| ೧ |
| ಇತ್ತ ಯೆಹೂದನು ತನ್ನ ಅಣ್ಣತಮ್ಮಂದಿರನ್ನು ಬಿಟ್ಟು ಅದುಲ್ಲಾಮ್ ಊರಿನವನಾದ ಹೀರಾ ಎಂಬವನ ಬಳಿ ವಾಸಮಾಡಲು ಹೋದನು. |
| ೨ |
| ಅಲ್ಲಿ ಕಾನಾನ್ಯಳಾದ ಒಬ್ಬ ಮಹಿಳೆಯನ್ನು ಕಂಡು ಮದುವೆಯಾದನು. ಅವಳ ತಂದೆಯ ಹೆಸರು ಶೂಗ. |
| ೩ |
| ಆಕೆ ಯೆಹೂದನಿಗೆ ಒಂದು ಗಂಡು ಮಗುವನ್ನು ಹೆತ್ತಳು. ಅದಕ್ಕೆ ‘ಏರ’ ಎಂದು ಹೆಸರಿಡಲಾಯಿತು. |
| ೪ |
| ಆಕೆ ಗರ್ಭಧರಿಸಿ ಎರಡನೆಯ ಗಂಡು ಮಗುವನ್ನು ಹೆರಲು ಅದಕ್ಕೆ ‘ಓನಾನ’ ಎಂದು ಹೆಸರಿಡಲಾಯಿತು. |
| ೫ |
| ಮತ್ತೊಮ್ಮೆ ಆಕೆ ಗರ್ಭಿಣಿಯಾಗಿ ಗಂಡು ಮಗುವನ್ನು ಹೆತ್ತಳು. ಅದಕ್ಕೆ ‘ಶೇಲಹ’ ಎಂದು ಹೆಸರಿಟ್ಟಳು. ಆಕೆ ಈ ಮಗುವನ್ನು ಹೆರುವಾಗ ಯೆಹೂದನು ಕೆಜೀಬ್ ಊರಿನಲ್ಲಿದ್ದನು. |
| ೬ |
| ಯೆಹೂದನು ತನ್ನ ಜೇಷ್ಠಪುತ್ರ ಏರನಿಗೆ ‘ತಾಮಾರ್’ ಎಂಬ ಹೆಣ್ಣನ್ನು ತಂದು ಮದುವೆಮಾಡಿದನು. |
| ೭ |
| ಆದರೆ ಯೆಹೂದನ ಈ ಹಿರಿಯ ಮಗ ಸರ್ವೇಶ್ವರ ಸ್ವಾಮಿಯ ದೃಷ್ಟಿಯಲ್ಲಿ ಕೆಟ್ಟವನಾಗಿದ್ದನು. ಆದ್ದರಿಂದ ಸರ್ವೇಶ್ವರ ಅವನನ್ನು ಸಾವಿಗೀಡುಮಾಡಿದರು. |
| ೮ |
| ಬಳಿಕ ಯೆಹೂದನು ಓನಾನನಿಗೆ, “ನೀನು ನಿನ್ನ ಅತ್ತಿಗೆಯನ್ನು ಮದುವೆ ಮಾಡಿಕೊಂಡು ಮೈದುನ ಧರ್ಮಕ್ಕನುಸಾರ ನಿನ್ನ ಅಣ್ಣನಿಗೆ ಸಂತತಿಯನ್ನು ಹುಟ್ಟಿಸು,” ಎಂದನು. |
| ೯ |
| ಆದರೆ ಓನಾನನು, ಹೀಗೆ ಆಗುವ ಸಂತಾನ ತನ್ನದಾಗುವುದಿಲ್ಲವೆಂದು ತಿಳಿದುಕೊಂಡನು. ಅಣ್ಣನಿಗೆ ಸಂತತಿ ಹುಟ್ಟಿಸಲು ಅವನು ಒಪ್ಪಲಿಲ್ಲ. ತನ್ನ ಅತ್ತಿಗೆಯಲ್ಲಿ ಸಂಭೋಗ ಮಾಡುವಾಗಲೆ ತನ್ನ ವೀರ್ಯವನ್ನು ಹಾಸಿಗೆಪಾಲು ಮಾಡುತ್ತಿದ್ದನು. |
