| ೧ |
| ಆಗ ಜೋಸೆಫನು ತನ್ನ ತಂದೆಯ ಶವದ ಮೇಲೆ ಬಿದ್ದು, ಕಣ್ಣೀರು ಇಡುತ್ತಾ, ಅವರಿಗೆ ಮುದ್ದಿಟ್ಟನು. |
| ೨ |
| ತರುವಾಯ ತನ್ನ ಸೇವಕರಲ್ಲಿ ಶವಲೇಪಕರಾದವರಿಗೆ, “ನನ್ನ ತಂದೆಯ ಶವವನ್ನು ಸುಗಂಧ ದ್ರವ್ಯಗಳಿಂದ ಲೇಪಿಸಿ ಸಿದ್ಧಪಡಿಸಿರಿ,” ಎಂದು ಅಪ್ಪಣೆಕೊಟ್ಟನು. ಅವರು ಹಾಗೆಯೇ ಮಾಡಿದರು. |
| ೩ |
| ಪದ್ಧತಿಯ ಪ್ರಕಾರ ನಲವತ್ತು ದಿನಗಳು ಸುಗಂಧ ದ್ರವ್ಯಗಳನ್ನು ಲೇಪಿಸಬೇಕಾಗಿತ್ತು. ಅಷ್ಟು ದಿನಗಳವರೆಗೂ ಅವನಿಗೋಸ್ಕರ ಈಜಿಪ್ಟಿನವರಿಂದ ಶೋಕಾಚರಣೆ ಇತ್ತು. |
| ೪ |
| ದುಃಖದ ದಿನಗಳು ಕಳೆದ ನಂತರ ಜೋಸೆಫನು ಫರೋಹನ ಪರಿವಾರದವರಿಗೆ, “ದಯವಿಟ್ಟು ನೀವು ಫರೋಹನ ಬಳಿಗೆ ಹೋಗಿ ಈ ವಿಷಯವನ್ನು ಮನಮುಟ್ಟುವಂತೆ ಮಾಡಿ: |
| ೫ |
| ನನ್ನ ತಂದೆಯವರು ತಾವು ಕಾನಾನ್ ನಾಡಿನಲ್ಲಿ ಸಿದ್ಧಮಾಡಿಕೊಂಡಿರುವ ಸ್ಥಳದಲ್ಲಿಯೇ ತಮಗೆ ಸಮಾಧಿಮಾಡಬೇಕೆಂದು ಸಾಯುವುದಕ್ಕೆ ಮೊದಲೇ ನನ್ನಿಂದ ಪ್ರಮಾಣ ಮಾಡಿಸಿದರು. ಆದ್ದರಿಂದ ನಾನು ಹೋಗಿ ತಂದೆಯನ್ನು ಸಮಾಧಿಮಾಡಿ ಬರುವುದಕ್ಕೆ ಅಪ್ಪಣೆಯಾಗಬೇಕೆಂದು ವಿನಂತಿಸುತ್ತಿದ್ದೇನೆ,” ಎಂದನು. |
| ೬ |
| ಫರೋಹನು ಈ ಸಂಗತಿಯನ್ನು ಕೇಳಿ ಜೋಸೆಫನಿಗೆ, “ನಿನ್ನ ತಂದೆ ಪ್ರಮಾಣ ಮಾಡಿಸಿದ ಮೇರೆಗೆ ನೀನು ಹೋಗಿ ಅವನಿಗೆ ಸಮಾಧಿಮಾಡಿ ಬರಬಹುದು,” ಎಂದು ಅಪ್ಪಣೆಕೊಟ್ಟನು. |
| ೭ |
| ಜೋಸೆಫನು ತಂದೆಯನ್ನು ಸಮಾಧಿಮಾಡಲು ಹೊರಟುಹೋದಾಗ, ಅವನ ಜೊತೆಯಲ್ಲಿ ಫರೋಹನ ಪರಿವಾರದವರೆಲ್ಲರು, ಅರಮನೆಯ ಮುಖಂಡರು, ಈಜಿಪ್ಟಿನ ಮುಖ್ಯಸ್ಥರೆಲ್ಲರು, |
| ೮ |
| ಜೋಸೆಫನ ಮನೆಯವರೆಲ್ಲರು, ಅಣ್ಣತಮ್ಮಂದಿರು, ತಂದೆಯ ಮನೆಯವರೆಲ್ಲರು ಹೋದರು. ತಮ್ಮ ಮಡದಿಮಕ್ಕಳನ್ನೂ ಕುರಿದನಗಳನ್ನೂ ಮಾತ್ರ ಗೋಷೆನ್ ಪ್ರಾಂತ್ಯದಲ್ಲಿ ಬಿಟ್ಟುಹೋದರು. |
