A A A A A
Facebook Instagram Twitter
Ewe Bible 1913

Ʋɔnudrɔlawo 4



1
Ke esi Ehud ku la, Israel viwo gade asi nusi medze Yehowa ŋu o la wɔwɔ me.
2
Eyata Yehowa tso wo dzra na Kanaan-fia Yabin, amesi ɖu dzi le Xazor; eƒe aʋafia nye Sisera, amesi nɔ Xaroset-Goyim.
3
Eye Israel-viwo ɖo ɣli na Yehowa, elabena gatasiaɖam alafa asieke le esi, eye wòle Israel-viwo ɖe anyi sesẽtɔe ƒe blave sɔŋ.
4
Ɣemaɣi la nyɔnu-nyagblɔɖila Debora, Lapidot srɔ̃e, drɔ̃ ʋɔnu na Israel.
5
Ena Debora ƒe ɖeti te le Rama kple Betel dome le Efrayim-to dzi, eye Israel-viwo yia egbɔ ɖadrɔ̃a ʋɔnu.
6
Eye wòdɔ ame woyi ɖayɔ Barak, Abinoam vi, tso Kedes-Naftali vɛ, eye wògblɔ nɛ bena: Yehowa, Israel ƒe Mawu la, ɖe se na wò be: Ho, yi Tabor-to la dzi, naɖe ame akpe ewo tso Naftali-viwo kple Zebulon-viwo dome kpe ɖe ɖokuiwò ŋu;
7
makplɔ Sisera, Yabin ƒe aʋafia kple eƒe tasiaɖamwo kpakple eƒe aʋakɔ ava gbɔwò le Kison-toʋu la nu, eye matsɔe ade asi na wò!
8
Tete Barak gblɔ nɛ bena: Ne ayi kplim la, ekema mayi; ke ne màyi kplim o la, ekema nye hã nyemayi o.
9
Eɖo ŋu bena: Mele yiyi ge kpli wò tso; ke bubu, si le mɔ, si dzi dze ge nala me la, manye tɔwò o, elabena Yehowa atsɔ Sisera ade asi na nyɔnua ɖe! Eye Debora tso yi Kedes kple Barak.
10
Tete Barak yɔ Zebulon kple Naftali va kpe ta ɖe Kedes, eye ŋutsu akpe ewo ho dze eyome, eye Debora hã yi kplii.
11
Ke Xeber. Kenitɔ la, ʋu tso Mose ƒe nyo Xobab viwo, siwo nye Kenitɔwo la gbɔ, eye wòva tu eƒe agbadɔwo ɖe logotiwo gbɔ le Zaanayim le Kedes gbɔ.
12
Eye esi wogblɔ na Sisera bena, Barak, Abinoam vi, ho va Tabor-to ŋu la,
13
tete Sisera dzra eƒe gatasiaɖamwo katã ɖo, eye eya kple eƒe aʋakɔ blibo la ho tso Xaroset-Goyim va kpe ta ɖe Kison-tɔʋu la nu.
14
Eye Debora gblɔ na Barak bena: Tso! Elabena egbe sia Yehowa le Sisera tso ge aɖe asi na wò. Alo ɖe Yehowa medze ŋgɔwò oa? Tete Barak ɖi tso Tabor-to la dzi, eye ame akpe ewo dze eyome.
15
Eye Yehowa tsɔ yi de zi Sisera kple eƒe tasiaɖamwo katã kple eƒe aʋakɔ blibo la me le Barak ŋgɔ, eye Sisera ɖi le eƒe tasiaɖam me heto afɔ si.
16
Ke Barak ti tasiaɖamwo kple aʋakɔ la yome vaseɖe Xaroset-Goyim; eye Sisera ƒe aʋakɔ blibo la tsi yi nu, ame ɖeka hɔ̃ hã mekpɔtɔ o.
17
Ke Sisera to afɔ si va Yael, Kenitɔ Xeber srɔ̃ ƒe agbadɔ gbɔ, elabena ŋutifafa le Xazor-fia, Yabin kple Kenitɔ Xeber ƒe aƒe la dome.
18
Tete Yael yi ɖakpe Sisera gblɔ ne bena: Va, nye amegã, va dze gbɔnye, eye megavɔ̃ o! Enumake wòyi egbɔ le eƒe agbadɔ me, eye nyɔnu la tsɔ avɔ tsyɔ nɛ.
19
Eye wogblɔ nɛ bena: Taflatse, na tsi via ɖem mano, elabena tsikɔ le wuyem. Enumake wòʋu notsilãgbalẽgolo la, eye wonae wòno, emegbe wògatsyɔ avɔ nɛ.
20
Eyome wògblɔ nɛ bena: Yi, natsi tre ɖe agbadɔ la ƒe mɔnu, eye ne amea ɖe va bia wò bena: amea ɖe le afisia hã la, ekema gblɔ bena: O!
21
Tete Xeber srɔ̃ Yael tsɔ agbadɔtsyɔti, eye wotsɔ zu ɖe asi yi egbɔ dzaa, eye wòƒu tsyoti la ɖe tonu nɛ mimi ɖe anyigba. Ke edɔ alɔ yi me ʋĩ, elabena ɖeɖi le eŋu, eye woku.
22
Esi Barak ti Sisera yome la, Yael do go va kpee, eye wògblɔ nɛ bena: Va, ne mafia amesi ɖim nèle la wò! Esi wòyi la, ekpa Sisera ku ɖi, eye tsyoti ƒo ɖe tonu nɛ.
23
Ale Mawu baba Kanaan-fia Yabin ɖe anyi le ŋkeke ma dzi le Israel-viwo ŋku me enye si.
24
Eye Israel-viwo ƒe asi kpe Kanaan-fia Yabin dzi, vaseɖe esime wotsɔe vo keŋkeŋ.











