| ೧ |
| ಈ ಘಟನೆಗಳಾದ ಬಳಿಕ ದೇವರು ಅಬ್ರಹಾಮನನ್ನು ಪರೀಕ್ಷಿಸುವುದಕ್ಕೋಸ್ಕರ, “ಅಬ್ರಹಾಮನೇ,” ಎಂದು ಕರೆದರು. ಅವನು “ಇಗೋ, ಸಿದ್ಧನಿದ್ದೇನೆ” ಎಂದನು. |
| ೨ |
| ಆಗ ದೇವರು, “ನಿನಗೆ ಒಬ್ಬನೇ ಒಬ್ಬನೂ ಮುದ್ದುಮಗನೂ ಆದ ಇಸಾಕನನ್ನು ಕರೆದುಕೊಂಡು ಮೊರೀಯ ಪ್ರಾಂತಕ್ಕೆ ಹೋಗು. ಅಲ್ಲಿ ನಾನು ತೋರಿಸುವ ಬೆಟ್ಟದ ಮೇಲೆ ಅವನನ್ನು ದಹನಬಲಿಯಾಗಿ ಅರ್ಪಿಸು” ಎಂದರು. |
| ೩ |
| ಅಬ್ರಹಾಮನು ಮುಂಜಾನೆಯೇ ಎದ್ದು ತನ್ನ ಹೇಸರಗತ್ತೆಗೆ ತಡಿಹಾಕಿಸಿ ಹೋಮಬಲಿಗೆ ಬೇಕಾದ ಕಟ್ಟಿಗೆಯನ್ನು ಸಿಗಿದು ಸಿದ್ಧಮಾಡಿಕೊಂಡು ಸೇವಕರಿಬ್ಬರನ್ನು ಹಾಗೂ ತನ್ನ ಮಗ ಇಸಾಕನನ್ನು ಕರೆದುಕೊಂಡು ದೇವರು ಹೇಳಿದ ಸ್ಥಳಕ್ಕೆ ಹೊರಟನು. |
| ೪ |
| ಮೂರನೆಯ ದಿನ ಅಬ್ರಹಾಮನು ಕಣ್ಣೆತ್ತಿ ನೋಡಿದಾಗ ದೂರದಲ್ಲಿ ಆ ಸ್ಥಳ ಕಾಣಿಸಿತು. |
| ೫ |
| ಅವನು ತನ್ನ ಸೇವಕರಿಗೆ, “ನೀವು ಇಲ್ಲೇ ಕತ್ತೆಯನ್ನು ನೋಡಿಕೊಂಡಿರಿ; ನಾನೂ ನನ್ನ ಮಗನೂ ಅಲ್ಲಿಗೆ ಹೋಗಿ ದೇವಾರಾಧನೆ ಮಾಡಿಕೊಂಡು ಪುನಃ ಇಲ್ಲಗೆ ಬರುತ್ತೇವೆ,” ಎಂದು ಹೇಳಿದನು. |
| ೬ |
| ಅಬ್ರಹಾಮನು ದಹನಬಲಿಗೆ ಬೇಕಾದ ಕಟ್ಟಿಗೆಯನ್ನು ತನ್ನ ಮಗ ಇಸಾಕನ ಮೇಲೆ ಹೊರಿಸಿದನು; ಬೆಂಕಿಯನ್ನು ಹಾಗೂ ಕತ್ತಿಯನ್ನು ತನ್ನ ಕೈಯಲ್ಲೇ ತೆಗೆದುಕೊಂಡನು. ಇಬ್ಬರೂ ಅಲ್ಲಿಂದ ಮುಂದಕ್ಕೆ ಹೊರಟರು. |
| ೭ |
| ಹೋಗುತ್ತಾ ಇದ್ದಾಗ ಇಸಾಕನು ತಂದೆ ಅಬ್ರಹಾಮನನ್ನು, “ಅಪ್ಪಾ” ಎಂದು ಕರೆದ; “ಏನು ಮಗನೇ?” ಎಂದ ಅಬ್ರಹಾಮ. ಇಸಾಕನು, “ಬೆಂಕಿ-ಕಟ್ಟಿಗೆಯೇನೋ ಇದೆ; ಆದರೆ ದಹನಬಲಿಗೆ ಬೇಕಾದ ಕುರಿಮರಿ ಎಲ್ಲಿ?” ಎಂದು ಕೇಳಿದ. |