| ೯ |
| ಅವನ ಸಂಗಡ ರಥಗಳೂ ಕುದುರೆಸವಾರರೂ ಸಹ ಇದ್ದರು. ಹೀಗೆ ದೊಡ್ಡ ಜನಸಮೂಹವೇ ಅವನೊಂದಿಗೆ ಹೋಯಿತು. |
| ೧೦ |
| ಅವರು ಜೋರ್ಡನ್ ನದಿಯಿಂದಾಚೆ ಇರುವ ಆಟಾದ್ ಎಂಬ ಕಣಕ್ಕೆ ಬಂದು ಅಲ್ಲಿ ಅತ್ಯಧಿಕವಾಗಿ ಗೋಳಾಡಿದರು; ಜೋಸೆಫನು ತನ್ನ ತಂದೆಗೋಸ್ಕರ ಏಳು ದಿನದ ಶೋಕಾಚರಣೆಯನ್ನು ಏರ್ಪಡಿಸಿದನು. |
| ೧೧ |
| ಆ ನಾಡಿನ ಜನರಾದ ಕಾನಾನ್ಯರು ಆಟಾದ್ ಕಣದಲ್ಲಿ ನಡೆದ ಶೋಕಾಚರಣೆಯನ್ನು ನೋಡಿ, “ಈಜಿಪ್ಟಿನವರಿಗೆ ಒದಗಿ ಇರುವ ಈ ಶೋಕ ಬಹು ವಿಶೇಷವಾದುದು!” ಎಂದರು. ಈ ಕಾರಣ ಜೋರ್ಡನ್ ನದಿಯಾಚೆ ಇರುವ ಆ ಸ್ಥಳಕ್ಕೆ ‘ಆಬೇಲ್ ಮಿಚ್ರಯೀಮ್’ ಎಂದು ಹೆಸರಾಯಿತು. |
| ೧೨ |
| ಯಕೋಬನ ಮಕ್ಕಳು ತಂದೆಯ ಅಪ್ಪಣೆಯಂತೆ |
| ೧೩ |
| ಅವನ ಶವವನ್ನು ಕಾನಾನ್ ನಾಡಿಗೆ ಹೊತ್ತುಕೊಂಡು ಹೋಗಿ ಮಕ್ಪೇಲ ಎಂಬ ಬಯಲಿನಲ್ಲಿರುವ ಗವಿಯೊಳಗೆ ಸಮಾಧಿಮಾಡಿದರು. ಅಬ್ರಹಾಮನು ಹಿತ್ತಿಯನಾದ ಎಫ್ರೋನನಿಂದ ಮಮ್ರೆಗೆದುರಿನಲ್ಲಿರುವ ಆ ಗವಿಯನ್ನು ಸುತ್ತಲು ಇರುವ ಭೂಮಿ ಸಮೇತ, ಸ್ವಂತ ಸ್ಮಶಾನಭೂಮಿಗಾಗಿ ಕೊಂಡುಕೊಂಡಿದ್ದನು. |
| ೧೪ |
| ತಂದೆಯನ್ನು ಸಮಾಧಿಮಾಡಿದ ಮೇಲೆ ಜೋಸೆಫನೂ ಅವನ ಅಣ್ಣತಮ್ಮಂದಿರೂ ಆ ಶವಸಂಸ್ಕಾರಕ್ಕಾಗಿ ಅವನ ಜೊತೆಯಲ್ಲಿ ಹೋಗಿದ್ದ ಎಲ್ಲರೂ ಈಜಿಪ್ಟಿಗೆ ಹಿಂದಿರುಗಿದರು. |
| ೧೫ |
| ತಂದೆ ಸತ್ತ ಬಳಿಕ ಜೋಸೆಫನ ಅಣ್ಣತಮ್ಮಂದಿರು, “ಜೋಸೆಫನು ಬಹುಶಃ ನಮ್ಮನ್ನು ದ್ವೇಷಿಸಿಯಾನು! ನಾವು ಅವನಿಗೆ ಮಾಡಿದ ಎಲ್ಲ ಹಾನಿಗೆ ಪ್ರತಿಯಾಗಿ ಶಿಕ್ಷಿಸಿಯಾನು,” ಎಂದು ತಮ್ಮತಮ್ಮೊಳಗೆ ಮಾತನಾಡಿಕೊಂಡರು. |
| ೧೬ |
| ಆದುದರಿಂದ ಜೋಸೆಫನಿಗೆ ಹೀಗೆಂದು ಹೇಳಿಕಳಿಸಿದರು: “ನಿನ್ನ ತಂದೆ ಸಾಯುವುದಕ್ಕೆ ಮುಂಚೆ ನಮಗೆ ಅಪ್ಪಣೆಮಾಡಿದ್ದೇನೆಂದರೆ - |
