ೧೯ |
| ಆರೋನನು ಮತ್ತು ಅವನ ಮಕ್ಕಳು ಅದರಿಂದ ಕೈಕಾಲುಗಳನ್ನು ತೊಳೆದುಕೊಳ್ಳಬೇಕು. |
| ೨೦ |
| ಅವರು ದೇವದರ್ಶನದ ಗುಡಾರಕ್ಕೆ ಹೋಗುವಾಗಲೆಲ್ಲಾ ಆ ನೀರಿನಿಂದ ಕೈಕಾಲುಗಳನ್ನು ತೊಳೆದುಕೊಂಡು ಹೋಗಬೇಕು. ತೊಳೆಯದೆ ಹೋದರೆ ಸಾಯುವರು. ಹಾಗೆಯೇ ಅವರು ದೇವರ ಸೇವೆಗೈಯುವವರಾಗಿ ಸರ್ವೇಶ್ವರನಾದ ನನಗೆ ದಹನ ಬಲಿಯರ್ಪಿಸಲು ಬಲಿಪೀಠದ ಬಳಿಗೆ ಬರುವಾಗಲೂ ಕೈಕಾಲುಗಳನ್ನು ತೊಳೆದುಕೊಂಡು ಬರಬೇಕು. |
| ೨೧ |
| ತೊಳೆದುಕೊಳ್ಳದೆ ಬಂದರೆ ಸಾಯುವರು. ಇದು ಅವನಿಗೂ ಅವನ ಸಂತತಿಯವರಿಗೂ ಶಾಶ್ವತವಾದ ನಿಯಮ. |
| ೨೨ |
| ಇದೂ ಅಲ್ಲದೆ ಸರ್ವೇಶ್ವರ ಮೋಶೆಗೆ ಇಂತೆಂದರು: |
| ೨೩ |
| “ಸುಗಂಧ ದ್ರವ್ಯಗಳಲ್ಲಿ ದೇವರ ಸೇವೆಗೆ ನೇಮಕವಾದ ತೂಕದ ಮೇರೆಗೆ ಆರು ಕಿಲೋಗ್ರಾಂ ಅಚ್ಚರಕ್ತಬೋಳ, ಮೂರು ಕಿಲೋಗ್ರಾಂ ಶ್ರೇಷ್ಠವಾದ ಲವಂಗಚಕ್ಕೆ, ಮೂರು ಕಿಲೋಗ್ರಾಂ ಸುಗಂಧವಾದ ಬಜೆ ಹಾಗು ಆರು ಕಿಲೋಗ್ರಾಂ ದಾಲ್ಚಿನ್ನಿಯನ್ನು ತೆಗೆದುಕೊಳ್ಳಬೇಕು. |
| ೨೪ |
| ಅದಕ್ಕೆ ನಾಲ್ಕು ಲೀಟರು ಓಲಿವ್ ಎಣ್ಣೆಯನ್ನು ಕೂಡಿಸಬೇಕು. |
| ೨೫ |
| ಬುಕ್ಕಿಟ್ಟುಗಾರರ ಪದ್ಧತಿಯ ಮೇರೆಗೆ ಇವುಗಳನ್ನು ಮಿಶ್ರಮಾಡಿ ದೇವರ ಸೇವೆಗಾಗಿ ಅಭಿಷೇಕ ತೈಲವನ್ನು ತಯಾರಿಸಬೇಕು. |
| ೨೬ |
| ಅದರಿಂದ ದೇವದರ್ಶನದ ಗುಡಾರ, ಆಜ್ಞಾಶಾಸನಗಳ ಮಂಜೂಷ, ಮೇಜು, ಮೇಜಿನ ಉಪಕರಣಗಳು, |
| ೨೭ |
| ದೀಪವೃಕ್ಷ, ದೀಪವೃಕ್ಷದ ಉಪಕರಣಗಳು, ಧೂಪವೇದಿಕೆ, |
| ೨೮ |
| ಬಲಿಪೀಠ, ಬಲಿಪೀಠದ ಉಪಕರಣಗಳು, ನೀರಿನ ತೊಟ್ಟಿ ಹಾಗು ಅದರ ಪೀಠ ಇವುಗಳನ್ನೆಲ್ಲ ಅಭಿಷೇಕಿಸಬೇಕು. |
| ೨೯ |
| ಅವು ಅತಿ ಪರಿಶುದ್ಧವಾಗುವಂತೆ ಪ್ರತಿಷ್ಠಿಸಬೇಕು. ಅವುಗಳಿಗೆ ಸೋಕಿದ್ದೆಲ್ಲವು ಪರಿಶುದ್ಧವಾಗುವುದು. |