| ೮ |
| ಅದಕ್ಕೆ ಅಬ್ರಹಾಮನು, “ಬಲಿಗೆ ಬೇಕಾದ ಕುರಿಮರಿಯನ್ನು ದೇವರೇ ಒದಗಿಸುತ್ತಾರೆ, ಮಗನೇ,” ಎಂದು ಉತ್ತರಕೊಟ್ಟ. ಅವರಿಬ್ಬರೂ ಹಾಗೇ ಮುಂದಕ್ಕೆ ಸಾಗಿದರು. |
| ೯ |
| ದೇವರು ಹೇಳಿದ ಸ್ಥಳಕ್ಕೆ ಬಂದು ಸೇರಿದಾಗ ಅಬ್ರಹಾಮನು ಅಲ್ಲಿ ಒಂದು ಬಲಿಪೀಠವನ್ನು ಕಟ್ಟಿದ. ಕಟ್ಟಿಗೆಯನ್ನು ಅದರ ಮೇಲೆ ಒಟ್ಟಿ, ಮಗ ಇಸಾಕನ ಕೈಕಾಲುಗಳನ್ನು ಬಿಗಿದು, ಕಟ್ಟಿಗೆಗಳ ಮೇಲೆ ಅವನನ್ನು ಕೆಡವಿದ. |
| ೧೦ |
| ಬಳಿಕ ಮಗನನ್ನು ವಧಿಸಲು ಕೈಚಾಚಿ ಕತ್ತಿಯನ್ನು ಎತ್ತಿದ. |
| ೧೧ |
| ಆದರೆ ಸರ್ವೇಶ್ವರನ ದೂತನು ಆಕಾಶದಿಂದ, \ಅಬ್ರಹಾಮನೇ, ಹೇ ಅಬ್ರಹಾಮನೇ\ ಎಂದು ಕರೆದನು. ಅದಕ್ಕೆ ಅಬ್ರಹಾಮನು, “ಇಗೋ ಸಿದ್ಧನಿದ್ದೇನೆ” ಎಂದ. |
| ೧೨ |
| ದೂತನು ಅವನಿಗೆ, \ಹುಡುಗನ ಮೇಲೆ ಕೈಯೆತ್ತಬೇಡ; ಅವನಿಗೆ ಯಾವ ಹಾನಿಯನ್ನೂ ಮಾಡಬೇಡ; ನೀನು ನಿನ್ನ ಒಬ್ಬನೇ ಮಗನನ್ನು ನನಗೆ ಬಲಿಕೊಡಲು ಹಿಂತೆಗೆಯಲಿಲ್ಲ; ಎಂತಲೇ, ನೀನು ದೇವರಲ್ಲಿ ಭಯಭಕ್ತಿಯುಳ್ಳವನೆಂದು ಈಗ ನನಗೆ ಚೆನ್ನಾಗಿ ಗೊತ್ತಾಯಿತು,” ಎಂದು ಹೇಳಿದನು. |
| ೧೩ |
| ಅಬ್ರಹಾಮನು ಕಣ್ಣೆತ್ತಿ ನೋಡಿದ. ತನ್ನ ಹಿಂದುಗಡೆ ಒಂದು ಟಗರು ಪೊದೆಯಲ್ಲಿ ಕೊಂಬುಗಳಿಂದ ಸಿಕ್ಕಿಕೊಂಡಿತ್ತು. ಅವನು ಹೋಗಿ ಅದನ್ನು ಹಿಡಿದು ತಂದು ತನ್ನ ಮಗನಿಗೆ ಬದಲಾಗಿ ಅದನ್ನು ದಹನಬಲಿಯನ್ನಾಗಿ ಅರ್ಪಿಸಿದ. |
| ೧೪ |
| ಆ ಸ್ಥಳಕ್ಕೆ “ಯೆಹೋವ ಯೀರೆ\ ಎಂದು ಹೆಸರಿಟ್ಟ. |