| ೧೭ |
| ‘ನೀವು ಜೋಸೆಫನಿಗೆ - ನಿನ್ನ ಅಣ್ಣಂದಿರಾದ ನಾವು ನಿನಗೆ ಹಾನಿಮಾಡಿದ್ದೇನೋ ನಿಜ; ಆದರೂ ನಮ್ಮ ಅಪರಾಧವನ್ನು, ಪಾಪವನ್ನು ಕ್ಷಮಿಸು - ಎಂದು ಕೇಳಿಕೊಳ್ಳಬೇಕು, ಅವರು ಹೀಗೆ ವಿಧಿಸಿದ್ದರಿಂದ ನಾವು ಮಾಡಿದ ಅಪರಾಧವನ್ನು ಈಗ ನೀನು ಕ್ಷಮಿಸಬೇಕೆಂದು ಬೇಡಿಕೊಳ್ಳುತ್ತಿದ್ದೇವೆ.” ಈ ಮಾತುಗಳನ್ನು ಕೇಳಿ ಜೋಸೆಫನು ಕಣ್ಣೀರು ಸುರಿಸಿದನು. |
| ೧೮ |
| ಇದೂ ಅಲ್ಲದೆ, ಅಣ್ಣಂದಿರು ತಾವೇ ಬಂದು ಅವನಿಗೆ ಅಡ್ಡಬಿದ್ದರು. “ಇಗೋ, ನಾವು ನಿನಗೆ ಗುಲಾಮರು,” ಎಂದು ಹೇಳಿದರು. |
| ೧೯ |
| ಆದರೆ ಜೋಸೆಪನು ಅವರಿಗೆ, “ಹೆದರಬೇಡಿ; ನಾನು ದೇವರ ಸ್ಥಾನದಲ್ಲಿ ಇಲ್ಲ; |
| ೨೦ |
| ನೀವೇನೋ ನನಗೆ ಹಾನಿಮಾಡಬೇಕೆಂದು ಎಣಿಸಿದರು. ಆದರೆ ದೇವರು ಒಳಿತಾಗಬೇಕೆಂದು ಸಂಕಲ್ಪಿಸಿದರು; ಇದರಿಂದ ಅನೇಕ ಜನರ ಪ್ರಾಣ ಉಳಿಯುವಂತೆ ಮಾಡಿದರು. ಇಂದಿಗೂ ಈ ಕಾರ್ಯ ನಡೆಯುತ್ತಿದೆ. |
| ೨೧ |
| ಆದುದರಿಂದ ನೀವು ಸ್ವಲ್ಪವೂ ಸಂಕೋಚಪಡಬೇಕಾಗಿಲ್ಲ. ನಾನು ನಿಮ್ಮನ್ನೂ ನಿಮಗೆ ಸೇರಿದ ಎಲ್ಲರನ್ನೂ ಪೋಷಿಸುತ್ತೇನೆ,” ಎಂದು ಹೇಳಿ ಅವರನ್ನು ಸಂತೈಸಿ, ಅವರ ಸಂಗಡ ಪ್ರೀತಿಯಿಂದ ಮಾತಾಡಿದನು. |
| ೨೨ |
| ಜೋಸೆಫನೂ ಅವನ ತಂದೆಯ ಕುಟುಂಬದವರೂ ಈಜಿಪ್ಟಿನಲ್ಲಿ ವಾಸಮಾಡುತ್ತಾ ಬಂದರು. ಜೋಸೆಫನು ನೂರಹತ್ತು ವರ್ಷ ಬದುಕಿದ್ದನು; |
| ೨೩ |
| ಎಫ್ರಯಿಮನ ಮಕ್ಕಳ ಮೊಮ್ಮಕ್ಕಳನ್ನೂ ನೋಡಿದನು. ಮನಸ್ಸೆಯ ಮಗನಾದ ಮಾಕೀರನಿಗೂ ಮಕ್ಕಳು ಹುಟ್ಟಿದಾಗ ಜೋಸೆಫನು ಅವರನ್ನೂ ತನ್ನ ಮಡಲಿಗೆ ಬರಮಾಡಿಕೊಂಡನು. |
| ೨೪ |
| ಜೋಸೆಫನು ತನ್ನ ಅಣ್ಣತಮ್ಮಂದಿರಿಗೆ, “ನನ್ನ ಮರಣಕಾಲವು ಸಮೀಪಿಸಿತು. ಆದರೆ ದೇವರು ನಿಶ್ಚಯವಾಗಿ ನಿಮ್ಮನ್ನು ಕಾಪಾಡಲು ಬರುವರು; ತಾವು ಅಬ್ರಹಾಮ್, ಇಸಾಕ್, ಯಕೋಬರಿಗೆ ಕೊಡುವುದಾಗಿ ವಾಗ್ದಾನಮಾಡಿರುವ ನಾಡಿಗೆ ನೀವು ಹೋಗಿ ಸೇರುವಂತೆ ಮಾಡುವರು,” ಎಂದು ಹೇಳಿದನು. |