| ೧೦ |
| ಈ ನಡತೆ ಸರ್ವೇಶ್ವರ ಸ್ವಾಮಿಯ ದೃಷ್ಟಿಯಲ್ಲಿ ಕೆಟ್ಟದಾಗಿತ್ತು. ಆದ್ದರಿಂದ ಸರ್ವೇಶ್ವರ ಅವನನ್ನೂ ಸಾವಿಗೀಡುಮಾಡಿದರು. |
| ೧೧ |
| ಅನಂತರ ಯೆಹೂದನು, ಬಹುಶಃ ಶೇಲಹನು ಕೂಡ ತನ್ನ ಅಣ್ಣಂದಿರಂತೆ ಸತ್ತಾನೆಂದು ಆಲೋಚಿಸಿ, ತನ್ನ ಸೊಸೆ ತಾಮಾರಳಿಗೆ, “ನನ್ನ ಮಗ ಶೇಲಹನು ಪ್ರಾಯಸ್ಥನಾಗುವ ತನಕ ನೀನು ವಿಧವೆಯಾಗಿ ತೌರುಮನೆಯಲ್ಲಿರು,” ಎಂದು ನೆವಹೇಳಿದನು. ಅಂತೆಯೇ ಅವಳು ತೌರುಮನೆಗೆ ಹೋಗಿ ಅಲ್ಲೇ ವಾಸಮಾಡಿದಳು. |
| ೧೨ |
| ಬಹಳ ದಿನಗಳಾದ ಮೇಲೆ ಯೆಹೂದನ ಹೆಂಡತಿಯಾಗಿದ್ದ ಶೂಗನ ಮಗಳು ತೀರಿಹೋದಳು. ದುಃಖಶಮನವಾದ ಮೇಲೆ ಯೆಹೂದನು, ತನ್ನ ಕುರಿಗಳಿಗೆ ಉಣ್ಣೇ ಕತ್ತರಿಸುವವರಿದ್ದ ತಿಮ್ನಾ ಊರಿಗೆ ಹೋದನು. ಅದುಲ್ಲಾಮ್ಯದ ತನ್ನ ಗೆಳೆಯ ಹೀರಾ ಅವನ ಜೊತೆಯಲ್ಲಿ ಹೋದನು. |
| ೧೩ |
| ಮಾವನು ತನ್ನ ಕುರಿಗಳ ಉಣ್ಣೇ ಕತ್ತರಿಸುವುದಕ್ಕಾಗಿ ತಿಮ್ನಾ ಊರಿಗೆ ಹೊರಟಿದ್ದಾರೆಂಬ ಸಮಾಚಾರ ತಾಮಾರಳಿಗೆ ಮುಟ್ಟಿತು. |
| ೧೪ |
| ಆಗ ಆಕೆ, ‘ಶೇಲಹನು ಪ್ರಾಯಸ್ಥನಾಗಿದ್ದರೂ ನನ್ನನ್ನು ಅವನಿಗೆ ಮದುವೆ ಮಾಡಿಕೊಡಲಿಲ್ಲವಲ್ಲಾ’ ಎಂದುಕೊಂಡು ತನ್ನ ವಿಧವೆ ವಸ್ತ್ರಗಳನ್ನು ತೆಗೆದಿಟ್ಟಳು. ಮುಸುಕನ್ನು ಹಾಕಿಕೊಂಡು ತನ್ನನ್ನೇ ಮರೆಸಿಕೊಂಡಳು. ತಿಮ್ನಾ ಊರಿನ ದಾರಿಯಲ್ಲಿ ಇರುವ ಏನಯಿಮ್ ಊರಿನ ಬಾಗಿಲ ಬಳಿಯಲ್ಲೆ ಕುಳಿತುಕೊಂಡಳು. |
| ೧೫ |
| ಯೆಹೂದನು ಆಕೆಯನ್ನು ನೋಡಿದಾಗ ಆಕೆಯ ಮುಖದ ಮೇಲೆ ಮುಸುಕು ಇತ್ತು; ಸೊಸೆ ಎಂದು ತಿಳಿಯದೆ ಹೋಯಿತು. |
| ೧೬ |