Ʋɔnudrɔlawo 4:1
Ʋɔnudrɔlawo 4:2
Ʋɔnudrɔlawo 4:3
Ʋɔnudrɔlawo 4:4
Ʋɔnudrɔlawo 4:5
Ʋɔnudrɔlawo 4:6
Ʋɔnudrɔlawo 4:7
Ʋɔnudrɔlawo 4:8
Ʋɔnudrɔlawo 4:9
Ʋɔnudrɔlawo 4:10
Ʋɔnudrɔlawo 4:11
Ʋɔnudrɔlawo 4:12
Ʋɔnudrɔlawo 4:13
Ʋɔnudrɔlawo 4:14
Ʋɔnudrɔlawo 4:15
Ʋɔnudrɔlawo 4:16
Ʋɔnudrɔlawo 4:17
Ʋɔnudrɔlawo 4:18
Ʋɔnudrɔlawo 4:19
Ʋɔnudrɔlawo 4:20
Ʋɔnudrɔlawo 4:21
Ʋɔnudrɔlawo 4:22
Ʋɔnudrɔlawo 4:23
Ʋɔnudrɔlawo 4:24






Ʋɔnudrɔlawo 1 / Ʋɔn 1
Ʋɔnudrɔlawo 2 / Ʋɔn 2
Ʋɔnudrɔlawo 3 / Ʋɔn 3
Ʋɔnudrɔlawo 4 / Ʋɔn 4
Ʋɔnudrɔlawo 5 / Ʋɔn 5
Ʋɔnudrɔlawo 6 / Ʋɔn 6
Ʋɔnudrɔlawo 7 / Ʋɔn 7
Ʋɔnudrɔlawo 8 / Ʋɔn 8
Ʋɔnudrɔlawo 9 / Ʋɔn 9
Ʋɔnudrɔlawo 10 / Ʋɔn 10
Ʋɔnudrɔlawo 11 / Ʋɔn 11
Ʋɔnudrɔlawo 12 / Ʋɔn 12
Ʋɔnudrɔlawo 13 / Ʋɔn 13
Ʋɔnudrɔlawo 14 / Ʋɔn 14
Ʋɔnudrɔlawo 15 / Ʋɔn 15
Ʋɔnudrɔlawo 16 / Ʋɔn 16
Ʋɔnudrɔlawo 17 / Ʋɔn 17
Ʋɔnudrɔlawo 18 / Ʋɔn 18
Ʋɔnudrɔlawo 19 / Ʋɔn 19
Ʋɔnudrɔlawo 20 / Ʋɔn 20
Ʋɔnudrɔlawo 21 / Ʋɔn 21