| ೨೫ |
| ಇದೂ ಅಲ್ಲದೆ ಜೋಸೆಫನು ಆ ಇಸ್ರಯೇಲನ ಮಕ್ಕಳಿಗೆ, “ದೇವರು ನಿಸ್ಸಂದೇಹವಾಗಿ ನಿಮ್ಮನ್ನು ಕಾಪಾಡಲು ಬರುವರು; ಆಗ ನೀವು ನನ್ನ ಶವವನ್ನು ನಿಮ್ಮ ಸಂಗಡ ಹೊತ್ತುಕೊಂಡು ಹೋಗಬೇಕು,” ಎಂದು ಹೇಳಿ, “ಹಾಗೆಯೇ ಮಾಡುತ್ತೇನೆ,” ಎಂಬುದಾಗಿ ಅವರಿಂದ ಪ್ರಮಾಣ ಮಾಡಿಸಿದನು. |
| ೨೬ |
| ಜೋಸೆಫನು ಈಜಿಪ್ಟ್ ದೇಶದಲ್ಲಿ ತನ್ನ ನೂರಹತ್ತನೇ ವರ್ಷದಲ್ಲಿ ಸತ್ತನು. ಅವನ ಶವಕ್ಕೆ ಸುಗಂಧದ್ರವ್ಯಗಳನ್ನು ಲೇಪಿಸಿ, ಅದನ್ನು ಒಂದು ಪೆಟ್ಟಿಗೆಯಲ್ಲಿ ಇರಿಸಿದರು. |
| Kannada Bible (KNCL) 2016 |
| No Data |
| ಆದಿಕಾಂಡ ೫೦:1 |
| ಆದಿಕಾಂಡ ೫೦:2 |
| ಆದಿಕಾಂಡ ೫೦:3 |
| ಆದಿಕಾಂಡ ೫೦:4 |
| ಆದಿಕಾಂಡ ೫೦:5 |
| ಆದಿಕಾಂಡ ೫೦:6 |
| ಆದಿಕಾಂಡ ೫೦:7 |
| ಆದಿಕಾಂಡ ೫೦:8 |
| ಆದಿಕಾಂಡ ೫೦:9 |
| ಆದಿಕಾಂಡ ೫೦:10 |
| ಆದಿಕಾಂಡ ೫೦:11 |
| ಆದಿಕಾಂಡ ೫೦:12 |
| ಆದಿಕಾಂಡ ೫೦:13 |
| ಆದಿಕಾಂಡ ೫೦:14 |
| ಆದಿಕಾಂಡ ೫೦:15 |
| ಆದಿಕಾಂಡ ೫೦:16 |
| ಆದಿಕಾಂಡ ೫೦:17 |
| ಆದಿಕಾಂಡ ೫೦:18 |
| ಆದಿಕಾಂಡ ೫೦:19 |
| ಆದಿಕಾಂಡ ೫೦:20 |
| ಆದಿಕಾಂಡ ೫೦:21 |
| ಆದಿಕಾಂಡ ೫೦:22 |
| ಆದಿಕಾಂಡ ೫೦:23 |
| ಆದಿಕಾಂಡ ೫೦:24 |
| ಆದಿಕಾಂಡ ೫೦:25 |
| ಆದಿಕಾಂಡ ೫೦:26 |
| ಆದಿಕಾಂಡ 1 / ಆದಿಕಾ 1 |
| ಆದಿಕಾಂಡ 2 / ಆದಿಕಾ 2 |
| ಆದಿಕಾಂಡ 3 / ಆದಿಕಾ 3 |
| ಆದಿಕಾಂಡ 4 / ಆದಿಕಾ 4 |
| ಆದಿಕಾಂಡ 5 / ಆದಿಕಾ 5 |
| ಆದಿಕಾಂಡ 6 / ಆದಿಕಾ 6 |
| ಆದಿಕಾಂಡ 7 / ಆದಿಕಾ 7 |