| ೧೫ |
| “ಬೆಟ್ಟದ ಮೇಲೆ ಸರ್ವೇಶ್ವರ ಸ್ವಾಮಿಯೇ ಒದಗಿಸುತ್ತಾರೆ” ಎಂಬ ಹೇಳಿಕೆ ಇಂದಿಗೂ ರೂಢಿಯಲ್ಲಿದೆ. ಸರ್ವೇಶ್ವರ ಸ್ವಾಮಿಯ ದೂತನು ಆಕಾಶದಿಂದ ಮತ್ತೊಮ್ಮೆ ಅಬ್ರಹಾಮನನ್ನು ಕರೆದು, |
| ೧೬ |
| “ಸರ್ವೇಶ್ವರನ ವಾಕ್ಯವನ್ನು ಕೇಳು; ನೀನು ನಿನ್ನ ಒಬ್ಬನೇ ಮಗನನ್ನು ಬಲಿಕೊಡಲು ಹಿಂತೆಗೆಯದೆ ಹೋದುದರಿಂದ ನಾನು ನಿನ್ನನ್ನು ತಪ್ಪದೆ ಆಶೀರ್ವದಿಸುತ್ತೇನೆ; |
| ೧೭ |
| ನಿನ್ನ ಸಂತತಿಯನ್ನು ಹೆಚ್ಚಿಸಿಯೇ ಹೆಚ್ಚಿಸುತ್ತೇನೆ; ಅದನ್ನು ಆಕಾಶದ ನಕ್ಷತ್ರಗಳಂತೆಯೂ ಸಮುದ್ರ ತೀರದ ಮರಳಿನಂತೆಯೂ ಅಸಂಖ್ಯವಾಗಿ ಮಾಡುತ್ತೇನೆ. ಅವರು ಶತ್ರುಗಳ ಪಟ್ಟಣಗಳನ್ನು ಸ್ವಾಧೀನಪಡಿಸಿಕೊಳ್ಳುವರು. |
| ೧೮ |
| ನೀನು ನನ್ನ ಮಾತನ್ನು ಕೇಳಿದ್ದರಿಂದ ವಿಶ್ವದ ಎಲ್ಲ ರಾಷ್ಟ್ರಗಳಿಗೂ ನಿನ್ನ ಸಂತತಿಯ ಮೂಲಕ ಆಶೀರ್ವಾದವುಂಟಾಗುವುದು ಎಂಬುದಾಗಿ ಸರ್ವೇಶ್ವರನೇ ಆಣೆಯಿಟ್ಟು ಹೇಳಿದ್ದಾರೆ,” ಎಂದನು. |
| ೧೯ |
| ತರುವಾಯ ಅಬ್ರಹಾಮನು ತನ್ನ ಸೇವಕರ ಬಳಿಗೆ ಮರಳಿ ಬಂದನು. ಅವರೆಲ್ಲರೂ ಜೊತೆಯಾಗಿ ಬೇರ್ಷೆಬಕ್ಕೆ ಹೋದರು. ಅಲ್ಲೇ ಅಬ್ರಹಾಮನು ವಾಸಮಾಡುತ್ತಿದ್ದನು. |
| ೨೦ |
| ಕೆಲವು ಕಾಲವಾದ ಮೇಲೆ ಅಬ್ರಹಾಮನಿಗೆ ತನ್ನ ತಮ್ಮನಾದ ನಾಹೋರನಿಗೆ ಮಿಲ್ಕಳಿಂದ ಮಕ್ಕಳಾದುವೆಂಬ ಸಮಾಚಾರ ಮುಟ್ಟಿತು. |
| ೨೧ |
| ಅವರುಗಳ ಹೆಸರು ಇವು - ಚೊಚ್ಚಲವಾದ ಊಚ್, ಇವನ ತಮ್ಮ ಬೂಚ್, (ಆರಾಮನ ತಂದೆಯಾದ) ಕೆಮೂವೇಲ್, |
| ೨೨ |
| ಕೆಸೆದ್, ಹಜೋ, ಪಿಲ್ದಾಷ್, ಇದ್ಲಾಫ್ ಮತ್ತು ಬೆತೂವೇಲ್. |