| ಆಕೆ ವೇಶ್ಯೆ ಎಂದೇ ಭಾವಿಸಿ, ದಾರಿಯಿಂದ ಓರೆಯಾಗಿ, ಆಕೆಯ ಬಳಿಗೆ ಹೋಗಿ, “ಸಂಭೋಗಕ್ಕೆ ಬರುತ್ತೀಯಾ?\ ಎಂದು ಕರೆದನು. “ಬರಬೇಕಾದರೆ ಏನು ಕೊಡುತ್ತೀಯಾ?\ ಎಂದಳು ಆಕೆ. |
| ೧೭ |
| “ಹಿಂಡಿನಿಂದ ಒಂದು ಹೋತಮರಿಯನ್ನು ಕಳಿಸುತ್ತೇನೆ,” ಎಂದ ಆತ. ಆಗ ಆಕೆ, \ಅದನ್ನು ಕಳಿಸುವ ತನಕ ನನ್ನಲ್ಲಿ ಏನಾದರು ಒತ್ತೆಯಿಡಬೇಕು,” ಎಂದಳು. |
| ೧೮ |
| “ಏನು ಒತ್ತೆಯಿಡಬೇಕು?” ಎಂದು ಅವನು ಕೇಳಲು ಆಕೆ, “ನಿನ್ನ ಮುದ್ರೆ ಉಂಗುರ, ಅದರ ದಾರ ಮತ್ತು ನಿನ್ನ ಕೈಕೋಲು, ಈ ಮೂರನ್ನೂ ಇಡು,” ಎಂದಳು. ಅವನು ಅವುಗಳನ್ನು ಕೊಟ್ಟು ಆಕೆಯನ್ನು ಸಂಭೋಗಿಸಿದನು. ಆಕೆ ಅವನಿಗೆ ಗರ್ಭವತಿ ಆದಳು. |
| ೧೯ |
| ಮನೆಗೆ ಬಂದ ಮೇಲೆ ತಾನು ಹಾಕಿಕೊಂಡಿದ್ದ ಮುಸುಕನ್ನು ತೆಗೆದಿಟ್ಟು ವಿಧವೆಯ ವಸ್ತ್ರಗಳನ್ನು ಮತ್ತೆ ಉಟ್ಟುಕೊಂಡಳು. |
| ೨೦ |
| ಯೆಹೂದನು ತಾನು ಇಟ್ಟಿದ್ದ ಒತ್ತೆಯನ್ನು ಆ ಹೆಂಗಸಿನಿಂದ ಬಿಡಿಸಿಕೊಳ್ಳುವ ಸಲುವಾಗಿ ತನ್ನ ಗೆಳೆಯ ಆ ಅದುಲ್ಲಾಮ್ಯನ ಸಂಗಡ ಹೋತಮರಿಯನ್ನು ಕಳಿಸಿದನು. ಆಕೆ ಅವನಿಗೆ ಸಿಕ್ಕಲಿಲ್ಲ. |
| ೨೧ |
| ಅವನು ಅವಳ ಊರಿನವರನ್ನು, “ಏನಯಿಮ್ ಬಳಿ ದಾರಿಪಕ್ಕದಲ್ಲಿ ಕುಳಿತಿದ್ದ ವೇಶ್ಯೆ ಎಲ್ಲಿ?” ಎಂದು ವಿಚಾರಿಸಿದನು. ಅವರು, “ಇಲ್ಲಿ ಯಾವ ವೇಶ್ಯೆಯೂ ಇಲ್ಲ,” ಎಂದು ಉತ್ತರಕೊಟ್ಟರು. |
| ೨೨ |
| ಅವನು ಯೆಹೂದನ ಬಳಿಗೆ ಹಿಂದಿರುಗಿ ಬಂದು, “ನಾನು ಅವಳನ್ನು ಕಾಣಲಿಲ್ಲ; ವಿಚಾರಿಸಿದಾಗ ಆ ಊರಿನವರು ಇಲ್ಲಿ ಯಾವ ವೇಶ್ಯೆಯೂ ಇಲ್ಲವೆಂದರು,” ಎಂದು ವರದಿಮಾಡಿದನು. |
| ೨೩ |