| ೩೦ |
| ಅಲ್ಲದೆ ಆರೋನನು ಅವನ ಮಕ್ಕಳೂ ನನಗೆ ಯಾಜಕರಾಗುವಂತೆ ಅವರನ್ನೂ ಅಭಿಷೇಕಿಸಿ ಪ್ರತಿಷ್ಠಿಸಬೇಕು. |
| ೩೧ |
| ನೀನು ಇಸ್ರಯೇಲರಿಗೆ, ‘ನೀವು ಮತ್ತು ನಿಮ್ಮ ಸಂತತಿಯವರು ಈ ತೈಲವನ್ನು ನನ್ನ ಸೇವೆಗೆ ನೇಮಕವಾದ ಅಭಿಷೇಕ ತೈಲವೆಂದು ತಿಳಿದುಕೊಳ್ಳಬೇಕು. |
| ೩೨ |
| ಮೈಗೆ ಹಚ್ಚಿಕೊಳ್ಳುವುದಕ್ಕೆ ಇದನ್ನು ಉಪಯೋಗಿಸಬಾರದು. ಈ ವಿಧಾನವನ್ನು ಅನುಸರಿಸಿ ಬೇರೆ ಕಾರ್ಯಕ್ಕಾಗಿ ತೈಲವನ್ನು ತಯಾರಿಸಲೇ ಕೂಡದು. ಇದು ದೇವರ ವಸ್ತು. ಇದು ಮೀಸಲೆಂದು ನೀವು ತಿಳಿದುಕೊಳ್ಳಬೇಕು. |
| ೩೩ |
| ಇದರಂತೆ ತೈಲವನ್ನು ಮಾಡುವವನು ಹಾಗು ಇದನ್ನು ಯಾಜಕನಲ್ಲದವನ ಮೇಲೆ ಹಚ್ಚುವವನು ತನ್ನ ಕುಲದಿಂದ ಬಹಿಷ್ಕೃತನಾಗಬೇಕು. |
| ೩೪ |
| ಸರ್ವೇಶ್ವರ ಮೋಶೆಗೆ ಮತ್ತೆ ಆಜ್ಞಾಪಿಸಿದ್ದೇನೆಂದರೆ: “ನೀನು ಹಾಲುಮಡ್ಡಿ, ಗುಗ್ಗುಲ ಹಾಗು ಗಂಧದಚೆಕ್ಕೆ ಎಂಬ ಪರಿಮಳ ದ್ರವ್ಯಗಳನ್ನು ಮತ್ತು ಸ್ವಚ್ಚವಾದ ಧೂಪವನ್ನು ಸಮಭಾಗವಾಗಿ ತೆಗೆದುಕೊಂಡು ಸುವಾಸನೆಯುಳ್ಳ ಬುಕ್ಕಿಟ್ಟಾಗಿರುವಂತೆ |
| ೩೫ |
| ಪರಿಮಳದ್ರವ್ಯಕಾರರು ಮಾಡುವಂತೆ ಕಲಸಿ, ಉಪ್ಪು ಹಾಕಿ, ದೇವರ ಸೇವೆಗೆ ಸ್ವಚ್ಚವಾದ ಧೂಪದ್ರವ್ಯವನ್ನು ಮಾಡಿಸಬೇಕು. |
| ೩೬ |
| ಅದರಲ್ಲಿ ಸ್ವಲ್ಪವನ್ನು ಪುಡಿಮಾಡಿಸಿ ದೇವದರ್ಶನ ಗುಡಾರದೊಳಗೆ ಆಜ್ಞಾಶಾಸನಗಳಿರುವ ಮಂಜೂಷದ ಎದುರಾಗಿ ನಾನು ನಿನಗೆ ದರ್ಶನಕೊಡುವ ಸ್ಥಳದಲ್ಲಿ ಇಡಬೇಕು. |
| ೩೭ |
| ನೀವು ಆ ಧೂಪದ್ರವ್ಯದ ವಿಧಾನದ ಮೇರೆಗೆ ನಿಮ್ಮ ಸ್ವಂತ ಉಪಯೋಗಕ್ಕೋಸ್ಕರ ಧೂಪದ್ರವ್ಯವನ್ನು ಮಾಡಿಸಲೇಬಾರದು. ಅದು ಸರ್ವೇಶ್ವರನಾದ ನನ್ನ ಸೇವೆಗೆ ಮಾತ್ರ ಉಪಯೋಗಿಸಬೇಕಾದ, ಮೀಸಲಾದ ಪದಾರ್ಥವೆಂದು ಭಾವಿಸಬೇಕು. |