| ೨೩ |
| ಬೆತೂವೇಲನು ರೆಬೆಕ್ಕಳ ತಂದೆ. ಈ ಎಂಟುಮಂದಿಯನ್ನು ಮಿಲ್ಕಳು ಅಬ್ರಹಾಮನ ತಮ್ಮನಾದ ನಾಹೋರನಿಗೆ ಹೆತ್ತಳು. |
| ೨೪ |
| ಇದೂ ಅಲ್ಲದೆ ಅವನ ಉಪಪತ್ನಿಯಾದ ರೂಮಳೆಂಬವಳು ಟೆಬಹ, ಗಹಮ್, ತಹಷ್, ಮಾಕಾ ಎಂಬುವರನ್ನು ಹೆತ್ತಳು. |
| Kannada Bible (KNCL) 2016 |
| No Data |
| ಆದಿಕಾಂಡ ೨೨:1 |
| ಆದಿಕಾಂಡ ೨೨:2 |
| ಆದಿಕಾಂಡ ೨೨:3 |
| ಆದಿಕಾಂಡ ೨೨:4 |
| ಆದಿಕಾಂಡ ೨೨:5 |
| ಆದಿಕಾಂಡ ೨೨:6 |
| ಆದಿಕಾಂಡ ೨೨:7 |
| ಆದಿಕಾಂಡ ೨೨:8 |
| ಆದಿಕಾಂಡ ೨೨:9 |
| ಆದಿಕಾಂಡ ೨೨:10 |
| ಆದಿಕಾಂಡ ೨೨:11 |
| ಆದಿಕಾಂಡ ೨೨:12 |
| ಆದಿಕಾಂಡ ೨೨:13 |
| ಆದಿಕಾಂಡ ೨೨:14 |
| ಆದಿಕಾಂಡ ೨೨:15 |
| ಆದಿಕಾಂಡ ೨೨:16 |
| ಆದಿಕಾಂಡ ೨೨:17 |
| ಆದಿಕಾಂಡ ೨೨:18 |
| ಆದಿಕಾಂಡ ೨೨:19 |
| ಆದಿಕಾಂಡ ೨೨:20 |
| ಆದಿಕಾಂಡ ೨೨:21 |
| ಆದಿಕಾಂಡ ೨೨:22 |
| ಆದಿಕಾಂಡ ೨೨:23 |
| ಆದಿಕಾಂಡ ೨೨:24 |
| ಆದಿಕಾಂಡ 1 / ಆದಿಕಾ 1 |
| ಆದಿಕಾಂಡ 2 / ಆದಿಕಾ 2 |
| ಆದಿಕಾಂಡ 3 / ಆದಿಕಾ 3 |
| ಆದಿಕಾಂಡ 4 / ಆದಿಕಾ 4 |
| ಆದಿಕಾಂಡ 5 / ಆದಿಕಾ 5 |
| ಆದಿಕಾಂಡ 6 / ಆದಿಕಾ 6 |
| ಆದಿಕಾಂಡ 7 / ಆದಿಕಾ 7 |
| ಆದಿಕಾಂಡ 8 / ಆದಿಕಾ 8 |
| ಆದಿಕಾಂಡ 9 / ಆದಿಕಾ 9 |
| ಆದಿಕಾಂಡ 10 / ಆದಿಕಾ 10 |
| ಆದಿಕಾಂಡ 11 / ಆದಿಕಾ 11 |
| ಆದಿಕಾಂಡ 12 / ಆದಿಕಾ 12 |
| ಆದಿಕಾಂಡ 13 / ಆದಿಕಾ 13 |