| ಆದಿಕಾಂಡ 8 / ಆದಿಕಾ 8 |
| ಆದಿಕಾಂಡ 9 / ಆದಿಕಾ 9 |
| ಆದಿಕಾಂಡ 10 / ಆದಿಕಾ 10 |
| ಆದಿಕಾಂಡ 11 / ಆದಿಕಾ 11 |
| ಆದಿಕಾಂಡ 12 / ಆದಿಕಾ 12 |
| ಆದಿಕಾಂಡ 13 / ಆದಿಕಾ 13 |
| ಆದಿಕಾಂಡ 14 / ಆದಿಕಾ 14 |
| ಆದಿಕಾಂಡ 15 / ಆದಿಕಾ 15 |
| ಆದಿಕಾಂಡ 16 / ಆದಿಕಾ 16 |
| ಆದಿಕಾಂಡ 17 / ಆದಿಕಾ 17 |
| ಆದಿಕಾಂಡ 18 / ಆದಿಕಾ 18 |
| ಆದಿಕಾಂಡ 19 / ಆದಿಕಾ 19 |
| ಆದಿಕಾಂಡ 20 / ಆದಿಕಾ 20 |
| ಆದಿಕಾಂಡ 21 / ಆದಿಕಾ 21 |
| ಆದಿಕಾಂಡ 22 / ಆದಿಕಾ 22 |
| ಆದಿಕಾಂಡ 23 / ಆದಿಕಾ 23 |
| ಆದಿಕಾಂಡ 24 / ಆದಿಕಾ 24 |
| ಆದಿಕಾಂಡ 25 / ಆದಿಕಾ 25 |
| ಆದಿಕಾಂಡ 26 / ಆದಿಕಾ 26 |
| ಆದಿಕಾಂಡ 27 / ಆದಿಕಾ 27 |
| ಆದಿಕಾಂಡ 28 / ಆದಿಕಾ 28 |
| ಆದಿಕಾಂಡ 29 / ಆದಿಕಾ 29 |
| ಆದಿಕಾಂಡ 30 / ಆದಿಕಾ 30 |
| ಆದಿಕಾಂಡ 31 / ಆದಿಕಾ 31 |
| ಆದಿಕಾಂಡ 32 / ಆದಿಕಾ 32 |
| ಆದಿಕಾಂಡ 33 / ಆದಿಕಾ 33 |
| ಆದಿಕಾಂಡ 34 / ಆದಿಕಾ 34 |
| ಆದಿಕಾಂಡ 35 / ಆದಿಕಾ 35 |
| ಆದಿಕಾಂಡ 36 / ಆದಿಕಾ 36 |
| ಆದಿಕಾಂಡ 37 / ಆದಿಕಾ 37 |
| ಆದಿಕಾಂಡ 38 / ಆದಿಕಾ 38 |
| ಆದಿಕಾಂಡ 39 / ಆದಿಕಾ 39 |
| ಆದಿಕಾಂಡ 40 / ಆದಿಕಾ 40 |
| ಆದಿಕಾಂಡ 41 / ಆದಿಕಾ 41 |
| ಆದಿಕಾಂಡ 42 / ಆದಿಕಾ 42 |
| ಆದಿಕಾಂಡ 43 / ಆದಿಕಾ 43 |
| ಆದಿಕಾಂಡ 44 / ಆದಿಕಾ 44 |
| ಆದಿಕಾಂಡ 45 / ಆದಿಕಾ 45 |
| ಆದಿಕಾಂಡ 46 / ಆದಿಕಾ 46 |
| ಆದಿಕಾಂಡ 47 / ಆದಿಕಾ 47 |
| ಆದಿಕಾಂಡ 48 / ಆದಿಕಾ 48 |
| ಆದಿಕಾಂಡ 49 / ಆದಿಕಾ 49 |
| ಆದಿಕಾಂಡ 50 / ಆದಿಕಾ 50 |
|
|
|
|
|
|
|
|
|
|