| ೩೮ |
| ಕೇವಲ ಸುವಾಸನೆಗಾಗಿ ಅಂಥದ್ದನ್ನು ಮಾಡಿಕೊಳ್ಳುವವನನ್ನು ಅವನ ಕುಲದಿಂದ ಬಹಿಷ್ಕರಿಸಬೇಕು.” |
| Kannada Bible (KNCL) 2016 |
| No Data |
| ವಿಮೋಚನಾಕಾಂಡ ೩೦:1 |
| ವಿಮೋಚನಾಕಾಂಡ ೩೦:2 |
| ವಿಮೋಚನಾಕಾಂಡ ೩೦:3 |
| ವಿಮೋಚನಾಕಾಂಡ ೩೦:4 |
| ವಿಮೋಚನಾಕಾಂಡ ೩೦:5 |
| ವಿಮೋಚನಾಕಾಂಡ ೩೦:6 |
| ವಿಮೋಚನಾಕಾಂಡ ೩೦:7 |
| ವಿಮೋಚನಾಕಾಂಡ ೩೦:8 |
| ವಿಮೋಚನಾಕಾಂಡ ೩೦:9 |
| ವಿಮೋಚನಾಕಾಂಡ ೩೦:10 |
| ವಿಮೋಚನಾಕಾಂಡ ೩೦:11 |
| ವಿಮೋಚನಾಕಾಂಡ ೩೦:12 |
| ವಿಮೋಚನಾಕಾಂಡ ೩೦:13 |
| ವಿಮೋಚನಾಕಾಂಡ ೩೦:14 |
| ವಿಮೋಚನಾಕಾಂಡ ೩೦:15 |
| ವಿಮೋಚನಾಕಾಂಡ ೩೦:16 |
| ವಿಮೋಚನಾಕಾಂಡ ೩೦:17 |
| ವಿಮೋಚನಾಕಾಂಡ ೩೦:18 |
| ವಿಮೋಚನಾಕಾಂಡ ೩೦:19 |
| ವಿಮೋಚನಾಕಾಂಡ ೩೦:20 |
| ವಿಮೋಚನಾಕಾಂಡ ೩೦:21 |
| ವಿಮೋಚನಾಕಾಂಡ ೩೦:22 |
| ವಿಮೋಚನಾಕಾಂಡ ೩೦:23 |
| ವಿಮೋಚನಾಕಾಂಡ ೩೦:24 |
| ವಿಮೋಚನಾಕಾಂಡ ೩೦:25 |
| ವಿಮೋಚನಾಕಾಂಡ ೩೦:26 |
| ವಿಮೋಚನಾಕಾಂಡ ೩೦:27 |
| ವಿಮೋಚನಾಕಾಂಡ ೩೦:28 |
| ವಿಮೋಚನಾಕಾಂಡ ೩೦:29 |
| ವಿಮೋಚನಾಕಾಂಡ ೩೦:30 |
| ವಿಮೋಚನಾಕಾಂಡ ೩೦:31 |
| ವಿಮೋಚನಾಕಾಂಡ ೩೦:32 |
| ವಿಮೋಚನಾಕಾಂಡ ೩೦:33 |
| ವಿಮೋಚನಾಕಾಂಡ ೩೦:34 |
| ವಿಮೋಚನಾಕಾಂಡ ೩೦:35 |
| ವಿಮೋಚನಾಕಾಂಡ ೩೦:36 |
| ವಿಮೋಚನಾಕಾಂಡ ೩೦:37 |
| ವಿಮೋಚನಾಕಾಂಡ ೩೦:38 |
| ವಿಮೋಚನಾಕಾಂಡ 1 / ವಿಮೋ 1 |
| ವಿಮೋಚನಾಕಾಂಡ 2 / ವಿಮೋ 2 |
| ವಿಮೋಚನಾಕಾಂಡ 3 / ವಿಮೋ 3 |
