A A A A A
Facebook Instagram Twitter
Ewe Bible 1913

Rut 1



1
Le ɣeyiɣi, siwo me ʋɔnudrɔ̃lawo le dziɖum la, dɔ va anyigba la dzi. Eye ŋutsua ɖe kple srɔ̃a kpakple viaŋutsu eveawoʋu tso Betlexem-Yuda, bena woaɖanɔ Moab-nyigba dzi.
2
Ŋutsu la ŋkɔ nye Elimelex, eye srɔ̃a ŋkɔ nye Naomi, viaŋutsu eveawo ŋkɔ-wo nye Maxlon kple Xilion. Wonye Efrayimtɔwo tso Betlexem-Yuda, eye woʋu va Moab-nyigba dzi henɔ afima.
3
Esi Naomi srɔ̃ Elimelex ku, eye eya kple viaŋutsu eveawo kpɔtɔ la,
4
woɖe Moab-nyɔnuwo, siwo dome ɖeka ŋkɔ nye Orpa, eye evelia ŋkɔ nye Rut; eye wonɔ afima anɔ ƒe ewo.
5
Ke wo ame eve la Maxlon kple Xilion hã ku; ale nyɔnu laƒeviwo kple eve kpakple srɔ̃a wogblẽe ɖi.
6
Tete eya kple lɔ̃xoawo wotso hegbugbɔ tso Moab-nyigba dzi; elabena ese le Moab-nyigba dzi be, Yehowa kpɔ eƒe dukɔ la ɖa, eye wòna abolo wo.
7
Ale wòʋu tso afisi wònɔ la, eye lɔ̃xoa eveawo kplɔe ɖo; eye wodze mɔ, be yewoagbugbɔ ayi Yuda-nyigba dzi.
8
Tete Naomi gblɔ na lɔ̃xoa eveawo bena: Mitrɔ, eye mia dome amesiame negbugbɔ yi dadaa ƒe me! Yehowa ave mia nu, abe alesi mieve mía kple ame kukuawo nui ene!
9
Yehowa ana miakpɔ dzudzɔ le mia srɔ̃wo ƒe me! Eye wòɖuɖɔ nu na wo; tete wofa avisesĩe
10
hegblɔ nɛ bena: Míayi wò dukɔ gbɔ kpli wò boŋ!
11
Ke Naomi gblɔ bena: Vinyewo, migbugbɔ! Nukaŋuti miebe, yewoayi kplim? Alo ŋutsuvie gale dɔ menam miava ɖea?
12
Vinyewo, migbugbɔ yi; elabena metsi akpa, ne mayi srɔ̃ ɖe ge. Eye ne megblɔ be, mele srɔ̃ ɖe ge le zã sia meadzi ŋutsuviwo la,
13
ɖe mialala, vaseɖe esime woatsia? Alo ɖe miatsi anyi srɔ̃maɖemaɖea? Gbeɖe, vinyewo! Mia tɔ koe le veyem, elabena Yehowa do asi ɖe gbɔnye!
14
Tete wogafa avi sesĩe. Eye Orpa ɖuɖɔ nu na lɔ̃xoa, ke Rut ya ku ɖe eŋu,
15
eye wògblɔ bena: Kpɔ ɖa, atsuwòsi gbugbɔ yina eƒe ɖukɔ kple eƒe mawu gbɔ; gbugbɔ dze atsuwòsi yome!
16
Ke Rut gblɔ bena: Megaƒoe ɖe nunye be, magblẽ wò ɖi agbugbɔ le yowòme o! Ke boŋ afisi nayi la, afima mayi; afisi natsi la, afima matsi; wò dukɔ anye nye dukɔ, eye wò Mawu anye nye Mawu;
17
afisi naku ɖo la, afima maku ɖo, eye afima woaɖim ɖo! Yehowa nefiam, ne wòagafiam ɖe dzi; negbe ku koe aklã mía dome!
18
Esi wòkpɔ be, eɖoe kplikpaa be, yeayi kplii la, edzudzɔ nyaƒoƒo ɖe enu.
19
Ale woa kple eve la wodze mɔ heva Betlexem. Eye esi woɖo Betlexem la, du blibo la ƒo zi ɖe wo ŋu le gbɔgblɔm bena. Naomi enye sia?
20
Ke egblɔ na wo bena: Migayɔm be Naomi o, hafi boŋ miyɔ Mara nam: elabena ŋusẽkatãtɔ la do nublanuitɔm!
21
Metsɔ nu geɖe yii, ke Yehowa kplɔm gbɔe asi gbɔloe; nukaŋuti miele yɔyem be Naomi, evɔ wònye Yehowa do nublanuitɔm ɖe?
22
Ale Naomi gbɔ va aƒe, eye lɔ̃xoa Rut, Moab-nyɔnu la, kpe ɖe eŋu tso Moab-nyigba dzi; eye wova Betlexem, esime wodze nuŋeŋe gɔme.











Rut 1:1
Rut 1:2
Rut 1:3
Rut 1:4
Rut 1:5
Rut 1:6
Rut 1:7
Rut 1:8
Rut 1:9
Rut 1:10
Rut 1:11
Rut 1:12
Rut 1:13
Rut 1:14
Rut 1:15
Rut 1:16
Rut 1:17
Rut 1:18
Rut 1:19
Rut 1:20
Rut 1:21
Rut 1:22






Rut 1 / Rut 1
Rut 2 / Rut 2
Rut 3 / Rut 3
Rut 4 / Rut 4