A A A A A
Facebook Instagram Twitter
Ewe Bible 1913

Nyaɖeɖefia 1



1
Yesu Kristo ƒe nyaɖeɖefia, si Mawu tsɔ nɛ, be wòafia nusiwo lava ve me kaba la, eƒe dɔlawo la, enye esi; eye wòto eƒe mawudɔla, si wòdɔ ɖa la, dzi heɖe wo me fia eƒe dɔla Yohanes,
2
amesi ɖi ɖase le Mawu ƒe nya kple Yesu Kristo ƒe ɖaseɖiɖi ŋuti, abe alesi wòkpɔ nuawo katãe ene.
3
Woayra amesi le nyagblɔɖi sia ƒe nyawo xlẽm kple amesiwo le wo sem, eye wole nusiwo woŋlɔ ɖe eme la, dzram ɖo; elabena ɣeyiɣi la tu aƒe.
4
Yohanes ŋlɔ ɖo ɖe hame adre, siwo le Asia la bena: Amenuveve kple ŋutifafa nana anyi kpli mi tso amesi li, eye wònɔ anyi, eye wòle vavagela gbɔ, eye tso gbɔgbɔ adre, siwo le eƒe fiazikpui ŋgɔ la gbɔ,
5
eye tso Yesu Kristo, amesi nye ɖaseɖila nyateƒetɔ kple ame kukuwo ƒe ŋgɔgbetɔ kple anyigba dzi fiawo ƒe dziɖula la gbɔ! Amesi lɔ̃a mí, eye wòtso eƒe ʋu klo míaƒe nuvɔ̃wo ɖa le mía ŋuti,
6
eye wòwɔ mí hawo kple nunɔlawo hena eƒe Mawu Fofo la, eya to lanye ŋutikɔkɔe kple ŋusẽ tso mava me yi ɖe mavɔ me! Amen.
7
Kpɔ ɖa, egbɔna kple alilikpowo, eye ŋku sia ŋku lakpɔe, eye amesiwo ƒo mi ɖee hã, lakpɔe, eye anyigba dzi ƒomeawo katã lawu avi hoo le eŋuti! Ẽ, amen.
8
Nyee nye Alfa kple Omega, gɔmedzedze kple nuwuwu; ale Aƒetɔ Mawu, amesi li, eye wònɔ anyi, eye wòle vava ge, amesi nye ŋusẽkatãtɔ la, gblɔ esi!
9
Nye Yohanes, mia nɔvi kple miaƒe hagomekpɔla le Yesu Kristo ƒe fukpekpe kple fiaɖuƒe kple dzidodo me la, menɔ ƒukpo, si woyɔna be Patmo la dzi le Mawu ƒe nya kple Yesu Kristo ƒe ɖaseɖiɖi ta.
10
Menɔ gbɔgbɔ me le Aƒetɔ ƒe ŋkeke la azi, eye mese gbe gãa ɖe le ɖiɖim le megbenye, abe kpẽ ƒe gbeɖiɖi ene, gblɔ bena:
11
Nusi nèkpɔ la, ŋlɔe ɖe agbalẽ me, eye natsɔe aɖo ɖe hame adre, siwo le Efeso kple Smirna kple Pergamo kple Tiatira kple Sardes kple Filadelfia kple Laodikea.
12
Eye metrɔ be, makpɔ gbe, si ƒo nu kplim la. Eye esi metrɔ la, mekpɔ sikakaɖiti adre,
13
eye le sikakaɖiti adreawo titina la amea ɖe li, si ɖi amegbetɔvi, edo awu ʋlaya, eye wotsɔ sikalidziblanu bla akɔta.
14
Eye teƒe ta kple eƒe taɖa fu tititi abe alẽfu ɣi ene, eye abe sno ene, eye eƒe ŋkuwo le abe dzo ƒe aɖe ene,
15
eye eƒe afɔwo ɖi gadzẽ, si wode kpodzo me wòbiã hẽ, eye eƒe gbe le abe tsi sisi geɖewo ƒe gbeɖiɖi ene.
16
Eye ɣletivi adre le eƒe nuɖusi me, eye yi ɖaɖi: nuevee do tso eƒe nu me, eye eƒe mo le keklẽm, abe alesi ɣe klẽna sesĩe ene.
17
Eye esi mekpɔe la, medze anyi ɖe eƒe afɔ nu abe ame kuku ene. Eye wòda eƒe nuɖusi ɖe dzinye gblɔ bena: Megavɔ̃ o, nyee nye gbãtɔ kple mlɔetɔ
18
kple amesi le agbe, meku, eye kpɔ ɖa, mele agbe tso mavɔ me yi ɖe mavɔ me, eye ku kple tsiẽƒe safuiwo le asinye.
19
Azɔ ŋlɔ nusiwo nèkpɔ kple nusiwo li kpakple nusiwo le vava ge le nusiawo megbe la.
20
Ɣletivi adre, siwo nèkpɔ le nye nuɖusi me kple sikakaɖiti adre la ƒe nya ɣaɣla enye si: Ɣletivi adreawoe nye hame adreawo ƒe dɔlawo, eye akaɖiti adreawoe nye hame adreawo.











Nyaɖeɖefia 1:1
Nyaɖeɖefia 1:2
Nyaɖeɖefia 1:3
Nyaɖeɖefia 1:4
Nyaɖeɖefia 1:5
Nyaɖeɖefia 1:6
Nyaɖeɖefia 1:7
Nyaɖeɖefia 1:8
Nyaɖeɖefia 1:9
Nyaɖeɖefia 1:10
Nyaɖeɖefia 1:11
Nyaɖeɖefia 1:12
Nyaɖeɖefia 1:13
Nyaɖeɖefia 1:14
Nyaɖeɖefia 1:15
Nyaɖeɖefia 1:16
Nyaɖeɖefia 1:17
Nyaɖeɖefia 1:18
Nyaɖeɖefia 1:19
Nyaɖeɖefia 1:20






Nyaɖeɖefia 1 / Nya 1
Nyaɖeɖefia 2 / Nya 2
Nyaɖeɖefia 3 / Nya 3
Nyaɖeɖefia 4 / Nya 4
Nyaɖeɖefia 5 / Nya 5
Nyaɖeɖefia 6 / Nya 6
Nyaɖeɖefia 7 / Nya 7
Nyaɖeɖefia 8 / Nya 8
Nyaɖeɖefia 9 / Nya 9
Nyaɖeɖefia 10 / Nya 10
Nyaɖeɖefia 11 / Nya 11
Nyaɖeɖefia 12 / Nya 12
Nyaɖeɖefia 13 / Nya 13
Nyaɖeɖefia 14 / Nya 14
Nyaɖeɖefia 15 / Nya 15
Nyaɖeɖefia 16 / Nya 16
Nyaɖeɖefia 17 / Nya 17
Nyaɖeɖefia 18 / Nya 18
Nyaɖeɖefia 19 / Nya 19
Nyaɖeɖefia 20 / Nya 20
Nyaɖeɖefia 21 / Nya 21
Nyaɖeɖefia 22 / Nya 22