| ಅದಕ್ಕೆ ಯೆಹೂದನು, “ಇನ್ನು ನಾವು ಪರಿಹಾಸ್ಯಕ್ಕೆ ಗುರಿಯಾದೇವು; ನಾನಿಟ್ಟ ಒತ್ತೆಯನ್ನು ಅವಳೇ ಇಟ್ಟುಕೊಳ್ಳಲಿ; ನಾನಂತೂ ಹೋತಮರಿಯನ್ನು ಕಳಿಸಿದ್ದಾಯಿತು; ನಿನ್ನಿಂದಲು ಅವಳನ್ನು ಕಂಡುಹಿಡಿಯಲಾಗಲಿಲ್ಲ,” ಎಂದು ಸುಮ್ಮನಾದನು. |
| ೨೪ |
| ಸುಮಾರು ಮೂರು ತಿಂಗಳಾದ ಬಳಿಕ, ಯೆಹೂದನಿಗೆ ತನ್ನ ಸೊಸೆ ತಾಮಾರಳು ವ್ಯಭಿಚಾರದಿಂದ ಗರ್ಭವತಿಯಾಗಿದ್ದಾಳೆಂಬ ಸಮಾಚಾರ ಬಂದಿತು. ಅವನು, “ಅವಳನ್ನು ಎಳೆದು ತನ್ನಿ; ಸುಟ್ಟುಹಾಕಬೇಕು,” ಎಂದನು. |
| ೨೫ |
| ಅಂತೆಯೇ ಎಳೆದು ತರುವಾಗ ಆಕೆ ತನ್ನ ಮಾವನಿಗೆ ಒತ್ತೆಯ ವಸ್ತುಗಳನ್ನು ಕಳುಹಿಸುತ್ತಾ, “ಇವು ಯಾವನವೊ ಅವನಿಂದಲೇ ನಾನು ಗರ್ಭಿಣಿಯಾದುದು; ಮುದ್ರೆಯುಂಗುರ, ಅದರ ದಾರ ಮತ್ತು ಕೈಗೋಲು ಇವುಗಳನ್ನು ಗುರುತಿಸಿ ತಿಳಿದುಕೊಳ್ಳಬಹುದು,” ಎಂದು ಹೇಳಿಕಳಿಸಿದಳು. |
| ೨೬ |
| ಯೆಹೂದನು ಅವುಗಳ ಗುರುತುಹಚ್ಚಿದನು. “ನಾನು ನನ್ನ ಮಗ ಶೇಲಹನನ್ನು ಆಕೆಗೆ ಮದುವೆ ಮಾಡದೆಹೋದೆ. ಈ ಕಾರಣ ನನಗಿಂತ ಆಕೆಯೇ ನೀತಿವಂತಳು,” ಎಂದುಕೊಂಡನು. ಇದಾದ ಬಳಿಕ ಅವನು ಆಕೆಯೊಡನೆ ಸಂಸರ್ಗವಿಲ್ಲದೆ ಇದ್ದನು. |
| ೨೭ |
| ತಾಮಾರಳಿಗೆ ಹೆರಿಗೆ ಕಾಲ ಬಂದಾಗ ಆಕೆಯ ಗರ್ಭದಲ್ಲಿ ಅವಳಿಜವಳಿ ಮಕ್ಕಳಿರುವುದು ಕಂಡುಬಂದಿತು. |
| ೨೮ |
| ಆಕೆ ಹೆರುವಾಗ ಒಂದು ಮಗು ಕೈಚಾಚಿತು. ಸೂಲಗಿತ್ತಿ, “ಇದು ಮೊದಲು ಬಂದದ್ದು,” ಎಂದು ಹೇಳಿ ಅದರ ಕೈಗೆ ಕೆಂಪು ನೂಲನ್ನು ಕಟ್ಟಿದಳು. |
| ೨೯ |
| ಆದರೆ ಅದು ಕೈಯನ್ನು ಹಿಂದಕ್ಕೆ ತೆಗೆದುಕೊಂಡಿತು. ಅದರೊಡನೆ ಇದ್ದ ಇನ್ನೊಂದು ಕೂಸು ಹೊರಗೆ ಬಂದಿತು. ಇದನ್ನು ಕಂಡ ಸೂಲಗಿತ್ತಿ, “ನೀನು ಕಿತ್ತುಕೊಂಡು ಬಂದಿರುತ್ತೀಯಲ್ಲಾ,” ಎಂದಳು. ಈ ಕಾರಣ ಆ ಮಗುವಿಗೆ ‘ಪೆರೆಚ್’ ಎಂದು ಹೆಸರಾಯಿತು. |