| ಆದಿಕಾಂಡ 14 / ಆದಿಕಾ 14 |
| ಆದಿಕಾಂಡ 15 / ಆದಿಕಾ 15 |
| ಆದಿಕಾಂಡ 16 / ಆದಿಕಾ 16 |
| ಆದಿಕಾಂಡ 17 / ಆದಿಕಾ 17 |
| ಆದಿಕಾಂಡ 18 / ಆದಿಕಾ 18 |
| ಆದಿಕಾಂಡ 19 / ಆದಿಕಾ 19 |
| ಆದಿಕಾಂಡ 20 / ಆದಿಕಾ 20 |
| ಆದಿಕಾಂಡ 21 / ಆದಿಕಾ 21 |
| ಆದಿಕಾಂಡ 22 / ಆದಿಕಾ 22 |
| ಆದಿಕಾಂಡ 23 / ಆದಿಕಾ 23 |
| ಆದಿಕಾಂಡ 24 / ಆದಿಕಾ 24 |
| ಆದಿಕಾಂಡ 25 / ಆದಿಕಾ 25 |
| ಆದಿಕಾಂಡ 26 / ಆದಿಕಾ 26 |
| ಆದಿಕಾಂಡ 27 / ಆದಿಕಾ 27 |
| ಆದಿಕಾಂಡ 28 / ಆದಿಕಾ 28 |
| ಆದಿಕಾಂಡ 29 / ಆದಿಕಾ 29 |
| ಆದಿಕಾಂಡ 30 / ಆದಿಕಾ 30 |
| ಆದಿಕಾಂಡ 31 / ಆದಿಕಾ 31 |
| ಆದಿಕಾಂಡ 32 / ಆದಿಕಾ 32 |
| ಆದಿಕಾಂಡ 33 / ಆದಿಕಾ 33 |
| ಆದಿಕಾಂಡ 34 / ಆದಿಕಾ 34 |
| ಆದಿಕಾಂಡ 35 / ಆದಿಕಾ 35 |
| ಆದಿಕಾಂಡ 36 / ಆದಿಕಾ 36 |
| ಆದಿಕಾಂಡ 37 / ಆದಿಕಾ 37 |
| ಆದಿಕಾಂಡ 38 / ಆದಿಕಾ 38 |
| ಆದಿಕಾಂಡ 39 / ಆದಿಕಾ 39 |
| ಆದಿಕಾಂಡ 40 / ಆದಿಕಾ 40 |
| ಆದಿಕಾಂಡ 41 / ಆದಿಕಾ 41 |
| ಆದಿಕಾಂಡ 42 / ಆದಿಕಾ 42 |
| ಆದಿಕಾಂಡ 43 / ಆದಿಕಾ 43 |
| ಆದಿಕಾಂಡ 44 / ಆದಿಕಾ 44 |
| ಆದಿಕಾಂಡ 45 / ಆದಿಕಾ 45 |
| ಆದಿಕಾಂಡ 46 / ಆದಿಕಾ 46 |
| ಆದಿಕಾಂಡ 47 / ಆದಿಕಾ 47 |
| ಆದಿಕಾಂಡ 48 / ಆದಿಕಾ 48 |
| ಆದಿಕಾಂಡ 49 / ಆದಿಕಾ 49 |
| ಆದಿಕಾಂಡ 50 / ಆದಿಕಾ 50 |
|
|
|
|
|
|
|
|
|
|