| ವಿಮೋಚನಾಕಾಂಡ 4 / ವಿಮೋ 4 |
| ವಿಮೋಚನಾಕಾಂಡ 5 / ವಿಮೋ 5 |
| ವಿಮೋಚನಾಕಾಂಡ 6 / ವಿಮೋ 6 |
| ವಿಮೋಚನಾಕಾಂಡ 7 / ವಿಮೋ 7 |
| ವಿಮೋಚನಾಕಾಂಡ 8 / ವಿಮೋ 8 |
| ವಿಮೋಚನಾಕಾಂಡ 9 / ವಿಮೋ 9 |
| ವಿಮೋಚನಾಕಾಂಡ 10 / ವಿಮೋ 10 |
| ವಿಮೋಚನಾಕಾಂಡ 11 / ವಿಮೋ 11 |
| ವಿಮೋಚನಾಕಾಂಡ 12 / ವಿಮೋ 12 |
| ವಿಮೋಚನಾಕಾಂಡ 13 / ವಿಮೋ 13 |
| ವಿಮೋಚನಾಕಾಂಡ 14 / ವಿಮೋ 14 |
| ವಿಮೋಚನಾಕಾಂಡ 15 / ವಿಮೋ 15 |
| ವಿಮೋಚನಾಕಾಂಡ 16 / ವಿಮೋ 16 |
| ವಿಮೋಚನಾಕಾಂಡ 17 / ವಿಮೋ 17 |
| ವಿಮೋಚನಾಕಾಂಡ 18 / ವಿಮೋ 18 |
| ವಿಮೋಚನಾಕಾಂಡ 19 / ವಿಮೋ 19 |
| ವಿಮೋಚನಾಕಾಂಡ 20 / ವಿಮೋ 20 |
| ವಿಮೋಚನಾಕಾಂಡ 21 / ವಿಮೋ 21 |
| ವಿಮೋಚನಾಕಾಂಡ 22 / ವಿಮೋ 22 |
| ವಿಮೋಚನಾಕಾಂಡ 23 / ವಿಮೋ 23 |
| ವಿಮೋಚನಾಕಾಂಡ 24 / ವಿಮೋ 24 |
| ವಿಮೋಚನಾಕಾಂಡ 25 / ವಿಮೋ 25 |
| ವಿಮೋಚನಾಕಾಂಡ 26 / ವಿಮೋ 26 |
| ವಿಮೋಚನಾಕಾಂಡ 27 / ವಿಮೋ 27 |
| ವಿಮೋಚನಾಕಾಂಡ 28 / ವಿಮೋ 28 |
| ವಿಮೋಚನಾಕಾಂಡ 29 / ವಿಮೋ 29 |
| ವಿಮೋಚನಾಕಾಂಡ 30 / ವಿಮೋ 30 |
| ವಿಮೋಚನಾಕಾಂಡ 31 / ವಿಮೋ 31 |
| ವಿಮೋಚನಾಕಾಂಡ 32 / ವಿಮೋ 32 |
| ವಿಮೋಚನಾಕಾಂಡ 33 / ವಿಮೋ 33 |
| ವಿಮೋಚನಾಕಾಂಡ 34 / ವಿಮೋ 34 |
| ವಿಮೋಚನಾಕಾಂಡ 35 / ವಿಮೋ 35 |
| ವಿಮೋಚನಾಕಾಂಡ 36 / ವಿಮೋ 36 |
| ವಿಮೋಚನಾಕಾಂಡ 37 / ವಿಮೋ 37 |
| ವಿಮೋಚನಾಕಾಂಡ 38 / ವಿಮೋ 38 |
| ವಿಮೋಚನಾಕಾಂಡ 39 / ವಿಮೋ 39 |
| ವಿಮೋಚನಾಕಾಂಡ 40 / ವಿಮೋ 40 |
|
|
|
|
|
|
|
|
|
|