| ೩೦ |
ತರುವಾಯ ಕೈಗೆ ಕೆಂಪುನೂಲು ಕಟ್ಟಿಸಿಕೊಂಡ ಕೂಸು ಹುಟ್ಟಿತು. ಅದಕ್ಕೆ ‘ಜೆರಹ’ ಎಂದು ಹೆಸರಾಯಿತು.
|
| Kannada Bible (KNCL) 2016 |
| No Data |
|
|
|
|
|
|
|
|
|
|
| ಆದಿಕಾಂಡ ೩೮:1 |
| ಆದಿಕಾಂಡ ೩೮:2 |
| ಆದಿಕಾಂಡ ೩೮:3 |
| ಆದಿಕಾಂಡ ೩೮:4 |
| ಆದಿಕಾಂಡ ೩೮:5 |
| ಆದಿಕಾಂಡ ೩೮:6 |
| ಆದಿಕಾಂಡ ೩೮:7 |
| ಆದಿಕಾಂಡ ೩೮:8 |
| ಆದಿಕಾಂಡ ೩೮:9 |
| ಆದಿಕಾಂಡ ೩೮:10 |
| ಆದಿಕಾಂಡ ೩೮:11 |
| ಆದಿಕಾಂಡ ೩೮:12 |
| ಆದಿಕಾಂಡ ೩೮:13 |
| ಆದಿಕಾಂಡ ೩೮:14 |
| ಆದಿಕಾಂಡ ೩೮:15 |
| ಆದಿಕಾಂಡ ೩೮:16 |
| ಆದಿಕಾಂಡ ೩೮:17 |
| ಆದಿಕಾಂಡ ೩೮:18 |
| ಆದಿಕಾಂಡ ೩೮:19 |
| ಆದಿಕಾಂಡ ೩೮:20 |
| ಆದಿಕಾಂಡ ೩೮:21 |
| ಆದಿಕಾಂಡ ೩೮:22 |
| ಆದಿಕಾಂಡ ೩೮:23 |
| ಆದಿಕಾಂಡ ೩೮:24 |
| ಆದಿಕಾಂಡ ೩೮:25 |
| ಆದಿಕಾಂಡ ೩೮:26 |
| ಆದಿಕಾಂಡ ೩೮:27 |
| ಆದಿಕಾಂಡ ೩೮:28 |
| ಆದಿಕಾಂಡ ೩೮:29 |
| ಆದಿಕಾಂಡ ೩೮:30 |
|
|
|
|
|
|
| ಆದಿಕಾಂಡ 1 / ಆದಿಕಾ 1 |
| ಆದಿಕಾಂಡ 2 / ಆದಿಕಾ 2 |
| ಆದಿಕಾಂಡ 3 / ಆದಿಕಾ 3 |
| ಆದಿಕಾಂಡ 4 / ಆದಿಕಾ 4 |
| ಆದಿಕಾಂಡ 5 / ಆದಿಕಾ 5 |
| ಆದಿಕಾಂಡ 6 / ಆದಿಕಾ 6 |
| ಆದಿಕಾಂಡ 7 / ಆದಿಕಾ 7 |
| ಆದಿಕಾಂಡ 8 / ಆದಿಕಾ 8 |
| ಆದಿಕಾಂಡ 9 / ಆದಿಕಾ 9 |
| ಆದಿಕಾಂಡ 10 / ಆದಿಕಾ 10 |
| ಆದಿಕಾಂಡ 11 / ಆದಿಕಾ 11 |
| ಆದಿಕಾಂಡ 12 / ಆದಿಕಾ 12 |
| ಆದಿಕಾಂಡ 13 / ಆದಿಕಾ 13 |
| ಆದಿಕಾಂಡ 14 / ಆದಿಕಾ 14 |
| ಆದಿಕಾಂಡ 15 / ಆದಿಕಾ 15 |
| ಆದಿಕಾಂಡ 16 / ಆದಿಕಾ 16 |
| ಆದಿಕಾಂಡ 17 / ಆದಿಕಾ 17 |
| ಆದಿಕಾಂಡ 18 / ಆದಿಕಾ 18 |
| ಆದಿಕಾಂಡ 19 / ಆದಿಕಾ 19 |
| ಆದಿಕಾಂಡ 20 / ಆದಿಕಾ 20 |
| ಆದಿಕಾಂಡ 21 / ಆದಿಕಾ 21 |
| ಆದಿಕಾಂಡ 22 / ಆದಿಕಾ 22 |
| ಆದಿಕಾಂಡ 23 / ಆದಿಕಾ 23 |
| ಆದಿಕಾಂಡ 24 / ಆದಿಕಾ 24 |
| ಆದಿಕಾಂಡ 25 / ಆದಿಕಾ 25 |
| ಆದಿಕಾಂಡ 26 / ಆದಿಕಾ 26 |
| ಆದಿಕಾಂಡ 27 / ಆದಿಕಾ 27 |
| ಆದಿಕಾಂಡ 28 / ಆದಿಕಾ 28 |
| ಆದಿಕಾಂಡ 29 / ಆದಿಕಾ 29 |
| ಆದಿಕಾಂಡ 30 / ಆದಿಕಾ 30 |
| ಆದಿಕಾಂಡ 31 / ಆದಿಕಾ 31 |
| ಆದಿಕಾಂಡ 32 / ಆದಿಕಾ 32 |
| ಆದಿಕಾಂಡ 33 / ಆದಿಕಾ 33 |
| ಆದಿಕಾಂಡ 34 / ಆದಿಕಾ 34 |
| ಆದಿಕಾಂಡ 35 / ಆದಿಕಾ 35 |
| ಆದಿಕಾಂಡ 36 / ಆದಿಕಾ 36 |
| ಆದಿಕಾಂಡ 37 / ಆದಿಕಾ 37 |
| ಆದಿಕಾಂಡ 38 / ಆದಿಕಾ 38 |
| ಆದಿಕಾಂಡ 39 / ಆದಿಕಾ 39 |
| ಆದಿಕಾಂಡ 40 / ಆದಿಕಾ 40 |
| ಆದಿಕಾಂಡ 41 / ಆದಿಕಾ 41 |
| ಆದಿಕಾಂಡ 42 / ಆದಿಕಾ 42 |
| ಆದಿಕಾಂಡ 43 / ಆದಿಕಾ 43 |
| ಆದಿಕಾಂಡ 44 / ಆದಿಕಾ 44 |
| ಆದಿಕಾಂಡ 45 / ಆದಿಕಾ 45 |
| ಆದಿಕಾಂಡ 46 / ಆದಿಕಾ 46 |
| ಆದಿಕಾಂಡ 47 / ಆದಿಕಾ 47 |
| ಆದಿಕಾಂಡ 48 / ಆದಿಕಾ 48 |
| ಆದಿಕಾಂಡ 49 / ಆದಿಕಾ 49 |
| ಆದಿಕಾಂಡ 50 / ಆದಿಕಾ 50 |